Xalqaro shartnomani tasdiqlash toʻgʻrisida (PP-1866-son)

03.12.2012

Oʻzbekiston Respublikasi Prezidentining

Qarori

1. Oʻzbekiston Respublikasi hamda Turkmaniston oʻrtasida 2013 — 2017-yillarda iqtisodiy hamkorlik qilish toʻgʻrisida 2012-yil 2-oktabr kuni Ashxobod shahrida imzolangan Shartnoma tasdiqlansin.

2. Oʻzbekiston Respublikasi Tashqi ishlar vazirligi Oʻzbekiston Respublikasi tomonidan mazkur xalqaro shartnoma kuchga kirishi uchun zarur boʻlgan ichki davlat tartib-tamoyillari bajarilgani toʻgʻrisida tegishli bildirishnoma yoʻllasin.

3. Oʻzbekiston Respublikasi Vazirlar Mahkamasi hamda tegishli vazirlik va idoralar rahbarlari ushbu xalqaro shartnoma kuchga kirgandan keyin belgilangan tartibda Oʻzbekiston Respublikasining majburiyatlari bajarilishi ustidan nazoratni taʼminlasinlar.

4. Mazkur qarorning ijrosini nazorat qilish Oʻzbekiston Respublikasining Bosh vaziri Sh.M. Mirziyoyev zimmasiga yuklansin.

Oʻzbekiston Respublikasi Prezidenti I. KARIMOV

Toshkent sh.,

2012-yil 3-dekabr,

PQ-1866-son