Transport va tovarlar tranziti sohasida hamkorlik toʻgʻrisida

14.03.2007

OʻZBEKISTON RESPUBLIKASI HUKUMATI BILAN POKISTON ISLOM RESPUBLIKASI HUKUMATI OʻRTASIDA

Bitim

Oʻzbekiston Respublikasi Hukumati va Pokiston Islom Respublikasi Hukumati, bundan keyin alohida “Tomon”, birgalikda “Tomonlar” deb ataluvchilar,

Ikki davlat oʻrtasida yuklar tashuvini, shuningdek oʻz davlatlari hududlari orqali uchinchi mamlakatlarga tranzit tashuvlarni yengillashtirish istagida,

1965-yil 8-iyuldagi Ichki kontinental davlatlarning tranzit savdosi toʻgʻrisidagi konvensiyasi qoidalariga asoslanib,

quyidagilar toʻgʻrisida ahdlashib oldilar:

1-modda

1.1. Tomonlar, oʻzlarining milliy qonunchiligiga muvofiq boshqa tomon davlat tashuvchilariga nisbatan yer usti transporti kommunikatsiyalari boʻyicha transport vositasiga mulkchilik huquqidan qatʼi nazar, erkin tranzit qatnovini taqdim etishga harakat qiladilar.

2-modda

2.1. “Tranzit qatnovi” boshqa tomon davlat hududi orqali Tomon davlatlar tovarlarining tashuvi va transport vositalarining qatnovini anglatadi.

2.2. Tranzit qatnovini amalga oshirish maqsadida Tomonlar davlat va xususiy sektorda qoʻshma transport kompaniyalarini tuzish imkoniyatlarini koʻrib chiqadilar.

3-modda

3.1. Yuklar tashuvi Tomonlar davlatlarida roʻyxatdan oʻtkazilgan transport vositalari orqali amalga oshirilishi lozim. Avtomobil transporti orqali xalqaro tranzit tashuvlariga oʻzaro kelishuv asosida ruxsat beriladi va tranzit qatnovini bevosita amalga oshirayotgan transport vositasiga nisbatan qoʻllaniladi.

3.2. Tranzit qatnovi bilan bogʻliq masalalarni ijro etish, protseduralar va qoidalar, shuningdek avtomobil transporti orqali xalqaro tranzit tashuvlariga ruxsat berish Tomonlar oʻrtasidagi oʻzaro kelishuv asosida amalga oshiriladi.

4-modda

4.1. Tomonlar ilova qilingan va mazkur Bitimning ajralmas qismi boʻlib hisoblanadigan tranzit qatnovi uchun moʻljallangan avtomobil marshrutlari va ruxsatnoma joylari roʻyxatini belgilaydilar.

4.2. Tomonlar davlatlari hududi boʻyicha tranzit qatnovi uchun moʻljallangan avtomobil marshrutlari roʻyxatiga oʻzgartirishlar kiritilgan taqdirda, Tomonlar diplomatik kanallar orqali bir-birini xabardor qiladilar.

5-modda

5.1. Tomonlar oʻz davlatlarining avtomobil va temir yoʻl magistrallari boʻyicha tashuvlarda transport vositalari ekipajlarining xavfsizligini, avtotransport vositalari, temir yoʻl vagonlari, konteynerlar, shu jumladan, yuklarni saqlashni taʼminlash boʻyicha kerakli choralarni koʻradilar.

6-modda

6.1. Tomonlar davlatlari hududi orqali tranzit olib oʻtiladigan tovarlar tranzit mamlakatidagi transport faoliyatidan olinadigan daromad yoki foyda soligʻi, shuningdek bojxona toʻlovlarini toʻlashdan ozod etiladi.

6.2. Shuningdek, Tomonlar oʻz milliy qonunchiligiga muvofiq tranzit tashuvlarini amalga oshirayotgan transport vositalaridan yigʻimlar, jumladan kirish uchun yigʻim, shuningdek bojxona rasmiylashtiruvi va tranzit yuklarining bojxona kuzatuvini amalga oshirish bilan bogʻliq yigʻimlar undirishi mumkin.

