Yagona ijtimoiy toʻlovni taqsimlash, shuningdek xarajatlarni qoplash boʻyicha summalarni toʻlanishini va yuridik shaxslarning davlat ijtimoiy sugʻurtasi xarajatlari boʻyicha toʻlovlarni amalga oshirish tartibi toʻgʻrisidagi Nizomni tasdiqlash haqida (2262-son)

09.09.2011

OʻZBEKISTON RESPUBLIKASI MOLIYA VAZIRLIGI OʻZBEKISTON RESPUBLIKASI DAVLAT SOLIQ QOʻMITASI OʻZBEKISTON RESPUBLIKASI MARKAZIY BANKI BOShQARUVINING

Qarori

Oʻzbekiston Respublikasi Adliya vazirligi tomonidan 2011-yil 9-sentabrda roʻyxatdan oʻtkazildi, roʻyxat raqami 2262]

Oʻzbekiston Respublikasining “Fuqarolarning davlat pensiya taʼminoti toʻgʻrisida”gi (Oʻzbekiston Respublikasi Oliy Kengashining Axborotnomasi, 1993-y., 9-son, 338-modda) va “Ishlab chiqarishdagi baxtsiz hodisalar va kasb kasalliklaridan majburiy davlat ijtimoiy sugʻurtasi toʻgʻrisida”gi (Oʻzbekiston Respublikasi Oliy Majlisi palatalarining Axborotnomasi, 2008-y., 9-son, 480-modda) qonunlariga, Oʻzbekiston Respublikasi Soliq kodeksi (Oʻzbekiston Respublikasi Oliy Majlisi palatalarining Axborotnomasi, 2007-y., 12-songa 1-ilova), Oʻzbekiston Respublikasi Prezidentining 2009-yil 30-dekabrdagi PF-4161-son “Fuqarolarning pensiya taʼminoti tizimini yanada takomillashtirish chora-tadbirlari toʻgʻrisida”gi Farmoniga (Oʻzbekiston Respublikasi qonun hujjatlari toʻplami, 2009-y., 52-son, 559-modda) va Oʻzbekiston Respublikasi Prezidentining 2009-yil 22-dekabrdagi PQ-1245-son “Oʻzbekiston Respublikasining 2010-yilgi asosiy makroiqtisodiy koʻrsatkichlari va davlat budjeti parametrlari toʻgʻrisida”gi qaroriga (Oʻzbekiston Respublikasi qonun hujjatlari toʻplami, 2009-y., 52-son, 560-modda) muvofiq Oʻzbekiston Respublikasi Moliya vazirligi, Davlat soliq qoʻmitasi va Markaziy banki Boshqaruvi qaror qiladilar:

1. Yagona ijtimoiy toʻlovni taqsimlash, shuningdek xarajatlarni qoplash boʻyicha summalarni toʻlanishini va yuridik shaxslarning davlat ijtimoiy sugʻurtasi xarajatlari boʻyicha toʻlovlarni amalga oshirish tartibi toʻgʻrisidagi nizom ilovaga muvofiq tasdiqlansin.

2. Mazkur qaror Oʻzbekiston Respublikasi Adliya vazirligida davlat roʻyxatidan oʻtkazilgan kundan boshlab oʻn kun oʻtgandan keyin kuchga kiradi.

Moliya vaziri R. AZIMOV

Toshkent sh.,

2011-yil 9-avgust,

47-son

Davlat soliq qoʻmitasi raisi B. PARPIYEV

Toshkent sh.,

2011-yil 9-avgust,

2011-25-son

Markaziy bank raisi F. MULLAJONOV

Toshkent sh.,

2011-yil 9-avgust,

23/2-son

Oʻzbekiston Respublikasi Moliya vazirligi, Davlat soliq qoʻmitasi va Markaziy banki Boshqaruvining 2011-yil 9-avgustdagi 47, 2011-25 va 23/2-sonli qaroriga ILOVA

Yagona ijtimoiy toʻlovni taqsimlash, shuningdek xarajatlarni qoplash boʻyicha summalarni toʻlanishini va yuridik shaxslarning davlat ijtimoiy sugʻurtasi xarajatlari boʻyicha toʻlovlarni amalga oshirish tartibi toʻgʻrisidagi

NIZOM

Mazkur Nizom Oʻzbekiston Respublikasining “Fuqarolarning davlat pensiya taʼminoti toʻgʻrisida”gi (Oʻzbekiston Respublikasi Oliy Kengashining Axborotnomasi, 1993-y., 9-son, 338-modda) va “Ishlab chiqarishdagi baxtsiz hodisalar va kasb kasalliklaridan majburiy davlat ijtimoiy sugʻurtasi toʻgʻrisida”gi (Oʻzbekiston Respublikasi Oliy Majlisi palatalarining Axborotnomasi, 2008-y., 9-son, 480-modda) qonunlariga, Oʻzbekiston Respublikasi Soliq kodeksi (Oʻzbekiston Respublikasi Oliy Majlisi palatalarining Axborotnomasi, 2007-y., 12-songa 1-ilova), Oʻzbekiston Respublikasi Mehnat kodeksi (Oʻzbekiston Respublikasi Oliy Majlisining Axborotnomasi, 1996-y., 1-songa ilova), Oʻzbekiston Respublikasi Prezidentining 2009-yil 30-dekabrdagi PF-4161-son “Fuqarolarning pensiya taʼminoti tizimini yanada takomillashtirish chora-tadbirlari toʻgʻrisida”gi Farmoniga (Oʻzbekiston Respublikasi qonun hujjatlari toʻplami, 2009-y., 52-son, 559-modda) va Oʻzbekiston Respublikasi Prezidentining 2009-yil 22-dekabrdagi PQ-1245-son “Oʻzbekiston Respublikasining 2010-yilgi asosiy makroiqtisodiy koʻrsatkichlari va davlat budjeti parametrlari toʻgʻrisida”gi qaroriga (Oʻzbekiston Respublikasi qonun hujjatlari toʻplami, 2009-y., 52-son, 560-modda) muvofiq Oʻzbekiston Respublikasi milliy valyutasida yagona ijtimoiy toʻlovni taqsimlash, Oʻzbekiston Respublikasi Moliya vazirligi huzuridagi budjetdan tashqari Pensiya jamgʻarmasining (keyingi oʻrinlarda — Pensiya jamgʻarmasi deb yuritiladi) xarajatlarni qoplash boʻyicha summalarni toʻlanishini va yuridik shaxslarning davlat ijtimoiy sugʻurtasi xarajatlari boʻyicha toʻlovlarni amalga oshirish tartibini belgilaydi.

I. Umumiy qoidalar

1. Soliq toʻlovchilar, soliq solish obyekti, soliq solinadigan baza, imtiyozlar, yagona ijtimoiy toʻlovni, shuningdek fuqarolarning sugʻurta badallarini hisoblab chiqarish va toʻlash tartibi Oʻzbekiston Respublikasi Soliq kodeksi va boshqa normativ-huquqiy hujjatlar bilan belgilanadi.

2. Yagona ijtimoiy toʻlovni va fuqarolarning sugʻurta badallari stavkalari, shuningdek yagona ijtimoiy toʻlovning Pensiya jamgʻarmasi, Oʻzbekiston Respublikasi Ish bilan taʼminlashga koʻmaklashuvchi davlat jamgʻarmasi va Oʻzbekiston Kasaba uyushmalari Federatsiyasi Kengashi oʻrtasida taqsimlash miqdorlari Oʻzbekiston Respublikasi Prezidentining qarori bilan belgilanadi.

II. Yagona ijtimoiy toʻlovni taqsimlash

4. Yagona ijtimoiy toʻlovni hisoblab chiqarish toʻlovchi tomonidan hisobot oyi uchun hisoblangan ish haqi fondi va belgilangan stavkalardan kelib chiqqan holda mustaqil ravishda amalga oshiriladi.

Yagona ijtimoiy toʻlov yuridik shaxslar tomonidan bola tugʻilishi munosabati bilan, dafnga nafaqalar toʻlanishi (keyingi oʻrinlarda — nafaqalar deb yuritiladi), uy-joy-kommunal xizmatlari boʻyicha beriladigan imtiyozlar oʻrniga toʻlanadigan kompensatsiya pul toʻlovlari (keyingi oʻrinlarda — kompensatsiyalar deb yuritiladi), ishlovchi pensionyerlarga pensiyalar (keyingi oʻrinlarda — pensiyalar deb yuritiladi), 16 yoshgacha boʻlgan nogiron bolalarning ota-onalariga qoʻshimcha dam olish kunlariga haq toʻlash, bolalar sogʻlomlashtirish lagyerlari va sanatoriy-profilaktoriylarning tutib turilishiga biror-bir chegirishlarsiz hisoblab yozilgan summaning toʻliq hajmida oʻtkaziladi.

