Fiskal xotiraga ega boʻlgan nazorat-kassa mashinalarining qoʻllanishini yanada takomillashtirishga doir qoʻshimcha chora-tadbirlar toʻgʻrisida (306-son)

17.11.2011

Oʻzbekiston Respublikasi Vazirlar Mahkamasining

qarori

Yuridik va jismoniy shaxslar tomonidan naqd pulga tovarlarni sotish, ishlarni bajarish va xizmatlar koʻrsatishda fiskal xotiraga ega boʻlgan nazorat-kassa mashinalarining qoʻllanishini yanada takomillashtirish maqsadida Vazirlar Mahkamasi qaror qiladi:

1. Quyidagilar:

Aholi bilan pulli hisob-kitoblarni amalga oshirishda fiskal xotiraga ega boʻlgan nazorat-kassa mashinalarini qoʻllash tartibi toʻgʻrisidagi nizom 1-ilovaga muvofiq;

Oʻzbekiston Respublikasi hududida qoʻllanishi ruxsat etilgan fiskal xotiraga ega boʻlgan nazorat-kassa mashinalarining Davlat reyestrini (keyingi oʻrinlarda Davlat reyestri deb ataladi) yuritish tartibi toʻgʻrisidagi nizom 2-ilovaga muvofiq;

Yuridik va jismoniy shaxslarning oʻz faoliyati xususiyatiga koʻra aholi bilan pulli hisob-kitoblarni fiskal xotiraga ega boʻlgan nazorat-kassa mashinalarini qoʻllamasdan amalga oshirishi mumkin boʻlgan ayrim toifalari roʻyxati 3-ilovaga muvofiq tasdiqlansin.

2. Oʻzbekiston Respublikasi Davlat soliq qoʻmitasi yuridik va jismoniy shaxslar tomonidan mazkur qaror bilan tasdiqlangan nizomlar talablariga rioya etilishi yuzasidan zarur darajada nazorat oʻrnatsin.

4. Oʻzbekiston Respublikasi Davlat soliq qoʻmitasi ommaviy axborot vositalarida Davlat reyestriga kiritilayotgan va undan chiqarilayotgan fiskal xotiraga ega boʻlgan nazorat-kassa mashinalari modellari va ularning dasturiy mahsulotlari (versiyalari) toʻgʻrisidagi axborot muntazam ravishda eʼlon qilinishini taʼminlasin.

5. Belgilansinki, Oʻzbekiston Respublikasi hududida qoʻllanishi ruxsat etilgan fiskal xotiraga ega boʻlgan nazorat-kassa mashinalari modellarini va ularning versiyalarini Davlat reyestriga kiritish va undan chiqarish toʻgʻrisidagi qaror Moliya vazirligi va Oʻzbekiston texnik jihatdan tartibga solish agentligi bilan kelishgan holda Oʻzbekiston Respublikasi Davlat soliq qoʻmitasi tomonidan qabul qilinadi.

6. Oʻzbekiston Respublikasi Monopoliyaga qarshi kurashish qoʻmitasi fiskal xotiraga ega boʻlgan nazorat-kassa mashinalariga texnik xizmat koʻrsatuvchi hamda ularni taʼmirlovchi tashkilotlar tomonidan xizmat koʻrsatish va taʼmirlash yuzasidan koʻrsatilayotgan xizmatlarga belgilanayotgan narxlarning doimiy monitoringini olib borsin.

7. Oʻzbekiston Respublikasi Hukumatining 5-ilovaga muvofiq ayrim qarorlari oʻz kuchini yoʻqotgan deb hisoblansin.

Vazirliklar va idoralar bir oy muddatda oʻz idoraviy normativ-huquqiy hujjatlarini ushbu qarorga muvofiqlashtirsinlar.

8. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari R.S. Azimov zimmasiga yuklansin.

Oʻzbekiston Respublikasining Bosh vaziri Sh. MIRZIYOYEV

Toshkent sh.,

2011-yil 17-noyabr,

306-son

Vazirlar Mahkamasining 2011-yil 17-noyabrdagi 306-son qaroriga 1-ILOVA

Aholi bilan pulli hisob-kitoblarni amalga oshirishda fiskal xotiraga ega boʻlgan nazorat-kassa mashinalarini qoʻllash tartibi toʻgʻrisida

NIZOM

I. Umumiy qoidalar

1. Ushbu Nizom Oʻzbekiston Respublikasining Soliq kodeksiga muvofiq, aholi bilan pulli hisob-kitoblarni amalga oshirishda fiskal xotiraga ega boʻlgan nazorat-kassa mashinalarini qoʻllash tartibini belgilaydi hamda barcha yuridik shaxslarga, shuningdek fiskal xotiraga ega boʻlgan nazorat-kassa mashinalaridan foydalanib aholi bilan naqd pulli hisob-kitob qiluvchi yakka tartibdagi tadbirkorlarga (keyingi oʻrinlarda xoʻjalik yurituvchi subyektlar deb ataladi) joriy etiladi.

2. Oʻzbekiston Respublikasi hududida savdoni amalga oshirishda va tovarlarni sotishda, ishlarni bajarish yoki xizmatlar koʻrsatishda aholi bilan pulli hisob-kitoblar barcha xoʻjalik yurituvchi subyektlar tomonidan fiskal xotiraga ega boʻlgan nazorat-kassa mashinalarini majburiy tartibda qoʻllagan holda amalga oshiriladi, Oʻzbekiston Respublikasi Vazirlar Mahkamasi tomonidan belgilanadigan, oʻz faoliyatining xususiyatiga koʻra aholi bilan pulli hisob-kitoblarni fiskal xotiraga ega boʻlgan nazorat-kassa mashinalarini qoʻllamasdan amalga oshirishi mumkin boʻlgan xoʻjalik yurituvchi subyektlarning ayrim toifalari bundan mustasno.

3. Oʻzbekiston Respublikasi hududida faqat Moliya vazirligi va Oʻzbekiston texnik jihatdan tartibga solish agentligi bilan kelishgan holda Oʻzbekiston Respublikasi Davlat soliq qoʻmitasi tomonidan shakllantiriladigan fiskal xotiraga ega boʻlgan nazorat-kassa mashinalari Davlat reyestriga (keyingi oʻrinlarda Davlat reyestri deb ataladi) kiritilgan, Oʻzbekiston Respublikasi hududida foydalanishga ruxsat berilgan nazorat-kassa mashinalari modellaridan va ularning dasturiy mahsulotlaridan (versiyalaridan) foydalanishga ruxsat etiladi.

4. Davlat reyestriga kiritilmagan nazorat-kassa mashinalari va ularning dasturiy mahsulotlari (versiyalari)ni Oʻzbekiston Respublikasi hududida qoʻllashga yoʻl qoʻyilmaydi.

5. Xoʻjalik yurituvchi subyektlar aholiga tovarlarni naqd pulsiz sotishda (ishlarni bajarishda va xizmatlar koʻrsatishda) plastik kartochkalarga xizmat koʻrsatadigan toʻlov terminallaridan foydalanadilar. Toʻlov terminalidan beriladigan chekni xaridorlarga berish majburiy hisoblanadi.

II. Nazorat-kassa mashinalarini roʻyxatdan oʻtkazish va roʻyxatdan oʻtkazishdan chiqarish tartibi

6. Nazorat-kassa mashinalari ushbu Nizomga 1-ilovada nazarda tutilgan tartibda belgilangan tartibda akkreditatsiya qilingan sertifikatsiya boʻyicha organlar tomonidan majburiy tartibda sertifikatlanishi va xoʻjalik faoliyati amalga oshiriladigan joy boʻyicha tumanlar (shaharlar) davlat soliq xizmati organlarida roʻyxatdan oʻtkazilishi kerak.

7. Sertifikatga ega boʻlmagan va (yoki) belgilangan yagona texnik talablarga javob bermaydigan yoxud davlat soliq xizmati organlarida roʻyxatdan oʻtkazilmagan fiskal xotiraga ega boʻlgan nazorat-kassa mashinasidan foydalanish qonun hujjatlariga muvofiq aybdor shaxslar va xoʻjalik yurituvchi subyektlar javobgarlikka tortilgan holda fiskal xotiraga ega boʻlgan nazorat-kassa mashinasini qoʻllamasdan amalga oshirilgan faoliyat sifatida qaraladi.

8. Nazorat-kassa mashinalariga texnik xizmat koʻrsatish nazorat-kassa mashinalariga texnik xizmat koʻrsatadigan, ularni taʼmirlaydigan xizmat koʻrsatuvchi tashkilot (keyingi oʻrinlarda xizmat koʻrsatuvchi tashkilot deb ataladi) bilan xoʻjalik yurituvchi subyekt oʻrtasida tuzilgan shartnomaga muvofiq amalga oshiriladi.

9. Nazorat-kassa mashinalari nosozligi munosabati bilan ularni taʼmirlash zarur boʻlganda xoʻjalik yurituvchi subyekt bu haqda darhol nazorat-kassa mashinalari roʻyxatdan oʻtkazilgan joy boʻyicha davlat soliq xizmati organlarini nazorat-kassa mashinalarining modelini, zavod raqamini va roʻyxatdan oʻtkazilgan raqamini koʻrsatgan holda erkin shaklda xabardor qilishi va xizmat koʻrsatuvchi tashkilotdan mutaxassisni chaqirishi shart.

10. Davlat soliq xizmati organlari bildirishnoma va ushbu Nizomga 2-ilovaga muvofiq shakl boʻyicha xoʻjalik yurituvchi subyekt bilan xizmat koʻrsatuvchi tashkilot nazorat-kassa mashinasini turgʻun taʼmirlash joyiga yetkazish yuzasidan tuzgan dalolatnoma-koʻrsatma olingan kundan keyingi ish kunidan kechikmay, agar nosozlikni joyning oʻzida bartaraf etish imkoni boʻlmasa, nazorat-kassa mashinasini plombani buzgan holda taʼmirlashga yuborish haqida xoʻjalik yurituvchi subyektning roziligi toʻgʻrisida qaror qabul qiladi.

Bunda xoʻjalik yurituvchi subyekt davlat soliq xizmati organlariga aholi bilan pulli hisob-kitoblarni amalga oshirishda yoziladigan, qatʼiy hisobot beriladigan blankalar hisoblanadigan ushbu Nizomga 3-ilovaga muvofiq shakl boʻyicha kvitansiya daftarchalarini taqdim etadi. Kvitansiya daftarchalari pulni hisob-kitoblar amalga oshirilgunga qadar davlat soliq xizmati organlarida elektron shaklda roʻyxatdan oʻtkaziladi. Kvitansiyalarning ushbu shaklidan elektr energiyasi vaqtincha mavjud boʻlmagan taqdirda ham foydalaniladi.

11. Nazorat-kassa mashinasini taʼmirlash tamom boʻlgandan keyin davlat soliq xizmati organlari vakili xoʻjalik yurituvchi subyekt ishtirokida yangi tamgʻa oʻrnatadi.

