“Oʻzbekiston havo yoʻllari” mak havo kemalari parkini yangilash va unifikatsiyalashning investitsiya loyihasini amalga oshirishga doir qoʻshimcha chora-tadbirlar toʻgʻrisida (29-son)

03.02.2012

Oʻzbekiston Respublikasi Vazirlar Mahkamasining

qarori

“Oʻzbekiston havo yoʻllari” MAK havo kemalari parkini yangilash va unifikatsiyalash” investitsiya loyihasini amalga oshirishni jadallashtirish, uni moliyalashtirishning aniq manbalari bilan taʼminlash, joriy yilda “Boing-767-300ER” samolyotlarini oʻz vaqtida yetkazib berishni amalga oshirish maqsadida Vazirlar Mahkamasi qaror qiladi:

1. Maʼlumot uchun qabul qilinsinki:

“Oʻzbekiston havo yoʻllari” MAK havo kemalari parkini yangilash va unifikatsiya qilish” investitsiya loyihasining texnik-iqtisodiy asosi belgilangan tartibda tasdiqlandi;

samolyotlar va ularga ehtiyot dvigatellar yetkazib berishning yangilangan jadvali tasdiqlandi, unga muvofiq dastlabki ikkita “Boing-767-300ER” samolyoti va ehtiyot dvigatel 2012-yil fevral oyida yetkazib berilishi nazarda tutilgan;

“Oʻzbekiston havo yoʻllari” MAK tomonidan tuzilgan shartnomalarga muvofiq toʻrtta “Boing-767-300ER” samolyoti va ularning zaxira dvigatelini yetkazib berish uchun 88,98 mln AQSH dollari miqdorida avans toʻlovlari amalda toʻlab berildi.

2. “Oʻzbekiston havo yoʻllari” milliy aviakompaniyasi, Oʻzbekiston Respublikasi Tashqi iqtisodiy aloqalar, investitsiyalar va savdo vazirligi, Moliya vazirligining “Boing-767-300ER”ning dastlabki ikkita samolyoti va ularning ehtiyot dvigateli boʻyicha yetkazib berish toʻlovlarining bir qismini Oʻzbekiston Respublikasi Tiklanish va taraqqiyot jamgʻarmasining Oʻzbekiston Respublikasi Tashqi iqtisodiy faoliyat milliy banki orqali qayta moliyalashtiriladigan 106,93 mln AQSH dollari miqdoridagi krediti hisobiga moliyalashtirish toʻgʻrisidagi taklifiga rozilik berilsin.

3. Quyidagilar:

dastlabki ikkita “Boing-767-300ER” samolyoti va ularga ehtiyot dvigatel xarid qilish boʻyicha yetkazib berish toʻlovlarining bir qismini moliyalashtirish uchun jalb etiladigan Oʻzbekiston Respublikasi Tiklanish va taraqqiyot jamgʻarmasi kreditini soʻndirishning prognoz jadvali 2-ilovaga muvofiq tasdiqlansin.

4. Belgilab qoʻyilsinki, Oʻzbekiston Respublikasi Tiklanish va taraqqiyot jamgʻarmasining birinchi ikkita “Boing-767-300ER” samolyoti va ularning zaxira dvigateli boʻyicha yetkazib berish toʻlovlarining bir qismini moliyalashtirishga jalb etiladigan kreditini qaytarish “Oʻzbekiston havo yoʻllari” milliy aviakompaniyasining oʻz mablagʻlari hisobiga amalga oshiriladi.

5. “Oʻzbekiston havo yoʻllari” milliy aviakompaniyasi, Oʻzbekiston Respublikasi Tashqi iqtisodiy faoliyat milliy banki, Tiklanish va taraqqiyot jamgʻarmasi kredit shartnomalari imzolanishini hamda loyiha doirasida ilgari tuzilgan kredit shartnomalariga ushbu qarordan kelib chiqadigan oʻzgartirishlar kiritilishini taʼminlasinlar.