6.3. Tovarlarning tranzit qatnovini yengillashtirish maqsadida, Tomonlar tashuv hujjatlarini (transport yoʻl qogʻozi blanklari) birxillashtirish boʻyicha choralar koʻradilar.

7-modda

7.1. Tomonlar imkoniyatga qarab, temir yoʻl va avtomobil transportiga nisbatan qoʻllaniladigan talablarni taʼminlash uchun kerakli choralarni koʻradilar.

8-modda

8.1. Qurollar, aslahalar, harbiy uskunalar va xavfli hamda maxsus yuklarning Tomonlar davlatlari transporti kommunikatsiyalari orqali tashish va tranzit olib oʻtish Tomonlar milliy qonunchiligiga muvofiq amalga oshiriladi.

8.2. Tomonlar bir-birlariga oʻz davlatlarining milliy qonunchiligiga muvofiq, ularning davlatlari hududlariga olib kirish, olib chiqish va tranzit olib oʻtishga taqiqlangan yuklar roʻyxatlarini taqdim etadilar.

9-modda

9.1. Mazkur Bitimni amalga oshirish bilan bogʻliq masalalar savdo-iqtisodiy hamkorlik boʻyicha Oʻzbekiston — Pokiston hukumatlararo komissiya doirasida koʻrib chiqiladi.

9.2. Tomonlar mazkur komissiya doirasida Tomonlar vakolatli organlari vakillaridan iborat boʻlgan idoralararo qoʻshma komissiyalar va ekspertlar guruhlarini tuzishlari mumkin.

9.3. Tomonlar oʻzaro samarali hamkorlikni amalga oshirish maqsadida muntazam ravishda transport tashuvlari sohasida mutaxassislarni almashib turadilar.

10-modda

10.1. Tomonlar tranzit qatnovlariga nisbatan oʻz milliy qonunchiligiga muvofiq, nafaqat jamoat xavfsizligi, sanitariya va gigiyena, axloq qoidalari, sogʻliqni saqlash, veterinariya qoidalari yoki psixopatologik holatlar, intellektual mulk huquqi obyektlarini himoya qilish uchun, balki iqtisodiy va boshqa asoslardan kelib chiqib, toʻliq yoki qisman taqiqlashlar va cheklovlarni tatbiq etishga haqlidirlar.

10.2. Tomonlar mazkur Bitimning 10.1-bandiga muvofiq taqiqlashlar va cheklovlarni joriy etish toʻgʻrisida bir-birlarini diplomatik kanallar orqali bunday choralar toʻgʻrisidagi qaror qabul qilingandan soʻng 72 soatdan kechikmay xabardor qiladilar.

11-modda

Mazkur Bitimning samarali amal qilishini taʼminlash maqsadida Tomonlar oʻzlarining vakolatli organlarini belgilaydilar:

Oʻzbekiston Respublikasi uchun — “Tashqi iqtisodiy aloqalar, investitsiyalar va savdo vazirligi”;

Pokiston Islom Respublikasi uchun — “Kommunikatsiya vazirligi”.

12-modda

12.1. Mazkur Bitim Tomonlarning ular ishtirokchisi hisoblangan boshqa xalqaro shartnomalaridan kelib chiqadigan huquq va majburiyatlariga daxl qilmaydi.

13-modda

13.1. Mazkur Bitim bilan tartibga solinmagan masalalar Tomonlar davlatlarining qonunchiligiga muvofiq hal etiladi.

13.2. Tomonlar bojxona, savdo va transportga oid oʻz qonun hujjatlaridagi oʻzgartirishlar toʻgʻrisida bir-birlarini muntazam ravishda xabardor etadilar.

14-modda

14.1. Ushbu Bitim qoidalarini talqin qilish va qoʻllash bilan bogʻliq nizolar maslahatlashuvlar va muzokaralar oʻtkazish orqali hal etiladi.

