“Oʻzbekiston Respublikasi davlat notarial idoralarida va xususiy amaliyot bilan shugʻullanuvchi notariuslar huzurida stajirovka oʻtash tartibi toʻgʻrisidagi nizomni tasdiqlash haqida”gi qarorga oʻzgartirishlar kiritish haqida (1638-1-son)

18.06.2010

OʻZBEKISTON RESPUBLIKASI ADLIYA VAZIRLIGI HAYʼATI MAJLISINING

Bayoni

[Oʻzbekiston Respublikasi Adliya vazirligi tomonidan 2010-yil 18-iyunda roʻyxatdan oʻtkazildi, roʻyxat raqami 1638-1]

[Koʻchirma]

1. Oʻzbekiston Respublikasi Adliya vazirligi Hayʼatining 2006-yil 8-noyabrdagi 29-son “Oʻzbekiston Respublikasi davlat notarial idoralarida va xususiy amaliyot bilan shugʻullanuvchi notariuslar huzurida stajirovka oʻtash tartibi toʻgʻrisidagi nizomni tasdiqlash haqida”gi qaroriga (roʻyxat raqami 1638, 2006-yil 8-noyabr) ilovaga muvofiq oʻzgartirishlar kiritilsin.

2. Mazkur qaror davlat roʻyxatidan oʻtkazilsin va Idoraviy meʼyoriy hujjatlarni davlat roʻyxatidan oʻtkazish boshqarmasi (B. Boliyev) Oʻzbekiston Respublikasi vazirliklari, davlat qoʻmitalari va idoralari normativ-huquqiy hujjatlarining davlat reyestriga tegishli yozuv kiritsin.

3. Qonun hujjatlarini turkumlash va huquqiy axborot boshqarmasi (S. Nuriyev) va Notariat, FHDY va advokatura boshqarmasi (D. Yakubova) ushbu normativ-huquqiy hujjatni oʻn kun muddat ichida barcha manfaatdor shaxslarga yetkazilishi va “Oʻzbekiston Respublikasi qonun hujjatlari toʻplami” — “Sobraniye zakonodatelstva Respubliki Uzbekistan”da nashr etilishini taʼminlasin.

4. Ushbu qaror davlat roʻyxatidan oʻtkazilgan kundan boshlab oʻn kundan keyin kuchga kiritilsin.

5. Mazkur qaror ijrosini nazorat qilish vazir oʻrinbosari E. Kanyazov zimmasiga yuklatilsin.

Hayʼat raisi, vazir R. MUHITDINOV

Toshkent sh.,

2010-yil 18-iyun,

15/10-son

Oʻzbekiston Respublikasi Adliya vazirligi Hayʼati majlisining 2010-yil 18-iyundagi 15/10-sonli bayoniga ILOVA

“Oʻzbekiston Respublikasi davlat notarial idoralarida va xususiy amaliyot bilan shugʻullanuvchi notariuslar huzurida stajirovka oʻtash tartibi toʻgʻrisidagi nizomni tasdiqlash haqida”gi qarorga kiritilayotgan oʻzgartirishlar

1. Qarorda:

a) nomidan, 1-banddan va 2-bandning ikkinchi xatboshisidan “va xususiy amaliyot bilan shugʻullanuvchi notariuslar huzurida” degan soʻzlar chiqarib tashlansin;

b) muqaddimadan va 3-bandning uchinchi xatboshisidan “va xususiy amaliyot bilan shugʻullanuvchi notariuslar” degan soʻzlar chiqarib tashlansin.

2. Nizomda:

a) nomidan “va xususiy amaliyot bilan shugʻullanuvchi notariuslar huzurida” degan soʻzlar chiqarib tashlansin;

b) muqaddimadan “va xususiy amaliyot bilan shugʻullanuvchi notariuslar (keyingi oʻrinlarda matnda xususiy notariuslar deb yuritiladi) huzurida” degan soʻzlar chiqarib tashlansin;

v) 1-banddan “va xususiy notarius huzurida” degan soʻzlar chiqarib tashlansin;

g) 2-band quyidagi tahrirda bayon qilinsin:

“2. Davlat notarial idoralarida stajorlar soni oʻrnatilgan tartibda Oʻzbekiston Respublikasi Adliya vazirligi tomonidan belgilanadi. Bunga ish hajmi, kelgusida qoʻshimcha notariuslarga boʻlgan talab va ishdan boʻshab yoki boshqa ishga oʻtib ketayotgan notariuslar soni asos qilib olinadi.

Davlat notarial idoralarida stajorlar zaxirasini Qoraqalpogʻiston Respublikasi Adliya vazirligi, viloyatlar va Toshkent shahar adliya boshqarmalari (keyingi oʻrinlarda matnda adliya boshqarmasi deb yuritiladi) tuzadi”;

d) 10-band chiqarib tashlansin;

e) 13-banddan “Xususiy notariusda stajorni ishga qabul qilish xususiy notarius buyrugʻi bilan rasmiylashtiriladi” degan soʻzlar chiqarib tashlansin;

j) 18-banddan “yoki xususiy notariusning” degan soʻzlar chiqarib tashlansin;

z) 19-band quyidagi tahrirda bayon qilinsin:

“19. Davlat notarial idoralarida stajorlar mehnatiga belgilangan tartibda adliya boshqarmasi tomonidan haq toʻlanadi”;

i) 21-banddagi “idoralari va xususiy notariuslarda” degan soʻzlar “idoralarida” degan soʻzlar bilan almashtirilsin.