5. Yagona ijtimoiy toʻlovni toʻlash uchun mablagʻlar toʻlovchilar tomonidan tegishli tuman (shahar) davlat soliq inspeksiyalariga xizmat koʻrsatuvchi banklarda ochilgan 20205 balans hisobvaragʻining quyidagi shartli hisobvaraqlar raqamlariga (keyingi oʻrinlarda ShHR deb yuritiladi) oʻtkaziladi:

600 — fermer xoʻjaliklari uchun;

700 — mikrofirmalar va kichik korxonalar uchun;

777 — mazkur bandning ikkinchi va uchinchi xatboshilarida koʻzda tutilmagan boshqa toʻlovchilar uchun.

6. Kun davomida tuman (shahar) davlat soliq inspeksiyalari uchun ochilgan 20205 balans hisobvaraqlarining 600, 700 va 777 ShHRga kelib tushgan mablagʻlar ularga xizmat koʻrsatuvchi banklar tomonidan har ish kuni yakunida qonunchilikda belgilangan miqdorlarda avtomatik tarzda quyidagi tartibda ajratma qilinadi:

a) Pensiya jamgʻarmasiga — 20205 balans hisobvaraqlarining 601, 701 va 881 ShHRga, keyinchalik tegishli gʻaznachilik hisobvaragʻini koʻrsatgan holda, Oʻzbekiston Respublikasi Moliya vazirligi Gʻaznachiligining Yagona gʻaznachilik raqamiga (keyingi oʻrinlarda YaGʻR) toʻliq miqdorda oʻtkaziladi.

b) Oʻzbekiston Respublikasi Ish bilan taʼminlashga koʻmaklashuvchi davlat jamgʻarmasiga — Oʻzbekiston Respublikasi Mehnat va aholini ijtimoiy muhofaza qilish vazirligining tuman (shahar) bandlikka koʻmaklashish va aholini ijtimoiy muhofaza qilish markazlarining 20205 balans hisobvaraqlarining 602, 702 va 779 ShHRga oʻtkaziladi.

Yagona ijtimoiy toʻlov boʻyicha ajratmalarning bir qismi koʻrinishidagi tegishli 20205 balans hisobvaraqlarining 602, 702 va 779 ShHRga kelib tushgan mablagʻlar, Oʻzbekiston Respublikasi Mehnat va aholini ijtimoiy muhofaza qilish vazirligining tuman (shahar) bandlikka koʻmaklashish va aholini ijtimoiy muhofaza qilish markazlari tomonidan toʻlov topshiriqnomasi asosida tegishli gʻaznachilik hisobvaragʻini koʻrsatgan holda YaGʻRga oʻtkaziladi hamda quyidagi tartibda foydalaniladi:

Oʻzbekiston Respublikasi Ish bilan taʼminlashga koʻmaklashuvchi davlat jamgʻarmasining tegishli budjet hisobvaragʻini koʻrsatgan holda YaGʻRga oʻtkazilgan jami mablagʻlarning 70 foizi Qoraqalpogʻiston Respublikasi Mehnat va aholini ijtimoiy muhofaza qilish vazirligi, viloyatlar va Toshkent shahar mehnat va aholini ijtimoiy muhofaza qilish Bosh boshqarmalari tasarrufida qoladi;

30 foizi hududiy mehnat va aholini ijtimoiy muhofaza qilish boshqarmalarining toʻlov hujjatlari orqali pul oʻtkazish yoʻli bilan respublika darajasida markazlashtiriladi.

Oʻzbekiston Respublikasi Mehnat va aholini ijtimoiy muhofaza qilish vazirligi kelib tushgan mablagʻlarni qonun hujjatlarga muvofiq belgilangan tartibda sarflaydi.

v) kasaba uyushmalari hududiy birlashmalariga — 20205 balans hisobvaraqlarining 603, 703 va 780 ShHRga oʻtkaziladi.

Kasaba uyushmalari hududiy birlashmalari tegishli 20205 balans hisobvaraqlarining 603, 703 va 780 ShHRga kelib tushgan yagona ijtimoiy toʻlov boʻyicha ajratmalarning bir qismi koʻrinishidagi mablagʻlardan quyidagi tartibda foydalanadilar:

kelib tushgan mablagʻlar umumiy miqdoridan 30 foizi kasaba uyushmalari hududiy birlashmalarining toʻlov topshiriqnomalariga asosan Oʻzbekiston Kasaba uyushmalari Federatsiyasi Kengashining 20205 balans hisobvaragʻiga, mablagʻlarning keyinchalik belgilangan tartibda sarflanishi uchun oʻtkaziladi;

kasaba uyushmalari hududiy birlashmalari kelib tushgan mablagʻlar umumiy miqdoridan 70 foizini kasaba uyushmalari hududiy birlashmalarining 20205 balans hisobvaraqlariga hududiy kasaba uyushmalari tomonidan tasdiqlangan budjetlariga muvofiq oʻtkaziladi.

Yuridik shaxslarning xodimlaridan davolanish va dam olishga yoʻllanmalar uchun qisman undiriladigan qiymat xizmat koʻrsatuvchi banklar tomonidan kasaba uyushmalari hududiy birlashmalarining ikkilamchi depozit hisobvaraqlariga kirim qilinadi, kelib tushgan mablagʻlar keyinchalik mazkur kichik bandda belgilangan tartibga muvofiq taqsimlanadi.

7. Tuman (shahar) davlat soliq inspeksiyalari xizmat koʻrsatuvchi banklardan yagona ijtimoiy toʻlov boʻyicha 20205 balans hisobvaraqlarining 600, 700 va 777 ShHR koʻchirmalarini barcha ilovalari bilan birga oladilar.

Bunda xizmat koʻrsatuvchi banklar yagona ijtimoiy toʻlov boʻyicha 20205 balans hisobvaraqlarining 600, 700 va 777 ShHRdan koʻchirmalarning elektron fayllarini kasaba uyushmalarining hududiy birlashmalariga xizmat koʻrsatuvchi banklarga ham yuboradilar, kasaba uyushmalarining hududiy birlashmalari oʻz navbatida, banklar tomonidan taqdim etilgan koʻchirmalar asosida kasaba uyushmalari hududiy birlashmalariga tarmoqlarga doir toʻlovchilar boʻyicha yagona ijtimoiy toʻlovning bir qismi koʻrinishida ajratilgan mablagʻlarni ajratib koʻrsatgan holda toʻlovchilar bilan hisob-kitoblarini mustaqil ravishda yuritadilar.

III. Oʻzbekiston Respublikasining “Fuqarolarning davlat pensiya taʼminoti toʻgʻrisida”gi Qonuniga muvofiq Pensiya jamgʻarmasi xarajatlarini qoplash boʻyicha summalarni toʻlash tartibi

8. Yuridik shaxslar tomonidan Pensiya jamgʻarmasiga Oʻzbekiston Respublikasining “Fuqarolarning davlat pensiya taʼminoti toʻgʻrisida”gi Qonunining (keyingi oʻrinlarda — Qonun deb yuritiladi) 12-moddasi “b” — “j” bandlari, 14 va 15-moddalariga muvofiq tayinlangan pensiya toʻlovlarini qoplash Qonunning 66-moddasining ikki va uchinchi qismlariga muvofiq amalga oshiriladi.

Bunda yuridik shaxslar tomonidan Pensiya jamgʻarmasiga Qonunning 12-moddasi “v” — “j” bandlariga muvofiq tayinlangan pensiyalar uchun xarajatlarni qoplash 2016-yilning 1-yanvarigacha amalga oshiriladi.

9. Yuridik shaxslar mehnatga haq toʻlash uchun moʻljallangan mablagʻlardan budjetdan tashqari Pensiya jamgʻarmasiga Qonunning 12-moddasi “b” — “j” bandlariga muvofiq tayinlangan pensiyalarni toʻlashga boʻlgan xarajatlarni qoplovchi toʻlovlarni kirim qiladilar.

10. Qonunning 12-moddasi “b” bandiga asosan tayinlangan pensiyalarni toʻlashga xarajatlarni qoplash quyidagi tartibda amalga oshiriladi:

yuridik shaxslar Pensiya jamgʻarmasining xarajatlarini qoplashga zarur boʻlgan summalarning minimal miqdorini har yili hisobot yilining 15-yanvariga qadar oʻtkazadilar;

yuridik shaxslar tomonidan xodim Qonunning 7-moddasida nazarda tutilgan pensiya yoshiga yetguniga qadar Qonunning 12-moddasi “b” bandiga muvofiq tayinlangan pensiyalarni toʻlashga ketgan oldingi yil uchun Pensiya jamgʻarmasining haqiqiy xarajatlarini toʻliq qoplash, Pensiya jamgʻarmasiga oʻtkazilgan qoplashga zarur boʻlgan summalarning minimal miqdorini chegirib qolgan holda, hisobot yilining 1-fevraliga qadar amalga oshiriladi.

