Toshkent shahrida 2012/2013-yillar qish-bahor mavsumi uchun asosiy turdagi qishloq xoʻjaligi mahsulotlarini zaxiraga gʻamlash ishlarini tashkil qilishga qaratilgan chora-tadbirlari toʻgʻrisida (622-son)

24.07.2012

Toshkent shahar hokimining

QarorI

Oʻzbekiston Respublikasi Bosh vazirining 2012-yil 12-iyundagi 02/03-34-5-sonli topshiriqlari ijrosini taʼminlash hamda Toshkent shahrida 2012/2013-yil qish-bahor mavsumi uchun asosiy turdagi qishloq xoʻjalik mahsulotlarini zaxiraga gʻamlash ishlarini tashkil qilish asosida shahar aholisini arzon qishloq xoʻjaligi mahsulotlariga boʻlgan talabini toʻlaqonli qondirish maqsadida qaror qilaman:

1. Toshkent shahrida 2012/2013-yillar qish-bahor mavsumi uchun asosiy turdagi qishloq xoʻjalik mahsulotlarini zaxiraga gʻamlash masalalarini nazorat qilish boʻyicha shahar ishchi guruhi tarkibi 1-ilovaga* muvofiq tasdiqlansin.

*1-ilova berilmaydi

2. Toshkent shahridagi dehqon bozorlari qoshida tashkil etilgan “Elga xizmat” shuʼba korxonalari, “Toshkent agro sabzavot” davlat korxonasi, “Toshkent oziq-ovqat zaxirasi” davlat korxonasi, ijtimoiy soha muassasalari, kommunal xizmat koʻrsatuvchi tashkilotlar, yirik sanoat korxonalari va tashkilotlar hamda mahallalarda 2012/2013-yillar kuz-qish mavsumi uchun asosiy turdagi qishloq xoʻjaligi mahsulotlarini zaxiraga gʻamlash topshirigʻi 2-ilovaga muvofiq maʼqullansin.

3. “Toshbozorsavdo” uyushmasi (E.Inogʻomov), “Toshkent qishloq xoʻjalik mahsulotlari ulgurji bozori” OAJ (M.Mirsolixov), “Toshkent agro sabzavot” davlat korxonasi (I.Saydullayev), tuman hokimliklari:

— Toshkent viloyatining Boʻka, Bekobod, Yangiyoʻl, Parkent, Zangiota va Oʻrtachirchiq tumanlari bilan “Toshkent agro sabzavot” davlat korxonasi oʻrtasida asosiy turdagi qishloq xoʻjaligi mahsulotlarini yetishtirib berish yuzasidan oʻrnatilgan tartibda fyuchers shartnomalarini tuzsin;

ushbu tuzilgan shartnomaga asosan 50,0 ming tonna asosiy turdagi qishloq xoʻjalik mahsulotlarini (kartoshka, piyoz va sabzi) shahardagi 476 ta mahallalarda istiqomat qiluvchi aholining qish-bahor mavsumida isteʼmoli uchun 75 kun (15.09-30.11. 2012-yil) davomida ommaviy tarzda avtomashinalarda koʻchma savdo orqali savdosi tashkil etilishi belgilab qoʻyilsin;

— “Toshkent qishloq xoʻjalik mahsulotlari ulgurji bozori” OAJ orqali Toshkent viloyatining Bekobod, Pskent, Boʻka, Parkent va Zangiota tumanlari bilan takroriy yetishtiriladigan asosiy turdagi qishloq xoʻjaligi mahsulotlarini yetishtirib berish yuzasidan oʻrnatilgan tartibda fyuchers shartnomalarini tuzsin hamda yer maydonlariga ekiladigan ekinlar va ular uchun zarur boʻladigan urugʻlik, yoqilgʻi-moylash materiallari va mineral oʻgʻitlarga belgilangan tartibda boʻnak mablagʻlarini ajratish yuzasidan chora-tadbirlarni belgilasinlar;

— Toshkent shahridagi yirik korxona va tashkilotlar, oliy oʻquv yurtlari, kommunal xizmat koʻrsatuvchi tashkilotlar bilan “Toshkent qishloq xoʻjalik mahsulotlari ulgurji bozori” OAJ oʻrtasida 2012/2013-yillar qish-bahor mavsumi uchun asosiy turdagi qishloq xoʻjaligi mahsulotlarini (kartoshka, piyoz, sabzi) zaxiraga gʻamlash uchun shartnoma tuzsin hamda belgilangan miqdorda mahsulotlarni yetkazib berilishini taʼminlasin;

— tuman hokimliklari savdoga jalb qilingan sotuvchilarni zarur miqdorda tosh-torozi, kerakli uskunalar, rastalar hamda maxsus joylar bilan taʼminlash choralarini koʻrsinlar.

