Ulgurji savdo korxonalarini soliqqa tortishni takomillashtirish toʻgʻrisida (PF-3205-son)

04.02.2003

Oʻzbekiston Respublikasi Prezidentining

Farmoni

Ulgurji savdoni rivojlantirishni ragʻbatlantirish, isteʼmol tovarlari ishlab chiqaruvchi korxonalar bilan savdo tashkilotlari oʻrtasidagi savdo-iqtisodiy munosabatlarni mustahkamlash va shu asosda ichki isteʼmol bozorining mamlakatimizda ishlab chiqarilgan tovarlar bilan yanada toʻliqroq toʻldirilishini taʼminlash maqsadida:

1. Ulgurji savdo korxonalari qoʻshilgan qiymat soligʻini toʻlashdan ozod qilinsin.

2. “Savdo va umumiy ovqatlanish sohasida soliqqa tortish tizimini yanada takomillashtirish toʻgʻrisida” Oʻzbekiston Respublikasi Prezidentining 2002-yil 20-maydagi PF–3076-son Farmoni 2-bandining ikkinchi xatboshi oʻz kuchini yoʻqotgan deb hisoblansin.

3. Ushbu Farmonning ijrosini nazorat qilish Oʻzbekiston Respublikasi Bosh vazirining oʻrinbosari R. S. Azimov zimmasiga yuklatilsin.

Oʻzbekiston Respublikasining Prezidenti I. KARIMOV

Toshkent sh.,

2003-yil 4-fevral,

PF-3205-son