Oʻzbekiston Respublikasi Davlat aktivlarini boshqarish agentligi buyurtmalariga asosan baholash obyektlarini baholashda baholovchi tashkilotlar xizmatlarining qiymatini aniqlash va toʻlash tartibi toʻgʻrisidagi nizomni tasdiqlash haqida (2152-son)

10.11.2010

OʻZBEKISTON RESPUBLIKASI DAVLAT MULKINI BOShQARISh DAVLAT QOʻMITASINING

Qarori

[Oʻzbekiston Respublikasi Adliya vazirligi tomonidan 2010-yil 10-noyabrda roʻyxatdan oʻtkazildi, roʻyxat raqami 2152]

Oʻzbekiston Respublikasi Prezidentining 2019-yil 14-yanvardagi PF-5630-son “Davlat aktivlarini boshqarish, monopoliyaga qarshi kurashishni tartibga solish tizimini va kapital bozorini tubdan takomillashtirish chora-tadbirlari toʻgʻrisida”gi Farmoni, Oʻzbekiston Respublikasi Prezidentining 2019-yil 14-yanvardagi PQ-4112-son “Oʻzbekiston Respublikasi Davlat aktivlarini boshqarish agentligi faoliyatini tashkil etish toʻgʻrisida”gi qarori va Oʻzbekiston Respublikasi Vazirlar Mahkamasining 2019-yil 15-maydagi 404-son “Oʻzbekiston Respublikasi Davlat aktivlarini boshqarish agentligi faoliyatini tashkil etish boʻyicha chora-tadbirlar toʻgʻrisida”gi qaroriga muvofiq, Oʻzbekiston Respublikasi Davlat aktivlarini boshqarish agentligi qaror qiladi:

1. Oʻzbekiston Respublikasi Davlat aktivlarini boshqarish agentligi buyurtmalariga asosan baholash obyektlarini baholashda baholovchi tashkilotlar xizmatlarining qiymatini aniqlash va toʻlash tartibi toʻgʻrisidagi nizom ilovaga muvofiq tasdiqlansin.

2. Mazkur qaror Oʻzbekiston Respublikasi Adliya vazirligida davlat roʻyxatidan oʻtkazilgan kundan boshlab oʻn kun oʻtgandan keyin kuchga kiradi.

Raisi v.b. A. ABDUHAKIMOV

Toshkent sh.,

2010-yil 12-oktabr,

01/11-18/08-son

Oʻzbekiston Respublikasi Davlat mulkini boshqarish davlat qoʻmitasining 2010-yil 12-oktabrdagi 01/11-18/08-son qaroriga ILOVA

Oʻzbekiston Respublikasi Davlat aktivlarini boshqarish agentligi buyurtmalariga asosan baholash obyektlarini baholashda baholovchi tashkilotlar xizmatlarining qiymatini aniqlash va toʻlash tartibi toʻgʻrisida

nizom

Mazkur Nizom Oʻzbekiston Respublikasi Prezidentining 2019-yil 14-yanvardagi PF-5630-son “Davlat aktivlarini boshqarish, monopoliyaga qarshi kurashishni tartibga solish tizimini va kapital bozorini tubdan takomillashtirish chora-tadbirlari toʻgʻrisida”gi Farmoni, Oʻzbekiston Respublikasi Prezidentining 2019-yil 14-yanvardagi PQ-4112-son “Oʻzbekiston Respublikasi Davlat aktivlarini boshqarish agentligi faoliyatini tashkil etish toʻgʻrisida”gi qarori va Oʻzbekiston Respublikasi Vazirlar Mahkamasining 2019-yil 15-maydagi 404-son “Oʻzbekiston Respublikasi Davlat aktivlarini boshqarish agentligi faoliyatini tashkil etish boʻyicha chora-tadbirlar toʻgʻrisida”gi qaroriga va baholash faoliyatini tartibga soluvchi boshqa qonunchilik hujjatlariga muvofiq Oʻzbekiston Respublikasi Davlat aktivlarini boshqarish agentligi va uning hududiy boshqarmalari (bundan buyon matnda Agentlik deb yuritiladi) buyurtmalariga asosan baholash faoliyatini amalga oshirish huquqini beruvchi litsenziyaga ega boʻlgan baholovchi tashkilotlar (bundan buyon matnda baholovchi tashkilot deb yuritiladi) tomonidan baholash obyektlarini baholash xizmatlarining qiymatini aniqlash va toʻlash tartibini belgilaydi.

