Xoʻjaliklar ixtiyorida qoldiriladigan paxta tolasi, pilla, jun va qorakoʻl teri sotilishini taʼminlovchi Qoraqalpogʻiston Respublika va viloyat uyushmalarini tugatish toʻgʻrisida (PF-1157-son)

17.05.1995

Oʻzbekiston Respublikasi Prezidentining

Farmoni

Xoʻjaliklar ixtiyorida qoldiriladigan qishloq xoʻjalik mahsulotlarini sotishda ularning mustaqilligini kengaytirish maqsadida:

1. Xoʻjaliklar ixtiyorida qoldiriladigan paxta tolasi, pilla, jun va qorakoʻl teri sotilishini taʼminlovchi Qoraqalpogʻiston respublika va viloyat uyushmalari muassis-xoʻjaliklarining ularni tugatish toʻgʻrisidagi taklifi qabul qilinsin. Muassislar uyushmalarning qonunda belgilangan tartibda tugatilishini taʼminlasinlar.

2. “Xoʻjaliklar ixtiyorida qoldiriladigan paxta tolasi, pilla, jun va qorakoʻl teri sotilishini taʼminlovchi Qoraqalpogʻiston respublika va viloyat uyushmalarini tashkil qilish toʻgʻrisida” Oʻzbekiston Respublikasi Prezidentining 1992-yil 7-oktabrdagi Farmoni oʻz kuchini yoʻqotgan deb hisoblansin.

3. Vazirlar Mahkamasi bir hafta muddat ichida ushbu masala yuzasidan qaror qabul qilsin.

Oʻzbekiston Respublikasining Prezidenti I. KARIMOV

Toshkent sh.,

1995-yil 17-may,

PF-1157-son