74. Oʻz kuchini yoʻqotgan deb topilishi lozim boʻlgan qonunlar roʻyxatiga qonundagi ilovaga koʻrsatma va ilovaning oʻzi mavjud boʻlgan qonunning tarkibiy birligini kiritish tartibi
Oʻzbekiston Respublikasi Oliy Majlisi Qonunchilik palatasiga kiritiladigan qonun loyihalarini va Oʻzbekiston Respublikasi Oliy Majlisi Senatiga taqdim etilgan qonunlarni yuridik-texnik jihatdan rasmiylashtirish qoidalarini tasdiqlash toʻgʻrisida (237-II-son) · Sana: 30.12.2010 · Amalda
Agar oʻz kuchini yoʻqotgan deb topilishi lozim boʻlgan bandda yoki oʻz kuchini yoʻqotgan deb topilishi lozim boʻlgan moddada tegishincha oʻz kuchini yoʻqotishi lozim boʻlgan ilovaga koʻrsatma mavjud boʻlsa, oʻz kuchini yoʻqotgan deb topilishi lozim boʻlgan qonunlar roʻyxatiga faqat mazkur band yoki modda kiritiladi, ilova esa, garchi oʻz kuchini yoʻqotgan deb hisoblansa-da, alohida tarzda koʻrsatilmaydi.
Agar qonunning bandida yoki moddasida ilovani tasdiqlash bilan bir qatorda oʻz ahamiyatini saqlab qoladigan boshqa masalalarga doir koʻrsatmalar mavjud boʻlsa, ilova esa toʻliq oʻz kuchini yoʻqotgan deb topilishi lozim boʻlsa, oʻz kuchini yoʻqotgan deb topilishi lozim boʻlgan qonunlar roʻyxatiga faqat ana shu bandning yoki shu moddaning ilovaga taalluqli qismi kiritiladi.
Agar ilova toʻliq oʻz kuchini yoʻqotgan deb topilishi mumkin boʻlmasa, oʻz kuchini yoʻqotgan deb topilishi lozim boʻlgan qonunlar roʻyxatiga faqat ilovaning tarkibiy birliklari kiritiladi.
Misol:
Oʻzbekiston Respublikasi Oliy Kengashining____ yil _______da qabul qilingan “_________________”gi _____-sonli Qarori (Oʻzbekiston Respublikasi Oliy Kengashining Axborotnomasi, 1993-yil, №____, ___-modda) bilan tasdiqlangan ilovaning 2-bandi oʻz kuchini yoʻqotgan deb topilsin
Agar qonun hali kuchga kirmagan boʻlsa-yu, unga zarurat qolmagan boʻlsa, “bekor qilinsin” degan atama qoʻllaniladi.