I. Umumiy qoidalar

1. Mazkur Nizom Agentlik va baholovchi tashkilot oʻrtasida mazkur Nizom kuchga kirgandan keyin tuziladigan shartnomalarga tatbiq etiladi.

2. Ushbu Nizom Oʻzbekiston Respublikasi Prezidenti, Oʻzbekiston Respublikasi Vazirlar Mahkamasi yoki Davlat mulkini sotishda tender savdolarini oʻtkazish boʻyicha davlat komissiyasi qarorlari bilan baholovchi tashkilot shu jumladan, xorijiy baholovchi tashkilot jalb qilingan hollarda hamda ushbu qarorlarda ularni jalb qilishning va (yoki) ular xizmatlarining qiymatini aniqlash va toʻlashning mazkur Nizomda koʻzda tutilmagan boshqacha tartibi belgilangan taqdirda Agentlik va baholovchi tashkilot oʻrtasida tuziladigan shartnomalarga tatbiq etilmaydi.

3. Baholovchi tashkilot xizmatlarining mazkur Nizomga asosan aniqlanadigan qiymati boʻyicha xizmat koʻrsatish istagini bildirgan baholovchi tashkilot va Agentlik oʻrtasida shartnoma tuziladi.

4. Baholovchi tashkilotning xizmatlari Oʻzbekiston Respublikasi Davlat aktivlarini boshqarish agentligi huzuridagi budjetdan tashqari Davlat aktivlarini boshqarish, transformatsiya va xususiylashtirish jamgʻarmasi mablagʻlari hisobidan Oʻzbekiston Respublikasi milliy valyutasida toʻlanadi.

5. Baholovchi tashkilot xizmatlarining qiymatini aniqlash maqsadida mazkur Nizomning 6, 7 va 8-bandlarida keltirilgan formulalar hamda mazkur Nizomning 1-ilovasiga muvofiq koeffitsiyentlardan iborat uslub qoʻllaniladi.

Bunda, baholovchi tashkilot xizmatlarining qiymatini aniqlash uslubi baholash obyektining quyidagi tiplariga bogʻliq boʻladi:

davlat unitar korxonasi, budjet tashkiloti, xoʻjalik yurituvchi subyekt ustav fondidagi aksiyalar (ulushlar);

mustaqil balans yuritmaydigan mulkiy majmua, mulkiy majmuaning bir qismi (keyingi oʻrinlarda mulkiy majmua deb yuritiladi);

bino (shu jumladan, qurilishi tugallanmagan);

mazkur bandning uchinchi, toʻrtinchi va beshinchi xatboshilarida koʻzda tutilmagan boshqa asosiy fondlar (inshootlar, uzatuvchi moslamalar, mashinalar, asbob-uskunalar, transport vositalari, instrumentlar, inventar, ishchi hayvon, koʻp yillik oʻsimliklar va boshqa asosiy fondlar) (keyingi oʻrinlarda boshqa aktivlar deb yuritiladi).

Baholash obyekti tarkibida yer maydoni boʻlgan taqdirda, baholovchi tashkilot xizmatlarining qiymatiga mazkur Nizomning 10 va 11-bandlariga muvofiq aniqlanadigan yer maydonini baholash xizmatlarining qiymati qoʻshiladi.

