Osiyo taraqqiyot banki ishtirokida “Buxoro, Navoiy va Qashqadaryo viloyatlaridagi yerlarning meliorativ holatini yaxshilash” loyihasini amalga oshirish chora-tadbirlari toʻgʻrisida (PQ-698-son)

26.09.2007

Oʻzbekiston Respublikasi Prezidentining

Qarori

Sugʻoriladigan yerlarning meliorativ holatini yaxshilash, shuningdek qishloq xoʻjaligida iqtisodiy islohotlarni chuqurlashtirish, yer va suv resurslarini boshqarish infratuzilmasini takomillashtirish boʻyicha Osiyo taraqqiyot banki bilan hamkorlikni yanada kengaytirish maqsadida:

1. Quyidagilar maʼlumot uchun qabul qilinsin:

2006-yil 24-iyulda Osiyo taraqqiyot banki (OTB) Direktorlar kengashi “Buxoro, Navoiy va Qashqadaryo viloyatlaridagi yerlarning meliorativ holatini yaxshilash” loyihasini amalga oshirish uchun 60,2 mln. AQSh dollari miqdorida, shu jumladan OTBning odatdagi resurslaridan 32,6 mln. AQSh dollari miqdorida besh yillik imtiyozli davrni ham hisobga olgan holda uzish muddati 25 yil hamda OTBning Maxsus fondidan — 18,515 mln. maxsus qarz olish huquqlari (MQH) miqdorida (ekvivalenti 27,6 mln. AQSh dollariga teng), sakkiz yillik imtiyozli davrni ham hisobga olgan holda uzish muddati 32 yil boʻlgan ikki turdagi qarz ajratishni maʼqulladi;

mazkur loyihani amalga oshirishda Oʻzbekiston Respublikasining ulushi 15,6 mln. AQSh dollarini, shu jumladan soliqlar, bojxona toʻlovlari va majburiy ajratmalar toʻlashdan ozod etish tarzida 11,6 mln. AQSh dollari hamda fermer xoʻjaliklari va suv isteʼmolchilari uyushmalari (benefitsiarlar)ning ulushi — ekvivalenti 0,4 mln. AQSh dollarini tashkil etadi;

loyiha Buxoro viloyatining Buxoro, Jondor va Romitan tumanlarida; Navoiy viloyatining Qiziltepa, Xatirchi va Navbahor tumanlarida hamda Qashqadaryo viloyatining Qamashi, Gʻuzor va Koson tumanlarida amalga oshiriladi (bundan buyon matnda — loyihaga kiritilgan tumanlar va viloyatlar deb yuritiladi).

2. Belgilansinki:

Oʻzbekiston Respublikasi Qishloq va suv xoʻjaligi vazirligi qarz mablagʻlaridan maqsadli va samarali foydalanish hamda loyihani amalga oshirishga javobgar ijro etuvchi organ hisoblanadi;

Paxta-bank “Buxoro, Navoiy va Qashqadaryo viloyatlaridagi yerlarning meliorativ holatini yaxshilash” loyihasini amalga oshirish uchun Osiyo taraqqiyot bankining qarz mablagʻlarini qayta moliyalashtiruvchi moliyaviy agent hisoblanadi;

loyihani amalga oshirish davri (2007 — 2012-yillar)da qarz boʻyicha foizlar va komissiyalarni toʻlash OTB qarz mablagʻlari hisobidan qoplanadi.

3. Quyidagilar:

OTB qarzini uzish va foizlarini toʻlash jadvallari 4 va 5-ilovalarga muvofiq;

loyihani amalga oshirish boʻyicha Muvofiqlashtiruvchi kengash tarkibi 6-ilovaga muvofiq tasdiqlansin.

Oʻzbekiston Respublikasi qishloq va suv xoʻjaligi vaziri, Buxoro, Navoiy va Qashqadaryo viloyatlari hamda loyihaga kiritilgan tumanlar hokimlari zimmalariga loyiha tadbirlarini amalga oshirish uchun barcha zarur shart-sharoitlarni taʼminlash, shuningdek OTB tartib-qoidalariga va Oʻzbekiston Respublikasining qonun hujjatlariga muvofiq zarur hisobot va hujjatlarni oʻz vaqtida tayyorlash va taqdim etishni tashkil qilish uchun shaxsiy javobgarlik yuklansin.

