“Yubileyniy” pansionatini “Oʻzsanoatqurilishbank” aksionerlik-tijorat bankiga berish toʻgʻrisida (81-son)

14.02.2003

Oʻzbekiston Respublikasi Vazirlar Mahkamasining

qarori

Chet eldagi davlat mulki obyektlarini saqlab qolish va Qirgʻiziston Respublikasi hududida joylashgan Issiqkoʻl koʻlida respublika fuqarolarining dam olish sharoitlarini taʼminlash maqsadida Vazirlar Mahkamasi qaror qiladi:

1. “Toshqishloqmash” OAJ, “Oʻzsanoatqurilishbank” ATB va Oʻzbekiston Respublikasi Davlat mulki qoʻmitasining “Yubileyniy” pansionatini “Toshqishloqmash” OAJ balansidan “Oʻzsanoatqurilishbank” ATB balansiga belgilangan tartibda oʻtkazish toʻgʻrisidagi taklifiga rozilik berilsin.

2. Quyidagilar maʼlumot uchun qabul qilinsin:

“Oʻzsanoatqurilishbank” ATB “Yubileyniy” pansionatini balansiga rasmiylashtirish va pansionat joylashgan joyda yuzaga kelgan majburiy toʻlovlar boʻyicha qarzdorlikni toʻlash boʻyicha barcha xarajatlarni oʻz zimmasiga olinsin;

“Toshqishloqmash” OAJ “Oʻzsanoatqurilishbank” ATBga pansionatning inventar ishi, obyektlarning loyiha-smeta hujjatlari, debitorlik va kreditorlik qarzlarining tafsiloti hamda solishtirma dalolatnomalari bilan birga toʻliq buxgalteriya hujjatlarini topshirishini taʼminlansin.

3. Belgilansinki, “Yubileyniy” pansionatining oʻtkazilayotgan mol-mulki qiymati”Toshqishloqmash” OAJ va “Oʻzsanoatqurilishbank” ATBning qoʻshilgan qiymat soligʻi va daromad (foyda) soligʻini hisoblashda soliq solish obyekti hisoblanmaydi.

4. Mazkur qarorning bajarilishini ijrosini nazorat qilish Oʻzbekiston Respublikasi Bosh vazirining oʻrinbosari R.S. Azimov zimmasiga yuklatilsin.

Oʻzbekiston Respublikasi Bosh vaziri Oʻ. SULTONOV

Toshkent sh.,

2003-yil 14-fevral,

81-son