Yuridik shaxslar hisob-kitobni mazkur Nizomning 1-ilovasiga muvofiq shakl boʻyicha hisobot yilining 1-fevralidan kechiktirmasdan tuman (shahar) davlat soliq inspeksiyalariga taqdim etadi.

Yuridik shaxslar tomonidan Pensiya jamgʻarmasiga oʻtkazilgan qoplashga zarur boʻlgan summalarning minimal miqdorini chegirib qolgan holda aniqlangan Qonunning 12-moddasi “b” bandiga muvofiq tayinlangan pensiyalarni toʻlashga ketgan oldingi yil uchun Pensiya jamgʻarmasining haqiqiy xarajatlarini qoplanishi lozim boʻlgan summa hisob-kitobning 041 qatorida koʻrsatiladi.

Qonunning 12-moddasi “v” — “j” bandlariga muvofiq tayinlangan pensiyalar boʻyicha xarajatlarni qoplash mazkur bandda koʻrsatilgan tartibda amalga oshiriladi.

11. Pensiya jamgʻarmasining tuman (shahar) boʻlimlari har oyda, Qonunning 14-moddasiga muvofiq pensiyalar toʻlovi amalga oshirilgan oydan keyingi oyning 5-sanasiga qadar Oʻzbekiston Respublikasi Mehnat va aholini ijtimoiy muhofaza qilish vazirligining tuman (shahar) bandlikka koʻmaklashish va aholini ijtimoiy muhofaza qilish markazlariga ishsiz maqomiga ega shaxslarga muddatidan oldin tayinlangan pensiyalarni toʻlashga boʻlgan xarajatlarning qoplanishiga doir hisoblangan summalar boʻyicha maʼlumot taqdim etadilar.

Taqdim etilgan maʼlumotning koʻchirma nusxasi ushbu muddatlarda tuman (shahar) davlat soliq inspeksiyalariga taqdim etiladi.

12. Qonunning 14-moddasiga muvofiq muddatidan oldin tayinlangan pensiyalarni toʻlashga boʻlgan xarajatlarni qoplash boʻyicha hisob-kitobi Oʻzbekiston Respublikasi Mehnat va aholini ijtimoiy muhofaza qilish vazirligining tuman (shahar) bandlikka koʻmaklashish va aholini ijtimoiy muhofaza qilish markazlari tomonidan mazkur Nizomning 2-ilovasiga muvofiq shakl boʻyicha hisobot davridan keyingi oyning 15-sanasidan kechiktirmasdan taqdim etiladi.

Mablagʻlar toʻlovi har oyda, keyingi oyning 15-sanasidan kechiktirmasdan amalga oshiriladi.

13. Pensiya jamgʻarmasining tuman (shahar) boʻlimlari Qonunning 15-moddasiga muvofiq mehnatda shikastlanish yoki kasb kasalligi oqibatida yuz bergan nogironlik boʻyicha pensiyalarni tayinlay turib, pensiyalarni toʻlash amalga oshirilgan oydan keyingi har bir oyning 5-sanasiga qadar bu kabi pensiyalarni oluvchilar roʻyxatini, pensionyerlarning familiyasi, ismi, otasining ismi, pensiyalar miqdori, ularning aybi bilan mehnatda shikastlanish yoki kasb kasalliklari yuz bergan korxonalar, tashkilotlarning nomlari, soliq toʻlovchining identifikatsiya raqamlari (STIR), yuridik manzillari va bank rekvizitlari koʻrsatilgan holda tegishli tuman (shahar) davlat soliq inspeksiyalariga, ularning aybi bilan mehnatda shikastlanish yoki kasb kasalliklari yuz bergan ushbu tashkilotlardan toʻlangan pensiya summalarini undirib olish uchun yetkazadilar.

14. Qonunning 15-moddasiga muvofiq mehnatda shikastlanish yoki kasb kasalliklari oqibatida tayinlangan pensiyalar toʻlovi boʻyicha xarajatlarni qoplash hisob-kitoblari tuman (shahar) davlat soliq xizmati organiga oʻsib boruvchi yakun boʻyicha, mazkur Nizomning 3-ilovasiga muvofiq shaklda yuridik shaxslar tomonidan har chorakda hisobot davridan keyingi oyning 25-sanasidan kechiktirmasdan taqdim etiladi.

Mablagʻlar toʻlovi har oyda, keyingi oyning 10-sanasidan kechiktirmasdan amalga oshiriladi.

15. Yuridik shaxslar mehnatga haq toʻlash uchun moʻljallangan mablagʻlardan, har oyda ish beruvchining aybi bilan yuz bergan mehnatda shikastlanish yoki kasb kasalliklari oqibatida nogironlik boʻyicha Qonunning 15-moddasiga muvofiq tayinlangan pensiyalarni toʻlash uchun xarajatlarni qoplovchi mablagʻlarni tegishli tuman (shahar) davlat soliq inspeksiyalariga xizmat koʻrsatuvchi banklarda ochilgan 20205 balans hisobvaragʻining 887 ShHRga oʻtkazadilar.

16. Kun davomida tuman (shahar) davlat soliq inspeksiyalari uchun ochilgan 20205 balans hisobvaraqlarining 887 ShHRga kelib tushgan mablagʻlar ularga xizmat koʻrsatuvchi banklar tomonidan har ish kuni yakunida quyidagi ulushlarda ajratma qilinadi:

85 foizi 20205 balans hisobvaraqlarining 692 ShHRga, keyinchalik tegishli gʻaznachilik hisobvaragʻini koʻrsatgan holda YaGʻRga toʻliq miqdorda oʻtkazilishi bilan ajratiladi;

15 foizi tuman (shahar) Pensiya jamgʻarmasi boʻlimlari uchun ochilgan 20205 balans hisobvaraqlarining 839 ShHRga Qonunning 15-moddasiga muvofiq tayinlangan mehnatda shikastlanish yoki kasb kasalliklari oqibatida nogironlik boʻyicha pensiya toʻlovlariga xarajatlarni toʻlash uchun taqdim etilgan regress talablari (daʼvolari) boʻyicha ish beruvchilar tomonidan qoplanadigan mablagʻlardan Pensiya jamgʻarmasi xodimlarini ijtimoiy rivojlantirish, moddiy ragʻbatlantirish maqsadida oʻtkaziladi.

17. Tuman (shahar) davlat soliq inspeksiyalari xizmat koʻrsatuvchi banklardan 20205 balans hisob raqamining 887 ShHR boʻyicha bank koʻchirmasini barcha ilovalari bilan oladi.

IV. Yuridik shaxslar tomonidan davlat ijtimoiy sugʻurtasi xarajatlari boʻyicha toʻlovlarni Pensiya jamgʻarmasi mablagʻlari hisobidan amalga oshirishi

18. Pensiya jamgʻarmasining tuman (shahar) boʻlimlari yuridik shaxsning talabnoma boʻyicha ishlaydigan pensionyerlarga pensiya, nafaqalar, kompensatsiyalar, 16 yoshgacha boʻlgan nogiron bolasi bor ota-onalarga qoʻshimcha dam olish kuni uchun toʻlovlarini moliyalashtiradi.

19. Yuridik shaxslar keyingi oyning 10-sanasidan kechiktirmasdan yuridik shaxs soliq hisobiga qoʻyilgan joydagi Pensiya jamgʻarmasining tuman (shahar) boʻlimlariga yuridik shaxslar xarajatlarini toʻlashga Pensiya jamgʻarmasidan mablagʻlarni olish uchun oylik talabnomalarni mazkur Nizomning 4-ilovasidagi shakl boʻyicha (keyingi oʻrinlarda — talabnoma deb yuritiladi) taqdim etadilar. Tugallanmagan buxgalteriya balansiga ega tashkilotlar boʻyicha talabnomalar bosh tashkilotlar tomonidan ular soliq hisobiga qoʻyilgan joydagi Pensiya jamgʻarmasining tuman (shahar) boʻlimlariga taqdim etadi.

Bunda talabnoma oʻrnatilgan tartibda rahbarlik vazifalarini amalga oshiruvchi shaxs, buxgalteriya hisobi va moliyaviy boshqarish vazifalarini amalga oshiruvchi shaxs, shuningdek yuridik shaxsning ijtimoiy sugʻurta boʻyicha Komissiya raisi (vakili) tomonidan imzolangan boʻlishi lozim.

Agar talabnomani qabul qilish muddatining soʻnggi kuni dam olish yoki bayram (ishlanmaydigan) kunlariga toʻgʻri kelib qolgan hollarda, keyingi ish kuni talabnomani qabul qilish muddatining soʻnggi kuni hisoblanadi.