4. Oʻzbekiston Respublikasi moliya vaziri OTB bilan tuzilgan qarz bitimlarini, shuningdek ushbu loyihaning “Xoʻjalik ichidagi tiklash ishlari” kichik komponenti doirasida tanlab olingan tijorat banklari bilan tuziladigan huquqlarni berish toʻgʻrisidagi bitimlarni Oʻzbekiston Respublikasi nomidan imzolashga vakil etib tayinlansin.

Oʻzbekiston Respublikasi Adliya vazirligi Oʻzbekiston Respublikasi bilan OTB oʻrtasida tuzilgan qarz bitimlari yuzasidan belgilangan tartibda yuridik xulosalar bersin.

5. Belgilab qoʻyilsinki, loyihani amalga oshirish davrida loyihaga kiritilgan tumanlarda 2008-yil hosilidan boshlab tajriba tariqasida:

davlat ehtiyojlari uchun xarid qilish topshiriqlari oʻrniga OTB bilan tuzilgan qarz bitimlari shartlariga muvofiq paxta xom ashyosi va bugʻdoy uchun davlat xarid kvotalari belgilanadi;

fermer xoʻjaliklariga Oʻzbekiston Respublikasi Vazirlar Mahkamasining 2004-yil 30-martdagi 153-sonli qarori bilan tasdiqlangan normativ hujjatlar tatbiq etiladi;

paxta xom ashyosi uchun xarid narxlari Oʻzbekiston Respublikasi Prezidentining “Paxta narxini shakllantirish mexanizmi toʻgʻrisida” 2002-yil 20-avgustdagi PF-3114-sonli Farmonida belgilangan tartibda joriy qilinadi.

6. Loyihani amalga oshirish boʻyicha Muvofiqlashtiruvchi kengash (Sh. Mirziyoyev):

loyiha yechimlarini tatbiq etishni jadallashtirish boʻyicha aniq chora-tadbirlarni ishlab chiqqan holda, ajratiladigan mablagʻlarni samarali oʻzlashtirish ustidan qattiq nazorat oʻrnatilishini taʼminlasin;

loyihaning amalga oshirilishini muntazam koʻrib borsin va zarur hollarda uning samarali va oʻz vaqtida amalga oshirilishini taʼminlash yuzasidan Oʻzbekiston Respublikasi Vazirlar Mahkamasiga takliflar kiritsin;

mazkur loyiha doirasida uskunalarni yetkazib berish hamda irrigatsiya tizimlarini rekonstruksiya qilish va qayta tiklash ishlarini bajarishda tanlov tadbirlarini oʻtkazish uchun tender komissiyasi tarkibini belgilangan tartibda tasdiqlasin.

7. Oʻzbekiston Respublikasi Qishloq va suv xoʻjaligi vazirligi:

loyiha-smeta hujjatlarining belgilangan tartibda davlat ekspertizasidan oʻtkazilishini taʼminlasin;

ikki hafta muddatda mazkur loyihani amalga oshirish yuzasidan muvofiqlashtirish va boshqarish vazifalarini Qishloq xoʻjaligi korxonalarini tarkibiy qayta qurish loyihasini amalga oshirish agentligi zimmasiga yuklash boʻyicha tashkiliy masalalarni hal etsin va zarur hollarda qarz bitimi shartlari boʻyicha hamda Oʻzbekiston Respublikasi Moliya vazirligi bilan kelishilgan shtat jadvali va har yilgi moliyalashtirish smetasiga muvofiq mutaxassislarni qoʻshimcha ravishda yollasin.

8. Oʻzbekiston Respublikasi Iqtisodiyot vazirligi, Moliya vazirligi har yili Investitsiya dasturini shakllantirishda, 2008-yildan boshlab, mazkur loyihani amalga oshirishda Oʻzbekiston Respublikasining ulushini moliyalashtirishni nazarda tutsin.

