“Ustav kapitalida davlat aksiyalari paketi (ulushlari) 50 foizdan ortiq boʻlgan korxonalarda tashqi auditni oʻtkazadigan auditorlik tashkilotlari roʻyxatiga auditorlik tashkilotlarini kiritish tartibi toʻgʻrisida”gi nizomga oʻzgartirishlar va qoʻshimcha kiritish haqida (1668-2-son)

13.01.2011

OʻZBEKISTON RESPUBLIKASI DAVLAT MULKINI BOShQARISh DAVLAT QOʻMITASI OʻZBEKISTON RESPUBLIKASI MOLIYA VAZIRLIGINING

Qarori

[Oʻzbekiston Respublikasi Adliya vazirligi tomonidan 2011-yil 13-yanvarda roʻyxatdan oʻtkazildi, roʻyxat raqami 1668-2]

Oʻzbekiston Respublikasi Prezidentining 2006-yil 27-sentabrdagi PQ-475-son “Qimmatli qogʻozlar bozorini yanada rivojlantirish chora-tadbirlari toʻgʻrisida”gi qarorining 3-bandiga (Oʻzbekiston Respublikasi qonun hujjatlari toʻplami, 2006-yil, 39-son, 387-modda), Oʻzbekiston Respublikasi Vazirlar Mahkamasining 2000-yil 22-sentabrdagi 365-son “Auditorlik faoliyatni takomillashtirish va auditorlik tekshirishlarning ahamiyatini oshirish toʻgʻrisida”gi qaroriga (Oʻzbekiston Respublikasi qonun hujjatlari toʻplami, 2000-y., 6-son, 102-modda) muvofiq Oʻzbekiston Respublikasi Davlat mulkini boshqarish davlat qoʻmitasi va Moliya vazirligi qaror qiladilar:

1. Oʻzbekiston Respublikasi Davlat mulki qoʻmitasi va Moliya vazirligining 2007-yil 12-fevraldagi 01/12-18/03, 20-son qarori (roʻyxat raqami 1668, 2007-yil 28-mart) (Oʻzbekiston Respublikasi qonun hujjatlari toʻplami, 2007-yil, 13-son, 128-modda) bilan tasdiqlangan “Ustav kapitalida davlat aksiyalari paketi (ulushlari) 50 foizdan ortiq boʻlgan korxonalarda tashqi auditni oʻtkazadigan auditorlik tashkilotlari roʻyxatiga auditorlik tashkilotlarini kiritish tartibi toʻgʻrisida”gi nizomga ilovaga muvofiq oʻzgartirishlar va qoʻshimcha kiritilsin.

2. Mazkur qaror Oʻzbekiston Respublikasi Adliya vazirligida davlat roʻyxatidan oʻtkazilgan kundan boshlab oʻn kun oʻtgandan keyin kuchga kiradi.

Davlat mulki qoʻmitasi raisi v.b. A. ABDUXAKIMOV

Toshkent sh.,

2010-yil 30-dekabr,

01/12-18/15-son

Moliya vaziri R. AZIMOV

Toshkent sh.,

2010-yil 30-dekabr,

112-son

Oʻzbekiston Respublikasi Davlat mulkini boshqarish davlat qoʻmitasi hamda Moliya vazirligining 2010-yil 30-dekabrdagi 01/12-18/15, 112-son qaroriga ILOVA

“Ustav kapitalida davlat aksiyalari paketi (ulushlari) 50 foizdan ortiq boʻlgan korxonalarda tashqi auditni oʻtkazadigan auditorlik tashkilotlari roʻyxatiga auditorlik tashkilotlarini kiritish tartibi toʻgʻrisida”gi nizomga oʻzgartirishlar va qoʻshimcha

1. 1-banddan “ustav kapitali 500 mln soʻmdan yuqori boʻlgan” degan soʻzlari chiqarib tashlansin.

2. 3-bandda:

“25-fevraldan kechiktirmagan holda” degan soʻzlar “1-fevraldan 25-fevralgacha” degan soʻzlar bilan almashtirilsin;

quyidagi mazmundagi ikkinchi xatboshi bilan toʻldirilsin:

“Belgilangan muddatda taqdim etilmagan hujjatlar koʻrib chiqilmaydi”.

3. 12-bandda:

“a” kichik bandidan “ustav kapitali 500 mln soʻmdan yuqori boʻlgan” degan soʻzlari chiqarib tashlansin;

“v” kichik bandidan “shu jumladan, aksiyadorlik jamiyatlarini tekshirish boʻyicha” degan soʻzlar chiqarib tashlansin.

4. 13-bandda:

“a” kichik bandidan “ustav kapitali 500 mln soʻmdan yuqori boʻlgan” degan soʻzlari chiqarib tashlansin;

“v” kichik bandi oʻz kuchini yoʻqotgan deb hisoblansin;

“e” kichik bandi quyidagi tahrirda bayon etilsin:

“e) auditorlik tashkiloti rahbari tomonidan tasdiqlangan ichki standartlar roʻyxati”.

5. Ushbu oʻzgartirishlar va qoʻshimcha Oʻzbekiston Respublikasi Monopoliyadan chiqarish va raqobatni rivojlantirish davlat qoʻmitasi bilan kelishilgan.

Monopoliyadan chiqarish va raqobatni rivojlantirish davlat qoʻmitasi raisi J. ISMAILOV

2010-yil 30-dekabr