Xalqaro shartnomani tasdiqlash toʻgʻrisida (194-son)

23.04.2003

Oʻzbekiston Respublikasi Vazirlar Mahkamasining

qarori

“Oʻzbekiston Respublikasining xalqaro shartnomalar toʻgʻrisida”gi Oʻzbekiston Respublikasi Qonunining 20-moddasiga muvofiq, Vazirlar Mahkamasi qaror qiladi:

1. Quyidagilar:

2003-yil 28-yanvarda Madrid shahrida imzolangan Oʻzbekiston Respublikasi bilan Ispaniya Qirolligi oʻrtasida investitsiyalarni ragʻbatlantirish va oʻzaro himoya qilish toʻgʻrisidagi Bitim;

Oʻzbekiston Respublikasi Hukumati bilan Shveysariya Federal Kengashi oʻrtasida 2002-yil 20-sentabrda Toshkent shahrida imzolangan Texnik va moliyaviy hamkorlik hamda insonparvarlik yordami toʻgʻrisidagi Bitim;

2002-yil 23-dekabrda Toshkent shahrida imzolangan Oʻzbekiston Respublikasi Hukumati bilan Niderlandiya Qirolligi Hukumati oʻrtasida xalqaro avtomobilda yuk tashish toʻgʻrisidagi Bitim;

Oʻzbekiston Respublikasi Hukumati bilan Slovakiya Respublikasi Hukumati oʻrtasida ikkiyoqlama soliq solinishiga yoʻl qoʻymaslik hamda daromad va mol-mulk soliqlarini toʻlashdan boʻyin tovlashning oldini olish toʻgʻrisida 2003-yil 6-martda Toshkent shahrida imzolangan Bitim.

2. Oʻzbekiston Respublikasi Bosh vazirining oʻrinbosarlari R.S. Azimov, E.M. Gʻaniyev, R.R. Yunusov, tashqi ishlar vaziri (S.S. Safoyev) Oʻzbekiston Respublikasining mazkur bitimlarda nazarda tutilgan majburiyatlari oʻz vaqtida bajarilishi ustidan nazoratni taʼminlasinlar.

Vazirlar Mahkamasining Raisi I. KARIMOV

Toshkent sh.,

2003-yil 23-aprel,

194-son