Dehqon va fermer xoʻjaliklari tomonidan yetishtirilgan meva va sabzavot mahsulotlarini va ularni qayta ishlab olingan mahsulotlarni chetga chiqarishni rasmiylashtirish tartibi, shuningdek unga kiritilgan oʻzgartirishlarni oʻz kuchini yoʻqotgan deb topish haqida (450-2-son)

21.12.2012

Oʻzbekiston Respublikasi Davlat bojxona qoʻmitasining

Qarori

[Oʻzbekiston Respublikasi Adliya vazirligi tomonidan 2012-yil 21-dekabrda roʻyxatdan oʻtkazildi, roʻyxat raqami 450-2]

Oʻzbekiston Respublikasi Prezidentining 2012-yil 18-iyuldagi PF–4455-son “Ishbilarmonlik muhitini yanada tubdan yaxshilash va tadbirkorlikka yanada keng erkinlik berish chora-tadbirlari toʻgʻrisida”gi Farmoniga (Oʻzbekiston Respublikasi qonun hujjatlari toʻplami, 2012-y., 29-son, 328-modda) muvofiq Oʻzbekiston Respublikasi Davlat bojxona qoʻmitasi qaror qiladi:

1. Quyidagilar oʻz kuchini yoʻqotgan deb hisoblansin:

Oʻzbekiston Respublikasi Davlat bojxona qoʻmitasi tomonidan 1998-yil 2-iyulda 03/12-166-son bilan tasdiqlangan Dehqon va fermer xoʻjaliklari tomonidan yetishtirilgan meva va sabzavot mahsulotlarini va ularni qayta ishlab olingan mahsulotlarni chetga chiqarishni rasmiylashtirish tartibi (roʻyxat raqami 450, 1998-yil 2-iyul);

Oʻzbekiston Respublikasi Davlat bojxona qoʻmitasi tomonidan 1998-yil 24-noyabrda Dehqon va fermer xoʻjaliklari tomonidan yetishtirilgan meva va sabzavot mahsulotlarini va ularni qayta ishlab olingan mahsulotlarni chetga chiqarishni rasmiylashtirish tartibiga 1-son oʻzgartirishlar (roʻyxat raqami 450-1, 1998-yil 30-noyabr).

2. Mazkur qaror Oʻzbekiston Respublikasi Qishloq va suv xoʻjaligi vazirligi hamda Oʻzbekiston fermerlari kengashi bilan kelishilgan.

3. Mazkur qaror 2013-yil 1-yanvardan kuchga kiradi.

Rais Z. DUSANOV

Toshkent sh.,

2012-yil 5-dekabr,

01-02/19-38-son

Kelishildi:

Qishloq va suv xoʻjaligi vaziri Z. RUZIYEV

2012-yil 5-dekabr

Oʻzbekiston fermerlari kengashi raisi S. TURDIYEV

2012-yil 5-dekabr