Toshkent viloyati korxonalarida xalqaro standartlarga muvofiq boʻlgan sifatni boshqarish tizimlarini joriy etishni kengaytirishga doir qoʻshimcha chora-tadbirlar toʻgʻrisida (138-son)

01.07.2009

Toshkent viloyati hokimining

Qarori

Toshkent viloyati korxonalari tomonidan ishlab chiqarilayotgan mahsulotlar va koʻrsatilayotgan xizmatlarning raqobatdoshligini oshirish, ularning eksport salohiyatini koʻpaytirish hamda korxonalarda xalqaro standartlarga muvofiq boʻlgan sifatni boshqarish tizimlarini joriy etish maqsadida qaror qilaman:

1. Oʻzbekiston Respublikasi Vazirlar Mahkamasining 2009-yil 19-iyundagi “Respublika korxonalarida xalqaro standartlarga muvofiq boʻlgan sifatni boshqarish tizimlarini joriy etishni kengaytirishga doir qoʻshimcha chora-tadbirlar toʻgʻrisida”gi 173-son qarori ijro uchun qabul qilinsin.

2. Sifatni boshqarish tizimlarini joriy tizimni muvofiqlashtirish boʻyicha maxsus ishchi guruhning yangilangan tartibi 1-ilovaga muvofiq tasdiqlansin.

quyidagilar maxsus ishchi guruhning asosiy vazifalari etib belgilansin:

Respublika korxonalarida xalqaro standartlarga muvofiq boʻlgan sifatni boshqarish tizimlarini joriy etish ishlarini muvofiqlashtirish va ularni oʻz vaqtida sertifikatlashtirish;

ishlab chiqaruvchi korxonalarda xalqaro standartlarga muvofiq boʻlgan sifatni boshqarish tizimlarini oʻz vaqtida ishlab chiqish, joriy etish va sertifikatlash bilan bogʻliq jarayonlarning tizimli monitoringini olib borish;

xalqaro standartlarga muvofiq boʻlgan sifatni boshqarish tizimlarining joriy etgan ishlab chiqaruvchi korxonalarni ragʻbatlantirishga doir takliflar ishlab chiqish.

3. Oʻzbekiston Respublikasi Iqtisodiyot vazirligi, Tashqi iqtisodiy aloqalar, investitsiya va savdo vazirligi, xoʻjalik birlashmalari va korxonalarning xalqaro standartlarga muvofiq boʻlgan sifatni boshqarish tizimlarini 2011-yil 1-yanvargacha joriy etish toʻgʻrisidagi 2-ilovaga muvofiq takliflarga rozilik berilganligi;

Maxsus ishchi guruhga, zaruriyat boʻlganda, Oʻzbekiston Respublikasi Iqtisodiyot vazirligi, Tashqi iqtisodiy aloqalar, investitsiya va savdo vazirligi, boshqa manfaatdor davlat va xoʻjalik boshqaruvchi organlarning, shuningdek respublika korxonalarining takliflari asosida ushbu qarorning 2-ilovasiga oʻzgartirish va qoʻshimchalar kiritish huquqi berilganligi maʼlumot uchun qabul qilinsin.

4. “Oʻzstandart” agentligi viloyat boʻlimi (Imomaliyev) shahar va tuman hokimlari bilan birgalikda ikki oy muddatda 3-ilovada koʻrsatilgan korxonalar faoliyatini tahlil qilish asosida 2011-yil 1-yanvargacha xalqaro standartlarga muvofiq boʻlgan sifatni boshqarish tizimlarini joriy etish istiqboliga ega boʻlgan korxonalarning aniq roʻyxatini tasdiqlash uchun sifatni boshqarish tizimlarini joriy etish, muvofiqlashtirish boʻyicha maxsus ishchi guruhga kiritsin.

shahar va tuman hokimlari Maxsus ishchi guruhning ular yuzasidan ijobiy qarorlar qabul qilingan mintaqaviy korxonalar boʻyicha xalqaro standartlarga muvofiq boʻlgan sifatni boshqarish tizimlarini bosqichma-bosqich ishlab chiqish, joriy etish va sertifikatlashtirishga doir mintaqaviy tadbirlarni tasdiqlasinlar.