II. Baholovchi tashkilot xizmatlarining qiymatini aniqlash

6. Davlat unitar korxonasi, budjet tashkiloti, xoʻjalik yurituvchi subyekt ustav fondidagi aksiyalar (ulushlar) yoki mulkiy majmua baholanganda baholovchi tashkilot xizmatlarining qiymati quyidagi formula boʻyicha hisoblab chiqariladi:

Q = [(BHM x K1) + (BHM x K2)] x Kyo x Kh, bunda:

Q — davlat unitar korxonasi, budjet tashkiloti, xoʻjalik yurituvchi subyekt ustav fondidagi aksiyalar (ulushlar) yoki mulkiy majmua baholanganda baholovchi tashkilot xizmatlarining qiymati;

BHM — baholash sanasidagi Oʻzbekiston Respublikasida belgilangan bazaviy hisoblash miqdori;

K1 — mazkur Nizomning 1-ilovasida keltirilgan 1-jadvalga muvofiq bazaviy hisoblash miqdoriga nisbatan koeffitsiyent;

K2 — mazkur Nizomning 1-ilovasida keltirilgan 2-jadvalga muvofiq bazaviy hisoblash miqdoriga nisbatan koeffitsiyent;

Kyo — baholashda qoʻllanilgan yondashuv sonini hisobga oluvchi koeffitsiyent boʻlib, quyidagiga teng:

bitta yondashuv qoʻllanilganda — 1,0;

ikkita yondashuv qoʻllanilganda — 1,1;

uchta yondashuv qoʻllanilganda — 1,2;

Kh — baholash obyekti joylashgan hududni (Qoraqalpogʻiston Respublikasi, viloyatlar va Toshkent shahri) hisobga oluvchi koeffitsiyent, bunda:

agar baholash obyekti respublikaning ikkitagacha (ikkita ham kiradi) hududlarida joylashgan boʻlsa, koeffitsiyent — 1,0;

agar baholash obyekti respublikaning uchtadan oltitagacha (oltita ham kiradi) hududlarida joylashgan boʻlsa, koeffitsiyent — 1,05;

agar baholash obyekti respublikaning yettitadan oʻntagacha (oʻnta ham kiradi) hududlarida joylashgan boʻlsa, koeffitsiyent — 1,1;

agar baholash obyekti respublikaning oʻn bir va undan ortiq hududlarida joylashgan boʻlsa, koeffitsiyent — 1,15.

7. Bino (shu jumladan, qurilishi tugallanmagan) baholanganda baholovchi tashkilot xizmatlarining qiymati quyidagi formula boʻyicha aniqlanadi:

Q = (BHM x K1) x Kyo x Kh, bunda:

Q — bino (shu jumladan, qurilishi tugallanmagan) baholanganda baholovchi tashkilot xizmatlarining qiymati.

8. Boshqa aktivlar baholanganda baholovchi tashkilot xizmatlarining qiymati quyidagi formula boʻyicha aniqlanadi:

Q = [(BHM x Σ (K3 x S) x Kk) + BHM] x Kyo x Kh, bunda:

Q — boshqa aktivlar baholanganda baholovchi tashkilot xizmatlarining qiymati;

K3 — mazkur Nizomning 1-ilovasida keltirilgan 3-jadvalga muvofiq bazaviy hisoblash miqdoriga nisbatan koeffitsiyent;

S — baholash obyekti soni;

Kk — 0,05 ga teng boʻlgan kamaytiruvchi koeffitsiyent.

9. Agentlik buyurtmalari asosida baholash obyektlari baholanganda baholovchi tashkilot xizmatlari qiymatining miqdori baholovchi tashkilot tomonidan taqdim etiladigan quyidagi xarajatlar kalkulatsiyasiga asosan:

davlat unitar korxonasi, budjet tashkiloti, xoʻjalik yurituvchi subyekt ustav fondidagi aksiyalar (ulushlar) yoki mulkiy majmua baholanganda mazkur Nizomning 2-ilovasida keltirilgan shaklga muvofiq;

bino (shu jumladan, qurilishi tugallanmagan) baholanganda mazkur Nizomning 3-ilovasida keltirilgan shaklga muvofiq;

boshqa aktivlar baholanganda mazkur Nizomning 4-ilovasida keltirilgan shaklga muvofiq aniqlanadi.