Yuridik shaxslarning taqdim etilgan talabnomalarda davlat ijtimoiy sugʻurtasi boʻyicha maʼlum davr uchun buxgalteriya hisobi maʼlumotlari boʻyicha hisoblab yozilgan summalardan ortiq boʻlgan xarajatlar summalarini koʻrsatishlari taqiqlanadi.

Pensiya jamgʻarmasi tuman (shahar) boʻlimlari talabnomalarning toʻgʻri tuzilganligini tekshirishga majburdirlar va talabnomalar summasini ularga ilova qilingan reyestrlar bilan taqqoslaydi, zarur boʻlganda yuridik shaxslardan davlat ijtimoiy sugʻurtasi boʻyicha toʻlovlarni amalga oshirish uchun asos boʻlib hisoblangan birlamchi hujjatlarni talab qiladi.

191. Birinchi marotaba talabnoma bilan murojaat qiladigan yuridik shaxslar Pensiya jamgʻarmasining tuman (shahar) boʻlimida mazkur Nizomning 4b-ilovasidagi shakl boʻyicha Yuridik shaxslarni roʻyxatga olish kitobiga qayd etiladi.

Pensiya jamgʻarmasining tuman (shahar) boʻlimi tomonidan yuridik shaxslarning har biri boʻyicha talabnomalar va boshqa tegishli hujjatlar (hisobot, solishtirma dalolatnoma va boshqalar) uchun alohida yigʻmajild ochiladi.

192. Talabnoma mazkur Nizomning 196-bandida belgilangan holatlardan tashqari Pensiya jamgʻarmasining tuman (shahar) boʻlimi tomonidan qabul qilinadi. Qabul qilingan talabnoma mablagʻlarga ehtiyojni aniqlash, buxgalteriya hisobi va hisoboti sektori xodimi (keyingi oʻrinlarda masʼul xodim deb yuritiladi) tomonidan mazkur Nizomning 4v-ilovasidagi shakl boʻyicha Yuridik shaxslarning talabnomalarini roʻyxatga olish kitobiga (keyingi oʻrinlarda Roʻyxatga olish kitobi deb yuritiladi) qayd etiladi va roʻyxatga olish shtamp izi bosiladi.

193. Yuridik shaxslar tomonidan taqdim etilgan talabnomalarning toʻgʻriligini, hisobotlar va solishtirma dalolatnomalarning asosliligini oʻrganish maqsadida Pensiya jamgʻarmasining tuman (shahar) boʻlimida Talabnomalar, hisobotlar va solishtirma dalolatnomalarning asosliligini tekshirish boʻyicha komissiya (keyingi oʻrinlarda Komissiya deb yuritiladi) tuziladi.

Komissiya quyidagi tarkibda tashkil etiladi:

Pensiya jamgʻarmasining tuman (shahar) boʻlimi boshligʻi — komissiya raisi;

Pensiya jamgʻarmasining tuman (shahar) boʻlimi boshligʻi oʻrinbosari — mablagʻlarga ehtiyojni aniqlash, buxgalteriya hisobi va hisoboti sektori rahbari — komissiya raisi oʻrinbosari;

mablagʻlarga ehtiyojni aniqlash, buxgalteriya hisobi va hisoboti sektori bosh inspektori hamda pensiya va nafaqalar toʻlovi monitoringi guruhi rahbari — komissiya aʼzolari.

194. Pensiya jamgʻarmasining tuman (shahar) boʻlimi boshligʻi topshirigʻiga asosan Komissiya tomonidan quyidagi talablarga asosiy eʼtibor qaratilgan holda, talabnoma, hisobot va solishtirma dalolatnomalarning normativ-huquqiy hujjatlarga muvofiqligi yuzasidan koʻrib chiqiladi:

talabnoma, hisobot va solishtirma dalolatnomalarning tuzilishi va rasmiylashtirilishi belgilangan shaklga muvofiqligi, shuningdek masʼul shaxslarning imzolari va yuridik shaxs muhrlarining mavjudligiga;

talabnoma maʼlumotlarining Roʻyxatga olish kitobiga qayd etilgan maʼlumotlarga muvofiqligi;

talabnoma va reyestrning muvofiqligi, toʻlovlar amalga oshirish uchun asos boʻlgan birlamchi hujjatlarning (zarur hollarda) mavjudligi;

toʻlov amalga oshirilishi talab qilingan summa va sanalarning belgilangan meʼyorlarga muvofiqligi;

hisobotda koʻrsatilgan summalarning taqdim etilgan talabnomalarda koʻrsatilgan summalar bilan, shuningdek solishtirma dalolatnomalarning moliyalashtirilgan mablagʻlar bilan muvofiqligi;

talabnoma, hisobot va solishtirma dalolatnomalar, shuningdek boshqa parametrlar boʻyicha boshqa hujjatlardagi maʼlumotlarning Pensiya jamgʻarmasi kompyuter maʼlumotlar bazasiga toʻgʻri kiritilganligi.

Qabul qilingan talabnomalar Komissiya tomonidan har oyning 12-sanasidan kechiktirmay koʻrib chiqilishi lozim.

Koʻrib chiqish natijasi boʻyicha Komissiya har bir talabnoma boʻyicha xulosa qabul qiladi va mazkur Nizomning 4g-ilovasiga muvofiq shakl boʻyicha Budjetdan tashqari Pensiya jamgʻarmasining tuman (shahar) boʻlimi talabnoma, hisobot va solishtirma dalolatnomalari haqqoniyligini oʻrganish boʻyicha komissiya dalolatnomasi rasmiylashtiradi (keyingi oʻrinlarda dalolatnoma deb yuritiladi).

195. Komissiya tomonidan tuzilgan dalolatnoma Pensiya jamgʻarmasi tuman (shahar) boʻlimi boshligʻida alohida yigʻmajildda saqlanadi.

196. Yuridik shaxslar tomonidan taqdim etilgan talabnoma, hisobot va solishtirma dalolatnomalar quyidagi hollarda qaytariladi:

talabnoma, hisobot va solishtirma dalolatnomalar belgilangan shaklda tuzilmagan va rasmiylashtirilmaganda, shuningdek ularda masʼul shaxslarning imzolari yoki yuridik shaxsning muhri boʻlmaganda;

talabnomaga reyestr ilova qilinmaganda;

talabnoma va ilova qilingan reyestr summalari oʻrtasida farqlar mavjud boʻlganda;

ikkilamchi 888 ShHR hisobvaragʻi mavjud boʻlmagan taqdirda (budjet tashkilotlari bundan mustasno);

talabnoma rasmiylashtirilgandan soʻng unga oʻzgartirishlar va tuzatishlar kiritilgan boʻlsa;

yuridik shaxslar tomonidan taqdim etilgan maʼlumotlar va Pensiya jamgʻarmasi kompyuter maʼlumotlar bazasida mavjud maʼlumotlar oʻrtasida tafovut mavjud boʻlganda;

yuridik shaxs birlamchi hujjatlar topshirilishidan bosh tortgan taqdirda;

hisobot va solishtirma dalolatnomalar maʼlumotlari bilan talabnomalar maʼlumotlari oʻrtasida tafovut mavjud boʻlganda;

kerakli hujjatlar belgilangan muddatdan kech taqdim etilganda.

197. Komissiya tomonidan ijobiy xulosa qabul qilingan talabnoma Pensiya jamgʻarmasi tuman (shahar) boʻlimining mablagʻlarga ehtiyojni aniqlash, buxgalteriya hisobi va hisoboti sektoriga ijro va toʻlovni moliyalashtirish uchun yuboriladi.

198. Har oyda talabnomani qabul qilishning soʻnggi kuniga qadar qabul qilingan va Komissiya tomonidan dalolatnoma bilan rasmiylashtirilgan talabnomalar boʻyicha yuridik shaxslarning jamlanma talabnomasi tuziladi.

199. Jamlanma talabnomalar Komissiya tomonidan rasmiylashtirilgan hisobotlar, solishtirma dalolatnomalar va Roʻyxatga olish kitobidagi yozuvlarni solishtirish orqali koʻrib chiqiladi. Rasmiylashtirilgan hujjatlar toʻgʻriligi tasdiqlangandan soʻng Komissiya aʼzolari tomonidan imzolanadi.

1910. Jamlanma talabnoma Pensiya jamgʻarmasining tuman (shahar) boʻlimi muhri bilan tasdiqlanadi va talabnomalardagi maʼlumotlarning asosliligi toʻgʻrisida Komissiya aʼzolari tomonidan imzolangan kafolat xatiga ilova qilinib, Pensiya jamgʻarmasining hududiy boshqarmasiga taqdim etiladi.

Jamlanma talabnoma bilan birga Pensiya jamgʻarmasining hududiy boshqarmasiga Roʻyxatga olish kitobi ham taqdim etiladi.

