2012 — 2016-yillarda qishloq xoʻjaligi ishlab chiqarishini yanada modernizatsiya qilish, texnik va texnologik jihatdan qayta jihozlash dasturi amalga oshirilishini taʼminlash chora-tadbirlari toʻgʻrisida (215-son)

14.07.2012

Oʻzbekiston Respublikasi Vazirlar Mahkamasining

qarori

Oʻzbekiston Respublikasi Prezidentining “2012 — 2016-yillarda Qishloq xoʻjaligi ishlab chiqarishini yanada modernizatsiya qilish, texnik va texnologik jihatdan qayta jihozlash dasturi toʻgʻrisida” 2012-yil 21-maydagi PQ–1758-son qarorini bajarish yuzasidan Vazirlar Mahkamasi qaror qiladi:

1. 2012 — 2016-yillarda Qishloq xoʻjaligi ishlab chiqarishini yanada modernizatsiya qilish, texnik va texnologik jihatdan qayta jihozlash dasturi amalga oshirilishini taʼminlash boʻyicha Kompleks tadbirlar (keyingi oʻrinlarda Kompleks tadbirlar deb ataladi) ilovaga muvofiq tasdiqlansin.

2. Oʻzbekiston Respublikasi Prezidentining 2012-yil 21-maydagi PQ–1758-son qarori bilan tashkil etilgan 2012 — 2016-yillarda Qishloq xoʻjaligi ishlab chiqarishini yanada modernizatsiya qilish, texnik va texnologik jihatdan qayta jihozlash dasturini amalga oshirishni taʼminlash yuzasidan Ishlarni muvofiqlashtirish va masalalarni tezkor hal etish boʻyicha idoralararo komissiya (U.U.Rozuqulov) Oʻzbekiston Respublikasi Prezidenti hujjatlari va Hukumat qarorlari loyihalari sifatli ishlab chiqilishini va oʻz vaqtida kiritilishini, shuningdek Kompleks tadbirlarda nazarda tutilgan boshqa chora-tadbirlar amalga oshirilishini taʼminlasin.

3. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari U.U. Rozuqulov zimmasiga yuklansin.

Oʻzbekiston Respublikasining Bosh vaziri Sh. MIRZIYOYEV

Toshkent sh.,

2012-yil 14-iyul,

215-son

Vazirlar Mahkamasining 2012-yil 14-iyuldagi 215-son qaroriga ILOVA

2012 — 2016-yillarda Qishloq xoʻjaligi ishlab chiqarishini yanada modernizatsiya qilish, texnik va texnologik jihatdan qayta jihozlash dasturi amalga oshirilishini taʼminlash boʻyicha

Kompleks tadbirlar

Izoh. Normativ-huquqiy hujjatlarning turlari tegishli huquqiy munosabatlarni tartibga solish sohasi va predmetiga bogʻliq holda qayta koʻrib chiqilishi yoki yagona hujjat sifatida birlashtirilishi mumkin.