III. Boshqa shartlar

10. Yer uchastkasi xususiylashtirish maqsadida baholanganda baholovchi tashkilot xizmatlarining qiymati baholash sanasidagi bazaviy hisoblash miqdorining oʻn baravari miqdorida belgilanadi.

11. Yerdan foydalanish huquqi baholanganda baholovchi tashkilot xizmatlarining qiymati baholash sanasidagi bazaviy hisoblash miqdorining uch baravari miqdorida belgilanadi.

12. Baholash obyekti talab qilish huquqi, majburiyat (qarz) boʻlganda baholovchi tashkilot xizmatlarining qiymati baholash obyektining (davlat unitar korxonasi, budjet tashkiloti, xoʻjalik yurituvchi subyekt ustav fondidagi aksiyalar (ulushlar), mulkiy majmua, bino (shu jumladan, qurilishi tugallanmagan) va boshqa aktivlar) yuzaga kelish manbaidan kelib chiqib belgilanadi.

13. Baholash obyekti xoʻjalik yurituvchi subyekt ustav fondidagi 5 foizgacha (5 foiz ham kiradi) boʻlgan aksiyalar (ulushlar) boʻlganda, mazkur Nizomga muvofiq hisoblangan xizmatlar qiymati 50 foizga kamaytiriladi.

14. Aynan bir baholovchi tashkilot tomonidan baholash obyekti oldingi baholash sanasidan ikki kalendar yildan ortiq boʻlmagan muddatda takroran baholanganda, mazkur Nizomga muvofiq oxirgi baholash sanasiga hisoblangan takroriy baholash xizmatlarining qiymati 50 foizga kamaytiriladi.

15. Baholash toʻgʻrisidagi hisobotlarning haqqoniyligini ekspertizadan oʻtkazish boʻyicha baholovchi tashkilot xizmatlarining qiymati quyidagicha belgilanadi:

tahliliy ekspertiza oʻtkazilganda, mazkur Nizomga muvofiq baholash sanasiga hisoblangan xizmatlar qiymatining 20 foizi, lekin baholash sanasidagi bazaviy hisoblash miqdorining yigirma baravaridan koʻp boʻlmagan miqdorda;

dala sharoitida ekspertiza oʻtkazilganda, mazkur Nizomga muvofiq baholash sanasiga hisoblangan xizmatlar qiymatining 25 foizi, lekin baholash sanasidagi bazaviy hisoblash miqdorining oʻn baravaridan kam boʻlmagan miqdorda.

151. Baholash obyektlari xususiylashtirish maqsadida baholanganda, ularni baholash toʻgʻrisidagi hisobotlarning haqqoniyligini baholash sanasidan boshlab bir kalendar yildan ortiq boʻlmagan muddatda tahliliy ekspertizadan oʻtkaziladi.

16. Baholovchi tashkilot qoʻshilgan qiymat soligʻi toʻlovchisi boʻlganda, baholovchi tashkilot xizmatlarining qiymatiga qoʻshilgan qiymat soligʻi miqdori qoʻshiladi.