1911. Pensiya jamgʻarmasining tuman (shahar) boʻlimlari tomonidan taqdim etilgan jamlanma talabnomalar Pensiya jamgʻarmasining tegishli hududiy boshqarmasida tuzilgan Jamlanma talabnomalarning asosliligini tekshirish boʻyicha maxsus komissiya (keyingi oʻrinlarda Maxsus komissiya deb yuritiladi) tomonidan koʻrib chiqiladi.

Maxsus komissiya quyidagi tarkibda tashkil etiladi:

Pensiya jamgʻarmasining hududiy boshqarmasi boshligʻi — Maxsus komissiya raisi;

Pensiya jamgʻarmasining hududiy boshqarmasi boshligʻi oʻrinbosari — Maxsus komissiya raisi oʻrinbosari;

buxgalteriya hisobi va hisoboti boʻlimi va mablagʻlarni boshqarish, pensiya va nafaqalar toʻlovi monitoringi boʻlimi boshliqlari — Maxsus komissiya aʼzolari.

1912. Jamlanma talabnomalar Maxsus komissiya tomonidan Pensiya jamgʻarmasi kompyuter maʼlumotlar bazasiga kiritilgan maʼlumotlarni rasmiylashtirilgan hisobotlar, dalolatnomalar va Roʻyxatga olish kitobiga kiritilgan yozuvlar bilan solishtirilgan holda tekshirib chiqiladi, zarur hollarda esa yuridik shaxslar tomonidan taqdim etilgan talabnoma yoki birlamchi hujjatlar talab qilinadi.

1913. Jamlanma talabnoma Roʻyxatga olish kitobi bilan solishtirilgandan soʻng, Roʻyxatga olish kitobining hisobot oyidagi soʻnggi yozuvi talabnomalar taqdim etgan yuridik shaxslarning soni, talabnomaning umumiy summasi, Maxsus komissiya aʼzolarining imzolari haqidagi yozuvlar kiritilgan holda yopiladi va Pensiya jamgʻarmasi hududiy boshqarmasining muhr izi bilan tasdiqlanadi. Yozuv yopilgandan soʻng Roʻyxatga olish kitobi yozuvlariga oʻzgartirish yoki qoʻshimchalar kiritish taqiqlanadi.

1914. Pensiya jamgʻarmasining tuman (shahar) boʻlimlari tomonidan taqdim etilgan va Maxsus komissiya tomonidan koʻrib chiqilgan jamlanma talabnomalar umumlashtiriladi hamda Maxsus komissiya aʼzolari tomonidan imzolanib, Pensiya jamgʻarmasi hududiy boshqarma muhri bilan tasdiqlangan holda mazkur Nizomning 4g-ilovasiga muvofiq shakl boʻyicha Budjetdan tashqari Pensiya jamgʻarmasining hududiy boshqarmasi talabnoma, hisobot va solishtirma dalolatnomalari haqqoniyligini tekshirish boʻyicha maxsus komissiya dalolatnomasi bilan rasmiylashtiriladi.

Pensiya jamgʻarmasining tuman (shahar) boʻlimlari kesimidagi umumlashtirilgan talabnomalar har oyning 15-sanasiga qadar talabnomalardagi maʼlumotlarning asosliligi toʻgʻrisida Maxsus komissiya aʼzolari tomonidan imzolangan kafolat xatiga ilova qilinib, Pensiya jamgʻarmasi ijro etuvchi apparatiga taqdim etiladi.

1915. Yuridik shaxslarga moliyalashtirilgan mablagʻlar toʻgʻrisidagi maʼlumotlar masʼul xodim tomonidan Oʻzbekiston Respublikasi Moliya vazirligi Gʻaznachiligining tegishli boʻlinmasining belgisi qoʻyilgan toʻlov hujjatlariga asosan Pensiya jamgʻarmasi kompyuter maʼlumotlar bazasiga kiritiladi, shuningdek mablagʻlar qoldigʻi, kirim va chiqimining hisobi yuritiladi.

20. Pensiya jamgʻarmasining tuman (shahar) boʻlimlaridan yuridik shaxslar tomonidan (budjet tashkilotlaridan tashqari) davlat ijtimoiy sugʻurtasi boʻyicha xarajatlarning toʻlanishi uchun kelib tushgan mablagʻlarni kirim qilish uchun yuridik shaxslar, ularning talab qilib olinguncha asosiy depozit hisobvaraqlariga xizmat koʻrsatuvchi banklarda 888 ShHR bilan ikkilamchi hisobvaraqlarni ochadilar.

Bunda, Pensiya jamgʻarmasining tuman (shahar) boʻlimlaridan yuridik shaxslarning, jumladan, davlat budjetidan dotatsiya oluvchi xoʻjalik yurituvchi subyektlarning yuqorida koʻrsatib oʻtilgan 888 ShHRga ega ikkilamchi hisobvaraqlariga kelib tushadigan mablagʻlarga, Xoʻjalik yurituvchi subyektlarning bank hisobvaraqlaridan pul mablagʻlarini hisobdan chiqarish tartibi toʻgʻrisidagi yoʻriqnomada (roʻyxat raqami 2342, 2012-yil 15-mart) (Oʻzbekiston Respublikasi qonun hujjatlari toʻplami, 2012-y., 11-son, 127-modda) belgilangan yuridik shaxslarning bank hisobvaraqlarida pul mablagʻlari yetarli boʻlmagan hollarda, ularni hisobdan chiqarish tartibi tatbiq etilmaydi.

21. Gʻazna ijrosi bilan qamrab olinmagan budjet tashkilotlariga Pensiya jamgʻarmasining tuman (shahar) boʻlimlari davlat ijtimoiy sugʻurtasi boʻyicha xarajatlarni toʻlash uchun mablagʻlar ularning budjet mablagʻlari boʻyicha tegishli depozit hisobvaraqlariga oʻtkazadi.

Gʻazna ijrosi bilan qamrab olingan budjet tashkilotlari boʻyicha Pensiya jamgʻarmasining tuman (shahar) boʻlimlari davlat ijtimoiy sugʻurtasi boʻyicha xarajatlarni toʻlash uchun mablagʻlarni tegishli gʻaznachilik hisobvaragʻini koʻrsatgan holda YaGʻRga oʻtkazadi.

Bunda, budjet tashkilotlari tegishli budjet tasnifi kodlari boʻyicha alohida talabnoma tuzadi va xarajatlar amalga oshiriladigan ushbu kodlarning (depozit va shaxsiy) hisobvaraqlarini belgilab koʻrsatadi.

211. Pensiya jamgʻarmasining ijro etuvchi apparati Pensiya jamgʻarmasi hududiy boshqarmalari tomonidan taqdim etilgan umumlashtirilgan talabnomalarga asosan:

joriy toʻlov oyining 15-kunigacha — oʻtgan oyning ehtiyoji hisob-kitobidan kelib chiqib 50 % miqdoridagi summani;

joriy toʻlov oyining 27-kunigacha — amaldagi ehtiyojning taqdim etilgan miqdoridan qolgan summani moliyalashtiradi.

212. Pensiya jamgʻarmasi hududiy boshqarmalari mablagʻlarni ikki bank ish kuni davomida Pensiya jamgʻarmasining tegishli tuman (shahar) boʻlimlariga moliyalashtirilishini amalga oshirishi lozim.

213. Pensiya jamgʻarmasining tuman (shahar) boʻlimlari mablagʻlarni taqdim etilgan talabnomalarga asosan ikki bank ish kuni davomida tegishli yuridik shaxslarga moliyalashtirilishini amalga oshirishi lozim.

214. Yuridik shaxslarni moliyalashtirish uchun toʻlov hujjatlari faqat Pensiya jamgʻarmasining tuman (shahar) boʻlimi boshligʻi (vazifasini bajaruvchi shaxs) tomonidan imzolanishi lozim.

Yuridik shaxslarni moliyalashtirish uchun toʻlov hujjatlari mazkur Nizomning 4d-ilovasiga muvofiq shakl boʻyicha Budjetdan tashqari Pensiya jamgʻarmasining tuman (shahar) boʻlimi tomonidan toʻlov hujjatlarini roʻyxatga olish kitobiga qayd etiladi.

215. Bank ish kuni yakuni boʻyicha masʼul xodim tomonidan toʻlov hujjatlari va Oʻzbekiston Respublikasi Moliya vazirligi Gʻaznachiligi tegishli boʻlinmasining shtamp izi bosilgan hisobvaraqlarning koʻchirmasi alohida yigʻmajildga tikiladi. Toʻlov hujjatining nusxalari tegishli yuridik shaxsning yigʻmajildiga tikiladi.

