“Toshkent IESDa 370 MVt quvvatga ega bugʻ-gazli qurilmani qurish” investitsion loyihasini amalga oshirish chora-tadbirlari toʻgʻrisida (293-son)

16.10.2012

Oʻzbekiston Respublikasi Vazirlar Mahkamasining

qarori

Oʻzbekiston Respublikasi Prezidentining “2011 — 2015-yillarda Oʻzbekiston Respublikasi sanoatini rivojlantirishning ustuvor yoʻnalishlari toʻgʻrisida”gi 2010-yil 15-dekabrdagi PQ-1442-son qaroriga muvofiq elektr energiyasini ishlab chiqarish quvvatlarini zamonaviy energiya samarador texnologiyalarni joriy etish yoʻli bilan yanada rivojlantirish hamda respublika isteʼmolchilarini barqaror elektr energiyasi bilan taʼminlash maqsadida Vazirlar Mahkamasi qaror qiladi:

1. Maʼlumot uchun qabul qilinsin, “Toshkent IESda 370 MVt quvvatga ega bugʻ-gaz qurilmasini qurish” investitsion loyihasini (keyingi oʻrinlarda — loyiha) amalga oshirish doirasida:

oʻtkazilgan xalqaro tender natijalariga koʻra “Oʻzbekenergo” DAK tomonidan 2008-yil 19-dekabrda “SYNECTA a.s.” (Slovakiya) va “ISTROENERGO GROUP a.s.” (Slovakiya), “SNC Lavalin Polska, Sp.zo.o” (Polsha) hamkorligida, kompaniyalar konsorsiumi bilan (keyingi oʻrinlarda — konsorsium) Toshkent IESda 370 MVt quvvatga ega bugʻ-gaz qurilmasi injiniringi, xarid qilish va qurish boʻyicha 1-BT-2008 sonli shartnoma (keyingi oʻrinlarda — Shartnoma) imzolangan;

qurilish direksiyasining funksiyalari konsorsium va norezident “SYNECTA a.s.” (Slovakiya) kompaniyasining doimiy muassasasi nomidan Oʻzbekiston Respublikasida belgilangan tartibda roʻyxatdan oʻtgan “SYNECTA Central Asia” MCHJ zimmasiga yuklatilgan;

“Oʻzbekenergo” DAK va Xitoy Davlat taraqqiyot banki oʻrtasida loyihani birgalikda moliyalashtirish uchun 2012-yil 8-avgustda 220 mln AQSH dollari miqdorida 6510201201100000066-sonli kredit shartnomasi tuzilgan.

2. Quyidagilar umumiy qiymati 511,859 mln AQSH dollari boʻlgan loyihani moliyalashtirish manbalari etib belgilansin:

Oʻzbekiston Respublikasi tiklanish va taraqqiyot Jamgʻarmasining qayta moliyalashtiriladigan 76,2 mln AQSH dollari Oʻzbekiston Respublikasi Tashqi iqtisodiy faoliyat milliy banki tomonidan miqdoridagi krediti 10 yil muddatga, shu jumladan imtiyozli davr — 3 yil, yilli 2,5 foiz stavkasida qayta moliyalashtiruvchi bankning yillik 0,5 foiz marjasi bilan;

“Oʻzbekenergo” DAK tomonidan Oʻzbekiston Respublikasi Tashqi iqtisodiy faoliyat milliy banki kafolati ostida jalb etiladigan 220,0 mln AQSH dollari miqdoridagi Xitoy Davlat taraqqiyot bankining krediti 15 yil muddatga, shu jumladan 3 yillik imtiyozli davrga, LIBORning 6 oylik stavkasi plyus yillik 3,6 foizga teng foiz stavkasi bilan;

“Oʻzbekenergo” DAK tomonidan “Turonbank” OATB kafolati ostida “SYNECTA a.s.” (Slovakiya) kompaniyasining tovar qarzi yillik 0,75 foiz stavkada 4 yil muddatga beriladigan 68,976 mln AQSH dollari miqdorida;

“Oʻzsanoatqurilishbank” OATB tomonidan “Oʻzbekenergo” DAKga 10 yil muddatga ajratiladigan yillik 12 foiz stavkada, shu jumladan 3 yil imtiyozli davr uchun beriladigan 50 mlrd soʻm (ekvivalentda — 26,943 mln AQSH dollari) miqdoridagi krediti;

Yaponiya xalqaro hamkorlik agentligining 10 yillik imtiyozli davr bilan 40 yil muddatga beriladigan yillik 0,75 foiz stavkada konsalting xizmatlari uchun ajratilgan 2,037 mln AQSH dollari miqdoridagi krediti;

“Oʻzbekenergo” DAKning 117,703 mln. AQSH dollariga teng miqdordagi oʻz mablagʻlari.

