Qishloq joylarda namunaviy loyihalar boʻyicha yakka tartibdagi uy-joylar qurilishining 2013-yil Dasturi toʻgʻrisida (PQ-1902-son)

04.01.2013

Oʻzbekiston Respublikasi Prezidentining

Qarori

Qishloq aholi punktlarining arxitektura-rejalashtirish qiyofasini yanada yaxshilash, namunaviy loyihalar boʻyicha yakka tartibdagi uy-joy qurilishi koʻlamini kengaytirish, qishloqda transport va muhandislik kommunikatsiyalarini, ijtimoiy va bozor infratuzilmasi obyektlarini jadal rivojlantirish hisobiga qishloq aholisining turmush darajasi va sifatini oshirish maqsadida:

1. Oʻzbekiston Respublikasi Iqtisodiyot vazirligi, Moliya vazirligi, “Davarxitektqurilish” qoʻmitasi, “Qishloq qurilish bank” OATB va “Qishloq qurilish invest” injiniring kompaniyasi tomonidan Qoraqalpogʻiston Respublikasi Vazirlar Kengashi va viloyatlar hokimliklari bilan birgalikda qishloq joylarda namunaviy loyihalar boʻyicha yakka tartibdagi uy-joylar qurilishi yuzasidan ishlab chiqilgan:

1-ilovaga muvofiq 2013-yilda qishloq joylarda namunaviy loyihalar boʻyicha yakka tartibdagi uy-joylarni “kaliti bilan topshirish” sharti asosida qurish uchun respublika tijorat banklarining va Osiyo taraqqiyot bankining imtiyozli ipoteka kreditlarini va Oʻzbekiston Respublikasi Moliya vazirligining maqsadli kredit liniyasini jalb qilish yoʻli bilan;

2- ilovaga muvofiq 2013-yilda yakka tartibdagi uy-joy qishloq massivlarida transport kommunikatsiyalari va tashqi muhandislik tarmoqlari;

3- ilovaga muvofiq 2013-yil yakka tartibdagi qishloq uy-joy massivlarida ijtimoiy va bozor infratuzilmasi obyektlari qurilishlarining asosiy parametrlari nazarda tutilgan 2013-yil Dasturi maʼqullansin.

Qoraqalpogʻiston Respublikasi Vazirlar Kengashi Raisi, viloyatlar hokimlari, “Qishloq qurilish invest” IK, “Qishloq qurilish bank” OATB va boshqa ishtirok etuvchi tijorat banklari, “Davarxitektqurilish” qoʻmitasi, “Oʻzbekenergo” DAK hamda “Oʻztransgaz” AK rahbarlari zimmasiga mazkur qaror bilan maʼqullangan Dastur parametrlari oʻz vaqtida va sifatli bajarilishi yuzasidan shaxsiy javobgarlik yuklatilsin.

2. Oʻzbekiston Respublikasi Moliya vazirligi, Iqtisodiyot vazirligi va Markaziy bankining qishloq joylarda namunaviy loyihalar boʻyicha yakka tartibdagi uy-joylarni “kaliti bilan topshirish” sharti asosida qurilishini moliyalashtirishga 2013-yildan boshlab, “Qishloq qurilish bank” OATB bilan bir qatorda, Oʻzbekiston Respublikasi Tashqi iqtisodiy faoliyat milliy banki hamda “Ipoteka bank” ATIB (kelgusida — “ishtirok etuvchi tijorat banklari” deb yuritiladi) ni jalb etish toʻgʻrisidagi takliflari qabul qilinsin.

3. Maʼlumot uchun qabul qilinsinki, Oʻzbekiston Respublikasi bilan Osiyo taraqqiyot banki (OTB) oʻrtasida 2011-yil 29-iyulda tuzilgan “Qishloq joylarda uy-joy qurilishini rivojlantirish” toʻgʻrisidagi koʻp transhli Dasturni moliyalashtirishga doir bitimga muvofiq, 2013-yilda Dasturni amalga oshirishda ishtirok etuvchi tijorat banklari orqali qayta moliyalashtiriladigan qarzning 200,0 mln AQSH dollari miqdoridagi ikkinchi transhi beriladi.

