Oʻzbekiston SSR davlat geologiya va mineral resurslar komitetini tashkil etish toʻgʻrisida (PF-142-son)

12.02.1991

Oʻzbekiston SOVET SOTSIALISTIK RESPUBLIKASI Prezidentining

Farmoni

Geologiya tarmogʻining respublika hududida joylashgan korxonalari va tashkilotlarini boshqarishning samarali sistemasini vujudga keltirish, bozor munosabatlariga oʻtish sharoitida xalq xoʻjaligining mineral xomashyoning qidirib topilgan zaxiralariga ega boʻlgan ehtiyojlarini taʼminlash maqsadida “Oʻzbekgeologiya” bosh muvofiqlashtirish — Geologiya boshqarmasi, “Krasnoxolmsgeologiya” geologiya ishlab chiqarish birlashmasi, “Sredazkvarssamotsveti” ekspeditsiyasi va Butunittifoq noruda materiallar geologiyasi ilmiy-tadqiqot instituti Oʻrta Osiyo tajriba-metodika turkumining tegishli boʻlinmalari bilan birgalikda ular negizida Oʻzbekiston SSR Davlat geologiya va mineral resurslar komiteti tashkil etilsin.

Oʻzbekiston Sovet Sotsialistik Respublikasining Prezidenti I. KARIMOV

Toshkent sh.,

1991-yil 12-fevral,

PF-142-son