Qimmatbaho metallar, barcha turdagi qimmatbaho toshlar va valyuta boyliklari saqlanishi taʼminlanmaganligi va ulardan oqilona foydalanilmaganligi uchun moddiy javobgarlik choralarini qoʻllash tartibi toʻgʻrisidagi yoʻriqnomani oʻz kuchini yoʻqotgan deb topish haqida (161-1-son)

13.10.2010

Oʻzbekiston Respublikasi Moliya vazirligi Oʻzbekiston Respublikasi Davlat soliq qoʻmitasining

Qarori

[Oʻzbekiston Respublikasi Adliya vazirligi tomonidan 2010-yil 13-oktabrda roʻyxatdan oʻtkazildi, roʻyxat raqami 161-1]

Oʻzbekiston Respublikasi “Davlat soliq xizmati toʻgʻrisida”gi Qonunining (Oʻzbekiston Respublikasi Oliy Majlisining Axborotnomasi, 1997-y., 9-son, 232-modda) 7-moddasiga muvofiq Oʻzbekiston Respublikasi Moliya vazirligi va Davlat soliq qoʻmitasi qaror qiladilar:

1.Oʻzbekiston Respublikasi Moliya vazirligi va Davlat soliq qoʻmitasi tomonidan 1995-yil 12-iyuldagi 55-son bilan tasdiqlangan Qimmatbaho metallar, barcha turdagi qimmatbaho toshlar va valyuta boyliklari saqlanishi taʼminlanmaganligi va ulardan oqilona foydalanilmaganligi uchun moddiy javobgarlik choralarini qoʻllash tartibi toʻgʻrisidagi yoʻriqnoma (roʻyxat raqami 161, 1995-yil 20-iyul) oʻz kuchini yoʻqotgan deb hisoblansin.

2. Mazkur qaror Oʻzbekiston Respublikasi Adliya vazirligida davlat roʻyxatidan oʻtkazilgan kundan boshlab oʻn kun oʻtgandan keyin kuchga kiradi.

Moliya vaziri R. AZIMOV

Toshkent sh.,

2010-yil 28-sentabr,

81-son

Davlat soliq qoʻmitasi raisi B. PARPIYEV

Toshkent sh.,

2010-yil 28-sentabr,

2010-33-son