5. Quyidagilar belgilanganligi maʼlumot uchun qabul qilinsin:

xalqaro standartlarga muvofiq boʻlgan sifatni boshqarish tizimlarini ishlab chiqish va joriy etish uchun tegishli malakaga ega boʻlgan maslahatchini jalb etish ochiq tanlov asosida amalga oshiriladi;

xalqaro standartlarga muvofiq boʻlgan sifatni boshqarish tizimlarini sertifikatlashtirish qonun hujjatlarida belgilangan tartibda akkreditatsiya qilingan sertifikatlashtirish organlari tomonidan amalga oshiriladi.

Davlat ehtiyojlari uchun mahsulotlar xarid qilish yuzasidan tender savdolari oʻtkazishda boshqa teng shart-sharoitlarda ustunlik sifatini boshqarishning sertifikatlashtirilgan tizimga ega boʻlgan mamlakatimiz korxonalari mahsulot yetkazib beruvchilarga beriladi.

6. Oʻzbekiston Respublikasi Vazirlar Mahkamasining “Korxonalarda xalqaro standartlarga muvofiq boʻlgan sifatni boshqarish tizimlarini joriy etish chora-tadbirlari toʻgʻrisida” 2004-yil 22-iyuldagi 349-son qaroriga muvofiq foyda soligʻini hisoblashda yuridik shaxslarning soliq solinadigan foydasi qonun hujjatlarida belgilangan tartibda sifatni boshqarish tizimlarini joriy etishga va qoʻllab-quvvatlashga yoʻnaltiriladigan investitsiyalar summasiga kamaytirilishi maʼlumot uchun qabul qilinsin.

7. “Oʻzstandart” agentligi viloyat boʻlimi xalqaro sifat standartlarini joriy etgan korxonalar reyestrining ommaviy axborot vositalarida muntazam ravishda eʼlon qilib borilishini taʼminlasin.

8. Viloyat hokimining matbuot kotibi (R.Aripov) ishlab chiqarishlarda xalqaro standartlarga muvofiq boʻlgan sifatni boshqarish tizimlarini joriy etish boʻyicha korxonalar tajribasini har oyda ommaviy axborot vositalarida yoritib borsin.

9. Oʻzbekiston Respublikasi Hukumatining 4-ilovaga* muvofiq ayrim qarorlari oʻz kuchini yoʻqotgani” maʼlumot uchun qabul qilinsin.

*4-ilova berilmaydi

10. Mazkur qarorning ijrosini nazorat qilish viloyat hokimining birinchi oʻrinbosari S. Ilxomov zimmasiga yuklatilsin.

Hokim R. XOLMATOV

Toshkent sh.,

2009-yil 1-iyul,

138-son

Toshkent viloyati hokimining 2009-yil 1-iyuldagi 138-sonli qaroriga 1-ILOVA

Sifatni boshqarish tizimlarini joriy etishni muvofiqlashtirish boʻyicha maxsus ishchi guruhning yangilangan

Tarkibi

Toshkent viloyati hokimining 2009-yil 1-iyuldagi 138-sonli qaroriga 2-ILOVA

Xalqaro standartlarga muvofiq boʻlgan sifatni boshqarish tizimlarining 2011-yil 1-yanvargacha joriy etadigan xoʻjalik birlashmalari va korxonalarning

roʻyxati

Toshkent viloyati hokimining 2009-yil 1-iyuldagi 138-sonli qaroriga 3-ILOVA

Xalqaro standartlarga muvofiq boʻlgan sifatni boshqarish tizimlarini joriy etish istiqboliga ega boʻlgan xududiy korxonalarning

roʻyxati