Toshkent shahridagi davlat koʻchmas mulkini ijaraga berishda koʻllaniladigan ijara toʻlovining eng kam stavkalari haqida (428-son)

20.08.2009

Toshkent shahar hokimining

Qarori

Oʻzbekiston Respublikasi Vazirlar Mahkamasining 2009-yil 8-apreldagi “Davlat mulkini ijaraga berish tartibini takomillashtirish chora-tadbirlari toʻgʻrisida”gi 102-sonli qarorining 3-bandiga muvofiq xamda Oʻzbekiston Respublikasi Davlat mulkini boshqarish davlat qoʻmitasi tomonidan taqdim etilgan 2009-yil uchun ijaraning eng kam stavkalarini (Moliya vazirligi va Iqtisodiyot vazirligi bilan kelishilgan) koʻrib chiqib, shuningdek Davlat mulki qoʻmitasining 2009-yil 30-iyundagi 01/16-598-sonli murojaatini inobatga olib hamda Toshkent shahrida ijara munosabatlarini tartibga solish maqsadida qaror qilaman:

1. Toshkent shahridagi davlat koʻchmas mulkini ijaraga berishda 2009-yilda qoʻllaniladigan ijara toʻlovining eng kam stavkalari 1-ilovaga, ijara haqini hisoblash tartibi 2-ilovaga, ijara haqini hisoblashda qoʻshimcha koeffitsiyent qoʻllaniladigan Toshkent shahrining markaziy qatnov koʻchalari roʻyxati 3-ilovaga hamda ijara haqidan vaqtincha ozod etilgan korxona va tashkilotlar roʻyxati 4-ilovaga muvofiq tasdiqlansin.

2. Davlat mulki qoʻmitasining Toshkent shahar hududiy boshqarmasi (D. E. Atayev), Toshkent shahar davlat mulkini ijaraga berish markazi (A. A. Akromov):

2.1. Davlat koʻchmas mulkini ijaraga berishda Oʻzbekiston Respublikasi Vazirlar Mahkamasining 2009-yil 8-apreldagi 102-sonli qarori bilan tasdiqlangan “Davlat mulkini ijaraga berish tartibi toʻgʻrisida”gi nizomga qatʼiy ravishda rioya qilinishi taʼminlansin.

2.2. Ijara haqi qiymatini belgilashda 1-ilovada koʻrsatilgan davlat koʻchmas mulki uchun 2009-yilda qoʻllaniladigan eng kam stavkalaridan tayanch sifatida foydalanilsin.

2.3. Davlat koʻchmas mulkini ijaraga berishdan tushadigan ijara toʻlovlarining shartnomada belgilangan muddatlarda toʻlanishi hamda mahalliy budjet va balansda saqlovchilarga oʻrnatilgan tartibda taqsimlanishi taʼminlansin.

2.4. Ijaraga berilgan davlat mulki toʻgʻrisidagi maʼlumotlar har chorakda Toshkent shahar hokimligiga berib borilsin.

3. Belgilab qoʻyilsinki, davlat mulkini balansda saqlovchilarning mansabdor shaxslari ularning tasarrufida boʻlgan foydalanilmayotgan davlat mulki toʻgʻrisidagi maʼlumotlarni Toshkent shahar davlat mulkini ijaraga berish markaziga oʻz vaqtida, toʻliq va ishonchli berilishi uchun shaxsan javob beradilar.

4. Mazkur qaror Xalq deputatlari Toshkent shahar Kengashining navbatdagi sessiyasiga tasdiqlash uchun kiritilsin.

5. Ushbu qarorning bajarilishini nazorat qilish Toshkent shahar hokimining birinchi oʻrinbosari R. J. Usmonov zimmasiga yuklatilsin.

Hokim A. TOʻXTAYEV

Toshkent sh.,

2009-yil 20-avgust,

428-son

Shahar hokimining 2009-yil 20-avgustdagi 428-sonli qaroriga 1-ILOVA

Toshkent shahridagi davlat koʻchmas mulkidan foydalanganlik uchun 2009-yilda qoʻllaniladigan ijara toʻlovining eng kam

stavkalari

Shahar hokimining 2009-yil 20-avgustdagi 428-sonli qaroriga 2-ILOVA

Ijara toʻlovini hisoblash

tartibi

Ijara haqi stavkalariga qoʻllaniladigan oshiruvchi koeffitsiyentlar:

1. Hududiy zonalar koeffitsiyenti — Kz. (Toshkent shahar qoqimining 1996-yil 13-iyundagi 170-sonli qarorida belgilangan chegaralarga asosan)

2. Binoning joylashuvi va qurilshi turiga koʻra qoʻllaniladigan koeffitsiyentlar:

2.1. Binoning qurilish turi boʻyicha (Kk):

alohida turgan bino — 1.0

binoning ichki qismida joylashgan va taqab qurilgan — 0.8

yarim yertoʻla, yertoʻla — 0.6

cherdak, bojxona — 0.5

2.2. Tutashgan hududidan foydalanish koeffitsiyenti (Kh):

yer maydoni mavjud boʻlganda — 0.3

2.3. Tijorat maqsadida foydalanishda qulayligi (Kt):

metro stansiyasidan 200 metr radius atrofida — 0.7

asosiy qatnov koʻchalarida joylashgani — 0.6 (3-ilovaga muvofiq)

ikkinchi darajali qatnov koʻchalarida joylashgani — 0.5

Binolar va inshootlar boʻyicha ijara toʻlovini (ijara toʻlovining tayanch stavkasi) hisoblab chiqish quyidagi tarzda aniqlanadi:

Ts = Es x Kz x (Kk + Kq + Ko)

bunda: Ts - bir yilga 1 kv.m uchun ijara toʻlovining tayanch stavkasi;

Es — 1-ilovaga muvofiq korxonaning faoliyat turiga koʻra bir yilga 1 kv.m. uchun eng kam stavka.

Toshkent shahar hokimligi Binolardan foydalanish departamenti tasarrufidagi obyektlar boʻyicha kommunal-xizmat koʻrsatish shartnomalarida, maʼmuriy binolar fondini taʼmirlash uchun, ijara toʻlovidan qoʻshimcha 30 foiz miqdorida toʻlovlar kiritiladi.

Shahar hokimining 2009-yil 20-avgustdagi 428-sonli qaroriga 3-ILOVA

Toshkent shahridagi markaziy koʻchalar

roʻyxati

Shahar hokimining 2009-yil 20-avgustdagi 428-sonli qaroriga 4-ILOVA

Ijara toʻlovidan vaqtincha ozod etilgan korxonalar va tashkilotlar

ROʻYXATI