12. Xizmat koʻrsatuvchi tashkilot ushbu Nizomga 4 va 5-ilovalarga muvofiq shakl boʻyicha nazorat-kassa mashinasi taʼmirlanganligi toʻgʻrisidagi dalolatnomani va nazorat-kassa mashinasining fiskal xotirasi koʻrsatkichlari qayd etilganligi toʻgʻrisidagi dalolatnomani tuzadi. Bunda xizmat koʻrsatuvchi tashkilot nazorat-kassa mashinasi bilan birgalikda dalolatnomalar nusxalarini xoʻjalik yurituvchi subyektga va davlat soliq xizmati organlariga beradi.

Agar nazorat-kassa mashinasini taʼmirlashning kafolatli muddati mavjud boʻlsa, u holda xizmat koʻrsatuvchi tashkilot nazorat-kassa mashinasining pasportida taʼmirlash toʻgʻrisida tegishli belgini qayd etadi va taʼmirlashni amalga oshirgan xizmat koʻrsatuvchi tashkilotning toʻliq nomini, pochta manzili va telefon raqamini, shuningdek taʼmirlangan nazorat-kassa mashinasi tamgʻalangan tamgʻaning bosma izini koʻrsatadi.

13. Xoʻjalik yurituvchi subyekt tugatilgan, qayta tashkil etilgan, nazorat-kassa mashinasi turgan joy oʻzgargan taqdirda, shuningdek nazorat-kassa mashinasi ushbu xoʻjalik yurituvchi subyektdan foydalanishdan chiqqan taqdirda xoʻjalik yurituvchi subyekt davlat soliq xizmati organlarida nazorat-kassa mashinasini roʻyxatdan oʻtkazishdan chiqarishi shart.

Xoʻjalik yurituvchi subyekt tugatilganda nazorat-kassa mashinasini davlat soliq xizmati organlarida roʻyxatdan oʻtkazishdan chiqarish yuridik shaxslarning yagona davlat reyestriga uni tugatish toʻgʻrisidagi yozuv kiritilgandan keyin amalga oshiriladi.

III. Xoʻjalik yurituvchi subyekt tomonidan nazorat-kassa mashinasini qoʻllash tartibi

14. Nazorat-kassa mashinasi har kuni ish boshlanishidan oldin (xoʻjalik yurituvchi subyektning buyrugʻi bilan birkitilgan) masʼul shaxs tomonidan umumiy texnik holati, sozligi hamda sana va vaqt aniq koʻrsatilishi yuzasidan tekshiriladi.

15. Nazorat-kassa mashinasi yordamida aholi bilan hisob-kitob qiluvchi xoʻjalik yurituvchi subyektlar xaridorga undan naqd pul qabul qilinganligini tasdiqlovchi chekni majburiy tartibda berishi kerak. Nazorat-chek lentasi mavjud boʻlmagan taqdirda nazorat-kassa mashinasini qoʻllashga yoʻl qoʻyilmaydi.

16. Sotib olingan tovarlar (bajarilgan ishlar) va koʻrsatilgan xizmatlar uchun xaridorlarga beriladigan kassa cheklarida quyidagi maʼlumotlar boʻlishi kerak:

a) soliq toʻlovchining — xoʻjalik yurituvchi subyektning nomi va identifikatsiya raqami;

b) toʻlov summasi;

v) tovarlar va xizmatlar nomi;

g) toʻlov sanasi va vaqti;

d) nazorat-kassa mashinasining zavod raqami;

e) chekning tartib raqami;

j) fiskal rejim belgisi.

Kassa cheklarida boshqa rekvizitlar ham boʻlishi mumkin.

17. Xoʻjalik yurituvchi subyekt ish kuni oxirida Oʻzbekiston Respublikasi Davlat soliq qoʻmitasi tomonidan belgilanadigan shakl boʻyicha kassir-operatsiyachi tomonidan nazorat-kassa daftari majburiy tartibda toʻldirilgan holda har bir nazorat-kassa mashinasi boʻyicha kunlik hisobotni chiqarib olishi shart. Qabul qilingan naqd pul miqdorini tasdiqlovchi hujjatlar tikiladi va xoʻjalik yurituvchi subyekt tomonidan kamida besh kalendar yil saqlanadi.

18. Nazorat-kassa mashinasi tamgʻalarining butligi uchun javobgarlik shaxsan xoʻjalik yurituvchi subyekt rahbariga yuklanadi.

IV. Oʻz faoliyatining xususiyatiga koʻra aholi bilan pulli hisob-kitoblarni fiskal xotiraga ega boʻlgan nazorat-kassa mashinalarini qoʻllamasdan amalga oshirishi mumkin boʻlgan xoʻjalik yurituvchi subyektlar ayrim toifalarining aholi bilan oʻzaro hisob-kitobini hisobga olish tartibi

19. Ushbu qarorga 3-ilovaning 1-bandida koʻrsatilgan xoʻjalik yurituvchi subyektlar aholi bilan oʻzaro hisob-kitoblarni davlat soliq xizmati organlarida roʻyxatdan oʻtgan chiptalar, talonlar, cheklarni yoki ularga tenglashtirilgan boshqa hujjatlarni majburiy tartibda bergan holda amalga oshirishi shart.

Xoʻjalik yurituvchi subyekt chiptalar, talonlar, cheklarni yoki ularga tenglashtirilgan boshqa hujjatlarni roʻyxatdan oʻtkazish uchun aholi bilan pulli hisob-kitoblarni amalga oshirish boshlangunga qadar davlat soliq xizmati organlariga murojaat qiladi. Davlat soliq xizmati organlari koʻrsatib oʻtilgan hujjatlarni ikki kun muddatda roʻyxatdan oʻtkazadi.

Xoʻjalik yurituvchi subyektning davlat soliq xizmati organlarida roʻyxatdan oʻtkazilgan chiptalari, talonlari, cheklari yoki ularga tenglashtirilgan boshqa hujjatlari qatʼiy hisobot beriladigan blankalar hisoblanadi.

Shahar va shahar atrofi transport vositalarida yoʻlovchilarni tashish uchun rasmiylashtirilgan yoʻlkira chiptalari, shuningdek chiptalar, talonlar, cheklar yoki ularga tenglashtirilgan boshqa hujjatlar ularni sotishda fiskal xotiraga ega boʻlgan nazorat-kassa mashinasi qoʻllanilgan taqdirda roʻyxatdan oʻtkazilmaydi.

Xoʻjalik yurituvchi subyektlar elektron chiptalarni, shuningdek xizmatlarni koʻrsatuvchilar tomonidan tartib raqami qoʻyilmagan va qatʼiy hisobot beriladigan blankalar hisoblanmaydigan boshqa hujjatlarni sotishda fiskal xotiraga ega boʻlgan nazorat-kassa mashinasini qoʻllashi shart.

Mexanik apparatlar (avtomatlar) vositasida naqd pul mablagʻlari toʻlangan holda aholi bilan oʻzaro hisob-kitob qilish ham fiskal xotiraga ega boʻlgan nazorat-kassa mashinasi (fiskal registratorlar) majburiy qoʻllanilgan holda amalga oshirilishi kerak.

20. Kvitansiyalar, chiptalar, talonlar yoki chekka tenglashtirilgan boshqa hujjatlarni yozmasdan yoki zarur tarzda roʻyxatdan oʻtkazilmagan kvitansiyalar, chiptalar, talonlar yoki chekka tenglashtirilgan boshqa hujjatlarni yozib oʻzaro hisob-kitoblarni amalga oshirish, qonun hujjatlariga muvofiq javobgarlikka tortilgan holda, nazorat-kassa mashinasini qoʻllamasdan oʻzaro hisob-kitobni amalga oshirishga tenglashtiriladi.

201. Yangidan vujudga kelgan yuridik shaxsni davlat roʻyxatidan oʻtkazish sanasida nazorat-kassa mashinasini roʻyxatdan oʻtkazish kartochkasiga ega yuridik shaxslar — xoʻjalik yurituvchi subyektlar qoʻshib yuborilgan taqdirda, roʻyxatdan oʻtkazish kartochkasini ushbu Tartibning 20-bandida nazarda tutilgan tartibda qayta rasmiylashtirishga yoʻl qoʻyiladi.

Nazorat-kassa mashinasini roʻyxatdan oʻtkazish kartochkasidagi mavjud maʼlumotlar ushbu Tartibning 20 va 21-bandlarida nazarda tutilmagan hollarda oʻzgartirilgan taqdirda, roʻyxatdan oʻtkazish kartochkasi xoʻjalik yurituvchi subyektning tegishli hujjatlar ilova qilingan arizasi boʻyicha qayta rasmiylashtiriladi.

21. Oʻz faoliyatining xususiyatiga koʻra aholi bilan pulli hisob-kitoblarni fiskal xotiraga ega boʻlgan nazorat-kassa mashinalarini qoʻllamasdan amalga oshirishi mumkin boʻlgan xoʻjalik yurituvchi subyektlar oʻz xohishiga koʻra hisob-kitoblarni nazorat-kassa mashinasini qoʻllagan holda amalga oshirish huquqiga ega. Aholi bilan hisob-kitoblarni nazorat-kassa mashinasini qoʻllagan holda amalga oshirishni istagan xoʻjalik yurituvchi subyektlarga nazorat-kassa mashinasini roʻyxatdan oʻtkazish va uni qoʻllashning umumiy tartibi joriy etiladi.

V. Kassa operatsiyalarini yuritish

22. Xoʻjalik yurituvchi subyektlar tomonidan kassa operatsiyalarini yuritish qonun hujjatlariga muvofiq amalga oshiriladi.

23. Tovarni qaytarish, almashtirish, uning kamchiliklarini bepul bartaraf etish, zarur sifatga ega boʻlgan tovarga ayirboshlash, shuningdek xaridorga (buyurtmachiga) kamchiliklari boʻlgan tovarlarni sotishda uning huquqlari qonun hujjatlariga muvofiq amalga oshiriladi.

24. Nazorat-kassa mashinasining fiskal xotirasiga kiritilgan naqd tushum summasini qaytarish ushbu Nizomning 6-ilovasiga muvofiq rasmiylashtiriladi.

VI. Nazorat-kassa mashinalariga texnik xizmat koʻrsatadigan va ularni taʼmirlaydigan xoʻjalik yurituvchi subyektlarga qoʻyiladigan alohida talablar

25. Xizmat koʻrsatuvchi tashkilot nazorat-kassa mashinalarini taʼmirlash va ularga texnik xizmat koʻrsatish uchun tegishli moddiy-texnik bazaga, asbob-uskunalar, amaliy dasturlar (versiyalar), ehtiyot qismlarga, normativ va foydalanish hujjatlariga, zarur shart-sharoitlar va mutaxassislarga ega boʻlishi kerak.

26. Xizmat koʻrsatuvchi tashkilotlar taʼmirlash yuzasidan buyurtmalarni qabul qilish punktini va telefon raqamini koʻrsatgan holda xoʻjalik yurituvchi subyektlarda servis xizmatlari koʻrsatish bilan band boʻlgan birkitilgan mutaxassislar toʻgʻrisida tegishli davlat soliq xizmati organlarini yozma ravishda xabardor qilishi shart. Buyurtmalarni qabul qilish va taʼmirlash uchun xizmat koʻrsatuvchi tashkilotlarning davlat soliq xizmati organlari binolarida joylashishiga yoʻl qoʻyilmaydi.

