Noshirlik va matbaa korxonalari tomonidan oʻzbekiston yozuvchilar uyushmasi huzuridagi “ijod” fondiga ajratmalar toʻlash tartibi toʻgʻrisidagi nizomga oʻzgartirishlar kiritish haqida (2139-2-son)

18.07.2012

Oʻzbekiston matbuot va axborot agentligi bosh direktorining

buyrugʻi

[Oʻzbekiston Respublikasi Adliya vazirligi tomonidan 2012-yil 18-iyulda roʻyxatdan oʻtkazildi, roʻyxat raqami 2139-2]

Oʻzbekiston Respublikasi Prezidentining 2011-yil 30-dekabrdagi PQ–1672-son “Ommaviy axborot vositalarini yanada rivojlantirish uchun qoʻshimcha soliq imtiyozlari va afzalliklar berish toʻgʻrisida”gi va 2012-yil 26-apreldagi PQ–1745-son “Oʻzbekiston Respublikasi Prezidentining ayrim qarorlariga oʻzgartirish va qoʻshimchalar kiritish toʻgʻrisida”gi qarorlari ijrosini taʼminlash maqsadida buyuraman:

1. Oʻzbekiston matbuot va axborot agentligi bosh direktorining 2010-yil 26-avgustdagi 7-yu/b-sonli buyrugʻi (roʻyxat raqami 2139, 2010-yil 4-sentabr) (Oʻzbekiston Respublikasi qonun hujjatlari toʻplami, 2010-yil, 35-36-son, 309-modda) bilan tasdiqlangan Noshirlik va matbaa korxonalari tomonidan Oʻzbekiston Yozuvchilar uyushmasi huzuridagi “Ijod” fondiga ajratmalar toʻlash tartibi toʻgʻrisidagi nizomga ilovaga muvofiq oʻzgartirishlar kiritilsin.

2. Mazkur buyruq Oʻzbekiston Respublikasi Adliya vazirligida davlat roʻyxatidan oʻtkazilgan kundan boshlab oʻn kun oʻtgandan keyin kuchga kiradi.

Bosh direktor B. ALIMOV

Toshkent sh.,

2012-yil 30-iyun,

10-m/h-son

Oʻzbekiston Matbuot va axborot agentligi Bosh direktorining 2012-yil 30-iyundagi 10-m/h-sonli buyrugʻiga ILOVA

Noshirlik va matbaa korxonalari tomonidan Oʻzbekiston Yozuvchilar uyushmasi huzuridagi “Ijod” fondiga ajratmalarni toʻlash tartibi toʻgʻrisidagi nizomga kiritilayotgan oʻzgartirishlar

1. Muqaddima, 1 va 5-bandlardagi “2” raqami “1” raqami bilan almashtirilsin.

2. 6-banddagi “Maktab taʼlimi jamgʻarmasiga” soʻzlari “Oʻzbekiston Respublikasi Moliya vazirligi huzuridagi budjetdan tashqari Taʼlim va tibbiyot muassasalarini rekonstruksiya qilish, mukammal taʼmirlash va jihozlash jamgʻarmasiga” soʻzlari bilan almashtirilsin.

3. 1-ilovada:

yettinchi xatboshidagi “200” raqami “100” raqami bilan almashtirilsin;

sakkizinchi xatboshidagi “160” raqami “80” raqami bilan almashtirilsin;

toʻqqizinchi xatboshidagi “120” raqami “60” raqami bilan almashtirilsin;

oʻninchi va oʻn birinchi xatboshidagi “480” raqami “240” raqami bilan almashtirilsin;

4. 2-ilova mazkur oʻzgartirishlarning ilovasiga muvofiq tahrirda bayon etilsin.

5. Mazkur oʻzgartirishlar Oʻzbekiston Respublikasi Moliya vazirligi, Davlat soliq qoʻmitasi, Savdo-sanoat palatasi va Oʻzbekiston Yozuvchilar uyushmasi huzuridagi “Ijod” fondi bilan kelishilgan.

Moliya vaziri R. AZIMOV

2012-yil 29-iyun,

Davlat soliq qoʻmitasi raisi B. PARPIYEV

2012-yil 29-iyun,

Savdo-sanoat palatasi raisi A. ShAYXOV

2012-yil 29-iyun,

Oʻzbekiston Yozuvchilar uyushmasi huzuridagi “Ijod” fondi ijro etuvchi direktori A. ADIZOV

2012-yil 29-iyun,

“Noshirlik va matbaa korxonalari tomonidan Oʻzbekiston Yozuvchilar uyushmasi huzuridagi “Ijod” fondiga ajratmalarni toʻlash tartibi toʻgʻrisida”gi nizomga kiritilayotgan oʻzgartirishlarga ILOVA