Viloyat shaharlarida qatnaydigan yoʻlovchi tashuvchi transporti xizmatlari tariflarini oshirish toʻgʻrisida (173-son)

14.08.2009

Toshkent viloyati hokimining

Qarori

Oʻzbekiston Respublikasi Vazirlar Mahkamasining 1994-yil 8-sentabrdagi “Shaharda va shahar atrofiga qatnaydigan yoʻlovchi tashish transporti xizmatlarining tariflari toʻgʻrisida”gi 455-sonli qarori talablaridan kelib chiqib xamda Oʻzbekiston Respublikasi Moliya vazirligining 2009-yil 23-iyundagi YOT/15-04-19-12/11-1836-sonli xatiga asosan viloyat shaharlari ichki yoʻnalishlarida yoʻlovchi tashuvchi transporti xizmatlari xarajatlarini qoplashni inobatga olgan holda avtobus transporti xizmatining barqaror ishlashini taʼminlash va yoʻlovchilar tashish transport xizmatlari tariflarini asosli shakllantirish maqsadida,

1. Toshkent viloyati hududidagi shaharlarida qatnaydigan yoʻlovchi tashuvchi avtobus transporti xizmatlarining cheklangan tariflarini yoʻlovchilar tashishning amalda shakllanayotgan xarajatlarini qoplashni taʼminlash va shu orqali shaharlarda yoʻlovchi tashuvchi avtobus transportining barqaror qatnovini taʼminlash maqsadida, 2009-yil 15-avgustdan boshlab viloyat hududidagi shahar ichi yoʻnalishlarida qatnovchi avtobuslarda bir martalik yurish chipta narxi 350 soʻm etib belgilansin.

2. Viloyat hokimligining yoʻlovchi transportining barcha turlari harakatini litsenziyalash va muvofiqlashtirish Departamenti (E.Azizov)ga:

transport xizmatlarining cheklangan tarifini shahar yoʻlovchi tashish avtokorxonalarida joriy etilishini taʼminlash:

shahar hokimliklari bilan birgalikda shahar ichki yunalishlarida faoliyat koʻrsatayotgan korxona va tashkilotlarning Oʻzbekiston Avtomobil va daryo transporti agentligi tomonidan 2003-yil 2-iyulda tasdiqlangan “Avtobus yoʻnalishlariga parallel yoʻnalishli taksi yoʻnalishlarini ochish (yopish) toʻgʻrisida”gi tavsiyanomasiga katʼiy amal qilgan holda shahar ichidagi yoʻnalishli taksi yoʻnalishlarida bir marta yurish chipta narxi 500 soʻm etib belgilansin va ularning ushbu narxda xizmat koʻrsatishi ustidan nazorat oʻrnatish vazifasi yuklatilsin.

3. Mazkur qaror qabul qilinishi bilan viloyat hokimining 2008-yil 21 maydagi 104-sonli qarori oʻz kuchini yoʻqotgan deb hisoblansin.

4. Ushbu qaror ijrosini nazorat qilish viloyat hokimining birinchi oʻrinbosari S. Ilxamov va hokim oʻrinbosari S. Abdullayev zimmalariga yuklatilsin.

Hokim R. XOLMATOV

Toshkent sh.,

2009-yil 14-avgust,

173-son