Eksportga joʻnatiladigan oʻzi ishlab chiqargan mahsulotni belgilash qoidalari va ularga oʻzgartirishni oʻz kuchini yoʻqotgan deb topish toʻgʻrisida (420-2-son)

16.02.2011

OʻZBEKISTON RESPUBLIKASI TAShQI IQTISODIY ALOQALAR, INVESTITSIYaLAR VA SAVDO VAZIRLIGI OʻZBEKISTON RESPUBLIKASI MOLIYA VAZIRLIGI OʻZBEKISTON RESPUBLIKASI DAVLAT BOJXONA QOʻMITASINING

Qarori

[Oʻzbekiston Respublikasi Adliya vazirligi tomonidan 2011-yil 16-fevralda roʻyxatdan oʻtkazildi, roʻyxat raqami 420-2]

Oʻzbekiston Respublikasi Prezidentining 2005-yil 26-iyuldagi PQ-136 sonli “Oʻzbekiston Respublikasi Tashqi iqtisodiy aloqalar, investitsiyalar va savdo vazirligi faoliyatini tashkil etish toʻgʻrisida”gi qaroriga (Oʻzbekiston Respublikasi qonun hujjatlari toʻplami, 2005-y., 30-31-son, 225-modda) muvofiq Oʻzbekiston Respublikasi Tashqi iqtisodiy aloqalar, investitsiyalar va savdo vazirligi, Moliya vazirligi va Davlat bojxona qoʻmitasi qaror qiladilar:

1. Quyidagilar oʻz kuchini yoʻqotgan deb hisoblansin:

Oʻzbekiston Respublikasi Tashqi iqtisodiy aloqalar vazirligi tomonidan 1998-yil 1-aprelda, Oʻzbekiston Respublikasi Moliya vazirligi tomonidan 1998-yil 2-aprelda 18 son bilan, Oʻzbekiston Respublikasi Davlat bojxona qoʻmitasi tomonidan 1998-yil 3-aprelda 02/19-2 son bilan tasdiqlangan Eksportga joʻnatiladigan oʻzi ishlab chiqargan mahsulotni belgilash qoidalari (roʻyxat raqami 420, 1998-yil 8-aprel);

Oʻzbekiston Respublikasi Tashqi iqtisodiy aloqalar vazirligi tomonidan 1998-yil 9-iyulda 01/12-1 son bilan, Oʻzbekiston Respublikasi Moliya vazirligi tomonidan 1998-yil 13-iyulda 13-02-13/320 son bilan, Oʻzbekiston Respublikasi Davlat bojxona qoʻmitasi tomonidan 1998-yil 10-iyunda 02/20-15 son bilan tasdiqlangan “Adliya vazirligi tomonidan 1998-yil 8-aprelda 420-son bilan roʻyxatga olingan Eksportga joʻnatiladigan oʻzi ishlab chiqargan mahsulotni belgilash qoidalariga 1-son oʻzgartirish” (roʻyxat raqami 420-1, 1998-yil 7-iyul).

2. Ushbu qaror Oʻzbekiston Respublikasi Markaziy banki bilan kelishilgan.

3. Mazkur qaror Oʻzbekiston Respublikasi Adliya vazirligida davlat roʻyxatidan oʻtkazilgan kundan boshlab oʻn kun oʻtgandan keyin kuchga kiradi.

Tashqi iqtisodiy aloqalar, investitsiyalar va savdo vaziri G. SAIDOVA

Toshkent sh.,

2011-yil 25-yanvar,

EG-01/10-5397-son

Moliya vaziri R. AZIMOV

Toshkent sh.,

2011-yil 25-yanvar,

9-son

Davlat bojxona qoʻmitasi raisi Z. DUSANOV

Toshkent sh.,

2011-yil 25-yanvar,

01-02/19-14-son

Kelishilgan:

Markaziy bank raisi F. MULLAJONOV

2011-yil 26-yanvar