4. “Mahalla” xayriya jamoat fondi Toshkent shahar boʻlimi (J.Inogʻomov), tuman boʻlimlari bilan birgalikda: har bir mahallada mahalla oqsoqoli boshchiligida shtab tuzilib, mahalla aholisi orasida zaxira yaratish boʻyicha tushuntirish ishlari olib borilsin, aholi uchun mahallada qulay boʻlgan markaziy joylar belgilansin hamda mahallada tuzilgan shtab tomonidan olib kelib sotilayotgan mahsulotlar sifati va narxini doimiy nazorat qilib borsin.

5. Toshkent shahridagi har bir yirik sanoat korxonalari, oliy oʻquv yurtlari, kommunal xizmat koʻrsatuvchi tashkilotlar oʻz ishchi xodimlarining qish-bahor mavsumida isteʼmoli uchun zarur qishloq xoʻjalik mahsulotlari zaxirasini yaratish maqsadida “Toshkent qishloq xoʻjalik mahsulotlari ulgurji bozori” OAJ bilan belgilangan tartibda shartnoma tuzish va belgilangan mablagʻlarni oʻtkazib berish, shuningdek mahsulotlarni har bir ishchi-xodimlariga ommaviy tarzda yetkazib berish chora-tadbirlarini amalga oshirsinlar.

6. “Toshbozorsavdo” uyushmasi (E.Inogʻomov), “Elga xizmat” shuʼba korxonalari rahbarlari bilan birgalikda Surxondaryo viloyati tumanlaridagi agrofirma va fermer xoʻjaliklari tomonidan 2012-yil takroriy yetishtiriladigan qishloq xoʻjalik mahsulotlarini (kartoshka, sabzi, piyoz) xarid qilish boʻyicha fyuchers shartnomalar tuzilishini taʼminlasinlar.

7. Markaziy bank Toshkent shahar bosh boshqarmasi (U.Baxodirov), Tashqi iqtisodiy faoliyat Milliy banki Toshkent shahar boshqarmasi (N.Artikxodjayev) bilan birgalikda zaxira tadbirlariga jalb qilingan “Elga xizmat” shuʼba korxonalari bilan Surxondaryo viloyati tumanlaridagi mahsulot yetishtiruvchilar oʻrtasida tuzilgan shartnomalar boʻyicha maqsadli kredit resurslarini oʻz vaqtida ajratilishini taʼminlash chora-tadbirlarini belgilasinlar va ushbu masalaga shaxsan javobgar ekanliklari belgilab qoʻyilsin.

8. Savdo, xizmat koʻrsatish sohasi va xalq isteʼmoli mollari ishlab chiqarish departamenti (R.Abdumajitov), “Toshbozorsavdo” uyushmasi (E.Inogʻomov), Xalq taʼlimi bosh boshqarmasi (T.Matyoqubov), Sogʻliqni saqlash bosh boshqarmasi (B.Mamajonov), Oʻrta maxsus kasb-hunar taʼlimi boshqarmasi (F.Inoyatov), “Beminnat savdo” MChJ (N.Tiyasov), kommunal xizmat koʻrsatuvchi korxona va tashkilotlar, oliy oʻquv yurtlari rektorlari, tuman hokimlari:

— mavjud zaxira omborlarini va sovutish kameralarini joriy va kapital taʼmirlab, mavsumga tayyorlash ishlarini tashkil etsinlar;

— 2012-yil sentyabr-noyabr oylarida asosiy turdagi qishloq xoʻjaligi mahsulotlarining zaxiraga qoʻyish grafigini (setevoy) ishlab chiqib, Toshkent shahar hokimligiga taqdim etsinlar va ijrosi yuzasidan kundalik monitoring oʻrnatsinlar;

— 2012/2013-yillar qish-bahor mavsumi uchun asosiy turdagi qishloq xoʻjaligi mahsulotlarini zaxiraga gʻamlash topshirigʻini soʻzsiz bajarilishini taʼminlash yuzasidan nazorat mexanizmi oʻrnatish uchun 3, 3a, va 3b-ilovalarga muvofiq shakllarda tahlil maʼlumotlarni Toshkent shahar hokimligiga taqdim etib borsinlar.

9. Savdo, xizmat koʻrsatish sohasi va xalq isteʼmol mollari ishlab chiqarish departamenti, “Toshbozorsavdo” uyushmasi, “Elga xizmat” shuʼba korxonalari, “Toshkent agro sabzavot” davlat korxonasi, yirik korxona va tashkilotlar, kommunal xizmat koʻrsatuvchi tashkilotlar, oliy oʻquv yurtlari rektorlari, ijtimoiy soha muassasalari, tuman hokimlari aholini isteʼmol tovarlari bilan taʼminlash, mahsulotlarni bir tekisda va belgilangan narxlarda yetkazib berish masalalariga shaxsan javobgarligi belgilab qoʻyilsin.