15-modda

15.1. Mazkur Bitimga Tomonlarning oʻzaro kelishuviga muvofiq mazkur Bitimning ajralmas qismi hisoblanadigan bayonnomalar bilan rasmiylashtiriladigan oʻzgartirish va qoʻshimchalar kiritilishi mumkin. Bayonnomalar ushbu Bitimning 16-moddasida belgilangan tartibda kuchga kiradi.

16-modda

16.1. Mazkur Bitim ratifikatsiya qilinishi lozim. Bitim ratifikatsiya yorliqlari almashingan kundan boshlab kuchga kiradi.

16.2. Mazkur Bitim besh yil davomida amal qiladi va denonsatsiya qilinishiga qadar avtomatik tarzda kelgusi besh yillik muddatga uzaytiriladi. Har bir Tomon istalgan vaqtda boshqa Tomonni oʻzining mazkur Bitimni toʻxtatish toʻgʻrisidagi xohishini olti oy ilgari xabardor qilgan holda toʻxtatishi mumkin. Mazkur Bitimning qoidalari uning amal qilishi davrida tuziladigan shartnomalar va loyihalarga nisbatan ham qoʻllaniladi.

Toshkent shahrida 2007-yil 14-martda, ikki asl nusxada, har biri oʻzbek va ingliz tillarida tuzildi, bunda barcha matnlar bir xil kuchga ega.

Mazkur Bitimning ayrim holatlarini talqin etishda kelishmovchiliklar yuzaga kelgan taqdirda, ingliz tilidagi matn asos sifatida qabul qilinadi.

(imzolar)

Xorijiy avtotashuvchilarning Oʻzbekiston Respublikasi hududi boʻylab harakat qilishiga moʻljallangan avtomobil yoʻllari

ROʻYXATI

1-yoʻnalish — 682 km

Turkmaniston chegarasi — Xoʻjayli (Qoraqalpogʻiston Respublikasi) — Olot (Buxoro viloyati) — Turkmaniston chegarasi.

Turkmaniston chegarasi — Xoʻjayli bojxona posti — A—381 — A— 380 — M —37 avtomobil yoʻllari boʻylab — Olot bojxona posti — Turkmaniston chegarasi.

2-yoʻnalish — 1035 km

Turkmaniston chegarasi — Xoʻjayli (Qoraqalpogʻiston Respublikasi) — Xayraton (Surxondaryo viloyati) — Afgʻoniston chegarasi.

Turkmaniston chegarasi — Xoʻjayli bojxona posti — A—381 — A—380 — M — 37 avtomobil yoʻllari boʻylab — Xayraton bojxona posti — Afgʻoniston chegarasi.

3-yoʻnalish — 1086 km

Turkmaniston chegarasi — Xoʻjayli (Qoraqalpogʻiston Respublikasi) — Gulbahor (Surxondaryo viloyati) bojxona postlari — Tojikiston chegarasi.

Turkmaniston chegarasi — Xoʻjayli bojxona posti — A —381 — A —380 — M — 37 — 4R99 avtomobil yoʻllari boʻylab — Gulbahor bojxona posti — Tojikiston chegarasi.

4-yoʻnalish — 1152 km

Turkmaniston chegarasi — Xoʻjayli (Qoraqalpogʻiston Respublikasi) — Sariosiyo (Surxondaryo viloyati) — Tojikiston chegarasi.

Turkmaniston chegarasi — Xoʻjayli bojxona posti — A—381 — A —380 — M —39 — M —41 avtomobil yoʻllari boʻylab — Sariosiyo bojxona posti — Tojikiston chegarasi.

5-yoʻnalish — 905 km

Turkmaniston chegarasi — Xoʻjayli (Qoraqalpogʻiston Respublikasi) — Jartepa (Samarqand viloyati) — Tojikiston chegarasi.

Turkmaniston chegarasi — Xoʻjayli bojxona posti — A —381 — A —380 — M —37 avtomobil yoʻllari boʻylab — 4R45 avtomobil yoʻli boʻylab Samarqand shahrini aylanib oʻtish — soʻngra — M — 39 — A— 377 avtomobil yoʻllari boʻylab — Jartepa bojxona posti — Tojikiston chegarasi.

