“Mevasabzavottayorlovsavdo” hududiy ixtisoslashtirilgan jamoalarini tugatish chora-tadbirlari toʻgʻrisida (PQ-1638-son)

09.11.2011

Oʻzbekiston Respublikasi Prezidentining

Qarori

Meva-sabzavot mahsulotlarini tayyorlash, saqlash va ulgurji sotish tizimida boshqaruv tuzilmasini yanada optimallashtirish, samarasiz, byurokratik vositachilik tuzilmalariga barham berish, respublika aholisini meva-sabzavot mahsulotlari bilan barqaror taʼminlashning bozor mexanizmlarini mustahkamlash va rivojlantirish maqsadida:

2. Qoraqalpogʻiston Respublikasi Vazirlar Kengashi va viloyatlar hokimliklarining, taʼsischi korxonalarning “Mevasabzavottayorlovsavdo” meva-sabzavot va kartoshkani tayyorlash, saqlash va ulgurji savdosi boʻyicha hududiy ixtisoslashtirilgan korxonalarni tugatish toʻgʻrisidagi taklifiga rozilik berilsin.

3. Qoraqalpogʻiston Respublikasi Vazirlar Kengashi va viloyat hokimiyatlari tegishli tijorat banklari hamda manfaatdor korxona va tashkilotlar bilan birgalikda bir hafta muddatda tugatish komissiyalarini tuzsin va amaldagi qonunchilikka muvofiq “Mevasabzavottayyorlovsavdo” hududiy ixtisoslashtirilgan kompaniyalarini tugatish boʻyicha tashkiliy-huquqiy chora-tadbirlarni amalga oshirsin.

Oʻzbekiston Respublikasi Davlat soliq qoʻmitasi, Davlat mulk qoʻmitasi, Oʻzbekiston Respublikasi Monopoliyadan chiqarish davlat qoʻmitasi, Oʻzbekiston Respublikasi Davlat statistika qoʻmitasi Qoraqalpogʻiston Respublikasi Vazirlar Kengashi va viloyatlar hokimliklariga “Mevasabzavottayorlovsavdo” hududiy ixtisoslashtirilgan jamiyatlari faoliyatini tugatish boʻyicha tashkiliy masalalarni hal etishda koʻmaklashsin.

4. “Mevasabzavottayorlovsavdo” hududiy ixtisoslashtirilgan jamiyatlarini qonunchilik hujjatlarida belgilangan tartibda tugatish boʻyicha barcha ishlarni muvofiqlashtirish hamda tugatish jarayonida yuzaga keladigan tashkiliy, huquqiy, mulkiy va boshqa masalalarni tezkorlik bilan koʻrib chiqish yuzasidan qarorlar qabul qilish uchun ilovada* keltirilgan roʻyxatga muvofiq Respublika ishchi guruhi tuzilsin.

* ilova berilmaydi.

Respublika ishchi guruhi (Sh.M. Mirziyoyev) tugatish komissiyalari tomonidan bir oy muddatda “Mevasabzavottayorlovsavdo” hududiy ixtisoslashtirilgan jamiyatlarini tugatish boʻyicha barcha zarur tartib-taomillarning amalga oshirilishini taʼminlasin va natijalarini 2011-yil 15-dekabrga qadar Oʻzbekiston Respublikasi Prezidenti devoniga maʼlum qilsin.

5. Oʻzbekiston Respublikasi Prezidentining 2009-yil 26-yanvardagi “Oziq-ovqat mahsulotlari ishlab chiqarishni kengaytirish va ichki bozorni toʻldirish yuzasidan qoʻshimcha chora-tadbirlar toʻgʻrisida”gi PQ-1047-son Farmonining 4-bandi va 8-bandining ikkinchi xatboshilari oʻz kuchini yoʻqotgan deb hisoblansin.

6. Mazkur qarorning ijrosini nazorat qilish Oʻzbekiston Respublikasining Bosh vaziri Sh.M. Mirziyoyev zimmasiga yuklansin.

Oʻzbekiston Respublikasi Prezidenti I. KARIMOV

Toshkent sh.,

2011-yil 9-noyabr,

PQ–1638-son