27. Xizmat koʻrsatuvchi tashkilotlarga davlat soliq xizmati organlarining vakolatli mutaxassisi ishtirokisiz va tamgʻalashning holatini tekshirish dalolatnomasi tuzmasdan nazorat-kassa mashinasi tamgʻasini buzishga ruxsat berilmaydi.

Agar ushbu Nizomning 12-bandi talablariga muvofiq dalolatnoma tuzilgan taqdirda davlat soliq xizmati organlari mutaxassisining ishtirokisiz nosoz nazorat-kassa mashinasini taʼmirlash uchun tamgʻani buzishga yoʻl qoʻyiladi.

28. Xizmat koʻrsatuvchi tashkilot nazorat-kassa mashinasini unga xizmat koʻrsatish uchun birinchi marta qabul qilishda nazorat-kassa mashinasining holatini texnik koʻrikdan oʻtkazishi, shu jumladan zavod tamgʻalari butligini va uning dasturiy taʼminlanganligini tekshirishi shart.

Xizmat koʻrsatuvchi tashkilot nazorat-kassa mashinasi xizmat koʻrsatish uchun qabul qilib olingan paytdan boshlab nazorat-kassa mashinasining belgilangan texnik talablarga muvofiqligi yuzasidan javob beradi.

29. Xizmat koʻrsatuvchi tashkilot bir kun mobaynida davlat soliq xizmati organlariga tamgʻa buzilganligi va nazorat-kassa mashinasini dasturiy taʼminlash versiyalari noqonuniy oʻzgartirilganligi toʻgʻrisida xabar berishi shart.

VII. Nazorat-kassa mashinasi qoʻllanishini nazorat qilish

30. Tovarlar sotiladigan (ishlar bajariladigan va xizmatlar koʻrsatiladigan) joylarda aholi bilan nazorat-kassa mashinasi orqali hisob-kitobni amalga oshirishda pul mablagʻlarining toʻliq hisobga olinishini nazorat qilish qonun hujjatlariga muvofiq davlat soliq xizmati organlari tomonidan amalga oshiriladi.

Nazorat tartibida xarid qilish, nazorat-kassa mashinasining oldin urilgan cheklarini fiskal xotira koʻrsatkichlari bilan solishtirish, fiskal xotira koʻrsatkichlarini kassa daftaridagi yozuvlar bilan taqqoslash, texnik talablarga muvofiqlik yuzasidan nazorat-kassa mashinasining holatini ekspertizadan oʻtkazish yoʻli bilan amalga oshirilishi mumkin.

31. Qonun hujjatlariga muvofiq amalga oshiriladigan tekshirishlar davrida davlat soliq xizmati organlari xizmat koʻrsatuvchi tashkilotlarning mutaxassislarini nazorat-kassa mashinasi boʻyicha texnik ekspertlar (maslahatchilar) sifatida jalb etish huquqiga ega.

32. Aniqlangan qoidabuzishlar belgilangan tartibda dalolatnoma bilan rasmiylashtiriladi. Texnik talablarga muvofiq boʻlmagan, shu jumladan fiskal xotiraga xizmat koʻrsatishning dasturiy mahsuloti (versiyasi) buzilgan holda nazorat-kassa mashinasidan foydalanilganligi toʻgʻrisida shubha/belgi mavjud boʻlgan taqdirda dalolatnomaga qoʻshimcha ravishda ushbu Nizomning 7-ilovasiga muvofiq shakl boʻyicha bayonnoma tuziladi, ayni bir vaqtning oʻzida nazorat-kassa mashinasi olib qoʻyiladi.

33. Nazorat-kassa mashinasi olib qoʻyilgan xoʻjalik yurituvchi subyektga davlat soliq xizmati organlari tomonidan ekspert xulosasi olingungacha va masala mazmunan koʻrib chiqilgungacha (xoʻjalik yurituvchi subyektda boshqa roʻyxatdan oʻtkazilgan nazorat-kassa mashinasi boʻlmaganda) aholi bilan oʻzaro hisob-kitoblarni amalga oshirish uchun ushbu Nizomning 3-ilovasiga muvofiq shakl boʻyicha kvitansiyalar daftari beriladi.

34. Davlat soliq xizmati organlari tomonidan olib qoʻyilgan nazorat-kassa mashinasi texnik ekspertizani amalga oshirish uchun ushbu nazorat-kassa mashinasini taʼmirlamaydigan va unga texnik xizmat koʻrsatmaydigan mustaqil tashkilotlarga beriladi. Ushbu tashkilotlarning xizmatlari haqi xoʻjalik yurituvchi subyekt tomonidan toʻlanadi.

35. Texnik ekspertizani amalga oshiruvchi mustaqil tashkilot ekspertizani nazorat-kassa mashinasi olingan kundan boshlab uch ish kunidan ortiq boʻlmagan muddatda oʻtkazishi shart.

Ekspertiza qonun hujjatlarida belgilangan tartibda oʻtkaziladi.

36. Texnik ekspertizani amalga oshiruvchi mustaqil tashkilotning fiskal xotiraga xizmat koʻrsatuvchi dastur buzilmaganligi toʻgʻrisidagi xulosasi olingan taqdirda nazorat-kassa mashinasi xoʻjalik yurituvchi subyektga qaytariladi.

VIII. Aholi bilan pulli hisob-kitoblarni amalga oshiruvchi hamda nazorat-kassa mashinasiga texnik xizmat koʻrsatish va uni taʼmirlash bilan shugʻullanuvchi xoʻjalik yurituvchi subyektlarning javobgarligi

37. Nazorat-kassa mashinasini qoʻllash majburiy boʻlganda uni qoʻllamasdan, shuningdek kvitansiya yozish, talonlar yoki ularga tenglashtirilgan boshqa hujjatlarni berish majburiy boʻlganda xaridorga kvitansiya yozmasdan, talonlar yoki unga tenglashtirilgan boshqa hujjatlarni bermasdan tovarlar sotilganda (ishlar bajarilganda va xizmatlar koʻrsatilganda) aybdor shaxslar va xoʻjalik yurituvchi subyektlar qonun hujjatlariga muvofiq javob beradilar.

38. Sertifikatga ega boʻlmagan va belgilangan yagona texnik talablarga javob bermaydigan nazorat-kassa mashinasidan foydalangan holda chek berish qonun hujjatlariga muvofiq aybdor shaxslarni javobgarlikka tortish uchun asos hisoblanadi.

39. Nazorat-kassa mashinasining mahalliy ishlab chiqaruvchilari, yetkazib beruvchilari va ulardan foydalanuvchilar foydalanilayotgan nazorat-kassa mashinalarining belgilangan texnik talablarga muvofiqligi, mashinalar fiskal xotirasiga xizmat koʻrsatish dasturining daromad yashirilishiga olib keladigan darajada noqonuniy oʻzgartirilishi yuzasidan qonun hujjatlariga muvofiq javob beradilar.

40. Xizmat koʻrsatuvchi tashkilot taʼmirlash va tamgʻalash boʻyicha talablarga qatʼiy rioya qilinishi yuzasidan javob beradi.

Aholi bilan pulli hisob-kitoblarni amalga oshirishda fiskal xotiraga ega boʻlgan nazorat-kassa mashinalarini qoʻllash tartibi toʻgʻrisidagi nizomga 1-ILOVA

Fiskal xotiraga ega boʻlgan nazorat-kassa mashinasini fiskal xotiraga ega boʻlgan nazorat-kassa mashinasining roʻyxatdan oʻtkazish kartochkasini bergan holda faoliyat amalga oshiriladigan joy boʻyicha davlat soliq xizmati organlarida roʻyxatdan oʻtkazish tartibi

I. Umumiy qoidalar

1. Ushbu Nizom Oʻzbekiston Respublikasining Soliq kodeksiga va “Tadbirkorlik faoliyati sohasidagi ruxsat berish tartib-taomillari toʻgʻrisida”gi Oʻzbekiston Respublikasi Qonuniga muvofiq ushbu Tartibga 1-ilovaga muvofiq sxema boʻyicha fiskal xotiraga ega boʻlgan nazorat-kassa mashinasining roʻyxatdan oʻtkazish kartochkasini bergan holda fiskal xotiraga ega boʻlgan nazorat-kassa mashinasini faoliyat amalga oshiriladigan joy (keyingi oʻrinlarda turgʻun shoxobchalarini yoki turgʻun savdo obyektini joylashgan joy deb ataladi) boʻyicha davlat soliq xizmati organlarida roʻyxatdan oʻtkazish tartibotini belgilaydi.

Fiskal xotiraga ega boʻlgan nazorat-kassa mashinasining roʻyxatdan oʻtkazish kartochkasi:

turgʻun shoxobcha yoki turgʻun savdo obyekti joylashgan joy boʻyicha davlat soliq xizmati organlari tomonidan amal qilish muddatisiz beriladi;

fiskal xotiraga ega boʻlgan nazorat-kassa mashinasi roʻyxatdan oʻtkazilganligidan yoki roʻyxatdan oʻtkazishdan chiqarilganligidan guvohlik beradi;

aholi bilan naqd pulli hisob-kitob qilib tovarlarni sotish, ishlarni bajarish, xizmatlar koʻrsatish huquqini beruvchi ruxsat berish xususiyatiga ega boʻlgan hujjat hisoblanadi.

2. Ushbu Tartibning talablari aholi bilan naqd pulli hisob-kitob qilib tovarlarni sotish, ishlarni bajarish, xizmatlar koʻrsatishda fiskal xotiraga ega boʻlgan nazorat-kassa mashinasini qoʻllovchi yuridik shaxslar va yakka tartibdagi tadbirkorlarga (keyingi oʻrinlarda xoʻjalik yurituvchi subyekt deb ataladi) joriy etiladi, oʻz faoliyatining oʻziga xosligi tufayli aholi bilan pulli hisob-kitoblarni fiskal xotiraga ega boʻlgan nazorat-kassa mashinalarini qoʻllamasdan amalga oshirishi mumkin boʻlgan yuridik va jismoniy shaxslarning ayrim toifalari bundan mustasno.

3. Fiskal xotiraga ega boʻlgan nazorat-kassa mashinasi xoʻjalik faoliyatida qoʻllanilgunga qadar xoʻjalik yurituvchi subyektga fiskal xotiraga ega boʻlgan nazorat-kassa mashinasining roʻyxatdan oʻtkazish kartochkasi berilgan holda davlat soliq xizmati organlarida roʻyxatdan oʻtkazilishi kerak.