IV. Yakuniy qoida

17. Mazkur Nizom Oʻzbekiston Respublikasi Moliya vazirligi bilan kelishilgan.

Moliya vaziri R. AZIMOV

2010-yil 12-oktabr

Oʻzbekiston Respublikasi Davlat aktivlarini boshqarish agentligi buyurtmalariga asosan baholash obyektlarini baholashda baholovchi tashkilotlar xizmatlarining qiymatini aniqlash va toʻlash tartibi toʻgʻrisida nizomga 1-ILOVA

1-jadval

Bazaviy hisoblash miqdoriga nisbatan koeffitsiyentlar

T/r Baholash obyektining maydoni — bino (shu jumladan, qurilishi tugallanmagan)* K1 1. 100 m2 gacha 5 2. 100 dan 300 m2 gacha 9 3. 300 dan 600 m2 gacha 13 4. 600 dan 1000 m2 gacha 17 5. 1000 dan 2000 m2 gacha 21 6. 2000 dan 3500 m2 gacha 25 7. 3500 dan 5000 m2 gacha 29 8. 5000 dan 7000 m2 gacha 33 9. 7000 dan 9500 m2 gacha 37 10. 9500 dan 12500 m2 gacha 41 11. 12500 m2 va undan ortiq 45

* xizmatlar qiymatini aniqlashda bino (shu jumladan, qurilishi tugallanmagan) maydoni baholanayotgan hamma binolar (shu jumladan, qurilishi tugallanmaganlari) maydonlarining yigʻindisi sifatida aniqlanadi.

2-jadval

Bazaviy hisoblash miqdoriga nisbatan koeffitsiyentlar

T/r Binolardan (shu jumladan, qurilishi tugallanmagan) tashqari asosiy fondlar soni* K2 1. 50 donagacha 8 2. 50 dan 200 donagacha 10 3. 200 dan 400 donagacha 15 4. 400 dan 700 donagacha 30 5. 700 dan 1100 donagacha 40 6. 1100 dan 1500 donagacha 50 7. 1500 dan 2000 donagacha 70 8. 2000 dan 3000 donagacha 100 9. 3000 dan 4000 donagacha 130 10. 4000 dan 5000 donagacha 160 11. 5000 dan 6000 donagacha 200 12. 6000 dan 7000 donagacha 230 13. 7000 dan 8000 donagacha 260 14. 8000dan 9000 donagacha 280 15. 9000 va undan koʻproq 300

* xizmatlar qiymatini aniqlashda bir xil nomdagi, ishga tushirish (ekish) yili va markasi (tipi) bir xil boʻlgan baholash obyektlari baholanayotgan obyektning bitta birligi sifatida qaraladi.

3-jadval

Bazaviy hisoblash miqdoriga nisbatan koeffitsiyentlar

Baholash obyekti* S K3 Inshootlar, uzatuvchi moslamalar, mashina va asbob-uskunlar 1 birlik 2,0 Transport vositalari 1 birlik 1,5 Instrumentlar, inventar, ishchi hayvon, koʻp yillik oʻsimliklarva boshqa asosiy fondlar 1 birlik 0,5

* xizmatlar qiymatini aniqlashda bir xil nomdagi, ishga tushirish (ekish) yili va markasi (tipi) bir xil boʻlgan baholash obyektlari baholanayotgan obyektning bitta birligi deb qaraladi.

Oʻzbekiston Respublikasi Davlat aktivlarini boshqarish agentligi buyurtmalariga asosan baholash obyektlarini baholashda baholovchi tashkilotlar xizmatlarini qiymatini aniqlash va toʻlash tartibi toʻgʻrisida nizomga 2-ILOVA

