Sanoat xavfsizligi sohasidagi ekspertlarni tayyorlash va attestatsiyadan oʻtkazish tartibi toʻgʻrisida nizomga oʻzgartirishlar kiritish haqida (2045-1-son)

05.01.2011

Oʻzbekiston Respublikasi Vazirlar Mahkamasi huzuridagi Yer qaʼrini geologik oʻrganish, sanoatda, konchilikda va kommunal-maishiy sektorda ishlarning bexatar olib borilishini nazorat qilish Davlat inspeksiyasi BOShLIGʻINING

buyrugʻi

[Oʻzbekiston Respublikasi Adliya vazirligi tomonidan 2011-yil 5-yanvarda roʻyxatdan oʻtkazildi, roʻyxat raqami 2045-1]

Oʻzbekiston Respublikasi Prezidentining 2010-yil 27-avgustdagi PQ-1396-son “Geologiya-razvedka ishlarini tashkil etish va olib borish tizimi samaradorligini yanada oshirish chora-tadbirlari toʻgʻrisida”gi qarori (Oʻzbekiston Respublikasi qonun hujjatlari toʻplami, 2010-y., 35-36-son, 301-modda) va Oʻzbekiston Respublikasi Vazirlar Mahkamasining 2008-yil 10-dekabrdagi 271-son “Xavfli ishlab chiqarish obyektlarining sanoat xavfsizligi toʻgʻrisida”gi Oʻzbekiston Respublikasi Qonunini amalga oshirishga doir qoʻshimcha chora-tadbirlar haqida”gi qaroriga (Oʻzbekiston Respublikasi qonun hujjatlari toʻplami, 2008-y., 50-son, 496-modda) muvofiq buyuraman:

1. Oʻzbekiston Respublikasi Sanoatda, konchilikda va kommunal-maishiy sektorda ishlarning bexatar olib borilishini nazorat qilish davlat inspeksiyasi boshligʻining 2009-yil 29-sentabrdagi 184-son buyrugʻi (roʻyxat raqami 2045, 2009-yil 19-noyabr) (Oʻzbekiston Respublikasi qonun hujjatlari toʻplami, 2009-y., 47-son, 513-modda) bilan tasdiqlangan Sanoat xavfsizligi sohasidagi ekspertlarni tayyorlash va attestatsiyadan oʻtkazish tartibi toʻgʻrisida nizomga ilovaga muvofiq oʻzgartirishlar kiritilsin.

2. Mazkur buyruq Oʻzbekiston Respublikasi Adliya vazirligida davlat roʻyxatidan oʻtkazilgan kundan boshlab oʻn kun oʻtgandan keyin kuchga kiradi.

Boshliq B. GULYAMOV

Toshkent sh.,

2010-yil 6-dekabr,

343-son

Oʻzbekiston Respublikasi Vazirlar Mahkamasi huzuridagi Yer qaʼrini geologik oʻrganish, sanoatda, konchilikda va kommunal-maishiy sektorda ishlarning bexatar olib borilishini nazorat qilish Davlat inspeksiyasi boshligʻining 2010-yil 6-dekabrdagi 343-son buyrugʻiga ILOVA

Sanoat xavfsizligi sohasidagi ekspertlarni tayyorlash va attestatsiyadan oʻtkazish tartibi toʻgʻrisidagi nizomga kiritilayotgan oʻzgartirishlar

1. 1-bandning beshinchi xatboshisidagi “Oʻzbekiston Respublikasi Sanoatda, konchilikda va kommunal-maishiy sektorda ishlarning bexatar olib borilishini nazorat qilish davlat inspeksiyasi (keyingi oʻrinlarda “Sanoatkontexnazorat” davlat inspeksiyasi deb yuritiladi)” degan soʻzlar “Oʻzbekiston Respublikasi Vazirlar Mahkamasi huzuridagi Yer qaʼrini geologik oʻrganish, sanoatda, konchilikda va kommunal-maishiy sektorda ishlarning bexatar olib borilishini nazorat qilish davlat inspeksiyasi (keyingi oʻrinlarda “Sanoatgeokontexnazorat” davlat inspeksiyasi deb yuritiladi)” degan soʻzlar bilan almashtirilsin.

2. 4-band quyidagi tahrirda bayon etilsin:

“4. Talabgor attestatsiyadan oʻtmoqchi boʻlgan attestatsiya sohasi boʻyicha ekspertlarni tayyorlash oʻquv kurslarini tamomlagan boʻlishi kerak.