II. Ruxsat beruvchi talablar va shartlar

4. Fiskal xotiraga ega boʻlgan nazorat-kassa mashinasini qoʻllagan holda aholi bilan naqd pulli hisob-kitob qilib tovarlarni sotish, ishlarni bajarish, xizmatlar koʻrsatishda quyidagilar ruxsat beruvchi talablar va shartlarga tegishli boʻladi:

ushbu Tartibning 5-bandida nazarda tutilgan ishonchli maʼlumotlar va hujjatlarni taqdim etish;

fiskal xotiraga ega boʻlgan nazorat-kassa mashinasining belgilangan yagona texnik talablarga muvofiqligi;

nomidagi, joylashgan joyida (pochta manzilida)gi, turgʻun shoxobchaning yoki turgʻun savdo obyektining joylashishidagi yoxud yuridik shaxsning tugatilgani, shuningdek familiyasi, ismi, otasining ismi yoki davlat roʻyxatidan oʻtkazilganligi toʻgʻrisida berilgan guvohnomada koʻrsatilgan familiyasi, ismi, otasining ismi yoki turgʻun shoxobcha joylashishi, shuningdek yakka tartibdagi tadbirkorning faoliyati toʻxtatilganligi toʻgʻrisidagi oʻzgartirishlar roʻyxatdan oʻtkazilgandan keyin yetti ish kuni mobaynida davlat soliq xizmati organlarini xabardor qilish;

fiskal xotiraga ega boʻlgan nazorat-kassa mashinasini qoʻllashga qoʻyiladigan talablarga tegishli qonun hujjatlari normalariga soʻzsiz rioya qilish.

III. Fiskal xotiraga ega boʻlgan nazorat-kassa mashinasining roʻyxatdan oʻtkazish kartochkasini olish uchun zarur boʻlgan hujjatlar

5. Xoʻjalik yurituvchi subyekt fiskal xotiraga ega boʻlgan nazorat-kassa mashinasining roʻyxatdan oʻtkazish kartochkasini olish uchun turgʻun shoxobcha yoki koʻchma savdo obyekti joylashgan joy boʻyicha bevosita, pochta aloqasi vositasi orqali yoki elektron shaklda ularning olinganligi toʻgʻrisidagi bildirishnoma olingan holda davlat soliq xizmati organlariga quyidagi hujjatlarni taqdim etadi:

a) xoʻjalik yurituvchi subyekt toʻgʻrisidagi quyidagi maʼlumotlar koʻrsatilgan holda roʻyxatdan oʻtkazish kartochkasini berish haqidagi ariza:

yuridik shaxslar uchun — nomi, joylashgan joyi (pochta manzili), tashkiliy-huquqiy shakli, soliq toʻlovchining identifikatsiya raqami, bank rekvizitlari, aloqa qilinadigan telefonlar, rahbarning familiyasi, ismi va otasining ismi hamda turgʻun shoxobcha yoki turgʻun savdoning rejalashtirilayotgan joyi joylashgan joyning manzili, zarurat boʻlganda, elektron manzili;

yakka tartibdagi tadbirkorlar uchun — familiyasi, ismi va otasining ismi, pasportidagi maʼlumotlar, pochta manzili, turgʻun shoxobcha joylashgan joyning manzili, soliq toʻlovchining identifikatsiya raqami, bank rekvizitlari, aloqa qilinadigan telefonlar, zarurat boʻlganda, elektron manzil;

v) sertifikatlash boʻyicha akkreditatsiya qilingan organlar tomonidan berilgan fiskal xotiraga ega boʻlgan nazorat-kassa mashinasining muvofiqlik sertifikati nusxasi;

g) turgʻun shoxobcha mavjudligini tasdiqlaydigan hujjatlarning nusxalari (binoning ijara shartnomasi, order (dalolatnoma va shu kabilar) yoki turgʻun savdoning rejalashtirilayotgan joyi sxemasi;

j) fiskal xotiraga ega boʻlgan nazorat-kassa mashinasining xizmat koʻrsatish dasturlari va fiskal xotiraga ega boʻlgan nazorat-kassa mashinasining fiskal xotirasi dasturlari holati, shuningdek begona texnik oʻzgarishlar yoʻqligi (biror-bir tashqi oʻzgarishlar yoʻqligi va etalon versiyalarga muvofiqlik) yuzasidan xizmat koʻrsatuvchi tashkilotning xulosasi nusxasi;

z) tartib raqami qoʻyilgan va ip oʻtkazib tikilgan kassir-operatsiyachining nazorat-kassa daftari (fiskal xotiraga ega boʻlgan nazorat-kassa mashinasining roʻyxatdan oʻtkazish kartochkasini berishda ariza beruvchiga qaytariladi);

i) hisobdan chiqarish toʻgʻrisida belgi qoʻyilgan holda fiskal xotiraga ega boʻlgan nazorat-kassa mashinasining oldingi roʻyxatdan oʻtkazilishini va roʻyxatdan oʻtkazish kartochkasini hisobdan chiqarishda — fiskal xotiraga ega boʻlgan nazorat-kassa mashinasining fiskal xotirasi hisoblagichining koʻrsatkichlarini qayd etish dalolatnomasining nusxasi (agar fiskal xotiraga ega boʻlgan nazorat-kassa mashinasi oldin roʻyxatdan oʻtkazilgan va roʻyxatdan oʻtkazishdan chiqarilgan boʻlsa).

51. Elektron shaklda taqdim etilgan hujjatlar xoʻjalik yurituvchi subyektning elektron raqamli imzosi bilan tasdiqlanadi.

Roʻyxatdan oʻtkazish kartochkasini berish haqidagi arizada xoʻjalik yurituvchi subyekt elektron manzilining koʻrsatilishi uning arizasi yuzasidan qabul qilingan qaror toʻgʻrisida axborot tizimi orqali elektron shaklda xabarnoma olishga boʻlgan roziligi hisoblanadi.

6. Davlat soliq xizmati organlari taqdim etilgan hujjatlarning toʻgʻriligini tekshirgandan keyin fiskal xotiraga ega boʻlgan nazorat-kassa mashinasining fiskal xotirasidan foydalanishni kodlashtiradi. Shundan keyin xizmat koʻrsatuvchi tashkilotning mutaxassisi tomonidan ishga tushirish — sozlash ishlari amalga oshiriladi, bu haqda nazorat cheki ilova qilingan holda ushbu Tartibga 2-ilovaga muvofiq shakl boʻyicha 3 nusxada fiskal xotiraga ega boʻlgan nazorat-kassa mashinasining fiskal xotirasi hisoblagichining koʻrsatkichlarini qayd etish dalolatnomasi tuziladi.

Fiskal xotiraga ega boʻlgan nazorat-kassa mashinasining fiskal xotirasi hisoblagichi koʻrsatkichlarini qayd etish dalolatnomasini tuzish tugallangandan keyin davlat soliq xizmati organlari tamgʻa oʻrnatadi.

7. Xoʻjalik yurituvchi subyektdan ushbu Tartibning 5-bandida nazarda tutilmagan hujjatlar taqdim etilishini talab qilishga yoʻl qoʻyilmaydi.

8. Fiskal xotiraga ega boʻlgan nazorat-kassa mashinasining roʻyxatdan oʻtkazish kartochkasini olish uchun ariza berishda ushbu Tartibning 5-bandida sanab oʻtilgan hujjatlarning ikki nusxada roʻyxati tuziladi, bir nusxasi qabul qilingan sana toʻgʻrisida belgi qoʻyilgan holda ariza beruvchiga beriladi (yuboriladi).

IV. Fiskal xotiraga ega boʻlgan nazorat-kassa mashinasining roʻyxatdan oʻtkazish kartochkasini berish toʻgʻrisidagi arizani koʻrib chiqish, uni berish yoxud berishni rad etish toʻgʻrisida qaror qabul qilish

9. Fiskal xotiraga ega boʻlgan nazorat-kassa mashinasining roʻyxatdan oʻtkazish kartochkasini olish toʻgʻrisida xoʻjalik yurituvchi subyektning arizasi davlat soliq xizmati organlari tomonidan koʻrib chiqilganligi va fiskal xotiraga ega boʻlgan nazorat-kassa mashinasining roʻyxatdan oʻtkazish kartochkasi berilganligi uchun yigʻim undirilmaydi.

10. Davlat soliq xizmati organlari ariza va ushbu Tartibning 5-bandida nazarda tutilgan barcha zarur hujjatlar olingan paytdan boshlab besh ish kunidan kech boʻlmagan muddatda xoʻjalik yurituvchi subyektning arizasini koʻrib chiqadi va fiskal xotiraga ega boʻlgan nazorat-kassa mashinasining roʻyxatdan oʻtkazish kartochkasini beradi.

11. Fiskal xotiraga ega boʻlgan nazorat-kassa mashinasining roʻyxatdan oʻtkazish kartochkasini berishni rad etish toʻgʻrisida qaror qabul qilingan taqdirda davlat soliq xizmati organlari tegishli qaror qabul qilingan sanadan boshlab bir ish kunidan kechikmay xoʻjalik yurituvchi subyektni rad etishning aniq sabablarini, qonun hujjatlarining aniq normalarini va xoʻjalik yurituvchi subyekt koʻrsatib oʻtilgan sabablarni bartaraf etib takroran koʻrib chiqish uchun ushbu Tartibning 5-bandida nazarda tutilgan hujjatlarni taqdim etishi mumkin boʻlgan muddat koʻrsatilgan holda yozma yoki axborot tizimi orqali elektron shaklda unga fiskal xotiraga ega boʻlgan nazorat-kassa mashinasining roʻyxatdan oʻtkazish kartochkasini berish rad etilganligidan xabardor qiladi.

axborot tizimi orqali elektron shaklda berilgan maʼlumotnoma yoki bildirishnoma qogʻozdagi hujjatga tenglashtiriladi va u bilan bir xil yuridik kuchga ega boʻladi.

Xoʻjalik yurituvchi subyekt rad etishning sabablarini bartaraf etishga va takroran koʻrib chiqish uchun hujjatlarni taqdim etishga haqli boʻlgan muddat fiskal xotiraga ega boʻlgan nazorat-kassa mashinasining roʻyxatdan oʻtkazish kartochkasini berish rad etilganligi toʻgʻrisidagi yozma yoki elektron bildirishnoma olingan kundan boshlab oʻn ish kunidan kam boʻlmasligi kerak.

12. Davlat soliq xizmati organlari quyidagi hollarda:

a) xoʻjalik yurituvchi subyekt tomonidan fiskal xotiraga ega boʻlgan nazorat-kassa mashinasining roʻyxatdan oʻtkazish kartochkasini berish uchun zarur boʻlgan hujjatlar toʻliq hajmda taqdim etilmagan;

b) xoʻjalik yurituvchi subyekt ruxsat beruvchi talablar va shartlarga muvofiq boʻlmagan;

v) xoʻjalik yurituvchi subyekt tomonidan taqdim etilgan hujjatlarda toʻgʻri boʻlmagan yoki buzilgan maʼlumotlar mavjud boʻlgan hollarda ushbu Tartibning 11-bandi birinchi xatboshida nazarda tutilgan muddatda xoʻjalik yurituvchi subyektga fiskal xotiraga ega boʻlgan nazorat-kassa mashinasining roʻyxatdan oʻtkazish kartochkasini berishni rad etish toʻgʻrisida qaror qabul qiladi.