10. Markaziy bank Toshkent shahar bosh boshqarmasi (U.Baxodirov), tijorat banklari bilan birgalikda:

— zaxira tadbirlariga jalb qilingan tayyorlovchi korxonalar bilan mahsulot yetishtiruvchilar oʻrtasida tuzilgan shartnomalar boʻyicha maqsadli kredit resurslari va naqd pul mablagʻlarini oʻz vaqtida ajratilishini taʼminlash masalasiga shaxsan javobgar ekanliklari toʻgʻrisida ogohlantirilganligi inobatga olinsin;

— tijorat banklari tomonidan tayyorlovchi tashkilotlarga qishloq xoʻjaligi mahsulotlarini zaxiraga gʻamlash uchun zarur boʻlgan kredit resurslari va naqd pul mablagʻlarini oʻz vaqtida ajratilishiga alohida eʼtibor qaratsin;

— tayyorlovchi korxonalar tomonidan kredit va naqd pul mablagʻlariga taqdim etilgan buyurtmalar va ularning ijrosi yuzasidan har 10 kunda tahliliy maʼlumotlar Toshkent shahar hokimligiga taqdim etib borilsin.

11. Toshkent viloyati, Zangiota tumani, Nazarbek qishloq fuqarolar yigʻini hududida joylashgan qishloq xoʻjalik mahsulotlari omborxonasida dehqon bozorlari qoshidagi “Elga xizmat” shuʼba korxonalari, “Toshkent agro sabzavot” davlat korxonasi tomonidan zaxiraga tayyorlanadigan qishloq xoʻjalik mahsulotlari saqlanilishi belgilab qoʻyilsin.

12. Mazkur qaror imzolangan kundan boshlab kuchga kiradi.

13. Toshkent shahar hokimining maʼnaviy-maʼrifiy masalalar boʻyicha yordamchisi (A.Akromov): “Toshkent shahrida 2012/2013-yillar qish-bahor mavsumi uchun asosiy turdagi qishloq xoʻjaligi mahsulotlarini zaxiraga gʻamlash ishlarini tashkil qilishga qaratilgan chora-tadbirlar toʻgʻrisida”gi qaror “Toshkent oqshomi” va “Vecherniy Tashkent” gazetalarida eʼlon qilinsin.

14. Mazkur qarorning bajarilishini nazorat qilish Toshkent shahar hokimining oʻrinbosari F.Ziyayev zimmasiga yuklatilsin.

Toshkent shahar hokimi R. USMONOV

Toshkent sh.,

2012-yil 24-iyul,

622-son

Toshkent shahar hokimining 2012-yil 24-iyuldagi 622-sonli qaroriga 2-ILOVA

Toshkent shahridagi dehqon bozorlari qoshida tashkil etilgan “Elga xizmat” shuʼba korxonalari, “Toshkent agro sabzavot” davlat korxonasi, “Toshkent oziq-ovqat zaxirasi” davlat korxonasi, ijtimoiy soha muassasalari, kommunal xizmat koʻrsatuvchi tashkilotlar, yirik sanoat korxonalari va tashkilotlar hamda mahallalarda 2012/2013-yillar kuz-qish mavsumi uchun asosiy turdagi qishloq xoʻjaligi mahsulotlarini zaxiraga gʻamlash topshirigʻi

Toshkent shahar hokimining 2012-yil 24-iyuldagi 622-sonli qaroriga 3-ILOVA

Toshkent shahrida qishloq xoʻjalik mahsulotlarini qish mavsumiga zaxiraga qoʻyish ishlarining borishi toʻgʻrisida MAʼLUMOT ( __holatiga)

Izoh: ushbu maʼlumotlar 2012-yilning 1-sentabridan 1-dekabriga qadar har haftaning juma kuni soat 18:00 ga qadar Toshkent shahar hokimligiga taqdim etib boriladi.

Toshkent shahar hokimining 2012-yil 24-iyuldagi 622-sonli qaroriga 3a-ILOVA

Toshkent shahrida qishloq xoʻjaligi mahsulotlarini qish mavsumi uchun zaxiraga qoʻyish uchun shartnomalar tuzish va kredit resurslari ajratilishi toʻgʻrisida

TEZKOR MAʼLUMOT

Izoh: ushbu maʼlumotlar 2013-yilning 1-sentabridan 1-dekabriga qadar har haftaning juma kuni soat 18:00ga qadar Toshkent shahar hokimligiga taqdim etib boriladi.

Toshkent shahar hokimining 2012-yil 24-iyuldagi 622-sonli qaroriga 3b-ILOVA

Toshkent shahrida zaxiraga qoʻyilgan qishloq xoʻjaligi mahsulotlarini kish-bahor mavsumida savdoga chiqarish ishlarining borishi toʻgʻrisida MAʼLUMOT (____ holatiga)

Izoh: ushbu maʼlumotlar 2012-yilning 1-dekabridan 2013-yilning 1-iyunigacha har haftaning juma kuni soat 18:00ga qadar Toshkent shahar hokimligiga taqdim etib boriladi.