Oʻzbekiston Respublikasining Kon-metallurgiya sanoati xodimlari kunini belgilash toʻgʻrisida (PF-2840-son)

10.05.2001

Oʻzbekiston Respublikasi Prezidentining

Farmoni

Mamlakatning iqtisodiy salohiyatini rivojlantirish va mustahkamlashda kon-metallurgiya sanoatining ahamiyati muhimligini eʼtiborga olib, Navoiy kon-metallurgiya kombinati, “Olmaliq kon-metallurgiya kombinati”, “Oʻzmetkombinat” Aksiyadorlik ishlab chiqarish birlashmasi, “Oʻzolmosoltin” uyushmasi, “Maxsusqotishma” respublika tashkiloti, foydali qazilmalarni qazib chiqaruvchi va qayta ishlovchi boshqa korxonalar koʻp ming kishilik jamoalarining kon-metallurgiya sanoatini rivojlantirish hamda kadrlar tayyorlashga qoʻshgan hissalarini qayd etgan holda:

1. May oyining uchinchi yakshanbasi “Oʻzbekiston Respublikasining Kon-metallurgiya sanoati xodimlari kuni” etib belgilansin.

2. Oʻzbekiston Respublikasi Konstitutsiyasining 82-moddasiga muvofiq ushbu masala Oʻzbekiston Respublikasining Oliy Majlisiga kiritilsin.

Oʻzbekiston Respublikasining Prezidenti I. KARIMOV

Toshkent sh.,

2001-yil 10-may,

PF-2840-son