Kuchukchalar uchun love-dog puppies quruq ozuqasini qoʻllash boʻyicha qoʻllanmani tasdiqlash toʻgʻrisida (36-son)

19.03.2008

Oʻzbekiston Respublikasi Qishloq va suv xoʻjaligi vazirligi huzuridagi davlat veterinariya bosh boshqarmasi boshligʻining

buyrugʻi

[Oʻzbekiston Respublikasi Adliya vazirligi tomonidan texnik qoidalar va normalarga tegishli deb topilgan. 2008-yil 2-aprel 20-15-89/11-son]

Oʻzbekiston Respublikasining “Veterinariya toʻgʻrisida”gi Qonuni talablarini bajarish maqsadida Oʻzbekiston Respublikasi Vazirlar Mahkamasining 2007-yil 21-dekabrdagi 03-38-144-sonli Bayoniga muvofiq buyuraman:

1. “Kuchukchalar uchun Love-Dog Puppies quruq ozuqasini qoʻllash boʻyicha Qoʻllanma” ilovaga muvofiq tasdiqlansin

2. Mazkur hujjat Oʻzbekiston Respublikasi Adliya vazirligida davlat roʻyxatidan oʻtkazilgan kundan boshlab 10 kun oʻtgandan keyin kuchga kiradi.

3. Mazkur Qoʻllanma tasdiqlanishi munosabati bilan Oʻzbekiston Respublikasi Davlat veterinariya bosh boshqarmasi tomonidan 2007-yil 24-dekabrda tasdiqlangan “Kuchukchalar uchun Love-Dog Puppies quruq ozuqasini qoʻllash boʻyicha Qoʻllanma” oʻz kuchini yoʻqotgan deb hisoblansin.

4. Mazkur buyruqning ijrosini nazorat qilishni oʻz zimmamda qoldiraman.

Boshliq v.v.b. M. YUSUPOV

Toshkent sh.,

2008-yil 19-mart,

36-son

Oʻzbekiston Respublikasi Qishloq va suv xoʻjaligi vazirligi huzuridagi Davlat veterinariya bosh boshqarmasining 2008-yil 19-martdagi 36-sonli buyrugʻi bilan “TASDIQLANGAN”

Kuchukchalar uchun Love-Dog Puppies quruq ozuqasini qoʻllash boʻyicha

Qoʻllanma

I. Umumiy maʼlumotlar

1. Love-Dog Puppies — bir yoshgacha boʻlgan istalgan zotli kuchukchalar uchun meʼyorlashtirilgan quruq ozuqa. Komponentlari: vitaminlar, mikroelementlar va minerallar bilan boyitilgan uy parrandalarining yanchilgan ozuqa submahsulotlari, yirik tortilgan donli un (bugʻdoy, makkajoʻxori, guruch gʻallasi), don yelimshagi, soyali protein, pivo achitqisi, uy parrandalari yogʻlari (VNT antioksidantlari bilan), isteʼmol tuzi, tabiiy xushboʻy qoʻshimchalar.

Shuningdek, Love-Dog Puppies tarkibida ozuqa toʻgʻri hazm qilinishi va sogʻliqni mustahkamlash uchun probiotik tolalar mavjud. Tarkibida konservantlar yoʻq.

2. Tashqi koʻrinishiga koʻra shakli va teksturasi kuchukchalarning tishlari va milklarini sogʻlomlashtirish uchun moslangan jigarrangli quruq granulalar.

4. Ozuqa yopiq oʻramlarda quruq, salqin joyda saqlanadi.

Yaroqlilik muddati saqlash shartlariga rioya qilinganda tayyorlangan kunidan boshlab 12 oy.

Odamlar isteʼmol qilishi uchun belgilanmagan.

II. Biologik xususiyatlari

5. Love-Dog Puppies — isteʼmolga tayyor boʻlgan ozuqa boʻlib, oson chaynaladi va hazm boʻladi, nozik va yoqimli mazaga ega. Tarkibida hayotining birinchi yilida sogʻlom rivojlanishi uchun kuchukchalar organizmi talablariga mos keluvchi, miqdoriy va foiz hisobida meʼyorlashtirilgan, zarur boʻlgan barcha toʻyimli moddalar mavjud.

6. Kafolatlangan analitik tarkibi: oqsil 30 %, yogʻ 13,5 %, namligi 10 % dan ortiq emas, tolalar 2 %, kul 6,5 %, kalsiy 1,35 %, fosfor 1,1 %, tuz 1,25 %, vitamin A 12000 HB/kg, vitamin D3 1200 HB/kg, vitamin E 100 HB/kg. Koʻrsatilgan tarkibdan yoʻl qoʻyilgan farqlar 3% dan ortmasligi kerak.

Metabolik energiya 3800 kkal/kg.

III. Qoʻllash tartibi

7. Ozuqa kuchukchalarning taʼbiga koʻra quruq yoki suv qoʻshilgan holda, kuniga bir yoki ikki marta beriladi. Kuchukchalarni hech qachon intensiv jismoniy faolligi oldidan boqilmaydi.

Kuchukchalarni Love-Dog Puppies bilan suvda ivitilgan ozroq miqdorlarda, asta-sekin ratsionda uning miqdorini koʻpaytirgan holda boqish tavsiya etiladi. Keyinchalik Love-Dog Puppies dan ozuqaning yagona turi sifatida foydalanish tavsiya qilinadi.

8. Bir yoshlikdan katta boʻlgan kuchukchalar itlar uchun Love-Dog bilan boqilishi kerak. Doimiy ravishda Love-Dog Puppies berilgan kuchukchalar, itlar uchun Love-Dog ozuqasiga asta-sekinlik bilan, kuchukchalar uchun ozuqani itlar ozuqasiga aralashtirib, itlar ozuqasi miqdorini oshirib borgan holda oʻtkaziladi.

9. Boʻgʻoz va emizikli itlar uchun qoʻshimcha ozuqa talab etiladi. Ularning xoʻraklarini quruq ozuqa bilan doimiy ravishda toʻldirib borish va ularning toʻygunicha ovqatlanishiga imkoniyat yaratish tavsiya etiladi.

10. Kuchukchalar, boʻgʻoz va emizikli itlar quruq Love-Dog Puppies bilan boqilganda, hayvonlarning toza chuchuk suv bilan doimo bemalol taʼminlanishlarini kuzatib borish zarur.

IV. Noroziliklarni bayon etish tartibi

11. Ozuqa ushbu Qoʻllanma talablariga muvofiq kelmagan taqdirda, uning qoʻllanilishi toʻxtatilib, bu haqida Oʻzbekiston veterinariya preparatlari davlat ilmiy nazorat laboratoriyasiga quyidagi manzil boʻyicha murojaat qilinadi: 100178, Toshkent sh., A.Yunusov koʻchasi, 1a uy. Tel./faks: 228-76-14, 229-30-47. E-mail: [email protected]. Bir vaqtning oʻzida laboratoriyaga ozuqaning laboratoriya bilan kelishilgan miqdordagi ochilmagan oʻramlari va ozuqaning qoʻllanmaga muvofiq kelmasligining toʻliq tavsifi joʻnatiladi.