Banklarni roʻyxatga olish va ular faoliyatini litsenziyalash tartibi toʻgʻrisidagi nizomga oʻzgartirishlar va qoʻshimcha kiritish haqida (2014-4-son)

19.09.2012

OʻZBEKISTON RESPUBLIKASI MARKAZIY BANKI BOShQARUVIning

QARORI

[Oʻzbekiston Respublikasi Adliya vazirligi tomonidan 2012-yil 19-sentabrda roʻyxatdan oʻtkazildi, roʻyxat raqami 2014-4]

Oʻzbekiston Respublikasining “Oʻzbekiston Respublikasining Markaziy banki toʻgʻrisida”gi Qonuniga (Oʻzbekiston Respublikasi Oliy Majlisining Axborotnomasi, 1995-yil, 12-son, 247-modda) va Oʻzbekiston Respublikasi Prezidentining 2012-yil 16-iyuldagi PF-4453-sonli “Statistik, soliq, moliyaviy hisobotlarni, litsenziyalanadigan faoliyat turlarini va ruxsat berish tartib-taomillarini tubdan qisqartirish chora-tadbirlari toʻgʻrisida”gi Farmoniga (Oʻzbekiston Respublikasi qonun hujjatlari toʻplami, 2012-y., 29-son, 327-modda) muvofiq Oʻzbekiston Respublikasi Markaziy banki Boshqaruvi qaror qiladi:

1. Oʻzbekiston Respublikasi Markaziy banki Boshqaruvining 2009-yil 15-avgustdagi 23/3-sonli qarori (roʻyxat raqami 2014, 2009-yil 8-oktabr) (Oʻzbekiston Respublikasi qonun hujjatlari toʻplami, 2009-y., 41-son, 447-modda) bilan tasdiqlangan Banklarni roʻyxatga olish va ular faoliyatini litsenziyalash tartibi toʻgʻrisidagi nizomga ilovaga muvofiq oʻzgartirishlar va qoʻshimcha kiritilsin.

2. Ushbu qaror Oʻzbekiston Respublikasi Adliya vazirligida davlat roʻyxatidan oʻtkazilgan kundan boshlab oʻn kun oʻtgandan keyin kuchga kiradi.

Markaziy bank raisi F. MULLAJONOV

Toshkent sh.,

2012-yil 18-avgust,

24/11-son

Oʻzbekiston Respublikasi Markaziy banki Boshqaruvining 2012-yil 18-avgustlagi 24/11-son qaroriga ILOVA

Banklarni roʻyxatga olish va ular faoliyatini litsenziyalash tartibi toʻgʻrisidagi nizomga oʻzgartirishlar va qoʻshimcha

1. 67-banddagi “Kredit tashkilotlarini roʻyxatga olish va litsenziyalash komissiyasi” degan soʻzlar “Kredit tashkilotlari va kredit byurolarini roʻyxatga olish va litsenziyalash komissiyasi” degan soʻzlar bilan almashtirilsin.

2. 68-band quyidagi mazmundagi xatboshi bilan toʻldirilsin:

“Bankni tashkil etish uchun dastlabki ruxsatni olish maqsadida takroran taqdim etilgan arizani qayta koʻrib chiqishda dastlabki ruxsat berishni rad etish toʻgʻrisidagi xabarnomada ilgari koʻrsatilmagan asoslar boʻyicha bankni tashkil etish uchun dastlabki ruxsat berishni rad etishga yoʻl qoʻyilmaydi.”.

3. 105-bandning ikkinchi xatboshisidagi “Kredit tashkilotlarini roʻyxatga olish va litsenziyalash komissiyasi” degan soʻzlar “Kredit tashkilotlari va kredit byurolarini roʻyxatga olish va litsenziyalash komissiyasi” degan soʻzlar bilan almashtirilsin.