6-yoʻnalish — 1168 km

Turkmaniston chegarasi — Xoʻjayli (Qoraqalpogʻiston Respublikasi) — Oybek (Toshkent viloyati) — Tojikiston chegarasi.

Turkmaniston chegarasi — Xoʻjayli bojxona posti — A — 381 — A — 380 — M — 37 avtomobil yoʻllari boʻylab — 4R45 avtomobil yoʻli boʻylab Samarqand shahrini aylanib oʻtish — soʻngra M — 39 avtomobil yoʻlining 872 — kilometrigacha va 4R26 ga burilish — soʻngra 4R24 — 4R25 — 4R20 avtomobil yoʻllari boʻylab — Oybek bojxona posti — Tojikiston chegarasi.

7-yoʻnalish — 1375 km

Turkmaniston chegarasi — Xoʻjayli (Qoraqalpogʻiston Respublikasi) — Oybek (Toshkent viloyati) — Tojikiston chegarasi — Andarxon (Fargʻona viloyati) — Doʻstlik (Andijon viloyati) — Qirgʻiziston chegarasi.

Turkmaniston chegarasi — Xoʻjayli bojxona posti — A—381 — A —380 — M — 37 avtomobil yoʻllari boʻylab — 4R45 avtomobil yoʻli boʻylab Samarqand shahrini aylanib oʻtish — soʻngra M — 39 avtomobil yoʻlining 872 — kilometrigacha va 4R26 ga burilish — soʻngra 4R24 — 4R25 — 4R20 avtomobil yoʻllari boʻylab — Oybek bojxona posti — Tojikiston chegarasi — Andarxon bojxona posti — A —376 — A—373 yoʻllari boʻylab — Doʻstlik bojxona posti — Qirgʻiziston chegarasi.

8-yoʻnalish — 1081 km

Turkmaniston chegarasi — Xoʻjayli (Qoraqalpogʻiston Respublikasi) — Yallama (Toshkent viloyati) — Qozogʻiston chegarasi.

Turkmaniston chegarasi — Xoʻjayli bojxona posti — A —381 — A—380 — M — 37 avtomobil yoʻllari boʻylab — 4R45 avtomobil yoʻli boʻylab Samarqand shahrini aylanib oʻtish — soʻngra M — 39 avtomobil yoʻlining 865 — kilometrigacha — 4P186 avtomobil yoʻliga chiqish — Yallama bojxona posti — Qozogʻiston chegarasi.

9-yoʻnalish — 345 km

Turkmaniston chegarasi — Olot (Buxoro viloyati) — Xayraton (Surxondaryo viloyati) — Afgʻoniston chegarasi.

Turkmaniston chegarasi — Olot bojxona posti — M —37 — A — 380 — M — 39 avtomobil yoʻllari boʻylab — Xayraton bojxona posti — Afgʻoniston chegarasi.

10-yoʻnalish — 595 km

Turkmaniston chegarasi — Olot (Buxoro viloyati) — Gulbahor (Surxondaryo viloyati) — Tojikiston chegarasi.

Turkmaniston chegarasi — Olot bojxona posti — M —37 — M —39 — 4R99 avtomobil yoʻllari boʻylab — Gulbahor bojxona posti — Tojikiston chegarasi.

11-yoʻnalish — 619 km

Turkmaniston chegarasi — Olot (Buxoro viloyati) — Sariosiyo (Surxondaryo viloyati) — Tojikiston chegarasi.

Turkmaniston chegarasi — Olot bojxona posti — M —37 — M —39 — M — 41 avtomobil yoʻllari boʻylab — Sariosiyo bojxona posti — Tojikiston chegarasi.

12-yoʻnalish — 414 km

Turkmaniston chegarasi — Olot (Buxoro viloyati) — Jartepa (Samarqand viloyati) — Tojikiston chegarasi.

Turkmaniston chegarasi — Olot bojxona posti — M — 37 avtomobil yoʻllari boʻylab — 4R45 avtomobil yoʻli boʻylab Samarqand shahrini aylanib oʻtish — soʻngra M — ZS — A — 377 avtomobil yoʻllari boʻylab — Jartepa bojxona posti — Tojikiston chegarasi.

