Ishlovchi pensionerlarga pensiya toʻlash toʻgʻrisidagi tartibni hamda unga kiritilgan oʻzgartirishlar va qoʻshimchalarni oʻz kuchini yoʻqotgan deb topish haqida (198-2-son)

30.04.2011

OʻZBEKISTON RESPUBLIKASI MEHNAT VA AHOLINI IJTIMOIY MUHOFAZA QILISh VAZIRLIGI OʻZBEKISTON RESPUBLIKASI MUDOFAA VAZIRLIGI OʻZBEKISTON RESPUBLIKASI IChKI IShLAR VAZIRLIGI OʻZBEKISTON RESPUBLIKASI MILLIY XAVFSIZLIK XIZMATINING

Qarori

[Oʻzbekiston Respublikasi Adliya vazirligi tomonidan 2011-yil 30-aprelda roʻyxatdan oʻtkazildi, roʻyxat raqami 198-2]

Oʻzbekiston Respublikasi Prezidentining 2009-yil 30-dekabrdagi PF-4161-son “Fuqarolarning pensiya taʼminoti tizimini yanada takomillashtirish chora-tadbirlari toʻgʻrisida”gi (Oʻzbekiston Respublikasi qonun hujjatlari toʻplami, 2009-y., 52-son, 559-modda) farmoniga, Oʻzbekiston Respublikasi Prezidentining 2009-yil 30-dekabrdagi PQ-1251-son “Oʻzbekiston Respublikasi Mehnat va aholini ijtimoiy muhofaza qilish vazirligi tuzilmasini takomillashtirish chora-tadbirlari toʻgʻrisida”gi (Oʻzbekiston Respublikasi qonun hujjatlari toʻplami, 2009-y., 52-son, 562-modda), 2009-yil 30-dekabrdagi PQ-1252-son “Oʻzbekiston Respublikasi Moliya vazirligi huzuridagi budjetdan tashqari pensiya jamgʻarmasining tashkiliy tuzilmasini shakllantirish chora-tadbirlari toʻgʻrisida”gi (Oʻzbekiston Respublikasi qonun hujjatlari toʻplami, 2009-y., 52-son, 563-modda) qarorlariga muvofiq Oʻzbekiston Respublikasi Mehnat va aholini ijtimoiy muhofaza qilish vazirligi, Mudofaa vazirligi, Ichki ishlar vazirligi hamda Milliy xavfsizlik xizmati qaror qiladilar:

1. Quyidagilar oʻz kuchini yoʻqotgan deb hisoblansin:

Oʻzbekiston Respublikasi Ijtimoiy taʼminot vazirligi, Vazirlar Mahkamasi huzuridagi Ijtimoiy sugʻurta jamgʻarmasi, Mudofaa vazirligi, Ichki ishlar vazirligi hamda Milliy xavfsizlik xizmati tomonidan tasdiqlangan Ishlovchi pensionerlarga pensiya toʻlash tartibi (roʻyxat raqami 198, 1995-yil 20-dekabr);

Oʻzbekiston Respublikasi Ijtimoiy taʼminot vazirligi, Vazirlar Mahkamasi huzuridagi ijtimoiy sugʻurta jamgʻarmasi, Mudofaa vazirligi, Ichki ishlar vazirligi hamda Milliy xavfsizlik xizmati tomonidan tasdiqlangan Ishlovchi pensionerlarga pensiya toʻlash tartibiga qoʻshimcha (roʻyxat raqami 214, 1996-yil 4-yanvar);

Oʻzbekiston Respublikasi Mehnat va aholini Ijtimoiy muhofaza qilish vazirligi, Vazirlar Mahkamasi huzuridagi ijtimoiy sugʻurta jamgʻarmasi, Mudofaa vazirligi, Ichki ishlar vazirligi hamda Milliy xavfsizlik xizmatining 2005-yil 6-iyuldagi 103, 361, 3/3-413a hamda 80-son “Ishlovchi pensionerlarga pensiya toʻlash tartibiga qoʻshimcha va oʻzgartishlar kiritish haqida”gi qarori (roʻyxat raqami 198-1, 2005-yil 20-iyul) (Oʻzbekiston Respublikasi qonun hujjatlari toʻplami, 2005-y., 28-29-son, 218-modda).

2. Mazkur qaror Oʻzbekiston Respublikasi Moliya vazirligi bilan kelishilgan.

3. Mazkur qaror Oʻzbekiston Respublikasi Adliya vazirligida davlat roʻyxatidan oʻtkazilgan kundan boshlab oʻn kun oʻtgandan keyin kuchga kiradi.

Mehnat va aholini ijtimoiy muhofaza qilish vaziri A. XAITOV

Toshkent sh.,

2011-yil 30-mart,

4-P-son

Mudofaa vaziri K. BERDIYEV

Toshkent sh.,

2011-yil 30-mart,

1-son

Ichki ishlar vaziri B. MATLYUBOV

Toshkent sh.,

2011-yil 30-mart,

25-son

Milliy xavfsizlik xizmati raisi R. INOYATOV

Toshkent sh.,

2011-yil 30-mart,

125-son

Kelishilgan:

Moliya vaziri R. AZIMOV

2011-yil 30-mart