Benzin, dizel yoqilgʻisi va aviakerosin uchun qatʼiy miqdorda belgilangan aksiz soligʻi stavkalarini qayta koʻrib chiqish toʻgʻrisida (2254-son)

16.08.2011

OʻZBEKISTON RESPUBLIKASI MOLIYA VAZIRINING

buyrugʻi

[Oʻzbekiston Respublikasi Adliya vazirligi tomonidan 2011-yil 16-avgustda roʻyxatdan oʻtkazildi, roʻyxat raqami 2254]

Oʻzbekiston Respublikasi Prezidentining 2010-yil 24-dekabrdagi PQ-1449-son “Oʻzbekiston Respublikasining 2011-yilgi asosiy makroiqtisodiy koʻrsatkichlari prognozi va Davlat budjeti parametrlari toʻgʻrisida”gi qarorining (Oʻzbekiston Respublikasi qonun hujjatlari toʻplami, 2010-y., 52-son, 513-modda) 12-1-sonli ilovasiga muvofiq buyuraman:

1. Benzin, dizel yoqilgʻisi va aviakerosin uchun qatʼiy minimal miqdorda belgilangan aksiz soligʻi stavkalari qayta koʻrib chiqilib, quyidagi miqdorlarda belgilansin:

Ai-80 markali benzinga — kamida 321 430 soʻm/tonnaga;

Ai-91, A-92 va Ai-93 markali benzinga — kamida 353 430 soʻm/tonnaga;

Ai-95 markali benzinga — kamida 408 890 soʻm/tonnaga;

EKO dizel yoqilgʻisiga — kamida 284 250 soʻm/tonnaga;

dizel yoqilgʻisiga — kamida 273 400 soʻm/tonnaga;

aviakerosinga — kamida 50 580 soʻm/tonnaga.

2. Mazkur buyruq Oʻzbekiston Respublikasi Adliya vazirligida davlat roʻyxatidan oʻtkazilgan kundan boshlab oʻn kun oʻtgandan keyin kuchga kiradi.

Moliya vaziri R. AZIMOV

Toshkent sh.,

2011-yil 10-avgust,

50-son