13-yoʻnalish — 682 km

Turkmaniston chegarasi — Olot (Buxoro viloyati) — Oybek (Toshkent viloyati) — Tojikiston chegarasi.

Turkmaniston chegarasi — Olot bojxona posti — M — 37 avtomobil yoʻllari boʻylab — 4R45 avtomobil yoʻli boʻylab Samarqand shahrini aylanib oʻtish, soʻngra M — 39 avtomobil yoʻli boʻylab 872 — kilometr — 4R26 yoʻliga chiqish — 4R24 — 4R25 — 4R20 avtomobil yoʻllari boʻylab — Oybek bojxona posti — Tojikiston chegarasi.

14-yoʻnalish — 973 km

Turkmaniston chegarasi — Olot (Buxoro viloyati) — Oybek (Toshkent viloyati) — Andarxon (Fargʻona viloyati) — Doʻstlik (Andijon viloyati) — Qirgʻiziston chegarasi.

Turkmaniston chegarasi — Olot bojxona posti — M — 37 avtomobil yoʻllari boʻylab — 4R45 avtomobil yoʻli boʻylab Samarqand shahrini aylanib oʻtish — soʻngra M — 39 avtomobil yoʻli boʻylab 872 — kilometr — 4R26 yoʻliga chiqish — 4R24 — 4R25 — 4R20 avtomobil yoʻllari boʻylab — Oybek bojxona posti — Tojikiston chegarasi — Andarxon bojxona posti — A — 376 — A — 373 avtomobil yoʻllari boʻyicha — Doʻstlik bojxona posti — Qirgʻiziston chegarasi.

15-yoʻnalish — 603 km

Turkmaniston chegarasi — Olot (Buxoro viloyati) — Yallama (Toshkent viloyati) — Qozogʻiston chegarasi.

Turkmaniston chegarasi — Olot bojxona posti — M — 37 avtomobil yoʻli boʻylab — 4R45 avtomobil yoʻli boʻylab Samarqand shahrini aylanib oʻtish soʻngra M — 39 avtomobil yoʻli boʻylab 865 — kilometrgacha — 4P186 yoʻliga chiqish — Yallama bojxona posti — Qozogʻiston chegarasi.

16-yoʻnalish — 52 km

Afgʻoniston chegarasi — Xayraton (Surxondaryo viloyati) — Gulbahor (Surxondaryo viloyati) — Tojikiston chegarasi.

Afgʻoniston chegarasi — Xayraton bojxona posti — M — 39 — 4R99 avtomobil yoʻllari boʻylab — Gulbahor bojxona posti — Tojikiston chegarasi.

17-yoʻnalish — 180 km

Afgʻoniston chegarasi — Xayraton (Surxondaryo viloyati) — Sariosiyo (Surxondaryo viloyati) — Tojikiston chegarasi.

Afgʻoniston chegarasi — Xayraton bojxona posti — M — 39 — M — 41 avtomobil yoʻllari boʻylab — Sariosiyo bojxona posti — Tojikiston chegarasi.

18-yoʻnalish — 452 km

Afgʻoniston chegarasi — Xayraton (Surxondaryo viloyati) — Jartepa (Samarqand viloyati) — Tojikiston chegarasi.

Afgʻoniston chegarasi — Xayraton bojxona posti — M — 39 avtomobil yoʻli boʻylab — 4R45 avtomobil yoʻli boʻylab Samarqand shahrini aylanib oʻtish — A — 377 avtomobil yoʻli boʻylab — Jartepa bojxona posti — Tojikiston chegarasi.

19-yoʻnalish — 751 km

Afgʻoniston chegarasi — Xayraton (Surxondaryo viloyati) — Oybek (Toshkent viloyati) — Tojikiston chegarasi.