Davlat unitar korxonasi, budjet tashkiloti, xoʻjalik yurituvchi subyekt ustav fondidagi aksiyalar (ulushlar) yoki mulkiy majmua baholanganda xizmatlar qiymatini aniqlash boʻyicha _______ - son K A L K U L Ya S I Ya _________________ sh. “___” ________ 20__ y. baholash boʻyicha asos raqami va sanasi: _________________________________________ (soʻm) T/r Baholash obyekti Oʻlchov birligi Koef-t (K1, K2) Qiymat Baholovchi tashkilot xizmatlarining qiymatini aniqlash sanasidagi Oʻzbekiston Respublikasida belgilangan bazaviy hisoblash miqdori (soʻm): 1. Bino (shu jumladan, qurilishi tugallanmagan) 100 m2 gacha 5 K1 x BHM 100 dan 300 m2 gacha 9 300 dan 600 m2 gacha 13 600 dan 1000 m2 gacha 17 1000 dan 2000 m2 gacha 21 2000 dan 3500 m2 gacha 25 3500 dan 5000 m2 gacha 29 5000 dan 7000 m2 gacha 33 7000 dan 9500 m2 gacha 37 9500 dan 12500 m2 gacha 41 12500 m2 va ortiq 45 2. Binolardan (shu jumladan, qurilishi tugallanmaganlari) tashqari asosiy fondlar 50 donagacha 8 K2 x BHM 50 dan 200 donagacha 10 200 dan 400 donagacha 15 400 dan 700 donagacha 30 700 dan 1100 donagacha 40 1100 dan 1500 donagacha 50 1500 dan 2000 donagacha 70 2000 dan 3000 donagacha 100 3000 dan 4000 donagacha 130 4000 dan 5000 donagacha 160 5000 dan 6000 donagacha 200 6000 dan 7000 donagacha 230 7000 dan 8000 donagacha 260 8000 dan 9000 donagacha 280 9000 va undan koʻproq 300 3. Summa Koʻrsatkichlar 4. Baholashda qoʻllanilgan yondashuv sonini hisobga oluvchi koeffitsiyent, (Kyo) = 3satr x tegishli koeffitsiyent 5. Baholash obyekti joylashgan hududni hisobga oluvchi koeffitsiyent, (Kh) = 4satr x tegishli koeffitsiyent 6. Baholash obyekti xoʻjalik yurituvchi subyekt ustav fondidagi 5 foizgacha (5 foiz ham kiradi) aksiyalar (ulush) boʻlganda = 5satr x 0,5 7. Yerdan foydalanish huquqi qiymati baholanganda 3 x BHM 8. Yer uchastkasini xususiylashtirish maqsadida baholanganda 10 x BHM 9. Baholash obyekti oldingi baholash sanasidan ikki kalendar yildan ortiq boʻlmagan muddatda takroran baholanganda = (5 satr+7 satr + 8 satr) x 0,5 yoki (6 satr + 7 satr + 8 satr) x 0,5 10. QQSsiz xizmatlar qiymati = (5satr+7satr+8satr) yoki (6satr+7satr+8satr) yoki 9 satr 11. QQS 12. Xizmatlar qiymati QQS bilan birgalikda = 10 satr+11 satr M.Oʻ. Agentlik (hududiy boshqarmasi) rahbari _____________ Bosh hisobchi _____________ Baholovchi tashkilot rahbari _____________ Bosh hisobchi _____________

Oʻzbekiston Respublikasi Davlat aktivlarini boshqarish agentligi buyurtmalariga asosan baholash obyektlarini baholashda baholovchi tashkilotlar xizmatlarining qiymatini aniqlash va toʻlash tartibi toʻgʻrisida nizomga 3-ILOVA