3. Belgilansin:

“Oʻzbekenergo” DAK loyihani amalga oshirish, kredit va qarz mablagʻlaridan maqsadli va samarali foydalanish, shuningdek, ular boʻyicha foizlar toʻlash uchun masʼul boʻlgan qarz oluvchi va ijro etuvchi organ hisoblanadi;

jalb etiladigan kreditlar va qarzlarni qaytarish, ular boʻyicha foizlar va boshqa toʻlovlarni toʻlash bilan bogʻliq xarajatlar “Oʻzbekenergo” DAKning oʻz mablagʻlari hisobidan amalga oshiriladi.

4. Tasdiqlansin:

“Toshkent IESda quvvati 370 MVt boʻlgan bugʻ-gaz qurilmasini qurish” investitsion loyihasining texnik-iqtisodiy asoslari asosiy texnik-iqtisodiy koʻrsatkichlari bilan birga 1-ilovaga muvofiq;

Oʻzbekiston Respublikasi Tiklanish va taraqqiyot Jamgʻarmasi kreditini qaytarish, kredit boʻyicha foiz va komissiyalarini toʻlash prognoz jadvali 2-ilovaga muvofiq;

Xitoy Davlat taraqqiyot banki kreditini qaytarish, kredit boʻyicha foiz va komissiyalarini toʻlash prognoz jadvali 3-ilovaga muvofiq;

“SYNECTA a.s.” (Slovakiya) kompaniyasining tovar qarzini soʻndirishning prognoz jadvali, qarz boʻyicha foiz va komissiyalar toʻlash prognoz jadvali 4-ilovaga muvofiq.

5. Ruxsat berilsin:

“Oʻzbekenergo” DAK, “Oʻzsanoatqurilishbank” OATB va Oʻzbekiston Respublikasi Tashqi iqtisodiy faoliyat milliy bankiga shartnoma doirasida Oʻzbekiston Respublikasidagi “SYNECTA a.s.” (Slovakiya) konsorsium va norezidentning doimiy muassasasi nomidan qurilish direksiyasi sifatida “SYNECTA Central Asia” MCHJ nomiga xorijiy valyutada, shu jumladan akkreditivlar boʻyicha jami 296,2 mln AQSH dollari miqdorida toʻlovlarni amalga oshirishga;

“SYNECTA a.s.” (Slovakiya), “SYNECTA Central Asia” MCHJ kompaniyalari topshirigʻiga koʻra, Konsorsium va “SYNECTA a.s.” (Slovakiya) Oʻzbekiston Respublikasida norezidentning doimiy muassasasi nomidan qurilish direksiyasi sifatida “SYNECTA a.s.” (Slovakiya) kompaniyasi, konsorsium taʼminotchilari va subpudratchilari (Oʻzbekiston Respublikasi rezidentlari va norezidentlari) foydasiga yetkazib beriladigan import asbob-uskunalar va tovarlar uchun, taʼminotchilari va konsorsiumning subpudratchilari (Oʻzbekiston Respublikasi rezidentlari va norezidentlari) shartnoma shartlarida nazarda tutilgan yetkazib beriladigan import asbob-uskunalar va tovarlar uchun, bajariladigan ishlar, shu jumladan qurilish va qurilish-montaj, koʻrsatiladigan xizmatlar uchun chet el va milliy valyutada toʻlovlar amalga oshirishga;

“Oʻzbekenergo” DAK mumkin boʻlgan xarajatlarni, shu jumladan kurs farqining oʻzgarishi bilan bogʻliq xarajatlarni, shuningdek loyihani amalga oshirish davomida yuzaga keladigan boshqa qoʻshimcha koʻzda tutilmagan xarajatlarni oʻz mablagʻlari hisobidan qoplashga.

6. Loyihani amalga oshirish doirasida “Oʻzbekenergo” DAK, konsorsium va uning ishtirokchilariga, shuningdek, “SYNECTA Central Asia” MCHJ ga istisno tariqasida quyidagilarni amalga oshirish huquqi berilsin:

2013-yil 1-sentabriga qadar qurilish va qurilish-montaj ishlarini amalga oshirish davrida bir vaqtning oʻzida loyiha-smeta hujjatlarini ishlab chiqishga;

kontraktda nazarda tutilgan tovarlarni yetkazib berish, ishlarni bajarish va xizmatlar koʻrsatishni, oldindan toʻlov amalga oshirilgan sanadan boshlab 180 kalendar kundan ortiq muddatda bajarishga.