Boshqa asoslar, shu jumladan maqsadga muvofiq emasligi sababi bilan fiskal xotiraga ega boʻlgan nazorat-kassa mashinasining roʻyxatdan oʻtkazish kartochkasini berish rad etilishiga yoʻl qoʻyilmaydi.

13. Agar davlat soliq xizmati organlari ushbu Tartibning 10-bandida nazarda tutilgan muddatda xoʻjalik yurituvchi subyektni nazorat-kassa mashinasining roʻyxatdan oʻtkazish kartochkasini berish rad etilganligidan xabardor qilmagan yoki nazorat-kassa mashinasining roʻyxatdan oʻtkazish kartochkasini bermagan taqdirda, xoʻjalik yurituvchi subyekt davlat soliq xizmati organlarini yozma ravishda xabardor qilib nazorat-kassa mashinasini qoʻllagan holda aholi bilan naqd pulli hisob-kitob qilib tovarlarni sotish, ishlarni bajarish, xizmatlar koʻrsatish huquqiga ega boʻladi.

Nazorat-kassa mashinasining roʻyxatdan oʻtkazish kartochkasi olingunga qadar taqdim etilgan hujjatlarning qabul qilingan sana toʻgʻrisida belgi qoʻyilgan roʻyxati va xoʻjalik yurituvchi subyekt tomonidan davlat soliq xizmati organlariga yuborilgan yozma yoki axborot tizimi orqali elektron shakldagi bildirishnoma ruxsat beruvchi xususiyatga ega boʻlgan hujjatga tenglashtiriladi va nazorat-kassa mashinasini qoʻllagan holda aholi bilan naqd pulli hisob-kitob qilib tovarlarni sotish, ishlarni bajarish, xizmatlar koʻrsatish uchun asos hisoblanadi.

Bunda davlat soliq xizmati organlari xoʻjalik yurituvchi subyektning yozma yoki axborot tizimi orqali elektron shakldagi bildirishnomasi olingandan keyin besh ish kunidan kech boʻlmagan muddatda nazorat-kassa mashinasining roʻyxatdan oʻtkazish kartochkasini berishi shart.

14. Fiskal xotiraga ega boʻlgan nazorat-kassa mashinasining roʻyxatdan oʻtkazish kartochkasini berishni rad etish uchun asos boʻlgan sabablar ariza beruvchi tomonidan bartaraf etilgan taqdirda, hujjatlarni takroran koʻrib chiqish takroriy ariza olingan sanadan boshlab bir ish kunidan kech boʻlmagan muddatda amalga oshiriladi.

Arizani takroran koʻrib chiqishda oldin rad etish toʻgʻrisidagi bildirishnomada koʻrsatilmagan yangi asoslar boʻyicha fiskal xotiraga ega boʻlgan nazorat-kassa mashinasining roʻyxatdan oʻtkazish kartochkasini berishni rad etishga yoʻl qoʻyilmaydi, oldin koʻrsatilgan sabablar bartaraf etilganligini tasdiqlovchi hujjatlar bilan bogʻliq rad etish sabablari keltirilishi bundan mustasno.

Fiskal xotiraga ega boʻlgan nazorat-kassa mashinasining roʻyxatdan oʻtkazish kartochkasini berish muddati takroriy ariza berilgan paytdan boshlab uch ish kunidan oshmasligi kerak.

Xoʻjalik yurituvchi subyektning arizasi takroran koʻrib chiqilganligi uchun yigʻim undirilmaydi.

15. Ushbu Tartibning 11-bandida koʻrsatilgan muddat tamom boʻlgandan keyin xoʻjalik yurituvchi subyekt tomonidan berilgan fiskal xotiraga ega boʻlgan nazorat-kassa mashinasining roʻyxatdan oʻtkazish kartochkasini berish toʻgʻrisidagi takroriy ariza yangidan berilgan ariza deb hisoblanadi va davlat soliq xizmati organlarida umumiy asoslarda koʻrib chiqiladi.

16. Xoʻjalik yurituvchi subyekt davlat soliq xizmati organlarining fiskal xotiraga ega boʻlgan nazorat-kassa mashinasining roʻyxatdan oʻtkazish kartochkasini berishni rad etish toʻgʻrisidagi qarori, shuningdek davlat soliq xizmati organlarining mansabdor shaxsining xatti-harakatlari (harakatsizligi) ustidan belgilangan tartibda shikoyat qilish huquqiga egadir.

17. Xoʻjalik yurituvchi subyekt va berilgan fiskal xotiraga ega boʻlgan nazorat-kassa mashinasining roʻyxatdan oʻtkazish kartochkasi toʻgʻrisidagi maʼlumotlar davlat soliq xizmati organlarida ushbu Tartibga 3-ilovaga muvofiq shakl boʻyicha yuritiladigan fiskal xotiraga ega boʻlgan nazorat-kassa mashinasining roʻyxatdan oʻtkazish daftariga kiritiladi.

18. Davlat soliq xizmati organlarida har bir roʻyxatdan oʻtkazilgan fiskal xotiraga ega boʻlgan nazorat-kassa mashinasiga alohida hujjatlar yigʻmajildi yuritiladi, unga ushbu fiskal xotiraga ega boʻlgan nazorat-kassa mashinasi bilan bogʻliq barcha hujjatlar, shu jumladan texnik xizmat koʻrsatish va taʼmirlash boʻyicha materiallar tirkab qoʻyiladi.

19. Davlat soliq xizmati organlari xoʻjalik yurituvchi subyektga ushbu Tartibga 4-ilovaga muvofiq shakl boʻyicha har bir roʻyxatdan oʻtkazilgan fiskal xotiraga ega boʻlgan nazorat-kassa mashinasiga alohida fiskal xotiraga ega boʻlgan nazorat-kassa mashinasining roʻyxatdan oʻtkazish kartochkasini beradi va kassir-operatsiyachining nazorat-kassa daftarini muhr bilan tasdiqlaydi.

V. Fiskal xotiraga ega boʻlgan nazorat-kassa mashinasining roʻyxatdan oʻtkazish kartochkasini qayta rasmiylashtirish, uning dublikatini berish

20. Xoʻjalik yurituvchi subyekt qayta tuzilgan, uning nomi (yakka tartibdagi tadbirkor uchun — familiyasi, ismi, otasining ismi) va tuman (shahar) doirasida turgʻun shoxobcha yoxud turgʻun savdo obyekti joylashgan joy oʻzgargan taqdirda xoʻjalik yurituvchi subyekt yoxud uning huquqiy vorisi qayta roʻyxatdan oʻtkazilgandan keyin yetti ish kuni mobaynida fiskal xotiraga ega boʻlgan nazorat-kassa mashinasining roʻyxatdan oʻtkazish kartochkasiga tegishli oʻzgarishlarni kiritish uchun davlat soliq xizmati organlariga:

a) turgʻun shoxobcha joylashgan joyning oldingi va yangi manzili koʻrsatilgan arizani yoki turgʻun savdo obyektini;

b) fiskal xotiraga ega boʻlgan nazorat-kassa mashinasining roʻyxatdan oʻtkazish kartochkasini;

v) yangi manzil boʻyicha turgʻun shoxobcha yoki koʻchma savdoga ruxsatnomaning nusxasi mavjudligini tasdiqlaydigan hujjatlarni;

g) turgʻun shoxobchaning yangi manzili boʻyicha xizmat koʻrsatuvchi bank bilan naqd pul tushumi inkassatsiyasi toʻgʻrisidagi shartnomaning nusxasini taqdim etishi kerak yoki turgʻun savdo obyektini.

21. Fiskal xotiraga ega boʻlgan nazorat-kassa mashinasining roʻyxatdan oʻtkazish kartochkasini olish va qayta rasmiylashtirish uchun zarur boʻlgan hujjatlar xoʻjalik yurituvchi subyekt tomonidan davlat soliq xizmati organlariga bevosita, olinganligi toʻgʻrisidagi bildirishnoma berilgan holda pochta aloqasi vositalari orqali yoki axborot tizimi orqali elektron shaklda taqdim etiladi. Elektron shaklda taqdim etilgan hujjatlar xoʻjalik yurituvchi subyektning elektron raqamli imzosi bilan tasdiqlanadi.

22. Fiskal xotiraga ega boʻlgan nazorat-kassa mashinasining roʻyxatdan oʻtkazish kartochkasini qayta rasmiylashtirish toʻgʻrisida davlat soliq xizmati organlariga ariza bergan xoʻjalik yurituvchi subyekt yoki uning huquqiy vorisi (merosxoʻr) oʻz faoliyatini ushbu Tartibning 10-bandida nazarda tutilgan muddat mobaynida ariza qabul qilingan sana toʻgʻrisida davlat soliq xizmati organlarining belgisi qoʻyilgan fiskal xotiraga ega boʻlgan nazorat-kassa mashinasining roʻyxatdan oʻtkazish kartochkasini qayta roʻyxatdan oʻtkazish toʻgʻrisida berilgan ariza asosida amalga oshiradi.

23. Davlat soliq xizmati organlari taqdim etilgan hujjatlarning toʻgʻriligi va ishonchliligini tekshirgandan keyin ushbu Tartibning 10-bandida nazarda tutilgan muddatda tegishli oʻzgartirishlarni kiritadi va fiskal xotiraga ega boʻlgan nazorat-kassa mashinasining roʻyxatdan oʻtkazish kartochkasini beradi, xoʻjalik yurituvchi subyekt tomonidan taqdim etilgan hujjatlar esa fiskal xotiraga ega boʻlgan nazorat-kassa mashinasining hujjatlar yigʻmajildiga tirkab qoʻyiladi.

24. Fiskal xotiraga ega boʻlgan nazorat-kassa mashinasining roʻyxatdan oʻtkazish kartochkasi yoʻqolgan yoxud yaroqsiz holga kelgan taqdirda xoʻjalik yurituvchi subyektning arizasiga koʻra uning dublikati beriladi.

Bunda yaroqsiz holga kelgan taqdirda arizaga fiskal xotiraga ega boʻlgan nazorat-kassa mashinasining roʻyxatdan oʻtkazish kartochkasi ilova qilinadi.

Davlat soliq xizmati organlari fiskal xotiraga ega boʻlgan nazorat-kassa mashinasining roʻyxatdan oʻtkazish kartochkasi dublikatini ushbu Tartibning 10-bandida nazarda tutilgan muddatda berishi shart.

25. Fiskal xotiraga ega boʻlgan nazorat-kassa mashinasining roʻyxatdan oʻtkazish kartochkasi qayta rasmiylashtirilganligi va dublikat berilganligi uchun yigʻim undirilmaydi.

VI. Nazorat-kassa mashinasini roʻyxatdan chiqarish tartibi

26. Xoʻjalik yurituvchi subyekt tugatilgan (faoliyati toʻxtatilgan), fiskal xotiraga ega boʻlgan nazorat-kassa mashinasi mazkur xoʻjalik yurituvchi subyektda foydalanishdan chiqarilgan hollarda u roʻyxatdan majburiy chiqarilishi kerak.