22. Pensiya jamgʻarmasi tuman (shahar) boʻlimlari yuridik shaxslardan buyurtmanomalarni olishlari bilan mablagʻlarni belgilangan tartibda xoʻjalik yurituvchi subyektlarning 888 ShHRga ega ikkilamchi hisobvaraqlariga va budjet tashkilotlarining talab qilib olingungacha asosiy depozit hisobvaraqlariga oʻtkazadilar. Bunda budjet tashkilotlari gʻazna ijrosi bilan qamrab olingan boʻlsa, budjet tashkilotiga tegishli mablagʻlar tegishli gʻaznachilik hisobvaragʻini koʻrsatgan holda YaGʻRga oʻtkaziladi.

Yuridik shaxslar (budjet tashkilotlari ham) Pensiya jamgʻarmasi mablagʻlari hisobiga davlat ijtimoiy sugʻurtasi boʻyicha hisoblab yozilgan xarajatlar boʻyicha mablagʻlarni toʻlaydilar, banklar esa belgilangan muddatlarda beradilar.

Davlat ijtimoiy sugʻurtasi boʻyicha xarajatlarni toʻlash uchun olingan mablagʻlar qatʼiy nazoratda boʻlishi va faqatgina buyurtmanomada nazarda tutilgan maqsadlar uchun foydalanilishi mumkin. Hisob-kitoblarda kerakli summalarni ataylab buzib koʻrsatishga va ulardan maqsadga nomuvofiq foydalanishga yoʻl qoʻygan mansabdor shaxslar qonun hujjatlarida nazarda tutilgan tartibda toʻlov intizomiga rioya etilishi yuzasidan shaxsan javob beradilar.

23. Yuridik shaxslar (budjet tashkilotlaridan tashqari) oʻz mablagʻlari mavjud boʻlgan hollarda, keyinchalik toʻlangan summalarni Pensiya jamgʻarmasi mablagʻlari hisobidan qoplash evaziga pensiyalar, kompensatsiyalar va nafaqalarni ish haqini toʻlash kunida oʻz mablagʻlari hisobidan toʻlashni amalga oshirish huquqiga egalar. Yuridik shaxslar tomonidan toʻlangan summalarning qoplanishi Pensiya jamgʻarmasidan olingan mablagʻlar 888 ShHRga ega ikkilamchi hisobvaragʻidan xarajatlar ularning toʻlab berilgan asosiy hisobvaragʻiga pul oʻtkazish yoʻli bilan amalga oshiriladi.

Uy-joy-kommunal xizmatlar haqini toʻlash boʻyicha alohida toifadagi fuqarolarga beriladigan imtiyozlar oʻrniga oylik kompensatsiya pul toʻlovlarini va bir martalik bola tugʻilishi munosabati bilan beriladigan nafaqalar Davlat budjeti mablagʻlari hisobidan qonunchilikda belgilangan tartibda Pensiya jamgʻarmasi orqali amalga oshiriladi.

V. Yagona ijtimoiy toʻlov va fuqarolarning sugʻurta badallarining toʻlanishi, shuningdek Pensiya jamgʻarmasi mablagʻlarining sarflanishi hisobi, hisobotlar va ustidan nazorat qilish

24. Yuridik shaxslar yagona ijtimoiy toʻlov toʻlanishi boʻyicha hisob-kitoblarni oʻzlari soliq toʻlovchi sifatida roʻyxatga olingan tuman (shahar) davlat soliq inspeksiyalari bilan yuritadilar.

25. Yuridik shaxslar (kredit tashkilotlardan tashqari) ish haqi tarzidagi daromadlardan yagona ijtimoiy toʻlov, fuqarolarning sugʻurta badallari summasini hisoblab yozish hamda davlat ijtimoiy sugʻurtasi boʻyicha xarajatlarni qoplashni belgilangan tartibda amalga oshiradilar va uni quyidagi buxgalteriya oʻtkazmasi bilan aks ettiradilar:

a) ish haqi tarzidagi daromadlardan hisoblab yozilgan yagona ijtimoiy toʻlov summalari xarajatlarini hisobga olish hisobvaraqlarida (2000, 2300, 2500, 2600, 2700, 9400) 6520 “Maqsadli davlat jamgʻarmalariga toʻlovlar” hisobvaragʻi krediti boʻyicha aks ettiriladi;

b) fuqarolarning ish haqidan ushlangan sugʻurta badallari summalari 6710 “Xodimlar bilan mehnatga haq toʻlash boʻyicha hisob-kitoblar” hisobvaragʻida 6520 “Maqsadli davlat jamgʻarmalariga toʻlovlar” hisobvaragʻining krediti boʻyicha aks ettiriladi;

v) tegishli pensiyalar va nafaqalarning talab qilingan summalari 6710 “Xodimlar bilan mehnatga haq toʻlash boʻyicha hisob-kitoblar” hisobvaragʻi 4890 “Boshqa debitorlarning qarzlari” hisobvaragʻi debeti boʻyicha aks ettiriladi;

g) tegishli mablagʻ summalarining budjetdan tashqari Pensiya jamgʻarmasidan kelib tushishi 4890 “Boshqa debitorlarning qarzlari” hisobvaragʻida pul mablagʻlarini hisobga oluvchi hisobvaraqlarning debeti boʻyicha aks ettiriladi;

d) xodimlarga tegishli pensiyalar va nafaqalar boʻyicha mablagʻlar summasi toʻlovi pul mablagʻlarini hisobga olish hisobvaraqlarida 6710 “Xodimlar bilan mehnatga haq toʻlash boʻyicha hisob-kitoblar” hisobvaragʻining debeti boʻyicha aks ettiriladi.

26. Kredit tashkilotlari (banklar va mikrokredit tashkilotlari) ish haqi tarzidagi daromadlardan yagona ijtimoiy toʻlov, fuqarolarning sugʻurta badallari summasini hisoblab yozish hamda davlat ijtimoiy sugʻurtasi boʻyicha xarajatlarni qoplash belgilangan tartibda buxgalteriya hisobi hisobvaraqlar rejasiga asosan ushbu maqsad uchun koʻzda tutilgan tegishli hisobvaraqlarda hisobini yuritadi.

27. Budjet tashkilotlarining buxgalteriya hisobida yagona ijtimoiy toʻlov hisoblab yozilishi va oʻtkazilishi, shuningdek Pensiya jamgʻarmasi mablagʻlari hisobidan nafaqalar, pensiyalar, kompensatsiyalar, xodimlar ish haqi tarzidagi daromadlaridan ushlab qolinadigan majburiy sugʻurta badallar toʻlovlarining aks ettirilishi qonunchilikda belgilangan tartibda amalga oshiriladi.

28. Yuridik shaxslar har chorakda moliyaviy buxgalteriya hisobotini taqdim etish muddatlarida Pensiya jamgʻarmasining tuman (shahar) boʻlimlariga mablagʻlarning Pensiya jamgʻarmasi hisobidan sarflanishi toʻgʻrisidagi hisobotlarni oʻsib boruvchi yakun asosida, mazkur Nizomning 5-ilovasidagi shakl boʻyicha taqdim etishlari va bir vaqtning oʻzida mazkur Nizomning 6-ilovasidagi shakl boʻyicha solishtirma dalolatnomasini tuzgan holda hisob-kitoblarni solishtirishni amalga oshirishlari lozim.

281. Yuridik shaxslar tomonidan taqdim etilgan hisobot va solishtirma dalolatnomalar hisobot davrida Pensiya jamgʻarmasining tuman (shahar) boʻlimiga taqdim etilgan talabnomalar va moliyalashtirilgan mablagʻlar toʻgʻrisidagi maʼlumotlar, shuningdek Pensiya jamgʻarmasi kompyuter maʼlumotlar bazasiga kiritilgan axborotlar bilan solishtiriladi.

Solishtirish oʻtkazilgandan soʻng, hisobotlar va solishtirma dalolatnomalar Pensiya jamgʻarmasining tuman (shahar) boʻlimi masʼul xodimi tomonidan imzolangan va shtamp bosilgan holda qabul qilinadi.

282. Yuridik shaxslar tomonidan taqdim etilgan talabnoma, hisobot va solishtirma dalolatnomalar Komissiya tomonidan koʻrib chiqilgandan soʻng har bir yuridik shaxsning alohida yigʻmajildiga tikiladi.

29. Tuman (shahar) davlat soliq inspeksiyalari belgilangan tartibda oʻzlarining yuqori turuvchi organlariga choraklik hisobotlar taqdim etadilar.

Pensiya jamgʻarmasi hududiy boʻlinmalari belgilangan tartibda Pensiya jamgʻarmasi ijro etuvchi apparatiga oylik yigʻma hisob-kitoblar va hisobotlarni taqdim etadilar.