7. “Oʻzbekenergo” DAK Oʻzbekiston Respublikasi Davlat mulki qoʻmitasi bilan birgalikda belgilangan tartibda jalb qilingan kreditlar va kafolatlar boʻyicha garov sifatida quyidagilar rasmiylashtirilsin:

Oʻzbekiston Respublikasi Tashqi iqtisodiy faoliyat milliy bankiga — “Oʻzbekenergo” DAKga tegishli boʻlgan “Yangi Angren IES” OAJ va “Fargʻona IEM” OAJ aksiyalarini;

“Turonbank” OATB — “Oʻzbekenergo” DAKga tegishli boʻlgan “Namangan hududiy elektr tarmoqlari korxonasi” OAJ aksiyalarini.

8. Oʻzbekiston Respublikasi Markaziy bankiga tavakkalchilikning eng yuqori miqdori normativini hisoblashda oʻzaro bogʻliq boʻlgan bir yoki bir guruh qarz oluvchilarga quyidagi mablagʻlarni hisobga olmaslik tavsiya etilsin:

Xitoy davlat taraqqiyot banki tomonidan loyihani Oʻzbekiston Respublikasi Tashqi iqtisodiy faoliyat milliy banki kafolati ostida birgalikda moliyalashtirish uchun ajratilgan mablagʻlarni;

“SYNECTA a.s.” kompaniyasi (Slovakiya) “Turonbank” OATB kafolati ostidagi tovar qarzini.

9. “Oʻzbekenergo” DAK ikki oy muddatda belgilangan tartibda yetakchi xalqaro injiniring kompaniyasini tanlab olishni va loyihani amalga oshirish davrida “Oʻzbekenergo” DAK nomidan texnik kuzatib borish boʻyicha kontrakt tuzilishini taʼminlasin.

10. Oʻzbekiston Respublikasi “Davarxitektqurilish” qoʻmitasi belgilangan tartibda loyiha-smeta hujjatlarining davlat ekspertizasidan oʻtkazilishini taʼminlasin, shuningdek loyiha boʻyicha qurilish va montaj ishlarining sifatli bajarilishi ustidan davlat arxitektura-qurilish nazoratini oʻrnatsin.

11. Oʻzbekiston Respublikasi Iqtisodiyot vazirligi loyiha doirasida “Oʻzbekenergo” DAK tomonidan taqdim etiladigan hujjatlar boʻyicha qurilish va montaj ishlarini bajarish uchun oʻrtacha birja narxlarida metall prokati va sement ajratilishini nazarda tutsin.

12. Loyiha amalga oshirish doirasida tuzilgan shartnomaning amal qilish davrida quyidagilardan ozod etilsin:

Oʻzbekiston Respublikasi Vazirlar Mahkamasi tomonidan tasdiqlanadigan roʻyxatlar boʻyicha, shu jumladan “vaqtincha olib kirish” rejimida olib kiriladigan uskunalar, butlovchi buyumlar va ehtiyot qismlar, priborlar va asboblar, maxsus transport vositalari bojxona toʻlovlaridan (bojxona yigʻimlaridan tashqari);

Oʻzbekiston Respublikasi norezidentlari tomonidan bajariladigan ishlar (xizmatlar) uchun qoʻshilgan qiymat soligʻidan;

“SYNECTA Central Asia” MCHJ va Xitoy davlat taraqqiyot banki yuridik shaxslaridan olinadigan (foyda) soligʻi boʻyicha kredit berishdan olingan daromadlardan, Oʻzbekiston Respublikasi norezidentlaridan — Oʻzbekiston Respublikasi hududida olingan, toʻlov manbaida ham, doimiy muassasa orqali ham soliqqa tortiladigan daromadlar boʻyicha;

Faoliyatini doimiy muassasa orqali amalga oshirayotgan Oʻzbekiston Respublikasi norezidentlarining mol-mulkiga solinadigan soliq va yer soligʻidan.

13. Belgilab qoʻyilsin, tuzilgan shartnomaning amal qilish davrida:

mahalliy taʼminotchilar va subpudratchilar tomonidan “SYNECTA Central Asia” MCHJ konsorsiumiga Oʻzbekiston Respublikasi bojxona hududidan tashqariga haqiqatda olib chiqilmagan holda sotiladigan tovarlarga (ishlarga, xizmatlarga) nol darajali stavka boʻyicha qoʻshilgan qiymat soligʻi solinishi;

shartnomani amalga oshirish doirasida tovarlar (ishlar, xizmatlar) yetkazib berishni moliyalashtirish uchun “SYNECTA Central Asia” MCHJga kelib tushadigan xorijiy valyutadagi mablagʻlar majburiy ravishda sotilmasligi belgilansin.

14. Oʻzbekiston Respublikasi Markaziy banki, “Oʻzsanoatqurilishbank” OATB va Oʻzbekiston Respublikasi Tashqi iqtisodiy faoliyat milliy bankiga loyihani moliyalashtirish uchun jalb etiladigan kreditlar va qarzlarni qaytarish uchun “Oʻzbekenergo” DAKning oʻz mablagʻlari belgilangan tartibda konvertatsiya qilinishini taʼminlash tavsiya etilsin.