4. Belgilab qoʻyilsinki:

Osiyo taraqqiyot banki qarzining ikkinchi transhini qaytarish, shuningdek uning foizlari va komissiyalarini toʻlash ishtirok etuvchi tijorat banklarining mablagʻlari va Oʻzbekiston Respublikasi Davlat budjeti mablagʻlari hisobidan amalga oshiriladi;

2020-yil 1-iyulgacha jismoniy shaxslar, qishloq joylarda namunaviy loyihalar boʻyicha yakka tartibdagi uy-joylar qurilishi Dasturi doirasida, ipoteka kreditini toʻlab boʻlmagunga qadar, xarid qilingan uy-joylar boʻyicha mulk soligʻini toʻlashdan ozod qilinadilar.

5. Oʻzbekiston Respublikasining moliya vaziriga Oʻzbekiston Respublikasi nomidan:

davriy moliyalashtirish uchun “Qishloq joylarda uy-joy qurilishini rivojlantirish” Dasturi doirasida ikkinchi transh mablagʻlarini ajratish boʻyicha OTBga talabnomani;

“Qishloq joylarda uy-joy qurilishini rivojlantirish” Dasturining ikkinchi transhiga OTB bilan qarz bitimini;

“Qishloq joylarda uy-joy qurilishini rivojlantirish” Dasturi doirasida ishtirok etuvchi tijorat banklari bilan qarzning ikkinchi transhini qayta kreditlash toʻgʻrisidagi bitimni imzolash vakolati berilsin.

6. “Qishloq qurilish bank” OATB, Oʻzbekiston Respublikasi Tashqi iqtisodiy faoliyat milliy banki va “Ipoteka bank” ATIB “Qishloq joylarda uy-joy qurilishini rivojlantirish” koʻp transhli Dastur qarzining ikkinchi transhi boʻyicha Osiyo taraqqiyot banki bilan loyihaviy bitim imzolasinlar.

7. Oʻzbekiston Respublikasi Adliya vazirligi Oʻzbekiston Respublikasi bilan Osiyo taraqqiyot banki oʻrtasidagi qarz bitimi, shuningdek koʻp transhli “Qishloq joylarda uy-joy qurilishini rivojlantirish” Dasturi qarzining ikkinchi transhi doirasida ishtirok etuvchi tijorat banklari bilan qayta kreditlash toʻgʻrisidagi bitimlar boʻyicha belgilangan tartibda yuridik xulosalar bersin.

8. Oʻzbekiston Respublikasi Moliya vazirligi:

qishloq joylarda namunaviy loyihalar boʻyicha yakka tartibdagi uy-joylarni “kaliti bilan topshirish” sharti asosida qurilishini moliyalashtirish uchun 1-ilovadagi roʻyxatga muvofiq maqsadli kredit liniyalarini 15 yil muddatga, shundan 5 yillik imtiyozli muddat, foizli stavkasi yiliga 3 foiz ochsin;

kelgusida “Qishloq qurilish invest” IKni qayta moliyalashtirish uchun, qishloq joylarda yakka tartibdagi uy-joylar qurilishi Dasturini qoʻshimcha moliyalashtirish kredit liniyasi summasi doirasida, “Qishloq qurilish bank” OATB va ishtirok etuvchi boshqa tijorat banklarini ularning soʻrovnomalari asosida aylanma mablagʻlar bilan taʼminlab tursin;

Qoraqalpogʻiston Respublikasi Vazirlar Kengashi va viloyatlar hokimliklarining asosli hisob-kitoblariga binoan Respublika yoʻl jamgʻarmasi mablagʻlari hisobidan massiv ichidagi va massivga olib boruvchi yoʻllar qurilishi uchun 2013-yilda zarur kapital qoʻyilmalar limitlari ajratishni nazarda tutsin.

9. Oʻzbekiston Respublikasi Iqtisodiyot vazirligi Oʻzbekiston Respublikasi Prezidentining 2012-yil 21-noyabrdagi PQ-1855-sonli “Oʻzbekiston Respublikasining 2013-yil Investitsiya dasturi toʻgʻrisida”gi qarori bilan tasdiqlangan qishloq joylarda yakka tartibdagi uy-joylar qurilishining kapital qoʻyilmalari parametrlariga oʻrnatilgan tartibda tegishli oʻzgartishlar kiritsin.

