Tadbirkorlik subyektlarini davlat roʻyxatiga olish va hisobga qoʻyishning xabardor qilish tartibi toʻgʻrisidagi nizomga oʻzgartish va qoʻshimchalar kiritish haqida (PQ-1801-son)

08.08.2012

Oʻzbekiston Respublikasi Prezidentining

Qarori

Oʻzbekiston Respublikasining “Oilaviy tadbirkorlik” toʻgʻrisidagi Qonuni, Oʻzbekiston Respublikasi Prezidentining “Ishbilarmonlik muhitini yanada tubdan yaxshilash va tadbirkorlikka yanada keng erkinlik berish chora-tadbirlari toʻgʻrisida” 2012-yil 18-iyuldagi PF–4455-sonli Farmoniga muvofiq, shuningdek, davlat soliq xizmati organlari tomonida soliq toʻlovchilarga axborot xizmati koʻrsatish jarayoniga zamonaviy axborot-kommunikatsiya texnologiyalarini keng joriy etish hamda tadbirkorlik subyektlarini davlat roʻyxatiga olish va hisobga qoʻyish tartibini yanada takomillashtirish maqsadida:

1. Oʻzbekiston Respublikasi Prezidentining 2006-yil 24-maydagi PQ–357-sonli qarori bilan tasdiqlangan Tadbirkorlik subyektlarini davlat roʻyxatiga olish va hisobga qoʻyishning xabardor qilish tartibi toʻgʻrisidagi nizomga ilovaga muvofiq oʻzgartish va qoʻshimchalar kiritilsin.

2. Mazkur qarorning ijrosini nazorat qilish Oʻzbekiston Respublikasining Bosh vaziri Sh.M. Mirziyoyev zimmasiga yuklansin.

Oʻzbekiston Respublikasi Prezidenti I. KARIMOV

Toshkent sh.,

2012-yil 8-avgust,

PQ-1801-son

Oʻzbekiston Respublikasi Prezidentining 2012-yil 8-avgustdagi PQ–1801-son qaroriga ILOVA

Tadbirkorlik subyektlarini davlat roʻyxatiga olish va hisobga qoʻyishning xabardor qilish tartibi toʻgʻrisidagi nizomga kiritilayotgan oʻzgartish va qoʻshimchalar

1. 7-banddagi “Internet tarmogʻi orqali” soʻzlaridan keyin “kecha-kunduz” soʻzlari qoʻshilsin.

2. 8-bandning uchinchi xatboshidagi “8” raqami “4” raqami bilan almashtirilsin.

3. 10-bandning ikkinchi xatboshidagi “toʻliq va kommandit shirkatlar” soʻzlaridan keyin “oilaviy korxonalar” soʻzlari qoʻshilsin.

4. 11-bandda:

a) “a” kichik bandidagi “hamda bozorning ustav fondiga taʼsis hujjatlarida koʻrsatilgan miqdorning kamida 30 foizi kiritilganligini tasdiqlovchi hujjat” soʻzlari chiqarib tashlansin;

b) “b” kichik bandining uchinchi xatboshi quyidagi tahrirda bayon qilinsin:

“kredit tashkilotlari uchun — har bir taʼsischi tomonidan korxona ustav fondidagi oʻz ulushining 30 foizi kiritilganligini tasdiqlovchi hujjatlar (vaqtinchalik soʻmlardagi va valyutadagi jamlovchi hisob raqamlariga pul mablagʻlari kiritilganligi haqida bank maʼlumotnomasi, mol-mulkning Oʻzbekiston Respublikasi hududiga olib kirilganligini tasdiqlovchi bojxona hujjati, mol-mulkni topshirish-qabul qilish dalolatnomasi, kiritilayotgan mol-mulkka egalik huquqini tasdiqlovchi hujjat va boshqalar)”.

5. quyidagi mazmundagi 331-band qoʻshilsin:

“331. Oilaviy korxona balansiga berilgan, oilaviy korxona ishtirokchilari mol-mulki roʻyxatiga oʻzgartish kiritishga olib kelgan oilaviy korxona boshligʻi almashgan, oilaviy korxona tarkibiga (tarkibidan) ixtiyoriy kirgan (chiqqan), er-xotinning nikohi bekor qilingan yoki oilaviy korxona ishtirokchisi vafot etgan taqdirda taʼsis shartnomasiga tegishli oʻzgartish va qoʻshimchalar kiritiladi. Bunda oilaviy korxona taʼsis hujjatlariga oʻzgartish va qoʻshimchalarni davlat roʻyxatidan oʻtkazish talab qilinmaydi.”

6. 1-ilova quyidagi tahrirda bayon qilinsin:

“Tadbirkorlik subyektlarini davlat roʻyxatiga olish va hisobga qoʻyishning xabardor qilish tartibi toʻgʻrisidagi nizomga 1-ILOVA

7. 1a-ilova quyidagi tahrirda bayon qilinsin:

“Tadbirkorlik subyektlarini davlat roʻyxatiga olish va hisobga qoʻyishning xabardor qilish tartibi toʻgʻrisidagi nizomga 1a-ILOVA

8. 3-ilova quyidagi tahrirda bayon qilinsin:

“Tadbirkorlik subyektlarini davlat roʻyxatiga olish va hisobga qoʻyishning xabardor qilish tartibi toʻgʻrisidagi nizomga 3-ILOVA

Yuridik shaxslarga soliq toʻlovchining identifikatsiya raqamini (STIR) berish uchun

SOʻROVNOMA

9. 3a-ilova quyidagi tahrirda bayon qilinsin:

“Tadbirkorlik subyektlarini davlat roʻyxatiga olish va hisobga qoʻyishning xabardor qilish tartibi toʻgʻrisidagi nizomga 3a-ILOVA

Yakka tartibdagi tadbirkorlar va yuridik shaxs tashkil etilmagan dehqon xoʻjaliklariga soliq toʻlovchining identifikatsiya raqamini (STIR) berish uchun

SOʻROVNOMA

10. 7-ilova quyidagi tahrirda bayon qilinsin:

“Tadbirkorlik subyektlarini davlat roʻyxatiga olish va hisobga qoʻyishning xabardor qilish tartibi toʻgʻrisidagi nizomga 7-ILOVA

Davlat soliq xizmati organlari va davlat statistika organlariga taqdim etish uchun zarur boʻlgan tadbirkorlik subyektlari toʻgʻrisidagi

MAʼLUMOTLAR

* Yakka tartibdagi tadbirkorlar va yuridik shaxs tashkil etilmagan dehqon xoʻjaliklari uchun toʻldiriladi.

** Shu jumladan, yakka tartibdagi tadbirkorlar va yuridik shaxs tashkil etilmagan dehqon xoʻjaliklari uchun toʻldiriladi.”.