15. Oʻzbekiston Respublikasi Markaziy banki, “Turonbank” OATB, “Oʻzsanoatqurilishbank” OATB, “Oʻzbekenergo” DAK va Xitoy Davlat taraqqiyot banki oʻrtasidagi kredit shartnomasi hamda “Oʻzbekenergo” DAK va “SYNECTA a.s.” (Slovakiya) kompaniyasi oʻrtasidagi tovar qarzi toʻgʻrisidagi shartnoma roʻyxatdan oʻtkazilishini taʼminlasin.

16. “Oʻzbekenergo” DAK, Oʻzbekiston Respublikasi Davlat arxitektura va qurilish qoʻmitasi, “Oʻzstandart” agentligi va Toshkent viloyati hokimligi qurilishni amalga oshirish, xizmatlar koʻrsatish va ishlarni bajarish uchun tegishli litsenziyalar va ruxsatnomalar oʻz vaqtida berilishini, shuningdek olib kirilayotgan asbob-uskunalar, materiallar va tovarlar sertifikatlashtirilishini belgilangan tartibda taʼminlasin.

17. Oʻzbekiston Respublikasi Mehnat va aholini ijtimoiy muhofaza qilish vazirligi loyihani amalga oshirish doirasida “Oʻzbekenergo” DAKning buyurtmanomalari boʻyicha “SYNECTA Central Asia” MCHJda ishlash uchun xorijiy mutaxassislarni jalb etishga belgilangan tartibda ruxsatnomalar berilishini, shuningdek, xorijiy fuqarolarga Oʻzbekiston Respublikasi hududida mehnat faoliyati bilan shugʻullanish huquqini beruvchi tasdiqnomalar berilishini (muddati uzaytirilishini) taʼminlasin.

18. “Oʻzbekenergo” DAK Oʻzbekiston Respublikasi Adliya vazirligi hamda boshqa manfaatdor vazirlik va idoralar bilan birgalikda bir oy muddatda qonun hujjatlariga ushbu qarordan kelib chiqadigan oʻzgartirish va qoʻshimchalar kiritilishi toʻgʻrisida Vazirlar Mahkamasiga takliflar taqdim etilsin.

19. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari R.S. Azimov va Oʻzbekiston Respublikasi Bosh vazirining oʻrinbosari Gʻ.I. Ibragimov zimmasiga yuklansin.

Oʻzbekiston Respublikasining Bosh vaziri Sh. MIRZIYOYEV

Toshkent sh.,

2012-yil 16-oktabr,

293-son

Vazirlar Mahkamasining 2012-yil 16-oktabrdagi 293-sonli qaroriga 1-ILOVA

“Toshkent IESda 370 MVt quvvatga ega bugʻ-gaz qurilmasini qurish” investitsion loyihasi Texnik iqtisodiy asoslarining asosiy texnik-iqtisodiy koʻrsatkichlari

Izoh: Investitsiya davridagi moliyaviy chiqimlar kreditni tanlashning haqiqiy summalari va sanasidan kelib chiqqan holda aniqlashtirilishi lozim.

Vazirlar Mahkamasining 2012-yil 16-oktabrdagi 293-sonli qaroriga 2-ILOVA

Oʻzbekiston Respublikasi Tiklanish va taraqqiyot jamgʻarmasi kreditini qaytarish, kredit boʻyicha foizlar va komissiya toʻlovlarini amalga oshirishda prognoz

JADVALI

Izoh:

* Kreditning haqiqiy summalari va tanlangan sanasidan kelib chiqqan holda aniqlashtirilishi lozim.

** Akkreditiv transferabellik va tasdiqlash shartlari asosida ochiladi.

Vazirlar Mahkamasining 2012-yil 16-oktabrdagi 293-sonli qaroriga 3-ILOVA

Xitoy davlat taraqqiyot banki kreditini qaytarish, kredit boʻyicha foizlar va komissiyalarni toʻlashning

PROGNOZ JADVALI

Izoh:

* Kreditning haqiqiy summalari va tanlangan sanasidan kelib chiqqan holda aniqlashtirilishi kerak.

** Akkreditiv transferabellik va tasdiqlash shartlari asosida ochiladi.

*** LIBOR foiz stavkasi har 6 oyda oʻzgarib turadi

Vazirlar Mahkamasining 2012-yil 16-oktabrdagi 293-sonli qaroriga 4-ILOVA

“SYNECTA a.s.” (Slovakiya) kompaniyasining tovar qarzini qaytarish, qarz boʻyicha foizlar va komissiya haqini toʻlashning

PROGNOZ JADVALI

Izoh:

* Kredit tanlashning haqiqiy summalari va sanasidan kelib chiqqan holda aniqlashtirilishi kerak.