Faqat erkin almashtiriladigan valyutaga eksport qilish uchun ruxsat berilgan tovarlarning Oʻzbekiston Respublikasidan tashqariga jismoniy shaxslar tomonidan olib chiqishning cheklangan meʼyorlariga oʻzgartishlar va qoʻshimcha kiritish haqida (731-1-son)

08.11.2010

OʻZBEKISTON RESPUBLIKASI MOLIYA VAZIRLIGI OʻZBEKISTON RESPUBLIKASI DAVLAT BOJXONA QOʻMITASINING

Qarori

[Oʻzbekiston Respublikasi Adliya vazirligi tomonidan 2010-yil 8-noyabrda roʻyxatdan oʻtkazildi, roʻyxat raqami 731-1]

Oʻzbekiston Respublikasi “Davlat bojxona xizmati toʻgʻrisida”gi Qonunining (Oʻzbekiston Respublikasi Oliy Majlisining Axborotnomasi, 1997-y., 9-son, 230-modda) 6 va 7-moddalariga, Oʻzbekiston Respublikasi Prezidentining 2008-yil 27-martdagi PQ-823-son “Oʻzbekiston Respublikasining tashqi iqtisodiy faoliyatini yanada tartibga solish chora-tadbirlari toʻgʻrisida”gi qaroriga (Oʻzbekiston Respublikasi qonun hujjatlari toʻplami, 2008-yil, 14-15-son, 98-modda) va Oʻzbekiston Respublikasi Vazirlar Mahkamasining 2008-yil 7-maydagi 90-son “Oʻzbekiston Respublikasi Hukumatining ayrim qarorlariga oʻzgartirishlar kiritish, shuningdek baʼzilarini oʻz kuchini yoʻqotgan deb hisoblash toʻgʻrisida”gi qaroriga (Oʻzbekiston Respublikasi qonun hujjatlari toʻplami, 2008-yil, 19-son, 161-modda) muvofiq Oʻzbekiston Respublikasi Moliya vazirligi va Davlat bojxona qoʻmitasi qaror qiladi:

1. Oʻzbekiston Respublikasi Moliya vazirligida 1999-yil 3-mayda 04-02-08/402-sonli, Davlat bojxona qoʻmitasining 1999-yil 29-aprelda 05/19-348-sonli qarori bilan tasdiqlangan “Faqat erkin almashtiriladigan valyutaga eksport qilish uchun ruxsat berilgan tovarlarning Oʻzbekiston Respublikasidan tashqariga jismoniy shaxslar tomonidan olib chiqishning cheklangan meʼyorlari”ga (roʻyxat raqami 731, 1999-yil 18-may) (Oʻzbekiston Respublikasi vazirliklari, davlat qoʻmitalari va idoralarining meʼyoriy hujjatlari axborotnomasi, 1999-y., 7-son) ilovaga* muvofiq oʻzgartishlar va qoʻshimcha kiritilsin.

*Ilova rus tilidagi matnda berilgan.

2. Ushbu qaror Oʻzbekiston Respublikasi Adliya vazirligida davlat roʻyxatidan oʻtkazilgan kundan boshlab oʻn kun oʻtgandan keyin kuchga kiradi.

Moliya vaziri R. AZIMOV

Toshkent sh.,

2010-yil 28-oktabr,

91-son

Davlat bojxona qoʻmitasi raisi S. NOSIROV

Toshkent sh.,

2010-yil 28-oktabr,

01-02/19-18-son