Attestatsiya sohalari roʻyxati “Sanoatgeokontexnazorat” davlat inspeksiyasi tomonidan belgilanadi”.

3. 5 va 7-bandlardagi “sanoat tarmogʻi” va “sanoat tarmoqlari” degan soʻzlar tegishlicha “attestatsiya sohasi” va “attestatsiya sohalari” degan soʻzlar bilan almashtirilsin.

4. 6-bandning birinchi xatboshisi quyidagi tahrirda bayon etilsin:

“Ekspertlarni tayyorlash “Sanoatgeokontexnazorat” davlat inspeksiyasining “KONTEXNAZORAT OʻQUV” shoʻba korxonasi-ilmiy texnik markazida (keyingi oʻrinlarda Markaz deb yuritiladi) kamida 40 soatlik oʻquv kurslarida amalga oshiriladi”.

5. 8 va 15-bandlardagi, 16-bandning oltinchi xatboshisidagi, 19-bandning ikkinchi xatboshisidagi, 23-bandning birinchi xatboshisidagi, 33-bandning birinchi va ikkinchi xatboshilaridagi, 37, 38 va 40-bandlardagi, 43-bandning ikkinchi xatboshisidagi, 45-banddagi, 46-bandning birinchi va oltinchi xatboshilaridagi, 47-bandning birinchi xatboshisi va “v” kichik bandidagi, 49-bandning birinchi xatboshisidagi hamda 50, 51, 55 va 56-bandlardagi “Sanoatkontexnazorat” degan soʻz “Sanoatgeokontexnazorat” degan soʻz bilan almashtirilsin.

6. 13-bandning “a” kichik bandidagi “sanoat tarmoqlarida soʻnggi oʻn yilda” degan soʻzlar “yoki ekspertiza obyektlari boʻyicha” degan soʻzlar bilan almashtirilsin.

7. 14-bandda:

birinchi xatboshisidagi “Sanoatkontexnazorat” degan soʻz “Sanoatgeokontexnazorat” degan soʻz bilan almashtirilsin;

“g” kichik bandi quyidagi tahrirda bayon etilsin:

“g) mehnat daftarchasining notarial yoki ish joyida tasdiqlangan nusxasi”;

“e” kichik bandi quyidagi tahrirda bayon etilsin:

“e) ish joyidan (ishlamayotganlar uchun oxirgi ish joyidan) berilgan mehnat faoliyati toʻgʻrisidagi tavsifnoma”.

8. 20-bandda:

birinchi xatboshisidagi “Sanoatkontexnazorat” degan soʻz “Sanoatgeokontexnazorat” degan soʻz bilan almashtirilsin;

“a” va “b” kichik bandlar quyidagi tahrirda bayon etilsin:

“a) talabgorlarning hujjatlarini qabul qiladi, koʻrib chiqadi va natijasi boʻyicha qaror loyihasini tayyorlaydi hamda tasdiqlash uchun “Sanoatgeokontexnazorat” davlat inspeksiyasi boshligʻiga yoki uning oʻrinbosariga taqdim etadi;

b) “Sanoatgeokontexnazorat” davlat inspeksiyasi tegishli boʻlinmalari bilan birgalikda attestatsiyani oʻtkazish uchun taxminiy savollar roʻyxatini tuzadi va tasdiqlash uchun “Sanoatgeokontexnazorat” davlat inspeksiyasi boshligʻiga taqdim etadi”.

9. 30-bandning ikkinchi xatboshisi quyidagi tahrirda bayon etilsin:

“Malaka imtihonidan ikkinchi marotaba ham oʻtmagan talabgorga taqdim etilgan hujjatlari qaytarib beriladi va ular malaka imtihoni oʻtkazilgan kundan boshlab kamida ikki oy vaqt oʻtganidan soʻng, attestatsiyadan oʻtish uchun hujjatlarni qayta topshirishga haqli”.

10. 31-bandda:

ikkinchi xatboshisidagi “Sanoatkontexnazorat” degan soʻz “Sanoatgeokontexnazorat” degan soʻz bilan almashtirilsin;

“b” kichik bandi quyidagi tahrirda bayon etilsin:

“b) ekspert guvohnomasining amal qilish muddati tugashi sababli qayta attestatsiyadan oʻtish uchun ekspert guvohnomasining asl nusxasi (attestatsiya sohasini kengaytirish sababli qayta attestatsiyadan oʻtish uchun ekspert guvohnomasining nusxasi)”.