Bino (shu jumladan, qurilishi tugallanmagan) baholanganda xizmatlar qiymatini aniqlash boʻyicha _______ - son K A L K U L Ya S I Ya __________________ sh. “___” ________ 20__ y. baholash boʻyicha asos raqami va sanasi: _________________________________________ (soʻm) T/r Baholash obyekti Oʻlchov birligi Koef-t (K1, K2) Qiymat Nizomga asosan baholovchi tashkilot xizmatlarining qiymatini aniqlash sanasidagi Oʻzbekiston Respublikasida belgilangan bazaviy hisoblash miqdori (soʻm): 1. Bino (shu jumladan, qurilishi tugallanmagan) 100 m2gacha 5 K1 x BHM 100 dan 300 m2 gacha 9 300 dan 600 m2gacha 13 600 dan 1000 m2 gacha 17 1000 dan 2000 m2 gacha 21 2000 dan 3500 m2 gacha 25 3500 dan 5000 m2 gacha 29 5000 dan 7000 m2 gacha 33 7000 dan 9500 m2 gacha 37 9500 dan 12500 m2 gacha 41 12500 m2 va ortiq 45 2. Summa - Koʻrsatkichlar 3. Baholashda qoʻllanilgan yondashuv sonini hisobga oluvchi koeffitsiyent, (Kyo) = 2 satr x tegishli koeffitsiyent 4. Baholash obyekti joylashgan hududni hisobga oluvchi koeffitsiyent, (Kh) = 3 satr x tegishli koeffitsiyent 5. Yerdan foydalanish huquqi qiymati baholanganda 3 x BHM 6. Yer uchastkasini xususiylashtirish maqsadida baholanganda 10 x BHM 7. Baholash obyekti oldingi baholash sanasidan ikki kalendar yildan ortiq boʻlmagan muddatda takroran baholanganda =(4 satr + 5 satr + 6 satr) x 0,5 8. QQSsiz xizmatlar qiymati = (4 satr + 5 satr + 6 satr) yoki 7 satr 9. QQS 10. Xizmatlar qiymati QQS bilan birgalikda = 8 satr+9 satr M.Oʻ. Agentlik (hududiy boshqarmasi) rahbari ______________ Bosh hisobchi _____________ Baholovchi tashkilot rahbari ______________ Bosh hisobchi _____________

Oʻzbekiston Respublikasi Davlat aktivlarini boshqarish agentligi buyurtmalariga asosan baholash obyektlarini baholashda baholovchi tashkilotlar xizmatlarining qiymatini aniqlash va toʻlash tartibi toʻgʻrisida nizomga 4-ILOVA

Boshqa davlat aktivlari baholanganda xizmatlar qiymatini aniqlash boʻyicha _______ - son K A L K U L Ya S I Ya __________________ sh. “___” ________ 20__ y. baholash boʻyicha asos raqami va sanasi: ________________________________________ (soʻm) T/r Baholash obyekti Oʻlchov birligi Koef-t (K1, K2) Soni (S) Qiymat Nizomga asosan baholovchi tashkilot xizmatlarining qiymatini aniqlash sanasidagi Oʻzbekiston Respublikasida belgilangan bazaviy hisoblash miqdori (soʻm): 1. Inshootlar, uzatuvchi moslamalar, mashina va asbob-uskunlar 1 birlik 2 K3 x BHM x S 2. Transport vositalari 1 birlik 1,5 K3 x BHM x S 3. Instrumentlar, inventar, ishchi hayvon, koʻp yillik oʻsimliklar va boshqa asosiy fondlar 1 birlik 0,5 K3 x BHM x S 4. Summa - Koʻrsatkichlar 5. Kamaytiruvchi koeffitsiyent (Kk) = 4 satr x 0,05 6. Bazaviy hisoblash miqdori = 5 satr+BHM 7. Baholashda qoʻllanilgan yondashuv sonini hisobga oluvchi koeffitsiyent, (Kyo) = 6 satr x tegishli koeffitsiyent 8. Baholash obyekti joylashgan hududni hisobga oluvchi koeffitsiyent, (Kh) = 7 satr x tegishli koeffitsiyent 9. Baholash obyekti oldingi baholash sanasidan ikki kalendar yildan ortiq boʻlmagan muddatda takroran baholanganda = 8 satr x 0,5 10. QQSsiz xizmatlar qiymati 8 satr yoki 7 satr 11. QQS 12. Xizmatlar qiymati QQS bilan birgalikda =10 satr+11 satr M.Oʻ. Agentlik (hududiy boshqarmasi) rahbari ______________ Bosh hisobchi _____________ Baholovchi tashkilot rahbari ______________ Bosh hisobchi _____________