Ayrim turdagi aksizli tovarlarni ishlab chiqarish va sotishning hisobi tizimi toʻgʻrisidagi vaqtinchalik nizomga oʻzgartirishlar kiritish haqida (1390-1-son)

20.03.2012

OʻZBEKISTON RESPUBLIKASI IQTISODIYOT VAZIRLIGI OʻZBEKISTON RESPUBLIKASI MOLIYA VAZIRLIGI OʻZBEKISTON RESPUBLIKASI DAVLAT SOLIQ QOʻMITASI OʻZBEKISTON RESPUBLIKASI MARKAZIY BANKI BOShQARUVINING

Qarori

[Oʻzbekiston Respublikasi Adliya vazirligi tomonidan 2012-yil 20-martda roʻyxatdan oʻtkazildi, roʻyxat raqami 1390-1]

Oʻzbekiston Respublikasi Prezidentining 2005-yil 21-sentabrdagi PQ–186-son “Tadbirkorlik faoliyati yuritish uchun ruxsatnoma turlarini qisqartirish va ularni berish tartib-qoidalarini soddalashtirish toʻgʻrisida”gi (Oʻzbekiston Respublikasi qonun hujjatlari toʻplami, 2005-y., 37-38-son, 285-modda), 2006-yil 11-yanvardagi PQ–255-son “Meva-sabzavotchilik va uzumchilik sohasini isloh qilish boʻyicha tashkiliy chora-tadbirlar toʻgʻrisida”gi (Oʻzbekiston Respublikasi qonun hujjatlari toʻplami, 2006-y., 2-son, 8-modda) qarorlariga, shuningdek mamlakatimiz yengil avtomobillarining sotilishi boʻyicha hisob-kitob tizimini keyinchalik takomillashtirish maqsadida Oʻzbekiston Respublikasi Iqtisodiyot vazirligi, Moliya vazirligi, Davlat soliq qoʻmitasi, Markaziy bank Boshqaruvi qaror qiladilar:

1. Oʻzbekiston Respublikasi Iqtisodiyot vazirligi, Moliya vazirligi, Davlat soliq qoʻmitasi, Markaziy bank Boshqaruvining 2004-yil 12-iyulda RA-01-8-31, 95, 2004-49, 256-V-son qarori (roʻyxat raqami 1390, 2004-yil 26-iyul) (Oʻzbekiston Respublikasi qonun hujjatlari toʻplami, 2004-y., 30-son, 347-modda) bilan tasdiqlangan Ayrim turdagi aksizli tovarlarni ishlab chiqarish va sotishning hisobi tizimi toʻgʻrisidagi vaqtinchalik nizomga ilovaga* muvofiq oʻzgartirishlar kiritilsin.

* Ilova rus tilidagi matnda beriladi.

2. Mazkur qaror Oʻzbekiston Respublikasi Adliya vazirligida davlat roʻyxatidan oʻtkazilgan kundan boshlab oʻn kun oʻtgandan keyin kuchga kiradi.

Iqtisodiyot vaziri G. SAIDOVA

Toshkent sh.,

2012-yil 20-fevral,

17-son

Moliya vaziri R. AZIMOV

Toshkent sh.,

2012-yil 20-fevral,

20-son

Davlat soliq qoʻmitasi raisi B. PARPIYEV

Toshkent sh.,

2012-yil 20-fevral,

2012-9-son

Markaziy bank raisi F. MULLAJONOV

Toshkent sh.,

2012-yil 20-fevral,

4/1-son