291. Pensiya jamgʻarmasining tuman (shahar) boʻlimlari tomonidan oʻtgan oyda yuridik shaxslarni moliyalashtirish amalga oshirilganligi va hisobot oyidan keyingi oyning 1-sanasiga mablagʻlar qoldigʻi toʻgʻrisida hisobot tuziladi. Belgilangan shaklda rasmiylashtirilgan hisobot Pensiya jamgʻarmasining tegishli hududiy boshqarmasiga hisobot oyidan keyingi oyning 5-sanasiga qadar taqdim etiladi.

292. Pensiya jamgʻarmasining tuman (shahar) boʻlimlari tomonidan taqdim etilgan oylik hisobotlar Pensiya jamgʻarmasining hududiy boshqarmalari tomonidan Pensiya jamgʻarmasining tuman (shahar) boʻlimlari kesimida umumlashtiriladi. Jamlanma hisobot Pensiya jamgʻarmasining hududiy boshqarmalari tomonidan hisobot oyidan keyingi oyning 15-sanasiga qadar Pensiya jamgʻarmasining ijro etuvchi apparatiga taqdim etiladi.

30. Oʻzbekiston Respublikasi Davlat soliq qoʻmitasi Pensiya jamgʻarmasi ijro etuvchi apparatiga:

kelib tushgan majburiy toʻlovlar, badallar va boshqa toʻlovlar, shuningdek majburiy toʻlovlar, badallar va boshqa toʻlovlarning turlari boʻyicha qarzdorlik toʻgʻrisida tezkor hisobot — har oyda keyingi hisobot oyning 10-sanasiga qadar;

majburiy toʻlovlar, badallar va boshqa toʻlovlar hisoblanishi va toʻlanishi boʻyicha hisobot — yuridik shaxslarning choraklik va yillik hisobotlari topshirilgandan soʻng 15 kun ichida taqdim etadi.

31. Tuman (shahar) davlat soliq inspeksiyalari, Pensiya jamgʻarmasi tuman (shahar) boʻlimlari va tijorat banklarining filiallari har oy Pensiya jamgʻarmasiga kelib tushgan mablagʻ turlari boʻyicha hisobot oyidan keyingi oyning 8-sanasiga qadar solishtirishni amalga oshiradilar.

Solishtirish natijalari yagona ijtimoiy toʻlov va Pensiya jamgʻarmasiga toʻlovlari boʻyicha haqiqiy tushum miqdori toʻgʻrisidagi solishtirma dalolatnomada uch nusxada rasmiylashtiriladi.

Tuman (shahar) davlat soliq inspeksiyasida, xizmat koʻrsatuvchi tijorat bank filialida va Pensiya jamgʻarmasi tuman (shahar) boʻlimida solishtirma dalolatnomasi bir nusxadan qoldiriladi.

Solishtirma dalolatnomasi nusxalari oʻz navbatida Markaziy bankning Qoraqalpogʻiston Respublikasi, viloyatlar va Toshkent shahar Bosh boshqarmalariga, hududlardagi davlat soliq boshqarmalariga va Pensiya jamgʻarmasi hududiy boshqarmalariga kelgusi kundan kech qolmagan holda yetkazib beriladi.

32. Hududiy davlat soliq boshqarmalari, Pensiya jamgʻarmasi hududiy boshqarmalari va Markaziy bankning Qoraqalpogʻiston Respublikasi, viloyatlar va Toshkent shahar Bosh boshqarmalari har oy Pensiya jamgʻarmasiga kelib tushgan mablagʻ turlari boʻyicha hisobot oyidan keyingi oyning 10-sanasiga qadar solishtirishni amalga oshiradilar.

Solishtirish natijalari yagona ijtimoiy toʻlov va Pensiya jamgʻarmasiga toʻlovlari boʻyicha haqiqiy tushum miqdori toʻgʻrisidagi solishtirma dalolatnomada uch nusxada rasmiylashtiriladi.

Hududiy davlat soliq boshqarmasida, Markaziy bankning Qoraqalpogʻiston Respublikasi, viloyatlar va Toshkent shahar Bosh boshqarmasida va Pensiya jamgʻarmasining hududiy boshqarmasida solishtirma dalolatnomasining bir nusxasi qoldiriladi.

Solishtirma dalolatnomasi nusxalari oʻz navbatida Oʻzbekiston Respublikasi Markaziy bankiga, Davlat soliq qoʻmitasiga hamda Pensiya jamgʻarmasi ijro etuvchi apparatiga kelgusi kundan kechiktirilmasdan yetkazib beriladi.

33. Oʻzbekiston Respublikasi Davlat soliq qoʻmitasi va Pensiya jamgʻarmasining ijro etuvchi apparati yagona ijtimoiy toʻlov va Pensiya jamgʻarmasiga toʻlovlar boʻyicha har chorakda hisobot choragidan keyingi oyning 20-sanasiga qadar oʻsib boruvchi yakun bilan solishtirma dalolatnomalar tuzadilar.

Solishtirma dalolatnomalar bir nusxadan Oʻzbekiston Respublikasi Davlat soliq qoʻmitasi va Pensiya jamgʻarmasi ijro etuvchi apparatida qoldiriladi.

Oʻzbekiston Respublikasi Markaziy banki har oyda, hisobot oyidan keyingi oyning 15-sanasiga qadar Pensiya jamgʻarmasiga yagona ijtimoiy toʻlov, sugʻurta badallari va boshqa toʻlovlar boʻyicha maʼlumotlarni Pensiya jamgʻarmasining ijro etuvchi apparatiga taqdim etadi.

34. Tuman (shahar) davlat soliq inspeksiyalariga xizmat koʻrsatuvchi tijorat banklari filiallari tushumlarni oʻz vaqtida Markaziy bankning Qoraqalpogʻiston Respublikasi, viloyatlar va Toshkent shahar Bosh boshqarmalarida ochilgan Pensiya jamgʻarmasining tranzit hisobvaraqlariga oʻtkazilishi boʻyicha javob beradilar.

35. Tijorat banklari tomonidan tushumlarni oʻz vaqtida Pensiya jamgʻarmasi tranzit hisobvaraqlariga oʻtkazilishi boʻyicha nazorat Markaziy bankning Qoraqalpogʻiston Respublikasi, viloyatlar va Toshkent shahar Bosh boshqarmalari tomonidan amalga oshiriladi.

Tijorat banklari tomonidan tushumlarni oʻz vaqtida tegishli tranzit hisobvaraqlariga oʻtkazilmagan holatlar aniqlanganda qonunchilikda belgilangan tartibda aybdor mansabdor shaxslarga nisbatan choralar koʻriladi.

36. Yagona ijtimoiy toʻlovdan bir qismi koʻrinishidagi Oʻzbekiston Kasaba uyushmalari Federatsiyasi Kengashiga ajratmalar boʻyicha solishtirma dalolatnomalar tuzish tartibi va muddatlari Oʻzbekiston Respublikasi Davlat soliq qoʻmitasi, Markaziy banki va Oʻzbekiston Kasaba uyushmalari Federatsiyasi Kengashi tomonidan belgilanadi.

37. Yagona ijtimoiy toʻlovdan bir qismi koʻrinishidagi Oʻzbekiston Respublikasi Mehnat va aholini ijtimoiy muhofaza qilish vazirligiga ajratmalar boʻyicha solishtirma dalolatnomalar tuzish tartibi va muddatlari Oʻzbekiston Respublikasi Davlat soliq qoʻmitasi, Markaziy banki va Mehnat va aholini ijtimoiy muhofaza qilish vazirligi tomonidan belgilanadi.

38. Oʻzbekiston Respublikasi Mehnat va aholini ijtimoiy muhofaza qilish vazirligi, Pensiya jamgʻarmasi ijro etuvchi apparati va Oʻzbekiston Kasaba uyushmalari Federatsiyasi har chorakda Oʻzbekiston Respublikasi Moliya vazirligiga tushgan mablagʻlar va davlat ijtimoiy sugʻurtasi xarajatlari toʻgʻrisida yigʻma hisobot taqdim etadilar.

39. Oʻzbekiston Respublikasi Moliya vazirligi Pensiya jamgʻarmasiga yagona ijtimoiy toʻlov va davlat ijtimoiy sugʻurtasiga sugʻurta badallari xarajatlariga taalluqli qoʻshimcha maʼlumotlarni Oʻzbekiston Respublikasi Davlat soliq qoʻmitasi, Mehnat va aholini ijtimoiy muhofaza qilish vazirligi va Oʻzbekiston Kasaba uyushmalari Federatsiyasi Kengashidan talab qilish huquqiga ega.

40. Yuridik shaxslar tomonidan Pensiya jamgʻarmasiga amalga oshirilgan yagona ijtimoiy toʻlov va sugʻurta badallar hamda Pensiya jamgʻarmasi xarajatlarini qoplash boʻyicha summalar hisob-kitoblarining toʻgʻriligi, toʻliq va oʻz vaqtida toʻlanganligi ustidan nazorat davlat soliq xizmati organlari tomonidan qonun hujjatlarida belgilangan tartibda amalga oshiriladi.