10. Qoraqalpogʻiston Respublikasi Vazirlar Kengashi va viloyatlar hokimliklari:

Oʻzbekiston Respublikasi Davlat arxitektura va qurilish qoʻmitasi, “Qishloq qurilish invest” IK bilan birgalikda 2013-yilning 1-fevraligacha 2013-yilda namunaviy loyihalar boʻyicha qishloq joylarda yakka tartibdagi uy-joylarni “kaliti bilan topshirish” sharti asosida qurilishini amalga oshirish uchun pudrat tashkilotlarini aniqlash boʻyicha tanlov savdolari oʻtkazilishini;

ishtirok etuvchi tijorat banklari “Qishloq qurilish invest” IK bilan birgalikda bir hafta muddatda oʻtkazilgan savdo tanlovlari natijalari boʻyicha 2013-yilda namunaviy loyihalar boʻyicha yakka tartibdagi uy-joylarni “kaliti bilan topshirish” sharti asosida qurish uchun buyurtmachi bilan pudrat tashkilotlari oʻrtasida shartnomalar tuzilishini;

2 va 3-ilovalarda maʼqullangan parametrlarga muvofiq yakka tartibdagi uy-joy qishloq massivlarida bozor infratuzilmasi hamda tashqi muhandislik tarmoqlari obyektlari qurilishini tashkil etishni taʼminlasinlar.

11. Oʻzbekiston Respublikasi Moliya vazirligi, Oʻzbekiston Respublikasi Tiklanish va taraqqiyot jamgʻarmasi, “Qishloq qurilish bank” OATB va uning aksiyadorlarining:

“Qishloq qurilish bank” OATBning ustav kapitalini Oʻzbekiston Respublikasi Moliya vazirligi tomonidan 2013-yilda respublika budjeti daromadlari prognozi oshirib bajarilganidan olingan mablagʻlar hisobidan Oʻzbekiston Respublikasi Moliya vazirligi ulushini oshirish hisobiga 88,0 mlrd soʻm miqdorida koʻpaytirish toʻgʻrisidagi;

4-ilovaga muvofiq roʻyxat boʻyicha qurilish materiallari ishlab chiqaruvchi korxonalarni “Qishloq qurilish invest” IK balansidan “Qishloq qurilish bank” OATB balansiga oʻtkazish toʻgʻrisidagi takliflariga rozilik berilsin.

12. Qoraqalpogʻiston Respublikasi Vazirlar Kengashi, viloyatlar hamda tumanlar hokimliklari 2013-yildan boshlab namunaviy loyihalar boʻyicha yakka tartibdagi uy-joylar qurilishi uchun yerlarni ajratishda mavjud massivlarning hududlarini kengaytirishga, kengaytirishning iloji boʻlmaganda esa, tashqi muhandislik kommunikatsiyalariga ulanish imkoniyati boʻlgan sugʻorilmaydigan yoki unumdorligi past qishloq xoʻjaligi yerlaridan foydalanishga alohida eʼtibor bersin.

Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasi Davlat arxitektura va qurilish qoʻmitasi hamda Qoraqalpogʻiston Respublikasi Vazirlar Kengashi va viloyatlar hokimliklari bilan birgalikda bir oy muddatda namunaviy loyihalar boʻyicha yakka tartibdagi uy-joylar qurish uchun tashqi muhandislik kommunikatsiyalariga ulanish imkoniyati boʻlgan sugʻorilmaydigan hamda unumdorligi past qishloq xoʻjaligi yer uchastkalarini aniqlasin.

13. Oʻzbekiston Respublikasi Iqtisodiyot vazirligi, Tashqi iqtisodiy aloqalar, investitsiyalar va savdo vazirligining “Oʻzsanoatmashimpeks” DATK tomonidan “Qishloq qurilish invest” IK bilan tuziladigan shartnomalarga muvofiq namunaviy loyihalar boʻyicha qishloq joylarda yakka tartibdagi uy-joylar qurish uchun respublikada ishlab chiqarilmaydigan yogʻoch-taxta, tomga yopiladigan metall tunukalar va yogʻoch payraha qirindilaridan tayyorlangan plitalarni 5-ilovaga muvofiq hajmlarda import boʻyicha olib kelinishi toʻgʻrisidagi taklifi qabul qilinsin.

