Ijodiy uyushmalar, koʻngilli jamiyatlar va jamgʻarmalarni partiya tasarrufidan chiqarish toʻgʻrisida (PF-238-son)

27.08.1991

OʻZBEKISTON SOVET SOTSIALISTIK RESPUBLIKASI PREZIDENTINING

Farmoni

Oʻzbekiston SSR Konstitutsiyasiga va “Oʻzbekiston SSRda jamoat birlashmalari toʻgʻrisida” gi Oʻzbekiston SSR Qonuniga asoslanib, Oʻzbekistonda demokratik oʻzgartishlarga yangi omil bagʻishlash maqsadida:

1. Oʻzbekiston SSR hududida faoliyat koʻrsatayotgan ijodiy uyushmalar, koʻngilli jamiyatlar va jamgʻarmalar, ularning boʻlimlari va korxonalari partiya tasarrufidan chiqarilsin.

2. Bundan buyon yuqorida koʻrsatilgan uyushmalar, jamiyatlar va jamgʻarmalarda siyosiy partiyalar hamda harakatlarning tashkiliy tuzilmalarini barpo etishga yoʻl qoʻyilmaydi deb belgilab qoʻyilsin.

Mazkur Farmon imzolangan paytdan kuchga kiradi.

Oʻzbekiston Sovet Sotsialistik Respublikasining Prezidenti I. KARIMOV

Toshkent sh.,

1991-yil 27-avgust,

PF-238-son