Xalqaro shartnomalarni tasdiqlash toʻgʻrisida (PQ-1580-son)

18.07.2011

Oʻzbekiston Respublikasi Prezidentining

Qarori

1. 2011-yil 18 va 19-aprel kunlari Pekin shahrida (Xitoy Xalq Respublikasi) imzolangan:

Oʻzbekiston Respublikasi Hukumati bilan Xitoy Xalq Respublikasi Hukumati oʻrtasida investitsiyalarni ragʻbatlantirish va himoya qilish toʻgʻrisidagi Bitim;

Oʻzbekiston Respublikasi Hukumati va Xitoy Xalq Respublikasi Hukumati oʻrtasida daromaddan olinadigan soliqlarning ikki yoqlama qoʻllanishining oldini olish toʻgʻrisidagi 1996-yil 3-iyulda imzolangan Bitimga oʻzgartishlar kiritish haqidagi Protokol tasdiqlansin.

2. Oʻzbekiston Respublikasi Tashqi ishlar vazirligi Oʻzbekiston Respublikasi tomonidan mazkur xalqaro shartnomalar kuchga kirishi uchun zarur boʻlgan ichki davlat tartib-qoidalari bajarilgani toʻgʻrisida tegishli bildirishnoma yoʻllasin.

3. Oʻzbekiston Respublikasi Vazirlar Mahkamasi hamda tegishli vazirlik va idoralar rahbarlari ushbu xalqaro shartnomalar kuchga kirgandan keyin belgilangan tartibda Oʻzbekiston Respublikasining majburiyatlari bajarilishi ustidan nazoratni taʼminlasinlar.

4. Mazkur qarorning ijrosini nazorat qilish Oʻzbekiston Respublikasining Bosh vaziri Sh.M. Mirziyoyev zimmasiga yuklansin.

Oʻzbekiston Respublikasi Prezidenti I. KARIMOV

Toshkent sh.,

2011-yil 18-iyul,

PQ-1580-son