Davlat soliq xizmati organlari qonun hujjatlariga muvofiq yuridik va jismoniy shaxslarga nisbatan Pensiya jamgʻarmasiga yagona ijtimoiy toʻlovlar va sugʻurta badallari boʻyicha xarajatlarni hisoblash tartibi va toʻlov muddatlarini buzganligi uchun javobgarlik choralarini qoʻllaydilar.

41. Pensiya, nafaqa va kompensatsiyalar toʻlovi xarajatlari, shuningdek yuridik shaxslarning davlat ijtimoiy sugʻurtasi boʻyicha xarajatlarini oʻz vaqtida moliyalashtirilishi ustidan monitoring Pensiya jamgʻarmasi tomonidan amalga oshiriladi.

VI. Yakuniy qoida

42. Mazkur Nizom Oʻzbekiston Respublikasi Mehnat va aholini ijtimoiy muhofaza qilish vazirligi hamda Oʻzbekiston Kasaba uyushmalari Federatsiyasi Kengashi bilan kelishilgan.

Mehnat va aholini ijtimoiy muhofaza qilish vaziri A. XAITOV

2011-yil 9-avgust

Oʻzbekiston Kasaba uyushmalari Federatsiyasi Kengashi raisi T. NARBAYEVA

2011-yil 9-avgust

Yagona ijtimoiy toʻlovni taqsimlash, shuningdek xarajatlarni qoplash boʻyicha summalarni toʻlanishini va yuridik shaxslarning davlat ijtimoiy sugʻurtasi xarajatlari boʻyicha toʻlovlarni amalga oshirish tartibi toʻgʻrisidagi nizomga 1-ILOVA

‎‎* Hisobot yilida bir marotaba, 20___ yilning 1-fevraliga qadar taqdim etiladi. ‎

** Ijobiy farq mavjud boʻlganda toʻldiriladi.

Yagona ijtimoiy toʻlovni taqsimlash, shuningdek xarajatlarni qoplash boʻyicha summalarni toʻlanishini va yuridik shaxslarning davlat ijtimoiy sugʻurtasi xarajatlari boʻyicha toʻlovlarni amalga oshirish tartibi toʻgʻrisidagi nizomga 2-ILOVA

Yagona ijtimoiy toʻlovni taqsimlash, shuningdek xarajatlarni qoplash boʻyicha summalarni toʻlanishini va yuridik shaxslarning davlat ijtimoiy sugʻurtasi xarajatlari boʻyicha toʻlovlarni amalga oshirish tartibi toʻgʻrisidagi nizomga 3-ILOVA

(3-ilova Oʻzbekiston Respublikasi Moliya vazirligi, Davlat soliq qoʻmitasi va Markaziy banki Boshqaruvining 2015-yil 7-maydagi 39, 2015-16, 320-V-3-sonli qarori (roʻyxat raqami 2262-3, 26.05.2015-y.) tahririda — OʻR QHT, 2015-y., 21-son, 280-modda)

Yagona ijtimoiy toʻlovni taqsimlash, shuningdek xarajatlarni qoplash boʻyicha summalarni toʻlanishini va yuridik shaxslarning davlat ijtimoiy sugʻurtasi xarajatlari boʻyicha toʻlovlarni amalga oshirish tartibi toʻgʻrisidagi nizomga 4-ILOVA

* Har oyda, hisobot oyidan keyingi oyning 10-kuniga qadar muddatda Yagona ijtimoiy toʻlovni taqsimlash, shuningdek xarajatlarni qoplash boʻyicha summalarning toʻlanishini va yuridik shaxslarning davlat ijtimoiy sugʻurtasi xarajatlari boʻyicha toʻlovlarni amalga oshirish tartibi toʻgʻrisidagi nizomning 4a-ilovasidagi shakl boʻyicha reyestr majburiy ilova qilingan holda taqdim etiladi.

Yagona ijtimoiy toʻlovni taqsimlash, shuningdek xarajatlarni qoplash boʻyicha summalarni toʻlanishini va yuridik shaxslarning davlat ijtimoiy sugʻurtasi xarajatlari boʻyicha toʻlovlarni amalga oshirish tartibi toʻgʻrisidagi nizomga 4a-ILOVA

Izoh: * jamgʻarib boriladigan pensiya hisobvaragʻining tartib raqami koʻrsatilishi shart;

** hujjat nomi (pensiya topshiriqnomasi (shakl-25), kasallik varaqasi, FHDY maʼlumotnomasi, 16-yoshgacha boʻlgan nogiron bolaning ota-onalaridan biriga (vasiyga, homiyga) bir oyda bir qoʻshimcha dam olish kuni uchun tashkilotning buyrugʻi, oylik kompensatsiya oluvchilarga imtiyoz beruvchi guvohnoma).

Yagona ijtimoiy toʻlovni taqsimlash, shuningdek xarajatlarni qoplash boʻyicha summalarni toʻlanishini va yuridik shaxslarning davlat ijtimoiy sugʻurtasi xarajatlari boʻyicha toʻlovlarni amalga oshirish tartibi toʻgʻrisidagi nizomga 4b-ILOVA

Yuridik shaxslarni roʻyxatga olish

kitobi

Yagona ijtimoiy toʻlovni taqsimlash, shuningdek xarajatlarni qoplash boʻyicha summalarni toʻlanishini va yuridik shaxslarning davlat ijtimoiy sugʻurtasi xarajatlari boʻyicha toʻlovlarni amalga oshirish tartibi toʻgʻrisidagi nizomga 4v-ILOVA

Yuridik shaxslarning talabnomalarini roʻyxatga olish

kitobi

Yagona ijtimoiy toʻlovni taqsimlash, shuningdek xarajatlarni qoplash boʻyicha summalarni toʻlanishini va yuridik shaxslarning davlat ijtimoiy sugʻurtasi xarajatlari boʻyicha toʻlovlarni amalga oshirish tartibi toʻgʻrisidagi nizomga 4g-ILOVA

Budjetdan tashqari Pensiya jamgʻarmasining _____________ tuman (shahar) boʻlimi (hududiy boshqarmasi) talabnoma, hisobot va solishtirma dalolatnomalari haqqoniyligini tekshirish boʻyicha komissiya (Maxsus komissiya)

DALOLATNOMASI

(4g-ilova Oʻzbekiston Respublikasi Moliya vazirligi, Davlat soliq qoʻmitasi va Markaziy banki Boshqaruvining 2015-yil 7-maydagi 39, 2015-16, 320-V-3-sonli qarori (roʻyxat raqami 2262-3, 26.05.2015-y.) tahririda — OʻR QHT, 2015-y., 21-son, 280-modda)

Yagona ijtimoiy toʻlovni taqsimlash, shuningdek xarajatlarni qoplash boʻyicha summalarni toʻlanishini va yuridik shaxslarning davlat ijtimoiy sugʻurtasi xarajatlari boʻyicha toʻlovlarni amalga oshirish tartibi toʻgʻrisidagi nizomga 4d-ILOVA

(4b — 4d-ilovalar Oʻzbekiston Respublikasi Moliya vazirligi, Davlat soliq qoʻmitasi va Markaziy bank Boshqaruvining 2013-yil 20-noyabrdagi 106, 2013-45, 320-V-2-sonli qaroriga (roʻyxat raqami 2262-2, 20.12.2013-y.) asosan kiritilgan — OʻR QHT, 2013-y., 51-son, 681-modda)

Yagona ijtimoiy toʻlovni taqsimlash, shuningdek xarajatlarni qoplash boʻyicha summalarni toʻlanishini va yuridik shaxslarning davlat ijtimoiy sugʻurtasi xarajatlari boʻyicha toʻlovlarni amalga oshirish tartibi toʻgʻrisidagi nizomga 5-ILOVA

(5-ilova Oʻzbekiston Respublikasi Moliya vazirligi, Davlat soliq qoʻmitasi va Markaziy banki Boshqaruvining 2015-yil 7-maydagi 39, 2015-16, 320-V-3-sonli qarori (roʻyxat raqami 2262-3, 26.05.2015-y.) tahririda — OʻR QHT, 2015-y., 21-son, 280-modda)

Yagona ijtimoiy toʻlovni taqsimlash, shuningdek xarajatlarni qoplash boʻyicha summalarni toʻlanishini va yuridik shaxslarning davlat ijtimoiy sugʻurtasi xarajatlari boʻyicha toʻlovlarni amalga oshirish tartibi toʻgʻrisidagi nizomga 6-ILOVA

(Oʻzbekiston Respublikasi qonun hujjatlari toʻplami, 2011-y., 37-son, 383-modda; 2013-y., 1-son, 11-modda, 51-son, 681-modda; 2015-y., 21-son, 280-modda)