32. Oʻzbekiston Respublikasi qonunlarini eʼlon qilishning rasmiy manbalari
Oʻzbekiston Respublikasi Oliy Majlisi Qonunchilik palatasiga kiritiladigan qonun loyihalarini va Oʻzbekiston Respublikasi Oliy Majlisi Senatiga taqdim etilgan qonunlarni yuridik-texnik jihatdan rasmiylashtirish qoidalarini tasdiqlash toʻgʻrisida (237-II-son) · Sana: 30.12.2010 · Amalda
“Oʻzbekiston Respublikasi Oliy Majlisi palatalarining Axborotnomasi”, “Oʻzbekiston Respublikasi qonun hujjatlari toʻplami”, “Xalq soʻzi” va “Narodnoye slovo” gazetalari Oʻzbekiston Respublikasi qonunlarini eʼlon qilishning rasmiy manbalaridir.
Agar qonunga oʻzgartishlar, qoʻshimchalar kiritilsa yoki qonun oʻz kuchini yoʻqotgan deb topilsa, uni eʼlon qilgan rasmiy manba koʻrsatilishi shart.
1-misol:
(Oʻzbekiston Respublikasi Oliy Kengashining Axborotnomasi, 1993-yil, № 5, 221-modda).
2-misol:
(Oʻzbekiston Respublikasi Oliy Majlisining Axborotnomasi, 2001-yil, № 1–2, 10-modda; 2002-yil, № 1, 20-modda).
Katta hajmdagi qonunning matni “Xalq soʻzi”, “Narodnoye slovo” gazetalarining bir nechta sonida eʼlon qilinganida rasmiy manba sifatida gazetalarning qonun matni eʼlon qilingan barcha sonlarining sanalari koʻrsatiladi.
Misol:
Oʻzbekiston Respublikasining 1995-yil 21-dekabrda qabul qilingan 163–I-sonli va 1996-yil 29-avgustda qabul qilingan 256–I-sonli qonunlari bilan tasdiqlangan Oʻzbekiston Respublikasining Fuqarolik kodeksi (1996-yil 14, 15 va 16-noyabrdagi “Xalq soʻzi”, “Narodnoye slovo” gazetalari).