Oliy taʼlim muassasalari talabalariga stipendiyalar tayinlash va toʻlash tartibi toʻgʻrisidagi yoʻriqnomaga qoʻshimchalar kiritish haqida (1339-3-son)

07.08.2012

Oʻzbekiston Respublikasi Oliy va oʻrta maxsus taʼlim vazirligi Oʻzbekiston Respublikasi Moliya vazirligining

Qarori

[Oʻzbekiston Respublikasi Adliya vazirligi tomonidan 2012-yil 7-avgustda roʻyxatdan oʻtkazildi, roʻyxat raqami 1339-3]

Oʻzbekiston Respublikasi Vazirlar Mahkamasining 2004-yil 20-iyuldagi “Oʻzbekiston Respublikasi Oliy va oʻrta maxsus taʼlim vazirligi faoliyatini takomillashtirish toʻgʻrisida”gi 341-son qarori (Oʻzbekiston Respublikasi Hukumatining qarorlari toʻplami, 2004-y., 7-son, 69-modda) va Oʻzbekiston Respublikasi Prezidenti huzuridagi Vazirlar Mahkamasining 1992-yil 23-noyabrdagi “Oʻzbekiston Respublikasi Moliya vazirligi toʻgʻrisida nizomni tasdiqlash haqida”gi 553-son qarori (Oʻzbekiston Respublikasi Hukumatining qarorlari toʻplami, 1992-y., 12-son, 37-modda), shuningdek oliy taʼlim muassasalari talabalariga stipendiyalar tayinlash va toʻlash tartibini yanada takomillashtirish maqsadida Oʻzbekiston Respublikasi Oliy va oʻrta maxsus taʼlim vazirligi va Moliya vazirligi qaror qiladi:

1. 2004-yil 10-martdagi 2-P va 43-sonli Oʻzbekiston Respublikasi Oliy va oʻrta maxsus taʼlim vazirligi va Oʻzbekiston Respublikasi Moliya vazirligi qarori bilan tasdiqlangan (roʻyxat raqami 1339, 2004-yil 16-aprel) (Oʻzbekiston Respublikasi qonun hujjatlari toʻplami, 2004-y., 15-son, 184-modda) Oliy taʼlim muassasalari talabalariga stipendiyalar tayinlash va toʻlash tartibi toʻgʻrisidagi yoʻriqnomaga ilovaga* muvofiq qoʻshimchalar kiritilsin.

*Ilova rus tilidagi matnda berilgan.

2. Mazkur qaror 2012-yil 1-sentabrdan boshlab kuchga kiradi.

Oliy va oʻrta maxsus taʼlim vaziri B. XODIYEV

Toshkent sh.,

2012-yil 2-avgust,

5-son

Moliya vaziri R. AZIMOV

Toshkent sh.,

2012-yil 2-avgust,

56-son