Afgʻoniston chegarasi — Xayraton bojxona posti — M —39 avtomobil yoʻli boʻylab — 4R45 avtomobil yoʻli boʻylab Samarqand shahrini aylanib oʻtish — soʻngra M — 39 avtomobil yoʻli boʻylab 872—kilometrgacha — 4R26 yoʻliga chiqish — 4R24 — 4R25 — 4R20 avtomobil yoʻli — Oybek bojxona posti — Tojikiston chegarasi.

20-yoʻnalish — 958 km

Afgʻoniston chegarasi — Xayraton (Surxondaryo viloyati) — Oybek (Toshkent viloyati) — Andarxon (Fargʻona viloyati) — Doʻstlik (Andijon viloyati) — Qirgʻiziston chegarasi.

Afgʻoniston chegarasi — Xayraton bojxona posti — M — 30 avtomobil yoʻli boʻylab — 4R45 avtomobil yoʻli boʻylab Samarqand shahrini aylanib oʻtish — soʻngra M — 39 avtomobil yoʻli boʻylab 872 — kilometrgacha — 4R26 yoʻliga chiqish — Oybek bojxona posti — Tojikiston chegarasi — Andarxon bojxona posti — A — 376 — A — 373 yoʻllari boʻylab — Doʻstlik bojxona posti — Qirgʻiziston chegarasi.

21-yoʻnalish — 664 km

Afgʻoniston chegarasi — Xayraton (Surxondaryo viloyati) — Yallama (Toshkent viloyati) — Qozogʻiston chegarasi.

Afgʻoniston chegarasi — Xayraton bojxona posti — M — 39 — A —380 — A — 378 avtomobil yoʻllari boʻylab — 4R45 avtomobil yoʻli boʻylab Samarqand shahrini aylanib oʻtish — soʻngra M — 39 avtomobil yoʻli boʻylab 865 — kilometrgacha — 4P186 yoʻliga chiqish — Yallama bojxona posti — Qozogʻiston chegarasi.

22-yoʻnalish — 220 km

Tojikiston chegarasi — Gulbahor (Surxondaryo viloyati) — Sariosiyo (Surxondaryo viloyati) — Tojikiston chegarasi.

Tojikiston chegarasi — Gulbahor bojxona posti — 4R99 — M — 39 — M — 41 avtomobil yoʻllari boʻylab — Sariosiyo bojxona posti — Tojikiston chegarasi.

23-yoʻnalish — 500 km

Tojikiston chegarasi — Gulbahor (Surxondaryo viloyati) — Jartepa (Samarqand viloyati) — Tojikiston chegarasi.

Tojikiston chegarasi Gulbahor bojxona posti — 4R99 — M — 39 — A — 380 A — 378 avtomobil yoʻllari boʻylab — 4R45 avtomobil yoʻli boʻylab Samarqand shahrini aylanib oʻtish — soʻngra M — 39 — A — 377 avtomobil yoʻllari boʻylab — Jartepa bojxona posti — Tojikiston chegarasi.

24-yoʻnalish — 801 km

Tojikiston chegarasi — Gulbahor (Surxondaryo viloyati) — Oybek (Toshkent viloyati) — Tojikiston chegarasi.

Tojikiston chegarasi — Gulbahor bojxona posti — 4R45 — M — 39 — A — 380 — A — 378 avtomobil yoʻllari boʻylab — 4R45 avtomobil yoʻli boʻylab Samarqand shahrini aylanib oʻtish — soʻngra M — 39 avtomobil yoʻli boʻylab 872 — kilometrgacha — 4R26 yoʻliga chiqish — soʻngra 4R22 — 4R25 — 4R20 avtomobil yoʻllari boʻylab — Oybek bojxona posti — Tojikiston chegarasi.

25-yoʻnalish — 1008 km

Tojikiston chegarasi — Gulbahor (Surxondaryo viloyati) — Oybek (Toshkent viloyati) — Andarxon (Fargʻona viloyati) — Doʻstlik (Andijon viloyati) — Qirgʻiziston chegarasi.

