Oʻzbekiston Respublikasi Vazirlar Mahkamasining 2008-yil 8-fevraldagi 07-6-15-sonli “Oʻzbekiston Respublikasida badalsiz donorlik faoliyatini rivojlantirish dasturi”ning ijrosi toʻgʻrisida (761-son)

15.10.2008

Toshkent shahar hokimining

Qarori

Inson hayotini saqlab qolishda, koʻplab bemorlarni davolashda donorlik qonining ahamiyatini hamda Oʻzbekiston Respublikasi Vazirlar Mahkamasining 2008-yil 8-fevraldagi 07-6-15-sonli “Oʻzbekiston Respublikasida badalsiz donorlik faoliyatini rivojlantirish dasturi”ning ijrosini taʼminlash maqsadida qaror qilaman:

1. Sogʻliqni saqlash bosh boshqarma boshligʻi (M.S. Islamov), bosh boshqarma, boshqarma, tuman hokimlari, mulkchilik shaklidan qatʼi nazar, barcha tashkilot va muassasa rahbarlari:

“Qon preparatlari” ilmiy ishlab chiqarish uyushmasi hodimlari tomonidan badalsiz donorlarni tayyorlash va ulardan qon olishni tashkil qilishga qaratilgan tadbirlarga amaliy yordam berilsin;

jamoa aʼzolaridan badalsiz donorlarni tayyorlash va ulardan qon olish uchun maxsus shart-sharoit yaratilsin;

“Qon preparatlari” ilmiy ishlab chiqarish uyushmasi bilan badalsiz donorlar bilan ish olib borish masalasida shartnomalar tuzilsin.

2. Mazkur qarorning ijrosini nazorat qilish Toshkent shahar hokimining oʻrinbosari B.I. Toxirov zimmasiga yuklansin.

Hokim A. TOʻXTAYEV

Toshkent sh.,

2008-yil 15-oktabr,

761-son