Xoʻjalik yurituvchi subyektning turgʻun shoxobchasi yoki koʻchma savdo obyekti joylashgan joy oʻzgargan taqdirda, fiskal xotiraga ega boʻlgan nazorat-kassa mashinasi roʻyxatdan oʻtkazishdan chiqarilishi shart, ushbu Tartibning 20-bandida nazarda tutilgan hollar bundan mustasno.

27. Fiskal xotiraga ega boʻlgan nazorat-kassa mashinasini roʻyxatdan chiqarish uchun (ushbu Tartibning 26-bandi birinchi xatboshida nazarda tutilgan hollar bundan mustasno) davlat soliq xizmati organi boshligʻi nomiga ariza taqdim etish, unda xoʻjalik yurituvchi subyektning rekvizitlarini (nomi (F.I.O.), soliq toʻlovchining identifikatsiya raqami, manzili), nazorat-kassa mashinasining modelini va zavod raqamini, roʻyxatdan oʻtkazishdan chiqarish sabablarini koʻrsatish zarur.

28. Arizaga quyidagi hujjatlar ilova qilinadi:

a) fiskal xotiraga ega boʻlgan nazorat-kassa mashinasining roʻyxatdan oʻtkazish kartochkasi;

b) ushbu turgʻun shoxobchada yoki koʻchma savdo obyekti boshqa fiskal xotiraga ega boʻlgan nazorat-kassa mashinasi roʻyxatdan oʻtkazilmagan taqdirda — inkassatsiya xizmatida tasdiqlangan faoliyatning tugallanganligi toʻgʻrisidagi xat-bildirishnomaning nusxasi.

v) kassir-operatsiyachining nazorat-kassa daftari.

29. Davlat soliq xizmati organlari ariza va ilova qilinadigan hujjatlar olingandan keyin boshliqning (yoki uning oʻrinbosarining) buyrugʻi asosida taqdim etilgan hujjatlarning toʻgʻriligi va ishonchliligini uch kun muddatda tekshiradi, nazorat-kassa mashinasi roʻyxatdan oʻtkazilgan butun davr uchun joyning oʻzida fiskal xotiraning yakuniy koʻrsatkichlarini chiqarib oladi, bu haqda ushbu Tartibga 2-ilovaga muvofiq shakl boʻyicha fiskal xotiraga ega boʻlgan nazorat-kassa mashinasining fiskal xotirasi hisoblagichi koʻrsatkichlarini qayd etish dalolatnomasi tuziladi.

30. Davlat soliq xizmati organlarining masʼul mansabdor shaxsi fiskal xotiraga ega boʻlgan nazorat-kassa mashinasining roʻyxatdan oʻtkazish kartochkasiga va fiskal xotiraga ega boʻlgan nazorat-kassa mashinasini roʻyxatdan oʻtkazish daftariga tegishli yozuvlarni kiritadi.

31. Fiskal xotiraga ega boʻlgan nazorat-kassa mashinasining roʻyxatdan oʻtkazish kartochkasiga va fiskal xotiraga ega boʻlgan nazorat-kassa mashinasini roʻyxatdan oʻtkazish daftariga tegishli oʻzgartirishlar kiritilgandan keyin kassir-operatsiyachining nazorat-kassa daftari va fiskal xotiraga ega boʻlgan nazorat-kassa mashinasini roʻyxatdan oʻtkazish kartochkasi xoʻjalik yurituvchi subyektga qaytariladi.

32. Fiskal xotiraga ega boʻlgan nazorat-kassa mashinasi yoʻqotilgan yoxud oʻgʻirlangan taqdirda hodisa yuz bergan paytdan boshlab bir ish kunidan kechikmay xoʻjalik yurituvchi subyekt davlat soliq xizmati organlariga bevosita, ushbu ariza olinganligi toʻgʻrisidagi bildirishnoma berilgan holda pochta aloqasi vositalari yoki axborot tizimi orqali elektron shaklda ariza beradi.

Arizaga fiskal xotiraga ega boʻlgan nazorat-kassa mashinasining roʻyxatdan oʻtkazish kartochkasi ilova qilinadi.

33. Xoʻjalik yurituvchi subyekt tomonidan fiskal xotiraga ega boʻlgan nazorat-kassa mashinasi yoʻqolganligi (oʻgʻirlanganligi) toʻgʻrisida ariza berilgan taqdirda davlat soliq xizmati organlarining masʼul mansabdor shaxsi yuqori hududiy boshqarmani xabardor qiladi.

VII. Davlat soliq organlarida fiskal xotiraga ega boʻlgan nazorat-kassa mashinasining roʻyxatdan oʻtkazish kartochkalari hisobini yuritish

34. Davlat soliq xizmati organlari fiskal xotiraga ega boʻlgan nazorat-kassa mashinasining roʻyxatdan oʻtkazish kartochkalari reyestrini yuritadi va ularni Oʻzbekiston Respublikasi Davlat soliq qoʻmitasining rasmiy veb-saytiga joylashtiradi.

Fiskal xotiraga ega boʻlgan nazorat-kassa mashinasining roʻyxatdan oʻtkazish kartochkalari reyestrida xoʻjalik yurituvchi subyektlar toʻgʻrisidagi quyidagi asosiy maʼlumotlar boʻlishi kerak:

xoʻjalik yurituvchi subyektlar — yuridik shaxslarning nomi, ularning tashkiliy-huquqiy shakli, pochta manzili, telefoni;

xoʻjalik yurituvchi subyektlar — yakka tartibdagi tadbirkorlar — jismoniy shaxslarning familiyasi, ismi, otasining ismi, ularning pasportidagi maʼlumotlar, pochta manzili, telefoni;

fiskal xotiraga ega boʻlgan nazorat-kassa mashinasining roʻyxatdan oʻtkazish kartochkasi berilgan sana va uning tartib raqami;

fiskal xotiraga ega boʻlgan nazorat-kassa mashinasining roʻyxatdan oʻtkazish kartochkasini qayta rasmiylashtirishning asosi va sana;

fiskal xotiraga ega boʻlgan nazorat-kassa mashinasining roʻyxatdan oʻtkazish kartochkasini hisobdan chiqarishning asosi va sana;

fiskal xotiraga ega boʻlgan nazorat-kassa mashinasining roʻyxatdan oʻtkazish kartochkasi dublikatining berishning asosi va sana.

35. Fiskal xotiraga ega boʻlgan nazorat-kassa mashinasining roʻyxatdan oʻtkazish kartochkalarini hisobga olish reyestridagi maʼlumotlar xoʻjalik yurituvchi subyektlarning ular bilan tanishishi uchun ochiqdir.

Fiskal xotiraga ega boʻlgan nazorat-kassa mashinasini fiskal xotiraga ega boʻlgan nazorat-kassa mashinasining roʻyxatdan oʻtkazish kartochkasini bergan holda faoliyat amalga oshiriladigan joy boʻyicha davlat soliq xizmati organlarida roʻyxatdan oʻtkazish tartibiga 1-ILOVA

Fiskal xotiraga ega boʻlgan nazorat-kassa mashinasini fiskal xotiraga ega boʻlgan nazorat-kassa mashinasining roʻyxatdan oʻtkazish kartochkasini bergan holda faoliyat amalga oshiriladigan joy boʻyicha davlat soliq xizmati organlarida roʻyxatdan oʻtkazish tartibi

SXEMASI

Fiskal xotiraga ega boʻlgan nazorat-kassa mashinasini fiskal xotiraga ega boʻlgan nazorat-kassa mashinasining roʻyxatdan oʻtkazish kartochkasini bergan holda faoliyat amalga oshiriladigan joy boʻyicha davlat soliq xizmati organlarida roʻyxatdan oʻtkazish tartibiga 2-ILOVA

Fiskal xotiraga ega boʻlgan nazorat-kassa mashinasini fiskal xotiraga ega boʻlgan nazorat-kassa mashinasining roʻyxatdan oʻtkazish kartochkasini bergan holda faoliyat amalga oshiriladigan joy boʻyicha davlat soliq xizmati organlarida roʻyxatdan oʻtkazish tartibiga 3-ILOVA

Fiskal xotiraga ega boʻlgan nazorat-kassa mashinasini fiskal xotiraga ega boʻlgan nazorat-kassa mashinasining roʻyxatdan oʻtkazish kartochkasini bergan holda faoliyat amalga oshiriladigan joy boʻyicha davlat soliq xizmati organlarida roʻyxatdan oʻtkazish tartibiga 4-ILOVA

(1-ilovaning matni Oʻzbekiston Respublikasi Vazirlar Mahkamasining 2014-yil 7-iyundagi 147-sonli qarori tahririda — OʻR QHT, 2014-y., 24-son, 288-modda)

Aholi bilan pulli hisob-kitoblarni amalga oshirishda fiskal xotiraga ega boʻlgan nazorat-kassa mashinalarini qoʻllash tartibi toʻgʻrisidagi nizomga 2-ILOVA

Aholi bilan pulli hisob-kitoblarni amalga oshirishda fiskal xotiraga ega boʻlgan nazorat-kassa mashinalarini qoʻllash tartibi toʻgʻrisidagi nizomga 3-ILOVA

Kvitansiyalar daftarchasining titul varagʻi

(3-ilova matni Oʻzbekiston Respublikasi Vazirlar Mahkamasining 2014-yil 7-iyundagi 147-sonli qarori tahririda — OʻR QHT, 2014-y., 24-son, 288-modda)

Kvitansiyalar daftarchasi tikiladigan joyida joyga tikilishi zarur, bunda titul varaq birinchi varaq boʻlishi kerak.

Aholi bilan pulli hisob-kitoblarni amalga oshirishda fiskal xotiraga ega boʻlgan nazorat-kassa mashinalarini qoʻllash tartibi toʻgʻrisidagi nizomga 4-ILOVA

Aholi bilan pulli hisob-kitoblarni amalga oshirishda fiskal xotiraga ega boʻlgan nazorat-kassa mashinalarini qoʻllash tartibi toʻgʻrisidagi nizomga 5-ILOVA

Aholi bilan pulli hisob-kitoblarni amalga oshirishda fiskal xotiraga ega boʻlgan nazorat-kassa mashinalarini qoʻllash tartibi toʻgʻrisidagi nizomga 6-ILOVA

Nazorat-kassa mashinalarining fiskal xotirasiga kiritilgan summalarni qaytarish

TARTIBI

1. Ushbu Tartib fiskal xotiraga ega boʻlgan nazorat-kassa mashinalarining fiskal xotirasiga kiritilgan tushum summalarini qaytarish tartib-qoidasini belgilaydi.

2. Pul mablagʻlarini qaytarish zarur boʻlgan hollarda sotuvchi xaridor tomonidan taqdim etilgan kassa cheki yoxud ushbu tovarga haq toʻlanganligini tasdiqlaydigan chekka tenglashtirilgan hujjat asosida xaridorga pul mablagʻlarini qaytarib berishi shart.