Tojikiston chegarasi — Gulbahor bojxona posti — 4R99 — M — 39 avtomobil yoʻllari boʻylab — 4R45 avtomobil yoʻli boʻylab Samarqand shahrini aylanib oʻtish M — 39 avtomobil yoʻllari boʻylab 4R45 — kilometrgacha — 4R26 yoʻliga chiqish — soʻngra 4R24 — 4R25 — 4R20 avtomobil yoʻllari boʻylab — Oybek bojxona posti — Tojikiston chegarasi — Andarxon bojxona posti — A — 376 — A — 373 avtomobil yoʻllari boʻylab — Doʻstlik bojxona posti — Qirgʻiziston chegarasi.

26-yoʻnalish — 714 km

Tojikiston chegarasi — Gulbahor (Surxondaryo viloyati) — Yallama (Toshkent viloyati) — Qozogʻiston chegarasi.

Tojikiston chegarasi — Gulbahor bojxona posti — 4R99 — M — 39 avtomobil yoʻllari boʻylab — 4R45 avtomobil yoʻli boʻylab Samarqand shahrini aylanib oʻtish — soʻngra M —39 avtomobil yoʻli boʻylab 865 — kilometrgacha — 4P186 yoʻliga chiqish — Yallama bojxona posti — Qozogʻiston chegarasi.

27-yoʻnalish — 552 km

Tojikiston chegarasi — Sariosiyo (Surxondaryo viloyati) — Jartepa (Samarqand viloyati) — Tojikiston chegarasi.

Tojikiston chegarasi — Sariosiyo bojxona posti — M — 41 — M —39 — A — 380 — A — 378 — avtomobil yoʻllari boʻylab — 4R45 yoʻli boʻylab Samarqand shahrini aylanib oʻtish A — 377 yoʻli boʻylab — Jartepa bojxona posti — Tojikiston chegarasi.

28-yoʻnalish — 825 km

Tojikiston chegarasi — Sariosiyo (Surxondaryo viloyati) — Oybek (Toshkent viloyati) — Tojikiston chegarasi:

A — 378 avtomobil yoʻllari boʻylab — 4R45 avtomobil yoʻli boʻylab Samarqand shahrini aylanib oʻtish — soʻngra M — 39 avtomobil yoʻli boʻylab 872 — kilometrgacha 4R26 yoʻliga chiqish — soʻngra 4R24 — 4R25 — 4R20 avtomobil yoʻllari boʻylab — Oybek bojxona posti — Tojikiston chegarasi.

29-yoʻnalish — 1032 km

Tojikiston chegarasi — Sariosiyo (Surxondaryo viloyati) — Oybek (Toshkent viloyati) — Andarxon (Fargʻona viloyati) — Doʻstlik (Andijon viloyati) — Qirgʻiziston chegarasi.

Tojikiston chegarasi — Sariosiyo bojxona posti — M — 41 — M — 39 — A — 380 — A— 378 — avtomobil yoʻllari boʻylab — 4R45 avtomobil yoʻli boʻylab Samarqand shahrini aylanib oʻtish — M — 39 avtomobil yoʻli boʻylab 872 — kilometrgacha — 4R26 yoʻliga chiqish — soʻngra 4R24 — 4R25 — 4R20 avtomobil yoʻllari boʻylab — Oybek bojxona posti — Tojikiston chegarasi — Andarxon bojxona posti — A — 376 — A — 373 yoʻllari boʻylab — Doʻstlik bojxona posti — Qirgʻiziston chegarasi.

30-yoʻnalish — 738 km

Tojikiston chegarasi — Sariosiyo (Surxondaryo viloyati) — Yallama (Toshkent viloyati) — Qozogʻiston chegarasi.

Tojikiston chegarasi — Sariosiyo bojxona posti — M — 41 — M — 39 — A — 380 — A — 378 avtomobil yoʻllari boʻylab — 4R45 avtomobil yoʻli boʻylab Samarqand shahrini aylanib oʻtish — soʻngra M — 39 avtomobil yoʻli boʻylab 865 — kilometrgacha — 4P186 yoʻliga chiqish — Yallama bojxona posti — Qozogʻiston chegarasi.

