Toshkent shahar hududida sanitariya holatini yaxshilash, obodonlashtirish va koʻkalamzorlashtirishda yoshlar faolligini oshirish toʻgʻrisida (388-son)

07.06.2008

Toshkent shahar hokimining

Qarori

2008-yil — “Yoshlar yili” munosabati bilan Toshkent shahrida “Yoshlar yili” davlat va hududiy dasturlarining bajarilishini taʼminlash hamda yoshlarni obodonlashtirish ishlariga jalb qilish, ularni ijtimoiy foydali mehnat bilan band qilish va poytaxt hududini koʻkalamzorlashtirish maqsadida qaror qilaman:

1. Toshkent shahar faollarining mehnatsevar va vatanparvar yosh avlodni tarbiyalash maqsadida poytaxt hududining tozaligini saqlash, sanitariya holatini yaxshilash, yangi bogʻlar barpo etish, obodonlashtirish va koʻkalamzorlashtirish ishlariga yoshlarni keng jalb qilgan holda, har bir umumtaʼlim maktab oʻquvchilaridan iborat “Bunyodkor yoshlar” va oʻrta maxsus kasb-hunar bilim yurtlari talabalaridan iborat “Tashabbuskor yoshlar” guruhlarini tuzish toʻgʻrisidagi taklifi maʼqullansin.

2. “Bunyodkor yoshlar” va “Tashabbuskor yoshlar” guruhlarining faoliyatini tashkillashtirish va muvofiqlashtirish boʻyicha tashkiliy qoʻmitaning tarkibi ilovaga muvofiq tasdiqlansin.

3. Toshkent shahar hokimligining Jamoat va diniy tashkilotlari bilan aloqalar boʻyicha majmuasi (P.M. Baxtiyorov) Toshkent shahar Xalq taʼlimi bosh boshqarmasi (N.X. Raxmonqulova), Oʻrta maxsus, kasb-hunar taʼlimi boshqarmasi (Sh.S. Javlonov), “Kamolot” YIHning Toshkent shahar boʻlimi (A.X. Mirzajonov):

“Bunyodkor yoshlar” va “Tashabbuskor yoshlar” guruhlarining faoliyatini tashkillashtirish va muvofiqlashtirish tartibi toʻgʻrisidagi nizom 10 kun muddatda ishlab chiqilsin va oʻrnatilgan tartibda tasdiqqa kiritilsin;

“Bunyodkor yoshlar” va “Tashabbuskor yoshlar” guruhlar faoliyatini baholash uchun tanlovlarning 1-bosqichi joriy yilning 7-avgust kuni va 2-bosqichi joriy yilning 2-dekabr kuni oʻtkazilib, ularning natijalari boʻyicha faol guruhlar ragʻbatlantirilsin.

Tuman hokimliklari, Toshkent shahar Xotin-qizlar qoʻmitasi (F.Y. Abduraximova), Ichki ishlar bosh boshqarmasi (Q.U. Nakibov), “Mahalla” jamgʻarmasining Toshkent shahar boʻlimi (J.X. Shoxakimov) bilan birgalikda: “Bunyodkor yoshlar” va “Tashabbuskor yoshlar” guruhlari tomonidan olib boriladigan ishlarni jonlantirish boʻyicha mahalla faollari va yoshlarini jalb etish, joylarda targʻibot ishlarini olib borish hamda yaratilgan bogʻlarni muntazam ravishda parvarishlash va saqlash ishlari amalga oshirilsin.

4. Toshkent shahar hokimligining Kapital qurilish, kommunal xoʻjaligi, obodonlashtirish, sanoat va tadbirkorlik masalalari majmuasi (R.J. Usmonov) Toshkent shahar Obodonlashtirish bosh boshqarmasi (A.M. Rizashov), Arxitektura va qurilish bosh boshqarmasi (S.S. Azizov), “ToshkentboshplanLITI” loyiha instituti (V.A. Akopdjanyan) tashkiliy qoʻmita bilan birgalikda 10 kun muddatda bogʻlar yaratiladigan hududlarni belgilasin va bunyodkorlik ishlarida amaliy yordam koʻrsatilsin.

5. Tuman hokimlari: Toshkent shahar hokimligidan tumanlarga biriktirilgan masʼul rahbarlar bilan birgalikda joylarda yoshlarning faolligini oshirish, bogʻlar yaratilishida har tomonlama koʻmak berish hamda olib boriladigan bunyodkorlik, obodonlashtirish va koʻkalamzorlashtirish ishlarini muvofiqlashtirish boʻyicha tegishli chora-tadbirlar belgilansin.

6. Toshkent shahar hokimining maʼnaviy va maʼrifiy ishlar boʻyicha yordamchisi (A.M. Akromov), Toshkent shahar hokimligining Axborot xizmati (X.I. Muxamedov) “Kamolot” YIHning Toshkent shahar boʻlimi bilan birgalikda ushbu qarorning mazmun-mohiyatini aholi, ayniqsa yoshlar orasida keng targʻib etish hamda olib borilayotgan ishlarni ommaviy axborot vositalarida yoritish ishlari amalga oshirilsin.

7. Ushbu qarorning ijrosini nazorat qilish Toshkent shahar hokimining oʻrinbosari N.M. Baxtiyorov zimmasiga yuklansin.

Hokim A. TOʻXTAYEV

Toshkent sh.,

2008-yil 7-iyun,

388-son

Shahar hokimining 2008-yil 7-iyundagi 388-son qaroriga ILOVA

“Bunyodkor yoshlar” va “Tashabbuskor yoshlar” guruhlarining faoliyatini tashkillashtirish va muvofiqlashtirish boʻyicha tashkiliy qoʻmitaning

TARKIBI