9. Oʻzbekiston Respublikasi bilan OTB oʻrtasida erishilgan bitimga va Oʻzbekiston Respublikasining amaldagi qonun hujjatlariga muvofiq, loyiha doirasidagi investitsiya davri mobaynida bevosita yetkazib beruvchilardan va pudratchilardan sotib olinadigan uskunalar, transport vositalari va boshqa tovarlar (ishlar, xizmatlar) soliqlardan, davlatning maqsadli jamgʻarmalariga majburiy ajratmalardan va bojxona toʻlovlari (yagona ijtimoiy toʻlov va bojxona rasmiylashtiruvi yigʻimlaridan tashqari) toʻlashdan ozod etilishi maʼlumot uchun qabul qilinsin. Mazkur imtiyozlarni berish natijasida boʻshaydigan mablagʻlar Oʻzbekiston Respublikasining loyihani amalga oshirishga qoʻshadigan ulushi hisoblanadi.

10. Oʻzbekiston Respublikasi Tashqi ishlar vazirligi Oʻzbekiston Respublikasi Qishloq va suv xoʻjaligi vazirligining talabnomalariga koʻra, loyihani amalga oshirishda ishtirok etayotgan xorijiy mutaxassislarning kirish vizalari konsullik yigʻimi va boshqa yigʻimlar undirib olinmasdan belgilangan tartibda rasmiylashtirilishini taʼminlasin.

11. Oʻzbekiston Respublikasi Ichki ishlar vazirligi Oʻzbekiston Respublikasi Qishloq va suv xoʻjaligi vazirligining talabnomalariga koʻra, loyihani amalga oshirishda ishtirok etayotgan xorijiy mutaxassislarga koʻp martalik vizalar berish va ularning muddatini uzaytirish, shuningdek vaqtincha roʻyxatda turish va uning muddatini uzaytirishni taʼminlasin hamda ular davlat boji toʻlashdan ozod qilinsin.

12. Mazkur qarorning ijrosini nazorat qilish Oʻzbekiston Respublikasi Bosh vaziri Sh.M. Mirziyoyev zimmasiga yuklansin.

Oʻzbekiston Respublikasi Prezidenti I. KARIMOV

Toshkent sh.,

2007-yil 26-sentabrʼ,

PQ-698-son

Oʻzbekiston Respublikasi Prezidentining 2007-yil 26-sentabrdagi PQ-698-son qaroriga 4-ILOVA

“Buxoro, Navoiy va Qashqadaryo viloyatlaridagi yerlarning meliorativ holatini yaxshilash” loyihasi boʻyicha qarzni uzish va foizlarni toʻlash (oddiy kapital resurslaridan olingan qarz)

JADVALI*

Qarz miqdori 32600 ming AQSh dollari Qaytarish muddati 25 yil Imtiyozli davr 5 yil Foiz stavkasi yillik LIBOR + 0,6 % ** ming AQSh dollarida) Toʻlov davri Asosiy qarz boʻyicha toʻlov summasi Foizlarning toʻlov summasi Jami toʻlanadigan summa 2007 — 2012-yillar 0*** 0*** 15-may 2012-yil 270,6 0*** 270,6 15-noyabr 2012-yil 283,6 260,7 544,3 15-may 2013-yil 296,7 1 016,7 1 313,3 15-noyabr 2013-yil 313,0 1 024,0 1 336,9 15-may 2014-yil 329,3 997,3 1 326,6 15-noyabr 2014-yil 345,6 1 003,2 1 348,8 15-may 2015-yil 361,9 975,9 1 337,8 15-noyabr 2015-yil 378,2 980,4 1 358,6 15-may 2016-yil 397,7 957,7 1 355,4 15-noyabr 2016-yil 417,3 955,4 1 372,7 15-may 2017-yil 440,1 926,6 1 366,7 15-noyabr 2017-yil 462,9 927,7 1 390,7 15-may 2018-yil 485,7 897,9 1 383,7 15-noyabr 2018-yil 508,6 897,2 1 405,7 15-may 2019-yil 534,6 866,4 1 401,0 15-noyabr 2019-yil 560,7 863,5 1 424,2 15-may 2020-yil 590,1 836,2 1 426,3 15-noyabr 2020-yil 619,4 826,4 1 445,8 15-may 2021-yil 648,7 793,3 1 442,0 15-noyabr 2021-yil 681,3 785,5 1 466,8 15-may 2022-yil 717,2 751,1 1 468,3 15-noyabr 2022-yil 753,1 740,4 1 493,5 15-may 2023-yil 788,9 704,4 1 493,3 15-noyabr 2023-yil 828,0 690,7 1 518,7 15-may 2024-yil 870,4 656,7 1 527,2 15-noyabr 2024-yil 912,8 635,9 I 548,7 15-may 2025-yil 958,4 596,6 1 555,0 15-noyabr 2025-yil 1 007,3 575,5 1 582,9 15-may 2026-yil 1 059,5 534,2 1 593,7 15-noyabr 2026-yil 1 111,7 508,9 1 620,5 15-may 2027-yil 1 167,1 465,3 1 632,4 15-noyabr 2027-yil 1 225,8 435,4 1 661,1 15-may 2028-yil 1 284,4 391,5 1 676,0 15-noyabr 2028-yil 1 349,6 354,4 1 704,1 15-may 2029-yil 1 418,1 305,8 1 723,9 15-noyabr 2029-yil 1 489,8 265,2 1 755,0 15-may 2030-yil 1 561,5 213,6 1 775,1 15-noyabr 2030-yil 1 639,8 166,8 1 806,5 15-may 2031-yil 1 724,5 112,0 1 836,6 15-noyabr 2031-yil 1 806,0 58,3 1 864,3 Jami 32 600,0 25 954,4 58 554,4

