Geologiya-qidiruv ishlarida xavfsizlik qoidalariga oʻzgartirish va qoʻshimchalar kiritish toʻgʻrisida (304-1-son)

13.01.2011

OʻZBEKISTON RESPUBLIKASI VAZIRLAR MAHKAMASI HUZURIDAGI YER QAʼRINI GEOLOGIK OʻRGANISH, SANOATDA, KONCHILIKDA VA KOMMUNAL-MAISHIY SEKTORDA ISHLARNING BEXATAR OLIB BORILISHINI NAZORAT QILISH DAVLAT INSPEKSIYASI OʻZBEKISTON RESPUBLIKASI DAVLAT GEOLOGIYA VA MINERAL RESURSLAR QOʻMITASINING

Qarori

[Oʻzbekiston Respublikasi Adliya vazirligi tomonidan 2011-yil 13-yanvarda roʻyxatdan oʻtkazildi, roʻyxat raqami 304-1]

Oʻzbekiston Respublikasi Prezidentining “Geologiya-qidiruv ishlarini tashkil etish va olib borish tizimi samaradorligini yanada oshirish chora-tadbirlari toʻgʻrisida”gi 2010-yil 27-avgustdagi PQ-1396-son qarori (Oʻzbekiston Respublikasi qonun hujjatlari toʻplami, 2010-y., 35-36-son, 301-modda), Oʻzbekiston Respublikasi Vazirlar Mahkamasining “Sanoatda, konchilikda va kommunal-maishiy sektorda ishlarning bexatar olib borilishini nazorat qilish davlat inspeksiyasi faoliyatini tashkil etish toʻgʻrisida”gi 2004-yil 10-iyuldagi 323-son (Oʻzbekiston Respublikasi qonun hujjatlari toʻplami, 2004-y., 28-son, 321-modda), “Oʻzbekiston Respublikasi Davlat geologiya va mineral resurslar qoʻmitasi toʻgʻrisidagi nizomni tasdiqlash haqida”gi 2007-yil 5-fevraldagi 26-son (Oʻzbekiston Respublikasi qonun hujjatlari toʻplami, 2007-y., 4 — 6-son, 47-modda) qarorlariga muvofiq Oʻzbekiston Respublikasi Vazirlar Mahkamasi huzuridagi Yer qaʼrini geologik oʻrganish, sanoatda, konchilikda va kommunal-maishiy sektorda ishlarning bexatar olib borilishini nazorat qilish davlat inspeksiyasi va Davlat geologiya va mineral resurslar qoʻmitasi qaror qiladi:

1. Oʻzbekiston Respublikasi “Togʻkontexnazorat”ning 1996-yil 12-dekabrdagi va Geologiya va mineral resurslar davlat qoʻmitasining 1996-yil 25-noyabrdagi 84-son qarori (roʻyxat raqami 304, 1997-yil 29-yanvar) bilan tasdiqlangan Geologiya-qidiruv ishlarida xavfsizlik qoidalariga ilovaga* muvofiq oʻzgartirish va qoʻshimchalar kiritilsin.

*Ilova rus tilidagi matnda berilgan.

2. Mazkur qaror Oʻzbekiston Respublikasi Adliya vazirligida davlat roʻyxatidan oʻtkazilgan kundan boshlab oʻn kun oʻtgandan keyin kuchga kiradi.

“Sanoatgeokontexnazorat” Davlat inspeksiyasi boshligʻi B. GULYAMOV

Toshkent sh.,

2010-yil 21-dekabr,

360-son

Davlat geologiya va mineral resurslar qoʻmitasi raisi v.b. I. TURAMURATOV

Toshkent sh.,

2010-yil 21-dekabr,

18-1966-son