18. Qonun loyihasining (qonunning) tarkibiy birliklarini raqamlash

Qonun loyihasining (qonunning) moddalari, boblari, boʻlimlari izchil ketma-ketlikda raqamlanishi kerak. Masalan, har bir bobning moddalarini alohida-alohida raqamlashga yoki har bir boʻlimning boblarini alohida-alohida raqamlashga yoʻl qoʻyilmaydi.

Qonunga oʻzgartish va qoʻshimchalar kiritilganida, shuningdek qonun loyihasining (qonunning) tarkibiy birliklari oʻz kuchini yoʻqotgan deb topilganida bunday qonunning qismlari, boʻlimlari, boblari, moddalarining raqamlanishini oʻzgartirishga yoʻl qoʻyilmaydi.

Qonunga oʻzgartish va qoʻshimchalar kiritilganida, shuningdek qonun moddasining tarkibiy birliklari oʻz kuchini yoʻqotgan deb topilganida bandlarning raqamlanishini va moddalar qismlari kichik bandlarining harflar bilan belgilanishini oʻzgartirishga yoʻl qoʻyilmaydi.

Agar qoʻshimchalar qonunning oxiriga kiritilayotgan boʻlsa, boʻlimlar, boblar, moddalarning mavjud raqamlanishini davom ettirish zarur (masalan, oxirgi bob 5-bob boʻlsa, 6-bob bilan toʻldiriladi; oxirgi modda 7-modda boʻlsa, 8-modda bilan toʻldiriladi).

Agar qoʻshimchalar moddaning tarkibiy birligi oxiriga kiritilayotgan boʻlsa ham mavjud raqamlashni davom ettirish zarur (masalan, qismning oxirgi bandi 3-band boʻlsa, 4-band bilan toʻldiriladi va hokazo).

Agar qonun yangi tarkibiy birliklar bilan toʻldirilayotgan boʻlsa, unda ularni asosiy raqam yoki harf belgilari tepasiga qoʻyiladigan qoʻshimcha raqamlar bilan belgilash zarur (masalan, 51-bob, 72-modda, 33-band, “b1” kichik band).

Misol:

2-modda. Oʻzbekiston Respublikasining ___ yil _________da qabul qilingan “________________________”gi ______-sonli Qonuniga (Oʻzbekiston Respublikasi Oliy Majlisi palatalarining Axborotnomasi, _____yil, № _____, _______-modda) quyidagi qoʻshimchalar kiritilsin:

1) quyidagi mazmundagi 17 1-modda bilan toʻldirilsin:

‎‎“171-modda. _____________________

‎‎_________________________________________________________.