Oʻzbekiston Respublikasi Tashqi iqtisodiy aloqalar, investitsiyalar va savdo vazirligi (E.M. Gʻaniyev) mazkur qurilish materiallarini import boʻyicha olib kelish uchun “Oʻzsanoatmashimpeks” DATKga ajratiladigan valyuta mablagʻlaridan maqsadli foydalanilishini alohida nazoratga olsin.

14. 2014-yilning 1-yanvarigacha:

“Oʻzsanoatmashimpeks” DATK 5-ilovaga muvofiq olib kelinadigan tomga yopiladigan metall tunukalar uchun bojxona toʻlovlaridan (bojxona yigʻimlaridan tashqari), shuningdek importga olib kelingan yogʻoch-taxta, tomga yopiladigan metall tunukalarni va yogʻoch payraha qirindilaridan tayyorlangan plitalarni “Qishloq qurilish invest” IKga sotilganida qoʻshilgan qiymat soligʻi toʻlashdan;

subpudrat tashkilotlar — yakka tartibdagi uy-joylarni “kaliti bilan topshirish” sharti asosida qurish doirasida “Qishloq qurilish invest” Injiniring kompaniyasi bilan shartnomalar tuzgan pudratchi tashkilotlar bilan shartnoma boʻyicha ular tomonidan bajarilgan ish hajmlari qismida yagona soliq toʻlovi toʻlashdan;

4-ilovaga muvofiq roʻyxat boʻyicha qurilish materiallarini ishlab chiqaruvchi korxonalar — barcha turdagi soliqlardan, davlatning maqsadli jamgʻarmalariga (yagona ijtimoiy soliq bundan mustasno) hamda Taʼlim va tibbiyot muassasalarini rekonstruksiya qilish, mukammal taʼmirlash va jihozlash jamgʻarmasiga toʻlanadigan majburiy ajratmalardan ozod etilsin.

15. Oʻzbekiston Respublikasi Davlat soliq qoʻmitasi ushbu qarorni amalga oshirish doirasida olib kelinadigan yogʻoch-taxta, tomga yopiladigan metall tunukalar va yogʻoch payraha qirindilaridan tayyorlangan plitalarning maqsadli ishlatilishi ustidan qatʼiy nazorat oʻrnatsin.

Belgilab qoʻyilsinki, olib kelinadigan yogʻoch-taxta, tomga yopiladigan metall tunukalar va yogʻoch qirindilaridan tayyorlangan plitalar maqsadga muvofiq ishlatilmagan taqdirda, mazkur qaror bilan soliq va majburiy toʻlovlardan ozod qilingan mablagʻlar qonun hujjatlarida nazarda tutilgan jarima sanksiyalari qoʻllanilgan holda davlat budjetiga undirib olinadi.

16. Vazirlar Mahkamasi Qoraqalpogʻiston Respublikasi Vazirlar Kengashi va viloyatlar hokimliklari, “Qishloq qurilish invest” IK va manfaatdor banklar, idoralar hamda korxonalar, Oʻzbekiston Matbuot va axborot agentligi, Oʻzbekiston Milliy axborot agentligi, Oʻzbekiston Milliy teleradiokompaniyasi bilan birgalikda qishloq qiyofasini tubdan yaxshilash, qishloq aholisining turmush darajasi va sifatini oshirishga yoʻnaltirilgan namunaviy loyihalar boʻyicha qishloqda uy-joy qurilishini rivojlantirish borasida koʻrilayotgan chora-tadbirlarni keng yoritish boʻyicha telekoʻrsatuv va radioeshittirishlar turkumini hamda maqolalar chop etishni tashkil qilsin.