11. 41-bandning birinchi xatboshisi quyidagi tahrirda bayon etilsin:

“Ekspert guvohnomasi egasining familiyasi, ismi, otasining ismi oʻzgargan taqdirda, u oʻn ish kuni ichida “Sanoatgeokontexnazorat” davlat inspeksiyasiga ekspert guvohnomasini qayta rasmiylashtirish toʻgʻrisida ariza berishi shart. Bunda, arizaga qayta rasmiylashtirilishi lozim boʻlgan ekspert guvohnomasining asl nusxasi bilan birga tegishli oʻzgarishlarni tasdiqlovchi hujjatlarning asl nusxalarini koʻrsatgan holda ularning nusxalari ilova qilinadi”.

12. 48-bandning “a” kichik bandidagi “xolislikni taʼminlamaslik” degan soʻzlar “attestatsiya sohasiga amal qilmaslik” degan soʻzlar bilan almashtirilsin.

13. 1-ilova mazkur oʻzgartirishlarning 1-ilovasiga muvofiq tahrirda bayon etilsin.

14. 2-ilovadagi “Sanoatkontexnazorat” va “sanoat tarmogʻi” degan soʻzlar tegishlicha “Sanoatgeokontexnazorat” va “attestatsiya sohasi” degan soʻzlar bilan almashtirilsin;

15. 4-ilova mazkur oʻzgartirishlarning 2-ilovasiga muvofiq tahrirda bayon etilsin.

16. Mazkur oʻzgartirishlar Oʻzbekiston Respublikasi Mehnat va aholini ijtimoiy muhofaza qilish vazirligi, Favqulodda vaziyatlar vazirligi, Davlat arxitektura va qurilish qoʻmitasi, Geologiya va mineral resurslar davlat qoʻmitasi, Monopoliyadan chiqarish va raqobatni rivojlantirish davlat qoʻmitasi, Oʻzbekiston standartlashtirish, metrologiya va sertifikatlashtirish agentligi, Oʻzbekiston Kasaba uyushmalari Federatsiyasi Kengashi hamda Oʻzbekiston Respublikasi Savdo-sanoat palatasi bilan kelishilgan.

Mehnat va aholini ijtimoiy muhofaza qilish vaziri A. XAITOV

2010-yil 2-dekabr

Favqulodda vaziyatlar vaziri T. XUDAYBERGENOV

2010-yil 2-dekabr

Davlat arxitektura va qurilish qoʻmitasi raisi B. XODJAYEV

2010-yil 3-dekabr

Geologiya va mineral resurslar davlat qoʻmitasi raisi v.b. I. TURAMURATOV

2010-yil 2-dekabr

Monopoliyadan chiqarish va raqobatni rivojlantirish davlat qoʻmitasi raisi J. ISMAILOV

2010-yil 3-dekabr

Oʻzbekiston standartlashtirish, metrologiya va sertifikatlashtirish agentligi Bosh direktori A. ABDUVALIYEV

2010-yil 2-dekabr

Oʻzbekiston Kasaba uyushmalari Federatsiyasi Kengashi raisi D. JAHONGIROVA

2010-yil 2-dekabr

Savdo-sanoat palatasi raisi A. ShAYXOV

2010-yil 22-dekabr

Sanoat xavfsizligi sohasidagi ekspertlarni tayyorlash va attestatsiyadan oʻtkazish tartibi toʻgʻrisidagi nizomga kiritilayotgan oʻzgartirishlarga 1-ILOVA

Sanoat xavfsizligi sohasidagi ekspertlarni tayyorlash va attestatsiyadan oʻtkazish tartibi toʻgʻrisidagi nizomga 1-ILOVA

Sanoat xavfsizligi sohasidagi ekspertlarni tayyorlash va attestatsiyadan oʻtkazish tartibi toʻgʻrisidagi nizomga kiritilayotgan oʻzgartirishlarga 2-ILOVA

Sanoat xavfsizligi sohasidagi ekspertlarni tayyorlash va attestatsiyadan oʻtkazish tartibi toʻgʻrisidagi nizomga 4-ILOVA

(Oʻzbekiston Respublikasi qonun hujjatlari toʻplami, 2011-y., 1-2-son, 11-modda)