Oʻzbekiston Respublikasi Oliy Majlisi qonunchilik palatasi va Senatining “Andijon viloyatining Asaka shahri va Asaka tumani hududlarini birlashtirish hamda Asaka shahrini tuman boʻysunuvidagi shaharlar turkumiga kiritish toʻgʻrisida”gi qarorlarini amalga oshirish chora-tadbirlari haqida (311-son)

24.12.2010

Oʻzbekiston Respublikasi Vazirlar Mahkamasining

qarori

Oʻzbekiston Respublikasi Oliy Majlisi Qonunchilik palatasining “Andijon viloyatining Asaka shahri va Asaka tumani hududlarini birlashtirish hamda Asaka shahrini tuman boʻysunuvidagi shaharlar turkumiga kiritish toʻgʻrisida” 2010-yil 19-noyabrdagi 200-II sonli va Oʻzbekiston Respublikasi Oliy Majlisi Senatining “Andijon viloyatining Asaka shahri va Asaka tumani hududlarini birlashtirish hamda Asaka shahrini tuman boʻysunuvidagi shaharlar turkumiga kiritish toʻgʻrisida”gi 2010-yil 4-dekabrdagi 135-II-sonli qarorlarining amalga oshirilishini taʼminlash maqsadida Vazirlar Mahkamasi qaror qiladi:

1. Andijon viloyatining Asaka shahri va Asaka tumani hududlarini birlashtirish hamda Asaka shahrini tuman boʻysunuvidagi shaharlar turkumiga kiritish bilan bogʻliq tashkiliy masalalarni hal etish boʻyicha Respublika komissiyasi 1-ilovaga* muvofiq tarkibda tashkil etilsin.

* 1-ilova berilmaydi.

2. Respublika komissiyasi (U.U.Rozuqulov):

ikki oy muddatda Andijon viloyatining Asaka shahri va Asaka tumani hududlarini birlashtirish hamda Asaka shahrini tuman boʻysunuvidagi shaharlar turkumiga kiritish bilan bogʻliq zarur tashkiliy-texnik tadbirlar kompleksini ishlab chiqish va amalga oshirishni taʼminlasin;

ikki hafta muddatda Andijon viloyati hokimligi, Oʻzbekiston Respublikasi Iqtisodiyot vazirligi, Moliya vazirligi, Mehnat va aholini ijtimoiy muhofaza qilish vazirligi, boshqa manfaatdor vazirliklar va idoralar bilan birgalikda Asaka tumani davlat boshqaruvi organlari hududiy boʻlinmalari xodimlarining cheklangan umumiy sonini, tuzilmasi va mehnatga haq toʻlash fondlarini aniqlashga doir tashkiliy masalalarni hal etsin;

bir oy muddatda Oʻzbekiston Respublikasi Iqtisodiyot vazirligi va Moliya vazirligi, Andijon viloyati hokimligi bilan birgalikda Asaka tumani budjetining va ijtimoiy — iqtisodiy rivojlantirishning prognoz parametrlarini belgilasin;

Andijon viloyati hokimligi bilan birgalikda tashkiliy davrda iqtisodiyot tarmoqlarining aniq, barqaror va bir maromda ishlashini, shuningdek yuzaga keladigan ijtimoiy masalalarning oʻz vaqtida hal etilishini taʼminlasin.

3. Andijon viloyati Asaka tumani hokimligi xodimlarining cheklangan umumiy soni 21 nafardan iborat boshqaruv apparati tuzilmasi 2-ilovaga muvofiq tasdiqlansin.

4. Andijon viloyati hokimligi:

Oʻzbekiston Respublikasi Mehnat va aholini ijtimoiy muhofaza qilish vazirligi bilan birgalikda Andijon viloyati Asaka shahrini tuman boʻysunuvidagi shaharlar turkumiga kiritilishi munosabati bilan davlat va xoʻjalik boshqaruvi organlari hududiy boʻlinmalari tugatilishi va ular sonining qisqarishi natijasida boʻshab qolayotgan shaxslarni ishga joylashtirish chora-tadbirlarini koʻrsin, zaruriyat boʻlganda ularni qayta tayyorlash va malakasini oshirish tadbirlari amalga oshirilishini taʼminlasinlar;

ikki oy muddatda Oʻzbekiston Respublikasi Iqtisodiyot vazirligi hamda boshqa manfaatdor vazirliklar va idoralar bilan birgalikda Asaka tumanini yanada ijtimoiy-iqtisodiy rivojlantirish boʻyicha tadbirlar kompleksini ishlab chiqsinlar.

5. Oʻzbekiston Respublikasi Davlat statistika qoʻmitasi Andijon viloyati Asaka tumanining maʼmuriy hududi kengayishi munosabati bilan statistika koʻrsatkichlariga tegishli oʻzgartirishlar kiritsin.

6. Oʻzbekiston Respublikasi “Yergeodezkadastr” davlat qoʻmitasi Andijon viloyati Asaka tumanining maʼmuriy hududi kengayishi munosabati bilan yer hisobotlariga tegishli oʻzgartirishlar kiritsin.

7. Andijon viloyatining Asaka shahri va Asaka tumani hududlarining birlashtirilishi hamda Asaka shahrining tuman boʻysunuvidagi shaharlar turkumiga kiritilishi munosabati bilan:

Asaka shahar va Asaka tumani ichki ishlar boʻlimlari xodimlarining shtatdagi soni, Asaka tumani ichki ishlar boʻlimiga berilgan holda, Oʻzbekiston Respublikasi Ichki ishlar vazirligida;

Asaka shahar va Asaka tumanida faoliyat koʻrsatayotgan fuqarolik holati dalolatnomalarini yozish organlari va davlat notarial idoralari ularga tartib raqami berilgan holda hamda sud ijrochilari Asaka shahar va Asaka tuman boʻlimlari xodimlarining shtatdagi soni, sud ijrochilari Asaka tuman boʻlimiga berilgan holda Oʻzbekiston Respublikasi Adliya vazirligida saqlab qolinsin.

8. Oʻzbekiston Respublikasi Bosh prokuraturasiga Oʻzbekiston Respublikasi Moliya vazirligi bilan birgalikda Asaka shahar va Asaka tumani prokuraturasi, shu jumladan Soliq, valyutaga oid jinoyatlarga va jinoiy daromadlarni legallashtirishga qarshi kurashish departamenti boʻlimlari xodimlarining shtatdagi sonini Andijon viloyati Asaka tumanining tegishli boʻlinmalarga berish tavsiya etilsin.

9. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari U.U. Rozukulov zimmasiga yuklansin.

Oʻzbekiston Respublikasi Bosh vaziri Sh. MIRZIYOYEV

Toshkent sh.,

2010-yil 24-dekabr,

311-son

Vazirlar Mahkamasining 2010-yil 24-dekabrdagi 311-son qaroriga 2-ilova

Andijon viloyati Asaka tumani hokimligi apparati

TUZILMASI