6. Oʻzbekiston Respublikasi moliya vaziriga:

“Oʻzbekiston havo yoʻllari” MAKning Oʻzbekiston Respublikasi Tiklanish va taraqqiyot jamgʻarmasining qayta moliyalashtiriladigan krediti boʻyicha majburiyatlari yuzasidan Oʻzbekiston Respublikasi Tashqi iqtisodiy faoliyat milliy bankiga toʻlov undirmasdan Oʻzbekiston Respublikasining kafolatini bersin;

“Oʻzbekiston havo yoʻllari” MAK majburiyatlari boʻyicha Oʻzbekiston Respublikasi Tashqi iqtisodiy faoliyat milliy bankiga loyiha doirasida avval berilgan Oʻzbekiston Respublikasi kafolatlariga ushbu qarordan kelib chiqadigan oʻzgartirishlar kiritsin.

7. “Oʻzbekiston havo yoʻllari” milliy aviakompaniyasi, Oʻzbekiston Respublikasi Tashqi iqtisodiy faoliyat milliy banki, Moliya vazirligi, Tashqi iqtisodiy aloqalar, investitsiyalar va savdo vazirligi eng yaxshi tanlov takliflarini tanlab olish asosida 2013-yilning 1-yanvarigacha boʻlgan muddatda 2013-yilda yetkazib beriladigan uchinchi va toʻrtinchi “Boing-767-300ER” samolyotlari boʻyicha yetkazib berish toʻlovlarining bir qismini moliyalashtirish uchun xorijiy bankning eng yaxshi taklifi ishlab chiqilishi va tanlab olinishini taʼminlasinlar.

8. Vazirlar Mahkamasining “Oʻzbekiston havo yoʻllari” MAK havo kemalari parkini yangilash va unifikatsiyalash” investitsiya loyihasini amalga oshirish chora-tadbirlari toʻgʻrisida” 2010-yil 2-iyundagi 102-son qaroriga 3-ilovaga muvofiq qoʻshimcha va oʻzgartirishlar kiritilsin.

9. Mazkur qarorning ijrosini nazorat qilish Oʻzbekiston Respublikasining Bosh vaziri Sh.M. Mirziyoyev zimmasiga yuklansin.

Oʻzbekiston Respublikasi Prezidenti I. KARIMOV

Toshkent sh.,

2012-yil 3-fevral,

29-son

Vazirlar Mahkamasining 2012-yil 3-fevraldagi 29-son qaroriga 2-ILOVA

Dastlabki ikkita “Boing-767-300ER” samolyoti va ularga ehtiyot dvigatel xarid qilish boʻyicha yetkazib berish toʻlovlarining bir qismini moliyalashtirish uchun jalb etiladigan oʻzbekiston respublikasi tiklanish va taraqqiyot jamgʻarmasi kreditini qaytarishning prognoz jadvali

Izohlar:

* Summalar samolyotlar va zaxira dvigatelini yetkazib berish sanasidagi haqiqiy narx oʻsishini hisobga olgan holda aniqlanadi.

** Toʻlovlar summasi tanlab olingan kreditning haqiqiy summasiga bogʻliq.

*** Komissiya va foiz toʻlovlari miqdori kredit namunalarining haqiqiy miqdori va sanasiga bogʻliq.kredita.

Vazirlar Mahkamasining 2012-yil 3-fevraldagi 29-son qaroriga 3-ILOVA

Vazirlar Mahkamasining “Oʻzbekiston havo yoʻllari” MAK havo kemalari parkini yangilash va unifikatsiyalash” investitsiya loyihasini amalga oshirish chora-tadbirlari toʻgʻrisida” 2010-yil 2-iyundagi 102-son qaroriga kiritilayotgan qoʻshimcha va oʻzgartirishlar

1. 1-ilovaga izoh quyidagi mazmundagi xatboshi bilan toʻldirilsin:

“*** Manbalar boʻyicha moliyalashtirish summasi qoʻllanilayotgan moliyalashtirish sxemasiga qarab oʻzgarishi mumkin.”

2. 2-ilovaga izoh quyidagi mazmundagi band bilan toʻldirilsin:

“3. Moliyalashtirish jadvali qoʻllaniladigan moliyalashtirish sxemasiga qarab oʻzgarishi mumkin.”.

3. 8 va 9-ilovalar oʻz kuchini yoʻqotgan deb hisoblansin.