17. Oʻzbekiston Respublikasi Prezidentining “Qishloq joylarda uy-joy qurilishi koʻlamini kengaytirishga oid qoʻshimcha chora-tadbirlar toʻgʻrisida” 2009-yil 3-avgustdagi PQ-1167-son qarorining 9-bandidagi “OATB” soʻzidan keyin “Oʻzbekiston Respublikasi Tashqi iqtisodiy faoliyat milliy banki va “Ipoteka bank” ATIB” soʻzlari qoʻshib qoʻyilsin.

19. Mazkur qarorning ijrosini nazorat qilish Oʻzbekiston Respublikasining Bosh vaziri Sh.M. Mirziyoyev zimmasiga yuklansin.

Oʻzbekiston Respublikasi Prezidenti I. KARIMOV

Toshkent sh.,

2013-yil 4-yanvar,

PQ-1902-son

Oʻzbekiston Respublikasi Prezidentining 2013-yil 4-yanvardagi PQ-1902-sonli qaroriga 1-ILOVA

2013-yilda tayyor holda topshirish shartlarida qishloq joylarda namunaviy loyihalar boʻyicha yakka tartibdagi uy-joy qurilishining

ASOSIY PARAMETRLARI

T/r Hududlar nomi Massivlar soni Yer massivlari umumiy maydoni (ga) Uylar soni Respublika boʻyicha jami 353 997,1 10 000 shu jumladan: 1. Qoraqalpogʻiston Respublikasi 17 100,1 550 2. Andijon viloyati 45 69,8 900 3. Buxoro viloyati 36 75 730 4. Jizzax viloyati 18 43 550 5. Qashqadaryo viloyati 29 96 1 050 6. Navoiy viloyati 20 68,2 600 7. Namangan viloyati 33 62,8 700 8. Samarqand viloyati 28 102,4 1 050 9. Surxondaryo viloyati 21 98,1 810 10. Sirdaryo viloyati 10 47,5 430 11. Toshkent viloyati 39 95,8 1 050 12. Fargʻona viloyati 31 77,2 850 13. Xorazm viloyati 26 61,4 730

* Parametrlar loyiha-smeta hujjatlari ishlab chiqilishi va uygʻunlashtirilishi natijalariga qarab belgilangan tartibda toʻgʻrilab oʻzgartiriladi

Oʻzbekiston Respublikasi Prezidentining 2013-yil 4-yanvardagi PQ-1902-son qaroriga 2-ILOVA

2013-yilda yakka tartibdagi uy-joy qishloq massivlarida transport kommunikatsiyalari va tashqi muhandislik tarmoqlarini qurishning

ASOSIY PARAMETRLARI

T/r Hududlar nomi Suv taʼminoti tarmoqlari Elektr taʼminoti tarmoqlari Gaz taʼminoti tarmoqlari Kirish avtoyoʻllari Respublika boʻyicha 312,40 279,37 393,65 239,09 Shu jumladan: 1. Qoraqalpogʻiston Respublikasi 15,62 13,97 19,68 11,95 2. Andijon viloyati 28,11 25,14 35,43 21,51 3. Buxoro viloyati 22,83 20,39 28,74 17,50 4. Jizzax viloyati 16,24 14,53 20,47 12,43 5. Qashqadaryo viloyati 31,86 28,50 40,15 24,38 6. Navoiy viloyati 18,74 16,76 23,62 14,34 7. Namangan viloyati 21,87 19,56 27,56 16,73 8. Samarqand viloyati 32,80 29,33 41,33 25,10 9. Surxondaryo viloyati 25,30 22,63 31,89 19,36 10. Sirdaryo viloyati 13,43 12,01 16,93 10,28 11. Toshkent viloyati 36,24 32,41 45,66 27,73 12. Fargʻona viloyati 26,55 23,75 33,46 20,32 13. Xorazm viloyati 22,80 20,39 28,74 17,45

*Ishga tushirilayotgan quvvatlar dastlabki hisoblanib, loyiha-smeta hujjatlarini ishlab chiqish va unga moslashtirish natijalariga koʻra belgilangan tartibda tuzatishlar kiritiladi.

Izoh:

Suv taʼminoti obyektlari, gaz va elektr taʼminoti tarmoqlari hamda kirish yoʻllari qurishni moliyalashtirish tegishlicha respublika budjeti, “Oʻztransgaz” AJ, “Oʻzbekenergo” DAK va Respublika yoʻl jamgʻarmasi mablagʻlari hisobidan amalga oshiriladi.