Izoh:

*Toʻlovlar miqdori LIBOR stavkasining oʻzgarishi va qarz mablagʻlarini oʻzlashtirishning haqiqiy sanasiga qarab aniqlashtiriladi.

**Foiz stavkasi 6,31% hisobida qabul qilingan.

***Qurilish vaqtidagi foizlar va majburiyat uchun komissiya qarz miqdoriga kiritilgan.

Oʻzbekiston Respublikasi Prezidentining 2007-yil 26-sentabrdagi PQ-698-son qaroriga 5-ILOVA

“Buxoro, Navoiy va Qashqadaryo viloyatlaridagi yerlarning meliorativ holatini yaxshilash” TIA loyihasi boʻyicha qarzni uzish va foizlarni toʻlash (Osiyo taraqqiyot bankidan olingan qarz)

JADVALI*

Qarz miqdori 18,515 mln MQOH (27,601 mln AQSh dollari ekv.)** Qaytarish muddati 32 yil Imtiyozli davr 8 yil Foiz stavkasi yillik 1,0 % (imtiyozli davr mobaynida) yillik 1,5 % (imtiyozli davrdan keyin) (ming MQOH) Toʻlov davri Asosiy qarz boʻyicha toʻlov summasi Foizlarning toʻlov summasi Jami toʻlanadigan summa 2007 — 2012-yillar 0*** 0*** 15-noyabr 2012-yil 23,7 23,7 15-may 2013-yil 93,1 93,1 15-noyabr 2013-yil 94,6 94,6 15-may 2014-yil 93,1 93,1 15-noyabr 2014-yil 94,6 94,6 15-may 2015-yil 385,7 139,6 525,4 15-noyabr 2015-yil 385,7 139,0 524,7 15-may 2016-yil 385,7 134,6 520,3 15-noyabr 2016-yil 385,7 133,1 518,8 15-may 2017-yil 385,7 128,0 513,7 15-noyabr 2017-yil 385,7 127,2 512,9 15-may 2018-yil 385,7 122,2 507,9 15-noyabr 2018-yil 385,7 121,3 507,0 15-may 2019-yil 385,7 116,4 502,1 15-noyabr 2019-yil 385,7 115,3 501,1 15-may 2020-yil 385,7 111,2 496,9 15-noyabr 2020-yil 385,7 109,4 495,2 15-may 2021-yil 385,7 104,7 490,5 15-noyabr 2021-yil 385,7 103,5 489,2 15-may 2022-yil 385,7 98,9 484,6 15-noyabr 2022-yil 385,7 97,6 483,3 15-may 2023-yil 385,7 93,1 478,8 15-noyabr 2023-yil 385,7 91,7 477,4 15-may 2024-yil 385,7 87,8 473,5 15-noyabr 2024-yil 385,7 85,8 471,5 15-may 2025-yil 385,7 81,5 467,2 15-noyabr 2025-yil 385,7 79,9 465,6 15-may 2026-yil 385,7 75,6 461,4 15-noyabr 2026-yil 385,7 73,9 459,7 15-may 2027-yil 385,7 69,8 455,6 15-noyabr 2027-yil 385,7 68,0 453,8 15-may 2028-yil 385,7 64,4 450,1 15-noyabr 2028-yil 385,7 62,1 447,8 15-may 2029-yil 385,7 58,2 443,9 15-noyabr 2029-yil 385,7 56,2 441,9 15-may 2030-yil 385,7 52,4 438,1 15-noyabr 2030-yil 385,7 50,3 436,0 15-may 2031-yil 385,7 46,6 432,3 15-noyabr 2031-yil 385,7 44,4 430,1 15-may 2032-yil 385,7 41,0 426,7 15-noyabr 2032-yil 385,7 38,5 424,2 15-may 2033-yil 385,7 34,9 420,6 15-noyabr 2033-yil 385,7 32,5 418,3 15-may 2034-yil 385,7 29,1 414,8 15-noyabr 2034-yil 385,7 26,6 412,4 15-may 2035-yil 385,7 23,3 409,0 15-noyabr 2035-yil 385,7 20,7 406,4 15-may 2036-yil 385,7 17,6 403,3 15-noyabr 2036-yil 385,7 14,8 400,5 15-may 2037-yil 385,7 11,6 397,4 15-noyabr 2037-yil 385,7 8,9 394,6 15-may 2038-yil 385,7 5,8 391,6 15-noyabr 2038-yil 385,7 3,0 388,7 Jami 18 515,0 3 850,6 22 365,6