31-yoʻnalish — 347 km

Tojikiston chegarasi — Jartepa (Samarqand viloyati) — Oybek (Toshkent viloyati) — Tojikiston chegarasi.

Tojikiston chegarasi — Jartepa bojxona posti — A — 377 — M — 39 avtomobil yoʻllari boʻylab 872 — kilometrgacha — 4R26 yoʻliga chiqish — soʻngra 4R24 — 4R25 — 4R20 avtomobil yoʻllari boʻylab — Oybek bojxona posti — Tojikiston chegarasi.

32-yoʻnalish — 554 km

Tojikiston chegarasi — Jartepa (Samarqand viloyati) — Oybek (Toshkent viloyati) — Andarxon (Fargʻona viloyati) — Doʻstlik (Andijon viloyati) — Qirgʻiziston chegarasi.

Tojikiston chegarasi — Jartepa bojxona posti — A — 377 — M —39 avtomobil yoʻllari boʻylab 872 — kilometrgacha — 4R26 yoʻliga chiqish — soʻngra 4R24 — 4R25 — 4R20 avtomobil yoʻllari boʻylab — Oybek bojxona posti — Tojikiston chegarasi — Andarxon bojxona posti — A — 376 — A — 373 yoʻllari boʻylab — Doʻstlik bojxona posti — Qirgʻiziston chegarasi.

33-yoʻnalish — 260 km

Tojikiston chegarasi — Jartepa (Samarqand viloyati) — Yallama (Toshkent viloyati) — Qozogʻiston chegarasi.

Tojikiston chegarasi — Jartepa bojxona posti — A — 377 — M — 39 avtomobil yoʻllari boʻylab 865 — kilometrgacha — 4P186 yoʻliga chiqish — Yallama bojxona posti — Qozogʻiston chegarasi.

34-yoʻnalish — 207 km

Tojikiston chegarasi — Oybek (Toshkent viloyati) — Andarxon (Fargʻona viloyati) — Doʻstlik (Andijon viloyati) — Qirgʻiziston chegarasi.

Tojikiston chegarasi — Andarxon bojxona posti — A — 376 — A — 373 avtomobil yoʻllari boʻylab — Doʻstlik bojxona posti — Qirgʻiziston chegarasi.

35-yoʻnalish — 103 km

Tojikiston chegarasi — Oybek (Toshkent viloyati) — Yallama (Toshkent viloyati) — Qozogʻiston chegarasi.

Tojikiston chegarasi — Oybek bojxona posti — 4R20 — 4R25 — 4R24 — 4R26 — M — 39 avtomobil yoʻllari boʻylab — M — 39 ning 865 — kilometrida 4P186 yoʻliga chiqish — Yallama bojxona posti — Qozogʻiston chegarasi.

36-yoʻnalish — 310 km

Qirgʻiziston chegarasi — Doʻstlik (Andijon viloyati) — Yallama (Toshkent viloyati) — Qozogʻiston chegarasi.

Qirgʻiziston chegarasi — Doʻstlik bojxona posti — A — 373 — A — 376 avtomobil yoʻllari boʻylab — Andarxon bojxona posti — Tojikiston chegarasi — Oybek bojxona posti — soʻngra 4R20 — 4R25 — 4R24 — 4R26 — M — 39 avtomobil yoʻllari boʻylab — soʻngra M — 39 ning 865 kilometrida 4R186 yoʻliga chiqish — Yallama bojxona posti — Qozogʻiston chegarasi.

Pokiston Islom Respublikasi hududiga kirish-chiqish punktlari va chegarasiga olib keluvchi yoʻllar

ROʻYXATI

Chegara punktlari

Kungrab — Pokiston — Xitoy chegarasi

Torxam — Pokiston — Afgʻoniston chegarasi

Chaman — Pokiston — Afgʻoniston chegarasi

Taftan — Pokiston — Eron chegarasi

Gabd — Pokiston — Eron chegarasi (yoʻl qurilish ishlarining va qoʻshimcha infratuzilmaning tugallanishi bilan).

(Oʻzbekiston Respublikasi xalqaro shartnomalari toʻplami, 2011-y., 1-2-son)