Oʻzbekiston Respublikasi Prezidentining 2013-yil 4-yanvardagi PQ-1902-son qaroriga 3-ILOVA

2013-yilda yakka tartibdagi qishloq uy-joy massivlarida ijtimoiy va bozor infratuzilmasi obyektlari qurishning

ASOSIY PARAMETRLARI

T/r Hududlar nomi Guzarlar Savdo majmualari Bozorlar Nonvoyxonalar Maishiy xizmat majmualari Minibanklar Jami Respublika boʻyicha 29 53 9 36 47 3 177 Shu jumladan: 1. Qoraqalpogʻiston Respublikasi 4 2 3 1 3 1 14 2. Andijon viloyati 2 6 2 6 4 20 3. Buxoro viloyati 6 6 4. Jizzax viloyati 3 4 2 9 5. Qashqadaryo viloyati 3 7 1 1 4 1 17 6. Navoiy viloyati 2 3 4 4 13 7. Namangan viloyati 1 3 4 8 16 8. Samarqand viloyati 2 7 1 2 6 18 9. Surxondaryo viloyati 1 2 3 10. Sirdaryo viloyati 2 2 1 1 6 11. Toshkent viloyati 5 10 2 5 1 23 12. Fargʻona viloyati 8 5 5 5 1 24 13. Xorazm viloyati 4 3 1 8

Oʻzbekiston Respublikasi Prezidentining 2013-yil 4-yanvardagi PQ-1902-son qaroriga 4-ILOVA

“Qishloq qurilish invest” IK balansidan “Qishloq qurilish bank” OAKB balansiga oʻtkazilayotgan qurilish materiallari ishlab chiqaruvchi korxonalar

ROʻYXATI

1. “Qoraqalpoq qishloq qurilish servis” MCHJ 2. “Andijon qishloq qurilish servis” MCHJ 3. “Buxoro qishloq qurilish servis” MCHJ 4. “Jizzax qishloq qurilish servis” MCHJ 5. “Qashqadaryo qishloq qurilish servis” MCHJ 6. “Navoiy qishloq qurilish servis” MCHJ 7. “Namangan qishloq qurilish servis” MCHJ 8. “Samarqand qishloq qurilish servis” MCHJ 9. “Surxondaryo qishloq qurilish servis” MCHJ 10. “Toshkent viloyati qishloq qurilish servis” MCHJ 11. “Fargʻona qishloq qurilish servis” MCHJ 12. “Xorazm qishloq qurilish servis” MCHJ 13. “Toshkent qishloq qurilish servis” MCHJ

Oʻzbekiston Respublikasi Prezidentining 2013-yil 4-yanvardagi PQ-1902-son qaroriga 5-ILOVA

“Oʻzsanoatmashimpeks” DATK tomonidan “Qishloq qurilish invest” IK MCHJ bilan tuzilgan shartnomalarga muvofiq 2013-yilda namunaviy loyihalar boʻyicha qishloq joylarda yakka tartibdagi uy-joylar qurish uchun import orqali olib kiriladigan yogʻoch-taxta, tomga yopiladigan metall tunukalar va yogʻoch payraha qirindilaridan tayyorlanadigan plitalarning

HAJMI

T/r Qurilish materialining nomi TIF TN kodi Oʻlchov birligi Olib kiriladigan qurilish materiallari hajmi 1. 0,5 mm qalinlikdagi qizil-toʻq qizil rangli (RAL 3005) metall cherepitsa ishlab chiqarish uchun polimer qoplamaga ega va himoya boʻyoqli ruh qoplamali poʻlatdan yasalgan rulon 7212 40 800 0; 7210 70 800 0 TN 14 400 2. Ignabargli daraxtlardan (2,3 navlari) kesilgan yogʻoch-taxta materiallari 4409 10 180 0 kub. m 120 000 3. Yogʻoch payraha qirindidan tayyorlangan plitalari (DSP) GOST 10632-2007 4410 11 100 0 kub. m 25 000