3. Xaridordan qaytarilgan tovarni qabul qilib olish uchun yukxati rasmiylashtiriladi. Yukxati ikki nusxada tuziladi, ulardan biri tovar hisobotiga tirkab qoʻyiladi, ikkinchi nusxasi xaridorga topshiriladi va qaytarilgan tovar uchun pul summasini olishga asos hisoblanadi. Qaytarilgan summa uchun pul mablagʻlarini qaytarish toʻgʻrisida dalolatnoma rasmiylashtiriladi. Dalolatnoma bir nusxada tuziladi, masʼul shaxslar tomonidan imzolanadi va xoʻjalik yurituvchi subyektning rahbari tomonidan tasdiqlanadi. Xaridor tomonidan taqdim etilgan kassa cheklari qogʻoz varagʻiga yopishtiriladi va dalolatnoma bilan birgalikda buxgalteriyaga topshiriladi.

4. Pul mablagʻlarini qaytarish xaridorning familiyasi, ismi, otasining ismi koʻrsatilgan holda, uning yozma arizasi asosida bir bank kunidan ortiq boʻlmagan vaqt mobaynida hisob-kitob raqamidan zarur pul mablagʻlarini olish yoʻli bilan xoʻjalik yurituvchi subyekt kassasidan amalga oshiriladi. Xoʻjalik yurituvchi subyekt kassasidan pulni qaytarish uchun xaridorning familiyasi, ismi, otasining ismi majburiy tartibda koʻrsatilgan holda xarajat kassa orderi tuziladi.

5. Tovarlar toʻliq yoki qisman qaytarilganda tovarlarni sotishdan olingan daromadga xaridorlarga qaytarilgan pul summasida tuzatish kiritiladi. Tovarlarni sotishdan olingan daromadga tuzatish kiritish pul mablagʻlari qaytarilgan soliq davrida amalga oshiriladi.

Aholi bilan pulli hisob-kitoblarni amalga oshirishda fiskal xotiraga ega boʻlgan nazorat-kassa mashinalarini qoʻllash tartibi toʻgʻrisidagi nizomga 7-ILOVA

Vazirlar Mahkamasining 2011-yil 17-noyabrdagi 306-son qaroriga 2-ILOVA

Oʻzbekiston Respublikasi hududida qoʻllanishi ruxsat etilgan fiskal xotiraga ega boʻlgan nazorat-kassa mashinalarining Davlat reyestrini yuritish tartibi toʻgʻrisida

NIZOM

I. Umumiy qoidalar

1. Oʻzbekiston Respublikasi hududida qoʻllanishi ruxsat etilgan fiskal xotiraga ega boʻlgan nazorat-kassa mashinalarining Davlat reyestri (keyingi oʻrinlarda Davlat reyestri deb ataladi) Moliya vazirligi va Oʻzbekiston texnik jihatdan tartibga solish agentligi bilan kelishgan holda Oʻzbekiston Respublikasi Davlat soliq qoʻmitasi (keyingi oʻrinlarda vakolatli organ deb ataladi) tomonidan shakllantiriladi va yuritiladi.

2. Davlat reyestri ushbu Nizomga ilovaga muvofiq shakl boʻyicha yuritiladi va Oʻzbekiston Respublikasi hududida qoʻllanishi ruxsat etilgan dasturiy mahsulotlarning bir yoki bir nechta versiyalariga ega boʻlgan fiskal xotiraga ega boʻlgan nazorat-kassa mashinalari modellari toʻgʻrisidagi toʻliq maʼlumotlardan iborat boʻladi.

3. Davlat reyestri:

a) ariza beruvchi tomonidan taqdim etilgan maʼlumotlar;

b) nazorat-kassa mashinasiga sertifikatlash organlari tomonidan berilgan muvofiqlik sertifikatlari;

v) vakolatli organ qaroriga koʻra nazorat-kassa mashinalari modellarining texnik va funksional tavsiflarini ularga qoʻyiladigan texnik talablarga muvofiq ekspertizadan oʻtkazayotgan tashkilotlarning xulosalari;

g) vakolatli organ majlislarida nazorat-kassa mashinalari modellarini Davlat reyestriga kiritish toʻgʻrisidagi masalani koʻrib chiqish bayonnomalari asosida shakllantiriladi.

4. Davlat reyestri nazorat-kassa mashinalari modellari toʻgʻrisidagi maʼlumotlarni ularning versiyalarini koʻrsatgan holda ushbu reyestrga kiritish yoki undan chiqarish yoxud koʻrsatib oʻtilgan maʼlumotlarga oʻzgartirishlar kiritish maqsadida yuritiladi.

5. Vakolatli organ qaroriga koʻra Davlat reyestriga nazorat-kassa mashinalari yangi modellarining nomlari, dasturiy mahsulot (versiyalari) toʻgʻrisidagi hamda ushbu Nizomda nazarda tutilgan boshqa maʼlumotlar kiritiladi.

6. “Oʻzeltexsanoat” uyushmasi vakolatli organning ishchi organi hisoblanadi (keyingi oʻrinlarda ishchi organ deb ataladi).

II. Nazorat-kassa mashinalarini Davlat reyestriga kiritish shartlari

7. Vakolatli organ nazorat-kassa mashinalari modellarini Davlat reyestriga kiritish toʻgʻrisidagi masalani koʻrib chiqishda:

a) taqdim etilgan nazorat-kassa mashinasi modeli va uning dasturlarining nazorat-kassa mashinasi texnik hujjatlariga muvofiqligini;

b) vakolatli organ qaroriga koʻra nazorat-kassa mashinalari modellarining texnik va funksional tavsiflarini ekspertizadan oʻtkazayotgan tashkilotlarning xulosalaridagi tavsiyalarni;

v) savdo (ishlar va xizmatlar) sohasi xoʻjalik yurituvchi subyektlarining nazorat-kassa mashinalari modellarining ushbu tipdagi modellari bilan jihozlanganlik darajasini;

g) nazorat-kassa mashinalarini yetkazib berish komplektiga kiruvchi davlat tilidagi va boshqa tillardagi texnik hujjatlar mavjudligini;

d) fiskal xotiraga ega boʻlgan nazorat-kassa mashinasi va uning dasturiy mahsulotlari funksional tavsiflarining yagona texnik talablarda keltirilgan malaka guruhlaridan biriga muvofiqligini;

e) nazorat-kassa mashinalari modellarining aniq tipiga Oʻzbekiston Respublikasi hududida texnik xizmat koʻrsatish imkoniyatlari mavjudligini hisobga oladi.

III. Nazorat-kassa mashinalarini Davlat reyestriga kiritish tartibi

8. Mahalliy va xorijiy nazorat-kassa mashinalari modellarini ishlab chiqaruvchi tashkilotlar, shuningdek nazorat-kassa mashinalarini import qilish va sotish bilan shugʻullanuvchi yuridik shaxslar nazorat-kassa mashinasi modelini Davlat reyestriga kiritish tashabbuskori (ariza beruvchi) boʻlishlari mumkin.

9. Nazorat-kassa mashinasi modelini (versiyasini) Davlat reyestriga kiritish uchun ariza beruvchi vakolatli organga xat bilan murojaat qiladi, unda quyidagi maʼlumotlar koʻrsatilishi kerak:

a) ariza beruvchining nomi, uning pochta manzili va telefoni;

b) modelning uning versiyalari koʻrsatilgan holdagi nomi va nazorat-kassa mashinasini qoʻllash sohasi;

v) ariza beruvchi koʻrsatilishi lozim deb hisoblagan boshqa maʼlumotlar.

10. Arizaga quyidagilar ilova qilinadi:

a) shakllantiriladigan cheklar namunalari;

b) nazorat-kassa mashinasining etalon namunasi;

v) nazorat-kassa mashinasi modelining texnik va funksional tavsiflari batafsil koʻrsatilgan texnik pasport (boshqa hujjat) hamda kafolat majburiyatlari;

g) foydalanish hujjatlari (foydalanuvchi uchun qoʻllanma, soliq inspektori yoʻriqnomasi);

d) ariza beruvchining nazorat-kassa mashinasini ishlab chiqarish yoki yetkazib berish majburiyatini tasdiqlovchi hujjatlar (ishlab chiqarish bazasi, yetkazib berish shartnomasi va boshqalar);

e) ariza beruvchining ehtiyot qismlar bilan taʼminlash, xodimlarni oʻqitish, servis xizmati koʻrsatish boʻyicha majburiyatini tasdiqlovchi hujjatlar, shuningdek nazorat-kassa mashinasi modeli versiyalarining vedomosti;

j) nazorat-kassa mashinasini uning asosiy funksional tavsiflarining normativ hujjatlar talablariga muvofiqligi yuzasidan tekshirish metodikasi;

z) nazorat-kassa mashinasining asosiy funksional tavsiflari normativ hujjatlar talablariga muvofiqligi vedomosti;

i) Davlat reyestriga kiritish uchun taqdim etilayotgan nazorat-kassa mashinasining belgilangan tartibda akkreditatsiya qilingan sertifikatlashtirish organi tomonidan berilgan muvofiqlik sertifikati.

11. Ishchi organning masʼul xodimi hujjatlarni roʻyxat boʻyicha qabul qilib oladi, roʻyxatning nusxasi ariza qabul qilingan kunda ariza beruvchiga yuboriladi (topshiriladi).

Ishchi organ taqdim etilgan hujjatlarni uch kun muddatda nazorat-kassa mashinasining texnik va funksional tavsiflarini ariza beruvchi bilan shartnoma asosida ekspertizadan oʻtkazish uchun ekspert tashkilotiga beradi.

Ular boʻyicha ushbu Nizomda nazarda tutilgan barcha hujjatlar taqdim etilmagan nazorat-kassa mashinasi modellari ekspertizadan oʻtkazishga qoʻyilmaydi.

Nazorat-kassa mashinasining texnik va funksional tavsiflarini ekspertizadan oʻtkazuvchi ekspert tashkiloti vakolatli organ qaroriga koʻra belgilanadi.

12. Ekspert tashkiloti bir hafta muddatda nazorat-kassa mashinasining texnik va funksional tavsiflarini ekspertizadan oʻtkazadi, vakolatli organ tomonidan belgilanadigan shakl boʻyicha xulosani rasmiylashtiradi va uni ishchi organga taqdim etadi.

Ishchi organ ekspert tashkilotining ijobiy xulosasini olgandan keyin bir kun muddatda hujjatlarni koʻrib chiqish uchun vakolatli organga taqdim etadi.

Ekspert tashkiloti tomonidan salbiy xulosa berilgan taqdirda ishchi organ taqdim etilgan hujjatlarni ariza beruvchiga xulosada koʻrsatilgan kamchiliklarni bartaraf etish uchun bir kun muddatda qaytaradi.

13. Vakolatli organ nazorat-kassa mashinasi modelini (model versiyasini) Davlat reyestriga kiritish masalasini ikki hafta muddatda koʻrib chiqadi va quyidagi qarorlardan birini qabul qiladi:

a) nazorat-kassa mashinasi modelini (model versiyasini) Davlat reyestriga kiritish toʻgʻrisida;

b) nazorat-kassa mashinasi modelini (model versiyasini) Davlat reyestriga kiritishni rad etish toʻgʻrisida.

