Viloyat bozorlarida bir martalik yigʻim va aholiga pullik xizmat koʻrsatish yigʻimlari miqdorini belgilash toʻgʻrisida (16-son)

12.01.2010

Toshkent viloyati hokimining

Qarori

Oʻzbekiston Respublikasi Vazirlar Mahkamasining 2003-yil 28-iyuldagi “Nooziq-ovqat isteʼmol tovarlari bilan savdo qilishni takomillashtirish chora-tadbirlari toʻgʻrisida”gi 330-son qarori talablarini bajarish hamda bozorlarda amalga oshirilgan qurilish, qayta qurish ishlarini moliyalashtirish va olingan kreditlarni oʻz vaqtida qaytarish, majburiy xarajatlarning oshishi munosabati bilan ularning moliyaviy ahvolini barqarorlashtirish maqsadida qaror qilaman:

1. Viloyat hududidagi bozorlarda bir martalik yigʻim va aholiga pullik xizmat koʻrsatish yigʻimlari miqdorini qayta koʻrib chiqish toʻgʻrisidagi viloyat Davlat soliq boshqarmasining 2009-yil 12-dekabrdagi 15/1-5095-son va “Toshviloyatbozorsavdo” uyushmasining 2009-yil 29-dekabrdagi 11/1-219-son murojaatlari inobatga olinsin.

2. Viloyat hududidagi bozorlarda qishloq xoʻjalik, oziq-ovqat va nooziq-ovqat mahsulotlari bilan savdo qiluvchi, tadbirkorlik faoliyatini amalga oshiruvchi shaxslardan undiriladigan bir martalik yigʻim toʻlovlari miqdori 1-ilovaga muvofiq va aholiga pullik xizmat koʻrsatish toʻlovlari miqdori 2-ilovaga muvofiq tasdiqlansin.

3. Mulkchilik shaklidan qatʼi nazar, bozorlar hududida joylashgan turgʻun savdo shoxobchalari (savdo pavilonlari) bozorlar infratuzilmasidan foydalanilganliklari uchun ulardan tasdiqlangan stavka boʻyicha toʻlovlar undirilishi belgilab qoʻyilsin.

4. “Toshviloyatbozorsavdo” uyushmasi (A. Mirsalimov) viloyat hududida faoliyat koʻrsatayotgan barcha bozorlarda bir martalik yigʻim va aholiga pullik xizmat koʻrsatish toʻlovlari toʻliq undirilishini taʼminlasin.

5. Viloyat Davlat soliq boshqarmasi (N. Erbekov) bozorlarda undiriladigan yigʻimlarni budjetga toʻliq tushirilishi ustidan doimiy nazorat oʻrnatsin.

6. Viloyatda faoliyat koʻrsatayotgan barcha bozorlar rahbarlariga bir martalik yigʻim va aholiga pullik xizmat koʻrsatish toʻlovlari toʻliq undirilishi va ularning mahalliy budjetga yoʻnaltiriladigan qismini oʻz vaqtida oʻtkazilishi javobgarligi:

belgilangan bir martalik yigʻim toʻlov miqdori va aholiga pullik xizmat koʻrsatish toʻlov miqdorlari jadvali bozorlarning maxsus koʻrinadigan joylariga osib qoʻyilishini tashkil etish vazifalari yuklatilsin.

7. Viloyat hokimining 2008-yil 31-iyuldagi 159-son qarori oʻz kuchini yoʻqotgan deb hisoblansin.

8. Mazkur qaror rasman eʼlon qilinganidan soʻng oʻn kundan keyin kuchga kiradi.

9. Ushbu qaror xalq deputatlari viloyat Kengashining navbatdagi sessiyasiga tasdiqlash uchun kiritilsin.

10. Qarorning ijrosini nazorat qilish viloyat hokimining oʻrinbosari S. Abdullayev zimmasiga yuklatilsin.

Hokim R. XOLMATOV

Toshkent sh.,

2010-yil 12-yanvar,

16-son

Viloyat hokimining 2010-yil 12-yanvardagi 16-son qaroriga 1-ILOVA

Viloyat hududidagi bozorlarda undiriladigan bir martalik yigʻim

MIQDORI

Viloyat hokimining 2010-yil 12-yanvardagi 16-son qaroriga 2-ILOVA

Viloyat hududidagi bozorlarda aholiga pullik xizmat koʻrsatish toʻlovlari

MIQDORI

ESLATMA: non, sut , goʻsht, pishirilgan oziq-ovqat va konditer mahsulotlari sotuvchilari uchun maxsus ust-bosh kiyim majburiydir.

Izoh: bir necha xil mahsulotlar bir sotuvchi tomonidan sotilsa, patta toʻlovi eng yuqori mahsulot turidan undiriladi.