“Oʻzbekiston-vatanim manim” qoʻshiq bayrami haqida (PF-1550-son)

27.08.1996

Oʻzbekiston Respublikasi Prezidentining

Farmoni

Oʻzbekiston Respublikasi Mustaqilligining besh yilligi munosabati bilan oʻtkazilgan “Oʻzbekiston — Vatanim manim” qoʻshiqlar koʻrik-tanlovining xalqimiz maʼnaviy hayotida unutilmas voqea boʻlganligini, minglab fuqarolarimiz tomonidan zoʻr mamnuniyat va koʻtarinki ruh bilan qoʻllab-quvvatlanganligini eʼtiborga olib, kelajagi buyuk davlatimiz va uning bunyodkor, bagʻri keng, mehri daryo xalqini madh etuvchi, insonlar qalbida muqaddas Vatan tuprogʻini, mustaqillikni koʻz qorachugʻiday asrab-avaylash, buning uchun kerak boʻlsa jon fido qilishga undovchi yuksak badiiy saviyadagi musiqa asarlari va qoʻshiqlarning yaratilishiga keng imkoniyat tugʻdirish maqsadida:

1. Har yili avgust oyining uchinchi yakshanbasi “Oʻzbekiston — Vatanim manim” qoʻshiq bayrami kuni deb eʼlon qilinsin.

2. Oʻzbekiston Respublikasi Vazirlar Mahkamasi bir oy muddat ichida qoʻshiq bayramini tayyorlash va oʻtkazish yuzasidan tegishli qaror qabul qilsin.

Oʻzbekiston Respublikasining Prezidenti I. KARIMOV

Toshkent sh.,

1996-yil 27-avgust,

PF-1550-son