Nazorat-kassa mashinasi modelini (model versiyasini) Davlat reyestriga kiritish toʻgʻrisidagi masalani koʻrib chiqishning umumiy muddati ariza tushgan kundan boshlab bir oydan oshmasligi kerak.

15. Vakolatli organning qabul qilingan qarori toʻgʻrisida uch kun muddatda bayonnomadan koʻchirma ilova qilingan holda ariza beruvchiga xabar qilinadi.

Vakolatli organ tomonidan nazorat-kassa mashinasi modelini (model versiyasini) Davlat reyestriga kiritishni rad etish toʻgʻrisida qaror qabul qilingan taqdirda qarorda rad etishning sabablari koʻrsatiladi.

Ariza beruvchi rad etish uchun asos boʻlgan sabablar bartaraf etilgandan keyin nazorat-kassa mashinasi modelini (model versiyasini) Davlat reyestriga kiritish toʻgʻrisida yangi ariza berishga haqlidir.

16. Ilgari koʻrib chiqilgan va Davlat reyestriga kiritilmagan nazorat-kassa mashinasi modellari, ularda ushbu qarorda qayd etilgan kamchiliklar bartaraf etilmagan boʻlsa, qayta koʻrib chiqilmaydi va ilgari qabul qilingan qaror asosida rad etiladi.

17. Ariza beruvchi vakolatli organga majburiy tartibda texnik va funksional tavsiflari boʻyicha ekspertizadan oʻtgan va Davlat reyestriga kiritilgan nazorat-kassa mashinasining etalon namunasini (modelning versiyasini) taqdim etadi.

Nazorat-kassa mashinasini Davlat reyestriga kiritish toʻgʻrisidagi ariza koʻrib chiqilganligi uchun toʻlov undirilmaydi.

IV. Nazorat-kassa mashinalarini Davlat reyestridan chiqarish tartibi

18. Nazorat-kassa mashinasi modeli (modeli versiyasi) quyidagi hollarda Davlat reyestridan chiqariladi:

nazorat-kassa mashinasiga nisbatan qonun hujjatlari talablari oʻzgarganda;

nazorat-kassa mashinasi modeli (modeli versiyasi) xoʻjalik yurituvchi subyektlar tomonidan maʼnaviy eskirganligi tufayli amalda foydalanilmaganda;

nazorat-kassa mashinasi modeli (modeli versiyasi)ni ishlab chiqarish toʻxtatilganda va bozorda uzoq vaqt (1-2 yil) mobaynida ehtiyot qismlar mavjud boʻlmaganda;

ariza beruvchining arizasi asosida nazorat-kassa mashinasi modeli (modeli versiyasi) Davlat reyestriga kiritilgan ariza beruvchining yozma iltimosnomasiga binoan.

Qonun hujjatlarida nazorat-kassa mashinalari modelini (modeli versiyasini) Davlat reyestridan chiqarish uchun boshqacha asoslar nazarda tutilishi mumkin.

19. Nazorat-kassa mashinasi modeli (modeli versiyasi)ni 18-bandning ikkinchi — toʻrtinchi xatboshilardagi asoslar boʻyicha Davlat reyestridan chiqarish tegishli ravishda Moliya vazirligi va Oʻzbekiston texnik jihatdan tartibga solish agentligi bilan kelishgan holda vakolatli organ tomonidan amalga oshiriladi.

20. Nazorat-kassa mashinasi modeli (modeli versiyasi)ni Davlat reyestridan chiqarishda quyidagi holatlar hisobga olinadi:

nazorat-kassa mashinasi modeli (modeli versiyasi)ning davlat soliq xizmati organlarida roʻyxatdan oʻtkazilgan va xoʻjalik yurituvchi subyektlar tomonidan foydalanilayotgan apparatlari soni;

xoʻjalik yurituvchi subyektlarning nazorat-kassa mashinasi modeli (modeli versiyasi)ni almashtirishga potensial xarajatlari;

bozordagi taklifni hisobga olgan holda nazorat-kassa mashinasining yangi modeli (modeli versiyasi)ni xarid qilish imkoniyati;

nazorat-kassa mashinasi modeli (modeli versiyasi)ni almashtirish uchun zarur boʻlgan vaqt;

aniq vaziyatlardan kelib chiqqan holda boshqa holatlar.

21. Nazorat-kassa mashinasi modeli (modeli versiyasi)ni Davlat reyestridan chiqarishda xoʻjalik yurituvchi subyektlarga nazorat-kassa mashinasi modeli (modeli versiyasi)ni almashtirish uchun kamida uch oy muddat berilishi kerak.

V. Yakunlovchi qoida

22. Mazkur Nizom talablari buzilishida aybdor boʻlgan shaxslar qonun hujjatlarida belgilangan tartibda javob beradilar.

Oʻzbekiston Respublikasi hududida qoʻllanishi ruxsat etilgan fiskal xotiraga ega boʻlgan nazorat-kassa mashinalarining Davlat reyestrini yuritish tartibi toʻgʻrisidagi nizomga ILOVA

Oʻzbekiston Respublikasi hududida qoʻllanishi ruxsat etilgan fiskal xotiraga ega boʻlgan nazorat-kassa mashinalarining

DAVLAT REYESTRI

(ilova Oʻzbekiston Respublikasi Vazirlar Mahkamasining 2019-yil 23-fevraldagi 161-sonli qarori tahririda — Qonun hujjatlari maʼlumotlari milliy bazasi, 23.02.2019-y., 09/19/161/2600-son)

Vazirlar Mahkamasining 2011-yil 17-noyabrdagi 306-son qaroriga 3-ILOVA

Yuridik va jismoniy shaxslarning oʻz faoliyati xususiyatiga koʻra aholi bilan pulli hisob-kitoblarni fiskal xotiraga ega boʻlgan nazorat-kassa mashinalarini qoʻllamasdan amalga oshirishi mumkin boʻlgan ayrim toifalari

ROʻYXATI

1. Aholiga pulli xizmatlar koʻrsatishda qatʼiy hisobot beriladigan blankalar hisoblangan talonlar, chiptalar va ularga tenglashtirilgan boshqa hujjatlarni beradigan yuridik va jismoniy shaxslar.

2. Quyidagilarni amalga oshiradigan yuridik va jismoniy shaxslar:

a) gazeta va jurnallar sotadigan;

b) dehqon bozorlarida savdo oʻrinlari tashkil etgan holda oʻzi yetishtirgan qishloq xoʻjaligi mahsulotlari, shuningdek soʻyilgan mollar goʻshti bilan savdo qiladigan (yakka tartibdagi tadbirkorlar va yuridik shaxslar bundan mustasno);

v) samolyotlarda va poyezdlarda (vagon-restoranlar bundan mustasno) umumiy ovqatlanish mahsulotlarini sotadigan;

3. Turgʻun joydan tashqaridagi maishiy xizmatlar, temirchilik, tunukachilik ishlari.

4. Davlat chegarasi boʻylab joylashgan harbiy savdo obyektlari.

5. Umumtaʼlim maktablarining oshxonalari va bufetlari.

6. Dorixonalarning qishloq vrachlik punktlari hududida tashkil etilgan filiallari.

7. Jismoniy shaxslar tomonidan tovarlarni dam olish kunlari yarmarkalarda, avtomobillarni sotish bozorlarida va boshqa ilgari ishlatilgan tovarlarni, shuningdek tirik mollarni, parrandalarni, jonivorlarni va boshqalarni sotish.

8. Savdo avtomatlari orqali tovarlarni sotish va (yoki) xizmatlarni koʻrsatish.

Vazirlar Mahkamasining 2011-yil 17-noyabrdagi 306-son qaroriga 5-ILOVA

Oʻzbekiston Respublikasi Hukumatining oʻz kuchini yoʻqotgan qarorlari

ROʻYXATI

1. Vazirlar Mahkamasining “Aholi bilan pul hisob-kitoblarini amalga oshirishda nazorat-kassa mashinalarini majburiy qoʻllash tartibi toʻgʻrisida” 1994-yil 26-dekabrdagi 621-son qarori.

2. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida” 1997-yil 29-dekabrdagi 575-son qarori.

3. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirishlar va qoʻshimchalar kiritish toʻgʻrisida” 1998-yil 19-maydagi 219-son qaroriga ilovaning 1-bandi.

4. Vazirlar Mahkamasining “Vazirlar Mahkamasining “Aholi bilan pul hisob-kitoblarini amalga oshirishda nazorat-kassa mashinalarini majburiy qoʻllash tartibi toʻgʻrisida” 1994-yil 26-dekabrdagi 621-son qaroriga oʻzgartirish va qoʻshimchalar kiritish haqida” 1999-yil 21-maydagi 264-son qarori.

5. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida” 1999-yil 14-sentabrdagi 427-son qaroriga ilovaning 6-bandi (Oʻzbekiston Respublikasi QT, 1999-y., 9-son, 53-modda).

6. Vazirlar Mahkamasining “Oʻzbekiston Respublikasi Vazirlar Mahkamasining Hukumat komissiyalarini tashkil etish masalalariga doir ayrim qarorlariga oʻzgartirish, qoʻshimchalar kiritish va baʼzilarini oʻz kuchini yoʻqotgan deb hisoblash toʻgʻrisida” 2000-yil 19-sentabrdagi 359-son qaroriga 1-ilovaning 21-bandi.

7. Vazirlar Mahkamasining “Nazorat-kassa mashinalaridan foydalanishda javobgarlikni oshirish chora-tadbirlari toʻgʻrisida” 2003-yil 23-maydagi 230-son qarori (Oʻzbekiston Respublikasi QT, 2003-y., 5-son, 41-modda).

8. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirishlar kiritish, shuningdek baʼzilarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Moliya-iqtisodiy, soliq sohasidagi jinoyatlarga, jinoiy faoliyatdan olingan daromadlarni legallashtirishga qarshi kurashishni kuchaytirish chora-tadbirlari toʻgʻrisida” 2006-yil 21-apreldagi PQ-331-son qarori)” 2006-yil 6-iyuldagi 130-son qaroriga ilovaning 7-bandi (Oʻzbekiston Respublikasi QT, 2006-y., 7-son, 48-modda).

9. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek baʼzilarini oʻz kuchini yoʻqotgan deb hisoblash toʻgʻrisida (“Tadbirkorlik subyektlarini huquqiy himoya qilish tizimi takomillashtirilganligi hamda ularning moliyaviy javobgarligi erkinlashtirilganligi munosabati bilan Oʻzbekiston Respublikasining ayrim qonun hujjatlariga oʻzgartirish va qoʻshimchalar kiritish toʻgʻrisida” Oʻzbekiston Respublikasining 2006-yil 10-oktabrdagi OʻRQ-59-son Qonuni)” 2006-yil 10-noyabrdagi 235-son qaroriga 1-ilovaning 8, 22 va 40-bandlari (Oʻzbekiston Respublikasi QT, 2006-y., 11-son, 86-modda).