Toshkent shahrida I.M. Gubkin nomidagi Rossiya davlat neft va gaz universiteti filiali faoliyatini takomillashtirish choralari toʻgʻrisida (PQ-1569-son)

06.07.2011

Oʻzbekiston Respublikasi Prezidentining

Qarori

Respublika neft-gaz va neft-gaz-kimyo tarmoqlari uchun yuqori malakali mutaxassislar tayyorlash tizimini yanada takomillashtirish, zamonaviy pedagogik texnologiyalarni keng joriy etish asosida taʼlim jarayoni sifatini oshirish maqsadida:

1. Oʻzbekiston Respublikasi Oliy va oʻrta maxsus taʼlim vazirligi, “Oʻzbekneftgaz” MXK va I.M. Gubkin nomidagi Rossiya davlat neft va gaz universitetining quyidagilarni nazarda tutuvchi takliflariga rozilik berilsin:

I.M. Gubkin nomidagi Rossiya davlat neft va gaz universitetining Toshkent shahridagi filialini Oʻzbekiston Respublikasi Oliy va oʻrta maxsus taʼlim vazirligi tomonidan oʻquv jarayoniga uslubiy rahbarlikni saqlab qolgan holda “Oʻzbekneftgaz” MXK tuzilmasiga kiritish;

Filial negizida neft-gaz va turdosh tarmoqlar mutaxassislarini qayta tayyorlash va ularning malakasini oshirish boʻyicha oʻquv kurslari, dasturlarini tashkil etish.

2. Quyidagilar:

I.M. Gubkin nomidagi Rossiya davlat neft va gaz universitetining Toshkent shahridagi filialida mutaxassislarni oʻqitish va tayyorlashning asosiy yoʻnalishlari 1-ilovaga muvofiq;

3. “Oʻzbekneftgaz” MXK va I.M. Gubkin nomidagi Rossiya davlat neft va gaz universitetining Toshkent shahridagi Filiali Vasiylik kengashi:

I.M. Gubkin nomidagi Rossiya davlat neft va gaz universiteti bilan birgalikda ikki oy muddatda Filialning moddiy-texnika bazasini, shu jumladan oʻquv sinflari, oʻquv-laboratoriya trenajyorlari va stendlarini mustahkamlash, shuningdek mutaxassislarni oʻqitish va tayyorlash yoʻnalishlarini kengaytirishni hisobga olgan holda oʻquv-kasbiy adabiyotlarni xarid qilish boʻyicha kompleks dasturni ishlab chiqsin;

Filial faoliyatini kengaytirishni hisobga olgan holda uning oʻquv jarayoni va ilmiy faoliyatni yuritish uchun zamonaviy texnik komplekslar, oʻquv-laboratoriya uskunalari va oʻquv-kasbiy adabiyotlar bilan jihozlanishini taʼminlasin;

yetakchi oʻquv va ilmiy markazlar, tashkilotlar va korxonalarning, shu jumladan xorijiy mamlakatlarning eng tajribali, yuqori malakali mutaxassislarini oʻquv jarayoniga kontrakt asosida jalb etsin.

4. “LUKOYL” neft kompaniyasi tomonidan 2011-2012-yillarda I.M. Gubkin nomidagi Rossiya davlat neft va gaz universitetining Toshkent shahridagi Filialining moddiy-texnika bazasini mustahkamlash boʻyicha 3-ilovaga muvofiq aniq taʼlim yoʻnalishlari va mutaxassisliklar boʻyicha kompleks dasturni amalga oshirishda qatnashish uchun 1 188 ming AQSH dollari miqdorida mablagʻlar ajratilayotganligi maʼlumot uchun qabul qilinsin.

5. “Oʻzbekneftgaz” milliy xolding kompaniyasi Oʻzbekiston Respublikasi Davlat mulki qoʻmitasi va Toshkent shahar hokimligi bilan birgalikda 2012/2013 oʻquv yili boshlangunga qadar Toshkent shahri, Olimlar koʻchasi, 64a-uy manzilidagi binoni rekonstruksiya qilishni taʼminlasin, bunda oʻquv korpuslarini kengaytirishni, talabalar yashashi uchun qoʻshimcha joylar yaratishni, uni zarur mebel, inventar, zamonaviy oʻquv va laboratoriya asbob-uskunalari va tashkiliy texnika bilan jihozlashni nazarda tutsin.

6. Belgilab qoʻyilsinki:

Filialga oʻqishga kirish kvotalari I.M. Gubkin nomidagi Rossiya davlat neft va gaz universiteti, Oʻzbekiston Respublikasi Energetika vazirligi, Iqtisodiy taraqqiyot va kambagʻallikni qisqartirish vazirligi, Moliya vazirligi, Oliy va oʻrta maxsus taʼlim vazirligi bilan kelishilgan holda “Oʻzbekneftgaz” AJ, “Oʻztransgaz” AJ, “Hududgaztaʼminot” AJ, shuningdek, boshqa tashkilotlarning mutaxassislarga boʻlgan real ehtiyojini hisobga olgan holda Vasiylik kengashi qarori bilan tasdiqlanadi;

