Sobiq SSR Ittifoqining mukofotlar qonunida belgilangan huquq va burchlarni Oʻzbekiston Respublikasi fuqarolarida saqlab qolish toʻgʻrisida (PF-604-son)

07.05.1993

Oʻzbekiston Respublikasi Prezidentining

Farmoni

Oʻzbekiston Respublikasi fuqarolarining Ulugʻ Vatan urushi yillaridagi, uning iqtisodini, fani va madaniyatini shakllantirishdagi, xalqlar oʻrtasida tinchlik, doʻstlik va hamkorlikni mustahkamlashdagi xizmatlarini eʼtirof etib, qaror qilaman:

1. Sobiq SSR Ittifoqining davlat mukofotlariga sazovor boʻlgan Ulugʻ Vatan urushi qatnashchilarida, Oʻzbekiston Respublikasi xalq xoʻjaligining xodimlari va boshqa fuqarolarida ilgari mukofotlar qonunida koʻzda tutilgan huquq va burchlar saqlab qolinsin.

2. Farmon imzolangan paytdan boshlab kuchga kiradi.

Oʻzbekiston Respublikasining Prezidenti I. KARIMOV

Toshkent sh.,

1993-yil 7-may,

PF-604-son