*Toʻlovlar miqdori qarz mablagʻlarini oʻzlashtirishning haqiqiy sanasiga qarab aniqlashtiriladi.

**OTBning Maxsus fonddan maxsus qarz olish huquqlari asosidagi qarz mablagʻlarini denominatsiya qilish toʻgʻrisidagi siyosatiga muvofiq, OTB bitimlari uchun (1,490700) ayriboshlash kursidan foydalangan holda qarz summasi Maxsus qarz olish huquqiga oʻtkazilgan.

***Qurilish vaqtidagi foizlar qarz miqdoriga kiritilgan.

Oʻzbekiston Respublikasi Prezidentining 2007-yil 26-sentabrdagi PQ-698-son qaroriga 6-ILOVA

“Buxoro, Navoiy va Qashqadaryo viloyatlaridagi yerlarning meliorativ holatini yaxshilash” loyihasini amalga oshirish boʻyicha Muvofiqlashtiruvchi kengash

TARKIBI

1. Sh.M. Mirziyoyev — Oʻzbekiston Respublikasi Bosh vaziri, kengash raisi 2. U.I. Barnoyev — qishloq va suv xoʻjaligi vazirining birinchi oʻrinbosari, kengash raisi oʻrinbosari 3. G.K. Saidova — iqtisodiyot vazirining birinchi oʻrinbosari 4. A.A. Abduazizov — Yer resurslari, geodeziya, kartografiya davlat kadastri davlat qoʻmitasi raisi 5. B.B. Alixanov — Davlat tabiatni muhofaza qilish qoʻmitasi raisi 6. Y.E. Tursunov — moliya vaziri oʻrinbosari 7. M.A. Askarov — Vazirlar Mahkamasining Iqtisodiyot va TIA masalalari boʻyicha YATD mudiri oʻrinbosari 8. S.B. Shermatov — Vazirlar Mahkamasining Qishloq va suv xoʻjaligi, qishloq xoʻjaligi mahsulotlarini qayta ishlash hamda isteʼmol tovarlari masalalari boʻyicha ATD bosh mutaxassisi 9. Lavozimi boʻyicha — loyihada ishtirok etadigan tijorat banklarining boshqaruv raislari (tanlov natijalariga koʻra) 10. Lavozimi boʻyicha — “Buxoro, Navoiy va Qashqadaryo viloyatlaridagi yerlarning meliorativ holatini yaxshilash” loyihasini boshqarish boʻyicha guruh rahbari, kengashning masʼul kotibi

Izoh. Kengash aʼzolari boshqa ishga oʻtgan taqdirda, uning tarkibiga ushbu lavozimlarga yangidan tayinlangan shaxslar kiritiladi.