Filial faoliyatini moliyalashtirish Oʻzbekiston Respublikasi Oliy va oʻrta maxsus taʼlim vazirligiga ajratiladigan davlat grantlari shaklidagi davlat budjeti mablagʻlari, talabalarni, shu jumladan xorijiy talabalarni toʻlov-kontrakt asosida oʻqitish mablagʻlari, “Oʻzbekneftgaz” MXK mablagʻlari, shuningdek, Filial Vasiylik kengashi tomonidan homiylardan jalb qilinadigan mablagʻlar va qonun hujjatlarida taqiqlanmagan boshqa manbalar hisobidan amalga oshiriladi;

Vasiylik kengashining qaroriga koʻra Filial xodimlariga yuqori malaka, xorijiy tillarni bilish, ixtisoslashtirilgan kompyuter komplekslari bilan ishlash koʻnikmalariga ega boʻlganlik uchun shaxsiy ustamalar belgilanishi mumkin.

7. “Oʻzbekneftgaz” MXK, Oʻzbekiston Respublikasi Oliy va oʻrta maxsus taʼlim vazirligi hamda I.M. Gubkin nomidagi Rossiya davlat neft va gaz universitetining Filiali huzurida ixtisoslashtirilgan akademik litsey tashkil etish toʻgʻrisidagi taklifiga rozilik berilsin.

Toshkent shahar hokimligi bir oy muddatda Filial huzuridagi akademik litseyning yangi binosini qurish uchun Bektemir tumanidan belgilangan tartibda yer uchastkasi ajratilishini taʼminlasin.

“Oʻzbekneftgaz” milliy xolding kompaniyasi akademik litsey binosi va yotoqxonasi qurilishini, uning zarur mebel, inventar, zamonaviy oʻquv va laboratoriya asbob-uskunalari, tashkiliy texnika bilan jihozlanishini hamda 2012/2013 oʻquv yili boshlangunga qadar foydalanishga topshirilishini taʼminlasin.

8. Oʻzbekiston Respublikasi Vazirlar Mahkamasi ikki oy muddatda Toshkent shahrida I.M. Gubkin nomidagi Rossiya davlat neft va gaz universitetining Filiali huzurida ixtisoslashtirilgan akademik litsey tashkil etish toʻgʻrisida hukumat qarorini qabul qilsin.

9. Oʻzbekiston Respublikasi Prezidentining “Toshkent shahrida I.M. Gubkin nomidagi Rossiya davlat neft va gaz universiteti filiali faoliyatini tashkil etish toʻgʻrisida” 2007-yil 12-yanvardagi PQ-564-son qaroriga 2 va 3-ilovalar oʻz kuchini yoʻqotgan deb hisoblansin.

10. Mazkur qarorning ijrosini nazorat qilish Oʻzbekiston Respublikasining Bosh vaziri Sh.M. Mirziyoyev zimmasiga yuklansin.

Oʻzbekiston Respublikasi Prezidenti I. KARIMOV

Toshkent sh.,

2011-yil 6-iyul,

PQ-1569-son

Oʻzbekiston Respublikasi Prezidentining 2011-yil 6-iyuldagi PQ-1569-son qaroriga 1-ILOVA

I.M. Gubkin nomidagi Rossiya davlat neft va gaz universitetining Toshkent shahridagi filialida mutaxassislarni tayyorlash va oʻqitishning asosiy yoʻnalishlari

Foydali qazilma konlarini qidirish va razvedka qilishning geofizik usullari;

Quduqlarni tadqiq qilishning geofizik usullari;

Neft va gaz quduqlarini burgʻilash;

Neft va gaz konlarini oʻzlashtirish va ulardan foydalanish;

Neft va gaz sanoati korxonalarida iqtisodiyot va boshqaruv;

neft qazib chiqarish obyektlaridan foydalanish va ularga xizmat koʻrsatish;

gaz, gaz kondensati qazib olish obyektlari va yer osti omborxonalaridan foydalanish va ularga xizmat koʻrsatish;

Neft va gaz konlari mashinalari va uskunalari;

gaz-neft quvurlari va gaz-neft omborlarini loyihalashtirish, qurish va ulardan foydalanish;

Neft va gazni qayta ishlash uskunalari;

Texnologik jarayonlar va ishlab chiqarishlarni avtomatlashtirish;

Tabiiy energiya tashuvchilar va uglerodli materiallarning kimyoviy texnologiyasi.

Izoh: Vasiylik kengashi kadrlarga boʻlgan ehtiyojdan kelib chiqib, I.M. Gubkin nomidagi Rossiya davlat neft va gaz universiteti hamda Oʻzbekiston Respublikasi Oliy va oʻrta maxsus taʼlim vazirligi bilan kelishgan holda Filialda mutaxassislarni oʻqitish va tayyorlash yoʻnalishlari (profili) roʻyxatini kengaytirishi mumkin.

Oʻzbekiston Respublikasi Prezidentining 2011-yil 6-iyuldagi PQ-1569-son qaroriga 3-ILOVA

I.M. Gubkin nomidagi Rossiya davlat neft va gaz universitetining Toshkent shahridagi filiali uchun “LUKOYL” kompaniyasi tomonidan sotib olinadigan oʻquv-trenajyor va stend uskunalari

ROʻYXATI