Super elita, elita va keyingi avlodlarga mansub urugʻlik gʻalla yetishtirish huquqiga ega boʻlish uchun xoʻjaliklar oʻrtasida tanlov oʻtkazish tartibi toʻgʻrisidagi nizomga qoʻshimcha kiritish haqida (1794-1-son)

27.12.2012

Oʻzbekiston Respublikasi Qishloq va suv xoʻjaligi vazirining

buyrugʻi

[Oʻzbekiston Respublikasi Adliya vazirligi tomonidan 2012-yil 27-dekabrda roʻyxatdan oʻtkazildi, roʻyxat raqami 1794-1]

Oʻzbekiston Respublikasining “Urugʻchilik toʻgʻrisida”gi (Oʻzbekiston Respublikasi Oliy Majlisining Axborotnomasi, 1996-y., 9-son, 130-modda), “Seleksiya yutuqlari toʻgʻrisida”gi (Oʻzbekiston Respublikasi Oliy Majlisining Axborotnomasi, 2002-y., 9-son, 156-modda) qonunlari hamda Oʻzbekiston Respublikasi Prezidentining 2012-yil 22-oktabrdagi PF-4478-son “Oʻzbekistonda fermerlik faoliyatini tashkil qilishni yanada takomillashtirish va uni rivojlantirish chora-tadbirlari toʻgʻrisida”gi Farmoniga (Oʻzbekiston Respublikasi qonun hujjatlari toʻplami, 2012-y., 43-son, 493-modda) muvofiq buyuraman:

1. Oʻzbekiston Respublikasi qishloq va suv xoʻjaligi vazirining 2008-yil 22-martdagi 41-son buyrugʻi (roʻyxat raqami 1794, 2008-yil 17-aprel) (Oʻzbekiston Respublikasi qonun hujjatlari toʻplami, 2008-yil, 16-son, 126-modda) bilan tasdiqlangan Super elita, elita va keyingi avlodlarga mansub urugʻlik gʻalla yetishtirish huquqiga ega boʻlish uchun xoʻjaliklar oʻrtasida tanlov oʻtkazish tartibi toʻgʻrisidagi nizomning 2-bandi ikkinchi xatboshisi “tuman qishloq va suv xoʻjaligi boʻlimi boshligʻi (komissiya raisi),” degan soʻzlardan keyin “tuman fermerlar kengashi,” degan soʻzlar bilan toʻldirilsin.

2. Ushbu buyruq Oʻzbekiston Respublikasi Iqtisodiyot vazirligi, Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasi hamda “Oʻzdonmahsulot” aksiyadorlik kompaniyasi bilan kelishilgan.

3. Mazkur buyruq Oʻzbekiston Respublikasi Adliya vazirligida davlat roʻyxatidan oʻtkazilgan kundan boshlab oʻn kun oʻtgandan keyin kuchga kiradi.

Vazir Z. RUZIYEV

Toshkent sh.,

2012-yil 30-noyabr,

185/a-son

Kelishilgan:

Iqtisodiyot vaziri G. SAIDOVA

2012-yil 30-noyabr,

Yer resurslari, geodeziya, kartografiya va davlat kadastri davlat qoʻmitasi raisi S. ARABOV

2012-yil 30-noyabr,

“Oʻzdonmahsulot” aksiyadorlik kompaniyasi boshqaruvi raisi E. QUDRATOV

2012-yil 30-noyabr,